ທະຫານແຂວງບໍ່ແກ້ວປະກາດການເລື່ອນຊັ້ນໃຫ້ນາຍທະຫານ

ກອງບັນຊາການທະຫານແຂວງບໍ່ແກ້ວ ປະກາດການເລື່ອນຊັ້ນ ທຽບຊັ້ນໃຫ້ນາຍທະຫານ ໄດ້ຈັດຂຶ້ນໃນວັນທີ 2 ເມສາ ຜ່ານມາ ຢູ່ທີ່ສູນບັນຊາການທະຫານແຂວງ, ໂດຍການເປັນປະທານຂອງສະຫາຍ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງບໍ່ແກ້ວ, ມີຄະນະພັກ-ຄະນະບັນຊາ 6 ຫ້ອງ, ນາຍທະຫານທີ່ໄດ້ຮັບການເລື່ອນຊັ້ນໃໝ່ ມາຈາກກອງບັນຊາການທະຫານເມືອງຫ້ວຍຊາຍ, ປາກທາ, ຜາອຸດົມ, ກອງຮ້ອຍ 14, 15, ກອງຮ້ອຍທະຫານຊາຍແດນ 123, 124, 125, 231, 310 ແລະ ກອງປະຕິບັດງານ 034 ເຂົ້າຮ່ວມ. 
ໃນພິທີ, ສະຫາຍ ພັນໂທ ວຽງສະຫວັນ ຄໍາມະນີຫຼ້າ ຫົວໜ້າພະແນກພະນັກງານກອງບັນຊາທະຫານແຂວງບໍ່ແກ້ວ ໄດ້ຜ່ານຂໍໍ້ຕົກລົງຂອງກະຊວງປ້ອງກັນປະເທດ ວ່າດ້ວຍ ການເລື່ອນຊັ້ນ ທຽບຊັ້ນໃຫ້ນາຍທະຫານ, ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ພາກທີ II ໝວດ 3 ມາດຕາ 22 ແລະ ມາດຕາ 23 ວ່າດ້ວຍການເລື່ອນຊັ້ນນາຍທະຫານ, ອີງຕາມການຄົ້ນຄວ້ານໍາສະເໜີຂອງກົມໃຫຍ່ການເມືອງກອງທັບ, ກະຊວງປ້ອງກັນປະເທດຕົກລົງເລື່ອນຊັ້ນ ພັນຕີ ຂຶ້ນພັນໂທ ຈໍານວນ 20 ສະຫາຍ ຍິງ 6 ສະຫາຍ, ຊັ້ນຮ້ອຍໂທຂຶ້ນຊັ້ນຮ້ອຍເອກ ຈຳນວນ 32 ສະຫາຍ ຍິງ 4 ສະຫາຍ, ຮ້ອຍຕີ ຂຶ້ນຊັ້ນຮ້ອຍໂທ ຈຳນວນ 42 ສະຫາຍ ຍິງ 8 ສະຫາຍ, ວາທີຂຶ້ນຮ້ອຍຕີ ຈຳນວນ 4 ສະຫາຍ ແລະ ປະດັບທຽບຊັ້ນຮ້ອຍໂທ ຈໍານວນ 15 ສະຫາຍ ຍິງ 4 ສະຫາຍ, ຊັ້ນຮ້ອຍຕີ 3 ສະຫາຍ. ເປັນກຽດປະດັບຊັ້ນໂດຍ ສະຫາຍ ພົນຈັດຕະວາ ບຸນມີ ພາມີໄຊ ຢ່າງສົມກຽດ. 
(ຂ່າວ: ວໍລະສິດ ພິດສະຫາຍ)