 |
ການລົງຕິດຕາມສະພາບນໍ້າຖ້ວມຢູ່ເມືອງຊົນນະບູລີ ແລະ ເມືອງຈຳພອນ ໃນຄັ້ງນີ້, ທ່ານເຈົ້າແຂວງໄດ້ລົງເບິ່ງສະພາບນໍ້າຖ້ວມທົ່ງນາແຄມຝັ່ງເຊບ້ານກອງປະທຸມວັນ ຊຶ່ງກວມເນື້ອທີ່ຫຼາຍສິບເຮັກຕາ. ໃນໂອກາດນີ້, ທ່ານເຈົ້າແຂວງ ຈະໃຫ້ການຊ່ວຍເຫຼືອທົດແທນແນວພັນເຂົ້າປູກໃຫ້ປະຊາຊົນ ຜູ້ທີ່ໄດ້ຮັບຜົນກະທົບນໍ້າຖ້ວມນາ. ຈາກນັ້ນ, ທ່ານເຈົ້າແຂວງກໍໄດ້ຮັບຟັງການລາຍງານ ຈາກທ່ານ ສຸກສາຄອນ ໂພທິລາດ ກຳມະການພັກແຂວງ ເລຂາພັກເມືອງຊົນນະບຸລີ ຊຶ່ງທ່ານໃຫ້ຮູ້ສະພາບຜົນກະທົບນ້ຳຖ້ວມ ໃນຊ່ວງວັນທີ 30 ກັນຍາ 2025 ມີເນື້ອທີ່ນາປີ ທີ່ຖືກຜົນກະທົບໃນຄັ້ງນີ້ ມີຈໍານວນ 18 ບ້ານ ມີເນື້ອທີ 3,165 ເຮັກຕາ, ຄອບຄົວໄດ້ຮັບຜົນກະທົບ 2,608 ຄອບຄົວ. ດ້ານສັດລ້ຽງ: ປະພດ ງົວ, ຄວາຍ, ແບ້ ຂອງປະຊາຊົນແມ່ນໄດ້ເຄື່ອນໄປໄວ້ບ່ອນທີ່ສູງ ແລະ ປອດໄພ. ມີຊົນລະປະທານຖືກນໍ້າຖ້ວມ 7 ແຫ່ງ, ປະຕູນໍ້າຫ້ວຍປະຢອງ I, ຫ້ວຍປະຢອງ II ບ້ານດອນຍາໂນງ. ຫ້ວຍປະເຄາະ, ອ່າງໜອງສິມບ້ານຕຸ່ມແຍ. ຄອງເໝືອງດົງບູນ, ຊຽງຮົ່ມ 2, ໂຮງຮຽນປະຖົມ 1 ແຫ່ງ ບ້ານກອງປະທຸມວັນ. ສະພາບເສັ້ນທາງ, ຂົວ ຖືກກະທົບ, ເສັ້ນທາງໂຄກຫົວຊ້າງ ຫາ ບ້ານທ່າຄໍາເຫຼື້ອມ ຖືກນໍ້າໄຫຼລັດທາງປະມານ 1 ກິໂລແມັດ ລະດັບນໍ້າສູງບາງຈຸດ 1 ແມັດ ບໍ່ສາມາດສັນຈອນໄດ້.
 |
ເສັ້ນທາງເຂົ້າບ້ານດົງບູນ (ແຕ່ທາງແວ່ບ້ານນາໜອງຜຳ ຫາ ບ້ານດົງບູນ 3 ກິໂລແມັດ) ລະດັບນ້ຳສູງບາງຈຸດ 2 ແມັດ ບໍ່ສາມາດສັນຈອນໄດ້. ເສັ້ນທາງແຕ່ດົງຫວາຍ ຫາ ໜອງຜື ຖືກນໍ້າໄຫຼລັດທາງ ປະມານ 1.2 ກິໂລແມັດ ລະດັບນ້ຳສູງບາງຈຸດ 1 ແມັດ ບໍ່ສາມາດສັນຈອນໄດ້. ເສັ້ນທາງບ້ານທ່າຄຳເຫຼື້ອມ ຫາ ບ້ານດອນຍາໂນງ ຖືກນໍ້າໄຫຼລັດທາງ ປະມານ 3 ກິໂລແມັດ ລະດັບນໍ້າສູງບາງຈຸດ 1.5 ແມັດ ບໍ່ສາມາດສັນຈອນໄດ້. ເສັ້ນທາງບ້ານໜອງສອງຫ້ອງ ຫາ ບ້ານເມືອງໂຮງ ນໍ້າຖ້ວມເສັ້ນທາງ 3.5 ກິໂລແມັດ ລະດັບນໍ້າສູງບາງຈຸດ 3.5 ແມັດ ບໍ່ສາມາດສັນຈອນໄດ້. ເສັ້ນທາງບ້ານລໍາທວຍ ຫາ ບ້ານນາຈານໃຫຍ່ ນໍ້າຖ້ວມເສັ້ນທາງ 1 ກິໂລແມັດ ລະດັບນໍ້າສູງບາງຈຸດ 2 ແມັດ. ຂົວຖືກນໍ້າຖ້ວມ 3 ແຫ່ງ (ຂົວໄມ້ຫ້ວຍນໍ້າດິງບ້ານໂຄກຫົວຊ້າງ, ຂົວໄມ້ຫ້ວຍປະເຄາະບ້ານດອນຍາໂນງ, ຂົວໄມ້ຫ້ວຍລະແກງ ເມືອງໂຮງ). ພ້ອມນັ້ນ, ທ່ານເລຂາພັກເມືອງຊົນນະບຸລີ ຍັງໄດ້ສະເໜີຄວາມຕ້ອງການໃນໄລຍະເບື້ອງຕົ້ນຄື: ນໍ້າດື່ມ, ອາຫານແຫ້ງ (ປະເພດໝີ່ ແລະ ປາກະປ໋ອງ ແລະ ອື່ນໆ). ງົບປະມານ ເພື່ອລົງຕິດຕາມ ແລະ ຊ່ວຍເຫຼືອປະຊາຊົນໃນເຂດທີ່ໄດ້ຮັບຜົນກະທົບ ໃນເບື້ອງຕົ້ນ 50 ລ້ານກີບ. ຈາກນັ້ນ, ທ່ານເຈົ້າແຂວງ ພ້ອມຄະນະ ກໍໄດ້ໂອ້ລົມກັບຄະນະນ້ຳຂອງເມືອງຊົນນະບູລີ ໃນການແກ້ໄຂບັນຫາຕ່າງໆຢູ່ຈຸດສຸມຄຳປ່າແໜ ແລະ ບັນຫາຕ່າງໆພາຍໃນເມືອງຊົນນະບູລີ.
 |
ພອນ ເຂດບ້ານແກ້ງກອກກາງ ເມືອງຈຳພອນອີກດ້ວຍ ໂດຍມີທ່ານ ບຸນຊູ ທຸ່ນຊົມພູ ກຳມະການພັກແຂວງ ເລຂາພັກເມືອງ ຮ່ວມເຮັດວຽກນຳດ້ວຍ. ໃນໂອກາດລົງເຄື່ອນໄຫວຕິດຕາມສະພາບນໍ້າຖ້ວມຢູ່ເມືອງຊົນນະບູລີ ແລະເມືອງຈຳພອນໃນຄັ້ງນີ້, ທ່ານ ເຈົ້າແຂວງກໍ່ໄດ້ມອບເຄື່ອງບໍລິໂພກ, ອຸປະໂພກ, ນໍ້າດື່ມ ແລະ ເງິນສົດໃຫ້ປະຊາຊົນທີ່ໄດ້ຮັບຜົນປະທົບຈາກສະພາບນໍ້າຖ້ວມໃນຄັ້ງນີ້. ໃນນີ້, ໄດ້ມອບໃຫ້ເມືອງຊົນນະບຸລີ ລວມມີ: ເຂົ້າສານຈ້າວ ຈຳນວນ 7 ໂຕນ, ນໍ້າດື່ມ 200 ແພັກ, ສາດ 2 0ຜືນ, ມຸ້ງ 25ດາງ, ເຄື່ອງໃຊ້ໃນຄົວເຮືອນ 20 ຊຸດ ແລະ ເງິນສົດ 50 ລ້ານກີບ, ສ່ວນເມືອງຈຳພອນ ມອບເຂົ້າສານ 6 ໂຕນ, ນໍ້າດື່ມ 200 ແພັກ, ສາດ 25 ຜືນ, ມຸ້ງ 35 ດາງ, ເຄື່ອງໃຊ້ໃນຄົວເຮືອນ 20 ຊຸດ ແລະເງິນສົດ 50 ລ້ານກີບ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ