 |
ໃນພິທີ ທ່ານ ວຽງແກ້ວ ວັນນະຈັກ ຮອງຫົວໜ້າຫ້ອງວ່າການສະພາແຫ່ງຊາດ ໄດ້ຂຶ້ນຜ່ານມະຕິຂອງຄະນະປະຈຳສະພາແຫ່ງຊາດ ສະບັບເລກທີ 196/ຄອປ, ລົງວັນທີ 8 ກໍລະກົດ 2026 ວ່າດ້ວຍການແຕ່ງຕັ້ງກົງຈັກ ແລະ ແຕ່ງຕັ້ງຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 17 ແຂວງອັດຕະປື ຊື່ງປະກອບມີລາຍຊື່ດັ່ງລຸ່ມນີ້:
1. ທ່ານ ບຸນເຖິງ ດວງສະຫວັນ ເປັນ ປະທານ
2. ທ່ານ ພູວັນ ພົມມະຈັນ ເປັນ ຮອງປະທານ
3. ທ່ານ ພົ.ຈ.ວ ສຸລິໄຊ ພິຈິດ ເປັນ ຄະນະ
4. ທ່ານ ນາງ ອ່ອນໄສ ມຽງລາວັນ ເປັນ ຄະນະ
5. ທ່ານ ລິດຕາ ຂັດທິຍະ ເປັນ ຄະນະ
6. ທ່ານ ນາງ ແສງອາລຸນ ວົງສາທິການ ເປັນ ຄະນະ
7. ທ່ານ ພ.ອ ບຸນເລີດ ແກ້ວພຸດທະວົງ ເປັນ ຄະນະ
ຈາກນັ້ນ ໄດ້ມີການມອບ-ຮັບ ມະຕິຂໍ້ຕົກລົງດັ່ງກ່າວໃຫ້ແກ່ຄະນະປະຈຳສະພາແຫ່ງຊາດ ປະຈຳເຂດເລືອກຕັ້ງທີ 17 ແຂວງອັດຕະປື ຢ່າງສົມກຽດ.
 |
ໂອກາດດຽວກັນນີ້, ທ່ານ ນາງ ອໍາໄພວອນ ລ້ອມບຸນແພງ ໄດ້ໃຫ້ກຽດໂອ້ລົມ ແລະ ຊີ້ນຳຕໍ່ກອງປະຊຸມ, ຊຶ່ງທ່ານໄດ້ເນັ້ນໜັກໃຫ້ ຄະນະທີ່ໄດ້ຮັບການແຕ່ງຕັ້ງໃໝ່ ຈົ່ງສືບຕໍ່ເອົາໃຈໃສ່ປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ຕາມທີ່ໄດ້ກຳນົດໄວ້ໃນກົດໝາຍຢ່າງເຂັ້ມງວດ; ຍົກສູງຄວາມຮັບຜິດ ຊອບທາງການເມືອງ ໃນການເປັນຕົວແທນແຫ່ງສິດ ແລະ ຜົນປະໂຫຍດອັນຊອບທຳຂອງປະຊາຊົນບັນ ດາເຜົ່າ; ພ້ອມທັງເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ ແລະ ປະສານສົມທົບກັບອົງການປົກ ຄອງທ້ອງຖິ່ນ ເພື່ອຊຸກຍູ້ການພັດທະນາເສດຖະກິດ-ສັງຄົມ ຂອງແຂວງອັດຕະປື ໃຫ້ມີຄວາມກ້າວໜ້າ.
 |
(ຂ່າວ: ຫັດສະດີ ສຸດດາວົງ; ພາບ: ວີນັດ ສີສຸລາດ)
ຄໍາເຫັນ