ຢູ່ທີ່ຫ້ອງປະຊຸມກອງພັນນ້ອຍ 415 ທະຫານແຂວງ, ໂດຍການເປັນປະທານຂອງສະຫາຍ ພັນເອກ ວິລະສິນ ມິດຕະພອນ ຮອງກອງບັນຊາການ ຫົວໜ້າຫ້ອງການເມືອງທະຫານແຂວງ, ມີຄະນະພັກ - ຄະນະບັນຊາອົງການ 6 ຫ້ອງ, ພະນັກງານຫຼັກແຫຼ່ງ ແລະ ພະນັກງານທີ່ເຮັດວຽກງານປ້ອງກັນພາຍໃນທົ່ວທະຫານແຂວງເຂົ້າຮ່ວມ.
ໂອກາດນີ້, ສະຫາຍ ພັນໂທ ສອນເພັດ ພັນທະວົງ ຄະນະພັກຮາກຖານ ຫົວໜ້າພະແນກປ້ອງກັນພາຍໃນ ຫ້ອງການເມືອງທະຫານແຂວງ ໄດ້ຂຶ້ນຜ່ານແຜນການອົບຮົມວ່າ: ເອກະສານທີ່ນໍາມາອົບຮົມໃນຄັ້ງນີ້ປະກອບມີ: ຂໍ້ກໍານົດຂອງກະຊວງປ້ອງກັນປະເທດ ວ່າດ້ວຍວຽກງານປ້ອງກັນພາຍໃນ ກອງທັບປະຊາຊົນລາວ, ເອກະສານວ່າດ້ວຍໜ້າທີ່ຄວາມຮັບຜິດຊອບຂອງຄະນະພັກ-ຄະນະບັນຊາ ຕໍ່ກັບວຽກງານປ້ອງກັນພາຍໃນ, ເອກະສານການກໍ່ສ້າງກອງປອດໃສ ປອດໄພ ປອດຄະດີ ໃນກອງທັບປະຊາຊົນລາວ, ເອກະສານວ່າດ້ວຍໜ້າທີ່ ນັກຮົບປ້ອງກັນ ຂັ້ນໝູ່ໃນກອງທັບປະຊາຊົນລາວ, ເອກະສານດ່ຽວກັບຕີລາຄາແບ່ງປະເພດຄຸນນະພາບການເມືອງພາຍໃນ, ເອກະສານວຽກງານກຳ ແລະ ຄຸ້ມຄອງສະພາບການເມືອງພາຍໃນ, ຄວາມຮູ້ກ່ຽວກັບການດໍາເນີນຄະດີອາຍາ, ບົດບັນທຶກເອົາຄໍາໃຫ້ການຜູ້ຖືກຫາ, ວິທີເຮັດບົດສະຫຼຸບຄະດີ ແລະ ບົດລາຍງານ.
ສະຫາຍ ພັນເອກ ວິລະສິນ ມິດຕະພອນ ໄດ້ກ່າວວ່າ: ການຈັດຕັ້ງຝຶກອົບຮົມວຽກງານປ້ອງກັນພາຍໃນຄັ້ງນີ້ ກໍເພື່ອແນໃສ່ເຮັດໃຫ້ພະນັກງານ-ນັກຮົບ ມີຄວາມຮູ້ ແລະ ເຊື່ອມຊືມກໍາແໜ້ນຢ່າງເລິກເຊິ່ງຕໍ່ກັບມະຕິ, ຄໍາສັ່ງ ແນວທາງແຜນນະໂຍບາຍຂອງພັກ, ບັນດາກົດໝາຍຂອງລັດ, ໜ້າທີ່ການເມືອງຂອງກອງທັບ ກໍຄືໜ້າທີ່ວຽກງານວິຊາສະເພາະຂອງຕົນໃຫ້ເລິກເຊິ່ງ, ພ້ອມທັງຮຽກຮ້ອງໃຫ້ນັກສໍາມະນາກອນ ສຸມສະຕິປັນຍາຄົ້ນຄ້ວາກໍາແໜ້ນເນື້ອໃນຈິດໃຈຂອງການຝຶກອົບຮົມ, ເພີ່ມຮັດແໜ້ນຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ, ປະຕິບັດລະບຽບວິໄນການຂຶ້ນຫ້ອງລົງຫ້ອງ ເພື່ອຮັກສາໄດ້ຄວາມເປັນລະບຽບຮຽບຮ້ອຍ ແລະ ສະງົບປອດໄພ.
(ຂ່າວ: ບຸນເພັງ ວົງແກ້ວມະນີ)
ຄໍາເຫັນ