ທ່ານ ບົວຄົງ ນາມມະວົງ ໂອ້ລົມພະນັກງານການນຳ ແຂວງວຽງຈັນ.

ບົວຄົງ ນາມມະວົງ ໄດ້ເນັ້ນບາງບັນຫາເພື່ອສືບຕໍ່ປະຕິບັດໜ້າທີ່ວຽກງານໃນຕໍ່ໜ້າ ເປັນຕົ້ນແມ່ນໃຫ້ສືບຕໍ່ສຶກສາອົບຮົມວຽກງານການເມືອງ-ແນວຄິດ ຢ່າງຕໍ່ເນື່ອງ ໃຫ້ພະນັກງານ-ລັດຖະກອນ ກຳແໜ້ນແນວທາງ, ນະໂຍບາຍ, ກົດໝາຍ, ລະບຽບການ ຢ່າງເລິກຊຶ່ງ, ເຊື່ອມຊຶມພາລະບົດບາດ ແລະ ໜ້າທີ່ ຂອງຫ້ອງວ່າການແຂວງ ພ້ອມກັບບັນດານິຕິກຳກ່ຽວຂ້ອງຕ່າງໆ, ກຳແໜ້ນແນວຄິດພະນັກງານ-ລັດຖະກອນ, ເອົາໃຈໃສ່ປະຕິບັດໜ້າທີ່ວິຊາສະເພາະຕາມພາລະບົດບາດ, ສິດ, ໜ້າທີ່ ຂອງຕົນ, ຍຶດໝັ້ນໃນຫຼັກການ, ມີຄວາມຊື່ສັດສຸດຈະລິດ, ກ້າອອກຄວາມຄິດເຫັນ, ຈຳແນກໃຫ້ອອກວຽກໃດເປັນວຽກພັກ, ອັນໃດເປັນວຽກລັດ, ເອົາໃຈໃສ່ປະຕິບັດແບບແຜນນຳພາ-ວິທີເຮັດວຽກ ເປັນຕົ້ນແມ່ນການນຳພາຕາມ ມະຕິ, ຄຳສັ່ງ, ລະບຽບກົດໝາຍ, ການນຳພາແບ່ງຄວາມຮັບຜິດຊອບໃຫ້ແຕ່ລະສະຫາຍເພື່ອນຳພາ-ຊີ້ນຳ ຕາມແຕ່ລະໜ້າວຽກ, ການນຳພາດ້ວຍຄວາມເປັນແບບຢ່າງ; ປະຕິບັດຕາມຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ, ແບ່ງງານ, ແບ່ງຄວາມຮັບຜິດຊອບໃຫ້ຈະແຈ້ງ, ເຮັດວຽກໃຫ້ມີແຜນການ, ແຜນງານ, ໂຄງການ ແລະ ກິດຈະກຳ, ມີການນຳພາຈັດຕັ້ງປະຕິບັດຕົວຈິງ, ຕິດຕາມ, ກວດກາ, ເຮັດວຽກຕິດແທດກັບຕົວຈິງ, ຕ້ອງມີກົນໄກປະສານງານຈະແຈ້ງ, ເວົ້າສັ້ນກະທັດຮັດ, ຖືກປະເດັນ, ຂັ້ນຕອນການແກ້ໄຂເອກະສານ ແລະ ພິທີການໃຫ້ສັ້ນເຂົ້າ; ເພີ່ມທະວີຄວາມຮັບຜິດຊອບຕໍ່ການປະຕິບັດວຽກງານ, ຮັບປະກັນຄຸນນະພາບ, ປະສິດທິພາບ, ປະສິດທິຜົນຂອງວຽກງານ ແລະ ຈັດຕັ້ງປະຕິບັດໃຫ້ຖືກຕາມແນວທາງ, ນະໂຍບາຍ, ກົດໝາຍ ແລະ ລະບຽບການ ທີ່ກຳນົດໄວ້; ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ; ກຳນົດພະນັກງານນຳພາ, ຄຸ້ມຄອງ, ການກໍ່ສ້າງບຳລຸງ, ການບັນຈຸຊັບຊ້ອນຕ່າງໆ ໃຫ້ເໝາະສົມ, ສືບຕໍ່ເຕົ້າໂຮມຄວາມສາມັກຄີພາຍໃນ ເປັນປຶກແຜ່ນ ມີຄວາມເປັນເອກະພາບ ຊ່ວຍເຫຼືອເຊິ່ງກັນ ແລະ ກັນ.

 (ແຫຼ່ງຂ່າວ: ແຂວງວຽງຈັນ)