ຖໍ້ານາງຟ້າວັງວຽງພັດທະນາເປັນເຂດສິ່ງແວດລ້ອມສີຂຽວ

ຖໍ້ານອນ ແລະ ຖໍ້ານາງຟ້າວັງວຽງພັດທະນາເປັນເຂດສິ່ງແວດລ້ອມສີຂຽວ

ຖໍ້ານອນ ແລະ ຖໍ້ານາງຟ້າວັງວຽງພັດທະນາເປັນເຂດສິ່ງແວດລ້ອມສີຂຽວ
ໂດຍ:ສຳນານ ພົມພັກດີ ແຫຼ່ງທ່ອງທ່ຽວ ຖໍ້ານອນ ແລະ ຖໍ້ານາງຟ້າ ວັງວຽງໄດ້ພັດທະນາເປັນເຂດສິ່ງແວດລ້ອມສີຂຽວເພື່ອໃຫ້ນັກທ່ອງທ່ຽວທີ່ເຂົ້າມາທ່ອງທ່ຽວໄດ້ເຫັນທຳມະຊາດສີຂຽວ

 

ແລະ ເຫັນຄວາມສວຍສົດງົດງາມຂອງທຳມະຊາດທີ່ເຕັມໄປດ້ວຍຊີວະນາໆພັນທີ່ອຸດົມດົມສົມບູນໄປດ້ວຍທຳມະຊາດ,ໃນຂະນະດຽວກັນຖໍ້ານອນ ແລະຖໍ້ານາງຟ້າເປັນຈຸດດຶງດູດນັກທ່ອງທ່ຽວຢາກໄປເຫັນຄວາມສວຍງາມຂອງຖໍ້າທີ່ທຳມະຊາດສ້າງຂຶ້ນມາແລະ ເປັນໜ້າງຶດງໍ້ອັດສະຈັນໂດຍບໍ່ແມ່ນມະນຸດສ້າງຂຶ້ນ.

ທ່ານ ບຸນພັນ ວົງສຳພັນ ປະທານບໍລິສັດ ທ່ອງທ່ຽວ ວັນເດີຟູນລາວ ຈຳກັດຜູ້ດຽວປະທານນັກທຸລະກິດໜຸ່ມເມືອງວັງວຽງແຂວງວຽງຈັນ ໄດ້ໃຫ້ສຳພາດຕໍ່ນັກຂ່າວເມື່ອບໍ່ດົນມານີ້ວ່າ:ບໍລິສັດທ່ອງທ່ຽວ ວັນເດີຟູນລາວ ຈຳກັດຜູ້ດຽວ ໄດ້ເລີ່ມເຂົ້າມາພັດທະນາສະຖານທ່ອງທ່ຽວ ຖໍ້ານອນ ແລະ ຖໍ້ານາງຟ້າ ວັງວຽງ ໃນປີ 2014ຊຶ່ງໃນເບື້ອງຕົ້ນໄດ້ເຮັດກິດຈະກຳ ຂີ່ສະລິງໃຫ້ແກ່ນັກທ່ອງທ່ຽວ,ຈາກນັ້ນໄດ້ມາຊື້ດິນນຳປະຊາຊົນຈຳນວນໜຶ່ງ(ປີ 2015-2016) ແລະ ໄດ້ມີການພັດທະນາເນື້ອທີ່ດິນດັ່ງກ່າວເພີ່ມອີກ,ມາໃນປີ 2018 ໄດ້ສ້າງເສັ້ນທາງ ແລະ ສ້າງຂົວຂ້າມນໍ້າຊອງໄປຫາຈຸດທ່ອງທ່ຽວ,ປີ 2018 ຂ້າພະເຈົ້າໄດ້ໄປຝຶກອົບຮົມເລື່ອງມໍລະດົກໂລກສິ່ງແວດລ້ອມ ຢູ່ປະເທດ ສ ເກົາຫຼີ,ໃນຂະນະທີ່ເຂົ້າຮ່ວມຝຶກອົບຮົມໄດ້ເຫັນຖໍ້າຈຳລອງ ຂ້າພະເຈົ້າໄດ້ເກີດມີແນວຄິດຢາກພັດທະນາກ່ຽວກັບເລື່ອງຖໍ້າ,ສະນັ້ນຈຶ່ງໄດ້ມາພັດທະນາແຫຼ່ງທ່ອງທ່ຽວ ຖໍ້ານອນ ແລະ ຖໍ້ານາງຟ້າວັງວຽງ ຊຶ່ງເຫັນວ່າໃນຈຸດນີ້ແມ່ນມີຄວາມເໝາະສົມ ໂດຍສະເພາະໃນຍາມກາງຄືນອາກາດຈະເຢັນດີ, ສຳລັບຖໍ້າ ນາງຟ້າ ຈະມີທາງເຂົ້າ ແລະ ມີທາງອອກຊຶ່ງທາງດ້ານໃນຂອງຖໍ້ານາງຟ້າຈະມີຈຸດພິເສດມີຮູບຫີນຍ້ອຍຜູ້ຍິງຄືກັບນາງຟ້າ, ຮູບຄ້າຍຄືກັບໂຕເຕົ່າ, ໂຕຊ້າງ,ໂຕໝູ,ຫີນຍ້ອຍທີ່ມີຄວາມສວຍງາມທີ່ທຳມະຊາດສ້າງຂຶ້ນມາ ເຫັນແລ້ວເປັນຕາງຶດງໍ້ອັດສະຈັນ ແລະ ຖໍ້າດັ່ງກ່າວຍັງເປັນບ່ອນສັກກາລະບູຊາ ແລະ ມາຂໍພອນຕ່າງໆຂອງມວນຊົນທີ່ມີຄວາມເຊື່ອຖືຕື່ມອີກ.

ທ່ານໃຫ້ຮູ້ຕື່ມວ່າ:ໃນປີ2014,ກິດຈະກຳໃນສະຖານທີ່ທ່ອງທ່ຽວແຫ່ງນີ້ ແມ່ນມີແຕ່ກິດຈະກຳຂີ່ສະລິງ,ໃນໄລຍະນັ້ນໂດຍສະເພາະໃນຍາມຝົນແມ່ນມີຄວາມຫຍຸ້ງຍາກລຳບາກໃຫ້ກັບນັກທ່ອງທ່ຽວໃນການຂ້າມນໍ້າ,ສະນັ້ນຈຶ່ງໄດ້ສ້າງຂົວ,ສ້າງຮ້ານອາຫານ ແລະ ໄດ້ພັດທະນາຖໍ້ານອນ ເພື່ອໃຫ້ນັກທ່ອງທ່ຽວ ສາມາດຂີ່ກົງເບັງເຂົ້າໄປດ້ານໃນຂອງຖໍ້າໄດ້ ແລະ ຍ່າງໄປມາໄດ້ຢ່າງສະດວກສະບາຍ, ໃນນັ້ນໄດ້ພັດທະນາຈຸດດັ່ງກ່າວ ອອກເປັນເຂດ ໂດຍສະເພາະທາງດ້ານຫຼັງຈະເປັນສະລອຍນໍ້າ ແລະ ໄດ້ພັດທະນາດ້ານສິ່ງແວດລ້ອມສີຂຽວທີ່ມີສະໂລແກນວ່າ:ຄົນຍຸກໃໝ່ໃຈໃສສິ່ງແວດລ້ອມ,ສິ່ງແວດລ້ອມຄືລົມຫາຍໃຈ,ເພື່ອແນໃສ່ໃຫ້ນັກທ່ອງທ່ຽວທີ່ເຂົ້າມາທ່ອງທ່ຽວໄດ້ເຫັນທຳມະຊາດສີຂຽວ ແລະ ເຫັນຄວາມສວຍສົດງົດງາມຂອງທຳມະຊາດທີ່ເຕັມໄປດ້ວຍຊີວະນາໆພັນທີ່ອຸດົມດົມສົມບູນ ແລະ ຫຼາກຫຼາຍ.ໃນນັ້ນການເປີດເພງກໍບໍ່ໃຫ້ມີສຽງດັງທີ່ຈະເປັນການລົບກວນນັກທ່ອງທ່ຽວ,ມີການບໍລິການນັກທອງທ່ຽວລ່ອງເຮືອກາຍັກ ແລະ ຂີ່ກົງເບັງ,ໃນນັ້ນນັກທ່ອງທ່ຽວສາມາດເອົາລົດມາຈອດໃນສະຖານທີ່ທ່ອງທ່ຽວ ແລະ ເຮັດກິດຈະກຳຕ່າງໆຕາມລໍາແມ່ນໍ້າຊອງໄດ້ແບບສະບາຍ.

ທ່ານໃຫ້ຮູ້ຕື່ມວ່າ:ຈາກການພັດທະນາເສັ້ນທາງ,ຕິດຕັ້ງໄຟໂຊລາເຊວຕາມເສັ້ນທາງແລະ ສ້າງຂົວສີຟ້າເຂົ້າມາຫາຈຸດທ່ອງທ່ຽວ,ສະນັ້ນຈຶ່ງເຮັດໃຫ້ຕອນກາງຄືນສາມາດໄປ-ມາໄດ້ຢ່າງສະດວກ,ສະບາຍ,ໃນນັ້ນໄດ້ໃຊ້ລະບົບເຕັກໂນໂລຊີເຂົ້າມານຳໃຊ້ໃນການສັ່ງອາຫານ ແລະ ການເຂົ້າ-ອອກຈຸດທ່ອງທ່ຽວກໍໄດ້ນໍາໃຊ້ລະບົບບາໂຄດທຸກໆຈຸດ ເພື່ອໃຫ້ມີຄວາມສະດວກສະບາຍ ແລະ ມີຄວາມຍຸຕິທຳໃຫ້ແກ່ກັບນັກທ່ອງທ່ຽວ, ນັກທ່ອງທ່ຽວທີ່ໃຫ້ຄວາມສົນໃຈເຂົ້າມາທ່ອງທ່ຽວໃນປັດຈຸບັນແມ່ນມາຈາກ ສ ເກົາຫຼີ,ໄທ,ເອີຣົບ ແລະ ນັກທ່ອງທ່ຽວພາຍໃນປະເທດ,ສ່ວນອາຫານແມ່ນມີ ອາຫານລາວ,ໄທ ແລະ ເອີຣົບ,ມີພໍ່ຄົວທີ່ໄດ້ຜ່ານການຝຶກອົບຮົມໃນລະດັບໂຮງແຮມ 5 ດາວ,ໃນຂະນະດຽວກັນຮ້ານອາຫານສາມາດຮອງຮັບແຂກໄດ້ປະມານ 1,000 ຄົນ,ໃນວັນເສົາ ແລະ ອາທິດຍັງໄດ້ຮັບເອົານັກສຶກສາມາເຮັດວຽກເພີ່ມນຳເພື່ຶອສົ່ງເສີມໃຫ້ແກ່ເຂົາເຈົ້າໄດ້ມີລາຍຮັບພ້ອມທັງສິດສອນໃຫ້ຄວາມຮູ້ໄປນຳເພື່ອອເວລາຮຽນຈົບແມ່ນສາມາດມາເຮັດວຽກກັບພວກເຮົາໄດ້,ໃນຕໍ່ໜ້າຍັງມີແຜນຈະພັດທະນາສ້າງຫ້ອງປະຊຸມ,ບັງກະໂລ, ຣີສອດ ແລະ ອື່ນໆເພື່ອສ້າງຄວາມສະດວກສະບາຍທຸກຢ່າງໃຫ້ກັບແຂກພາຍໃນ ແລະ ຕ່າງປະເທດ ທີ່ຈະເຂົ້າມາທ່ອງທ່ຽວ ແລະ ພັກເຊົາຢູ່ສະຖານທີ່ທ່ອງທ່ຽວແຫ່ງນີ້ໄດ້ຢ່າງສະດວກສະບາຍ.

ຄໍາເຫັນ

ຂ່າວວັດທະນະທຳ-ສັງຄົມ

ຊີ້ແຈງ ຫາງສຽງຂອງສັງຄົມ! ກໍລະນີໃສ່ຮ້າຍເຈົ້າໜ້າພາສີປັບໃໝ 30 ລ້ານກີບ

ຊີ້ແຈງ ຫາງສຽງຂອງສັງຄົມ! ກໍລະນີໃສ່ຮ້າຍເຈົ້າໜ້າພາສີປັບໃໝ 30 ລ້ານກີບ

ຈາກກະແສຂ່າວທີ່ລົງໃນສື່ອອນລາຍໃນປັດຈຸບັນກໍລະນີ: ໃສ່ຮ້າຍເຈົ້າໜ້າທີພາສີປັບໃໝ 30 ລ້ານກີບ. ເຫດການດັ່ງກ່າວ, ເປັນການໃສ່ຮ້າຍປ້າຍສີຕໍ່ເຈົ້າໜ້າທີ່ພາສີ, ເຫັນວ່າຜູ້ກ່ຽວໄດ້ໂຄສະນາບິດເບືອນບໍ່ຖືກຕ້ອງຕາມຄວາມເປັນຈິງຊຶ່ງຂັດຕໍ່ກົດໝາຍ ແລະ ລະບຽບການ. ຕໍ່ກັບບັນຫາທີ່ເກີດຂຶ້ນ, ກະຊວງການເງິນ ກໍຄືກົມພາສີ, ພາສີປະຈໍາແຂວງຈໍາປາສັກ, ດ່ານພາສີສາກົນວັງເຕົ່າ ແລະ ທ່າບົກວັງເຕົ່າ ໄດ້ສັງລວມລາຍງານບັນຫາທີ່ເກີດຂຶ້ນໃຫ້ມີຄວາມກະຈ່າງແຈ້ງຕໍ່ສັງຄົມ. ເຫດການດັ່ງກ່າວໄດ້ເກີດຂຶ້ນໃນວັນທີ 12 ກໍລະກົດ 2025, ເຈົ້າໜ້າທີ່ພາສີໄດ້ຮັບແຈ້ງເອກະສານພາຫະນະປະເພດລົດກະບະ, ຍີ່ຫໍ້ໂຕໂຢຕ້າ, ລຸ້ນຣີໂວ, ສີຂາວ ໝາຍເລກທະບຽນ ກຄ 8849 ຈໍາປາສັກ.
ກອງປະຊຸມໃຫຍ່ສະຫະພັນກໍາມະບານ ກະຊວງ ວທ ຄັ້ງທີ IX

ກອງປະຊຸມໃຫຍ່ສະຫະພັນກໍາມະບານ ກະຊວງ ວທ ຄັ້ງທີ IX

ກອງປະຊຸມໃຫຍ່ຜູ້ແທນສະຫະພັນກໍາມະບານ ກະຊວງວັດທະນະທໍາ ແລະ ທ່ອງທ່ຽວ (ວທ) ຄັ້ງທີ IX ໄດ້ຈັດຂຶ້ນໃນວັນທີ 22 ກໍລະກົດ ນີ້ ທີ່ຫໍວັດທະນະທໍາແຫ່ງຊາດ ໂດຍເປັນກຽດເຂົ້າຮ່ວມຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງວັດທະນະທໍາ ແລະ ການທ່ອງທ່ຽວ, ທ່ານ ນາງ ອາລິຍາວັນ ອັກຄະວົງ ຮອງປະທານສູນກາງສະຫະພັນກໍາມະບານລາວ ມີຄະນະປະຈຳພັກກະຊວງ ວທ ມີ ອະດີດການນຳຂັ້ນສູງ, ພະນັກງານອາວຸໂສບຳນານ; ມີຄະນະກໍາມະບານຮາກຖານ ບັນດາສະມາຊິກກໍາມະບານ ພ້ອມດ້ວຍພະນັກງານ-ລັດຖະກອນ ອ້ອມຂ້າງກະຊວງ ວທ ເຂົ້າຮ່ວມ.
ຫົວໜ້າ ຄອສພ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈຳປາສັກ

ຫົວໜ້າ ຄອສພ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈຳປາສັກ

ທ່ານ ຄຳພັັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາ ອົບຮົມສູນກາງພັກ ປະທານສະພາທິດສະດີສູນກາງພັກ ພ້ອມຄະນະໄດ້ເຄື່ອນໄຫວຢ້ຽມ ຢາມເຮັດວຽກ ແລະ ຊຸກຍູ້ການກະກຽມປັບປຸງກົງຈັກການຈັດຕັ້ງຢູ່ແຂວງຈຳປາສັກ ໃນ ວັນທີ 22 ກໍລະກົດນີ້ ໂດຍໃຫ້ການຕ້ອນຮັບ ຂອງ ທ່ານ ອາລຸນໄຊ ສູນນະລາດ ເລຂາພັກແຂວງ ເຈົ້າແຂວງຈຳປາສັກ ແລະ ໄດ້ພົບປະເຮັດວຽກ ນຳຄະປະຈຳພັກ, ຄະນະປັບປຸງກົງຈັກການຈັດຕັ້ງແຂວງ ແລະ ໂຄສະນາອົບຮົມແຂວງ ທີ່ຫ້ອງວ່າການ ແຂວງຈຳປາສັກ
ເມືອງວຽງຄໍາ ຍ່າງເພື່ອສຸຂະພາບ ຂໍານັບຮັບຕ້ອນວັນສໍາຄັນ ຂອງພັກ-ຂອງຊາດ

ເມືອງວຽງຄໍາ ຍ່າງເພື່ອສຸຂະພາບ ຂໍານັບຮັບຕ້ອນວັນສໍາຄັນ ຂອງພັກ-ຂອງຊາດ

ໃນຕອນເຊົ້າຂອງວັນທີ 21 ກໍລະກົດນີ້, ອົງການປົກຄອງເມືອງວຽງຄໍາ ແຂວງຫຼວງພະບາງ ໄດ້ຈັດກິດຈະກໍາຍ່າງເພຶ່ອສຸຂະພາບ ສະເຫຼີມສະຫຼອງ ແລະ ຊົມເຊີຍວັນກິລາ-ກາຍະກໍາແຫ່ງຊາດ (ວັນທີ່ 13 ກໍລະກົດ) ຄົບຮອບ 59 ປີ, ວັນສ້າງຕັ້ງສະຫະພັນແມ່ຍິງລາວ (ວັນທີ່ 20 ກໍລະກົດ 1955-20 ກໍລະກົດ 2025) ຄົບຮອບ 70 ປີ.
ເມືອງບາຈຽງຈະເລີນສຸກ ທຳລາຍແຫ່ງເພາະພັນໝອນນ້ຳຍຸງລາຍ

ເມືອງບາຈຽງຈະເລີນສຸກ ທຳລາຍແຫ່ງເພາະພັນໝອນນ້ຳຍຸງລາຍ

ເມື່ອບໍ່ດົນມານີ້, ຫ້ອງການສາທາລະນະສຸກເມືອງບາຈຽງຈະເລີນສຸກ ແຂວງຈຳປາສັກ ສ້າງຂະບວນການທຳລາຍແຫ່ງເພາະພັນໝອນນ້ຳຍຸງລາຍຕິດພັນກັບການສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ ຢູ່ທີ່ບ້ານໜອງກອກກຸ່ມ II ຂອງເມືອງ.
ຜົນເສຍຫາຍຈາກໄພນໍ້າຖ້ວມຢູ່ເມືອງເງິນ ມູນຄ່າ 16 ຕື້ກວ່າກີບ

ຜົນເສຍຫາຍຈາກໄພນໍ້າຖ້ວມຢູ່ເມືອງເງິນ ມູນຄ່າ 16 ຕື້ກວ່າກີບ

ໃນລະຫວ່າງວັນທີ່ 18 - 20 ກໍລະກົດຜ່ານມານີ້, ຄະນະກໍາມະການຄຸ້ມຄອງໄພພິບັດຂັ້ນແຂວງໄຊຍະບູລີ ນຳໂດຍ ທ່ານ ຈັດ ຊະນະເລີດ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ໄດ້ປະສານ ສົມທົບກັບ ຄະນະກໍາມະການຄຸ້ມຄອງໄພພິບັດຂັ້ນເມືອງ (ເມືອງເງິນ) ໄດ້ລົງຕິດຕາມຜົນກະທົບເສຍຫາຍຈາກໄພນໍ້າຖ້ວມຢູ່ເມືອງເງິນ ແຂວງໄຊຍະບູລີ. ຕາງໜ້າຄະນະກໍາມະການຄຸ້ມຄອງໄພພິບັດຂັ້ນເມືອງ ກໍໄດ້ລາຍງານສະພາບຜົນເສຍຫາຍຈາກໄພນໍ້າຖ້ວມ, ຊຶ່ງເລີ່ມແຕ່ຄໍ່າຄືນ ຂອງວັນທີ 16 ກໍລະກົດ 2025 ໄດ້ເກີດມີຝົນຕົກໜັກໃນຂອບເຂດບໍລິເວນພື້ນທີ່ທົ່ວເມືອງເງິນ ຊຶ່ງໄດ້ກໍໃຫ້ເກີດນ້ຳຖ້ວມຊຸບ້ານເຮືອນ, ໄຮ່ນາ, ຮົ້ວສວນ, ດິນເຊາະເຈື່ອນ ສົ່ງຜົນກະທົບຕໍ່ຊັບສິນຂອງພໍ່ແມ່ປະຊາຊົນຊາວເມືອງເງິນ ໂດຍສະເພາະ ແມ່ນບ້ານໂຮມໄຊ, ບ້ານປາກແຄນ ແລະ ບ້ານທອງ.
ກອງປະຊຸມໃຫຍ່ ຄັ້ງທີ XI ອົງຄະນະພັກແຂວງເຊກອງ ຄາດວ່າຈະເປີດໃນທ້າຍເດືອນສິງຫານີ້

ກອງປະຊຸມໃຫຍ່ ຄັ້ງທີ XI ອົງຄະນະພັກແຂວງເຊກອງ ຄາດວ່າຈະເປີດໃນທ້າຍເດືອນສິງຫານີ້

ກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງເຊກອງ ຄາດວ່າຈະເປີດຂຶ້ນຢ່າງເປັນທາງ ການໃນທ້າຍເດືອນສິງຫາທີ່ຈະມາເຖິງນີ້, ໃນຂະນະດຽວກັນ ກອງປະຊຸມຈະມີການປະກອບຄໍາເຫັນ 10 ຫົວຂໍ້ຂອງບັນດາສຳນັກງານ, ອົງການ, ຂົງເຂດປ້ອງກັນຊາດ, ປ້ອງກັນຄວາມສະຫງົບ, ຂົງເຂດເສດຖະ ກິດ, ວັດທະນາທໍາ-ສັງຄົມ, ຂົງເຂດອໍານາດລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ຕົວ ແບບມາ ຈາກ 4 ເມືອງຂອງແຂວງເຊກອງ.
ທ່ານ ລມຕ ກະຊວງ ຍທຂ ລົງຕິດຕາມສະພາບເສັ້ນທາງຫຼວງແຫ່ງຊາດ ເລກທີ 13 ໃຕ້

ທ່ານ ລມຕ ກະຊວງ ຍທຂ ລົງຕິດຕາມສະພາບເສັ້ນທາງຫຼວງແຫ່ງຊາດ ເລກທີ 13 ໃຕ້

ໃນວັນທີ 21 ກໍລະກົດ ນີ້, ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ ພ້ອມດ້ວຍ ທ່ານ ລິດຕາ ຂັດທິຍະ ຮອງລັດຖະມົນຕີ ຜູ້ຊີ້ນໍາວຽກງານຂົວທາງ, ບໍລິສັດຮ່ວມທຶນ ລັດວິສາຫະກິດກໍ່ສ້າງທາງເລກ 8 ແລະ ບໍລິສັດ ສົມໄຊ ຈະເລີນການກໍ່ສ້າງ ແລະ ສ້ອມແປງຂົວທາງຈຳກັດຜູ້ດຽວ ໃນນາມຜູ້ຮັບເໝົາກໍ່ສ້າງ ແລະ ພາກສ່ວນທີ່ກ່ຽວຂ້ອງ ໄດ້ລົງຕິດຕາມສະພາບເສັ້ນທາງຫຼວງແຫ່ງຊາດ ເລກທີ 13 ໃຕ້ ໄລຍະແຕ່ບ້ານໂຄກສີວິໄລ ເມືອງໄຊທານີ ນະຄອນຫຼວງວຽງຈັນ ຫາ ບ້ານໄຊສະຫວ່າງ ເມືອງທ່າພະບາດ ແຂວງບໍລິຄໍາໄຊ (ກິໂລແມັດ 21 ຫາ ກິໂລແມັດ 71), ໄລຍະທາງທັງໝົດ 50 ກິໂລແມັດ ພາຍຫຼັງເຊັນສັນຍາຮັບເໝົາກໍ່ສ້າງ ໃນວັນທີ 12 ມິຖຸນາ 2025 ຜ່ານມາ.
ຫົວໜ້າ ຄອສພ ລົງຊຸກຍູ້ການປັບປຸງກົງຈັກການຈັດຕັ້ງຢູ່ແຂວງເຊກອງ

ຫົວໜ້າ ຄອສພ ລົງຊຸກຍູ້ການປັບປຸງກົງຈັກການຈັດຕັ້ງຢູ່ແຂວງເຊກອງ

ໃນວັນທີ 21 ກໍລະກົດນີ້, ທ່ານ ຄຳພັັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ, ພ້ອມດ້ວຍຄະນະໄດ້ ເຄື່ອນໄຫວຢ້ຽມຢາມເຮັດວຽກ ແລະ ລົງຊຸກຍູ້ການປັບປຸງກົງຈັກການຈັດຕັ້ງຢູ່ແຂວງເຊກອງ, ໂດຍ ໃຫ້ການຕ້ອນຮັບ ຂອງ ທ່ານ ບຸນຫຼາຍ ບຸດທິ ຮັກສາການແທນເລຂາພັກແຂວງ ຮັກສາການ ແທນເຈົ້າແຂວງເຊກອງ ແລະ ພົບປະເຮັດວຽກນຳຄະນະປັບປຸງກົງຈັກການຈັດຕັ້ງແຂວງ, ຫົວໜ້າ ຫ້ອງວ່າການແຂວງ ແລະ ຄະນະໂຄສະນາອົບຮົມແຂວງ ທີ່ຫ້ອງວ່າການປົກຄອງແຂວງເຊກອງ.
ຫຼາຍພາກສ່ວນມອບເງິນຊຸກຍູ້ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ

ຫຼາຍພາກສ່ວນມອບເງິນຊຸກຍູ້ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ

ວັນທີ 21 ກໍລະກົດນີ້ ຢູ່ຫ້ອງວ່າການແຂວງຫຼວງພະບາງ, ທ່ານ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ພ້ອມຄະນະ ໄດ້ຕ້ອນຮັບການມອບເງິນ ເພື່ອຊຸກຍູ້ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງຫຼວງພະບາງ. ໃນນີ້, ມີບໍລິສັດ ໄທຊ່ານ ມາຍນີ່ງ ຈໍາກັດ (TAISHAN MINING LTD) ຂຸດຄົ້ນແຮ່ທາດອັງຕີ່ມອນ ຢູ່ເມືອງໂພນທອງ ແລະ ເມືອງວຽງຄໍາ ມອບ 100 ລ້ານກີບ, ບໍລິສັດລາວ ເທບຈະເລີນ ປະກັນໄພ ຈໍາກັດ ມອບ 50 ລ້ານກີບ, ບໍລິສັດເອເຊຍ ຊັກຊິສ ໂຮນດິງ ບໍ່ແຮ່ ຫຼວງພະບາງ ຈໍາກັດຜູ້ດຽວ ມອບ 50 ລ້ານກີບ ແລະ ບໍລິສັດພັນທະມິດກໍ່ສ້າງ- ສ້ອມແປງຂົວທາງ ແຂວງຫຼວງພະບາງ ມອບ 200 ລ້ານກີບ. ລວມເງິນທີ່ມອບໃນຄັ້ງນີ້ ມີ 400 ລ້ານກີບ.
ເພີ່ມເຕີມ