ວັນທີ4ກຸມພາ ນີ້,ທ່ານບຸນທອງຈິດມະນີຮອງປະທານປະເທດພ້ອມດ້ວຍຄະນະໄດ້ເຄື່ອນໄຫວຢ້ຽມຢາມໂຄງກການພັດທະນາແລະປັບປຸງແກ້ໄຂຄວາມທຸກຍາກຂອງປະຊາຊົນບ້ານກາບູດ-ຊຽງແຫວນເມືອງທ່າແຂກແຂວງຄຳມ່ວນ ທີ່ໄດ້ຮັບການຊ່ວຍເຫຼືອຈາກບໍລິສັດຊິໂນອາກຣີໂປຕາສຈໍາກັດ, ໂດຍມີທ່ານວັນໄຊພອງສະຫວັນເຈົ້າແຂວງຄຳມ່ວນພ້ອມດ້ວຍຄະນະນຳຂອງແຂວງ, ພະແນກການກ່ຽວຂ້ອງຮ່ວມຕິດຕາມ. ໃຫ້ກຽດຕ້ອນຮັບຄະນະໃນຄັ້ງນີ້ໂດຍທ່ານໄອ່ຢົງຈຸນຮອງປະທານບໍລິສັດຊິໂນອາກຣີໂປຕາສຈໍາກັດພ້ອມດ້ວຍຄະນະຮັບຜິດຊອບໂຄງການດັ່ງກ່າວ.
ໂດຍເລີ່ມຕົ້ນດ້ວຍການຢ້ຽມຊົມເຂດໂຄງການທົດລອງລ້ຽງໄກ່3ສາຍພັນ, ການກໍ່ສ້າງບ່ອນລ້ຽງປາ, ຢ້ຽມຊົມຜົນຜະລິດກະສິກໍາແລະສິນຄ້າທີ່ຊອກຫາມາໄດ້ຕາມທໍາມະຊາດທີ່ພໍ່ແມ່ປະຊາຊົນໄດ້ມາວາງຂາຍຢູ່ຕະຫຼາດຊຸມຊົນຂອງບ້ານ, ພ້ອມທັງເຄື່ອນໄຫວທ່ຽວຊົມເຮືອນຊົນເຜົ່າມະກອງໂດຍສະເພາະແມ່ນເບິ່ງການວາງສະແດງເຄື່ອງຫັດຖະກໍາແລະຮູບພາບທີ່ຕິດພັນກັບການດໍາລົງຊີວິດຂອງຊົນເຜົ່າມະກອງ, ຈາກນັ້ນກໍສືບຕໍ່ເຄື່ອນໄຫວທ່ຽວຊົມໂຄງການປູກຜັກໃນເຮືອນຮົ່ມແລະການປູກຜັກກາງແຈ້ງທີ່ໂຄງການໄດ້ຈັດຕັ້ງປະຕິບັດເພື່ອຊຸກຍູ້ສົ່ງເສີມອາຊີບໃຫ້ພໍ່ແມ່ປະຊາຊົນຜູ້ທີ່ວ່າງງານ, ໂດຍສະເພາະແມ່ນຄອບຄົວທີ່ທຸກຍາກໄດ້ມີວຽກເຮັດງານທໍາເພື່ອສ້າງລາຍຮັບໃຫ້ແກ່ການພັດທະນາຊີວິດການເປັນຢູ່. ໂອກາດນີ້ທ່ານຮອງປະທານປະເທດຍັງໄດ້ສະແດງຄວາມຍ້ອງຍໍຊົມເຊີຍມາຍັງບໍລິສັດຊີໂນ - ອາກຣີໂປຕາສຈໍາກັດໃນນາມນັກລົງທຶນຕ່າງປະເທດທີ່ໄດ້ກໍານົດແຜນດໍາເນີນງານໂຄງການເພື່ອຊ່ວຍເຫຼືອພັດທະນາແລະປັບປຸງແກ້ໄຂຄວາມທຸກຍາກຂອງປະຊາຊົນບ້ານຊຽງແຫວນໃຫ້ມີຊີວິດດີຂຶ້ນແລະກາຍເປັນບ້ານພັດທະນາຕົວແບບໃນຕໍ່ໜ້າ, ທັງໄດ້ແນະນໍາໃຫ້ການຈັດຕັ້ງບ້ານເອົາໃຈໃສ່ໃຫ້ການສະໜັບສະໜູນແລະມີສ່ວນຮ່ວມກັບບໍລິສັດເຂົ້າໃນການພັດທະນາຊີວິດການເປັນຢູ່ກໍຄືການພັດທະນາບ້ານຊ່ອງຂອງຕົນເອງ.
ນອກນັ້ນ, ທ່ານຮອງປະທານປະເທດແລະຄະນະຍັງໄດ້ເຄື່ອນໄຫວເບິ່ງຜົນສໍາເລັດກິດຈະການກໍ່ສ້າງໂຮງຮຽນປະຖົມສົມບູນຂອງບ້ານກະບູດ-ຊຽງແຫວນທີ່ໄດ້ມີການມອບ-ຮັບແລະເປີດການນໍາໃຊ້ໃນປີຜ່ານມາ.
ຂ່າວ: ມິນີວັນ; ພາບ: ກອງຄໍາ
ໂດຍເລີ່ມຕົ້ນດ້ວຍການຢ້ຽມຊົມເຂດໂຄງການທົດລອງລ້ຽງໄກ່3ສາຍພັນ, ການກໍ່ສ້າງບ່ອນລ້ຽງປາ, ຢ້ຽມຊົມຜົນຜະລິດກະສິກໍາແລະສິນຄ້າທີ່ຊອກຫາມາໄດ້ຕາມທໍາມະຊາດທີ່ພໍ່ແມ່ປະຊາຊົນໄດ້ມາວາງຂາຍຢູ່ຕະຫຼາດຊຸມຊົນຂອງບ້ານ, ພ້ອມທັງເຄື່ອນໄຫວທ່ຽວຊົມເຮືອນຊົນເຜົ່າມະກອງໂດຍສະເພາະແມ່ນເບິ່ງການວາງສະແດງເຄື່ອງຫັດຖະກໍາແລະຮູບພາບທີ່ຕິດພັນກັບການດໍາລົງຊີວິດຂອງຊົນເຜົ່າມະກອງ, ຈາກນັ້ນກໍສືບຕໍ່ເຄື່ອນໄຫວທ່ຽວຊົມໂຄງການປູກຜັກໃນເຮືອນຮົ່ມແລະການປູກຜັກກາງແຈ້ງທີ່ໂຄງການໄດ້ຈັດຕັ້ງປະຕິບັດເພື່ອຊຸກຍູ້ສົ່ງເສີມອາຊີບໃຫ້ພໍ່ແມ່ປະຊາຊົນຜູ້ທີ່ວ່າງງານ, ໂດຍສະເພາະແມ່ນຄອບຄົວທີ່ທຸກຍາກໄດ້ມີວຽກເຮັດງານທໍາເພື່ອສ້າງລາຍຮັບໃຫ້ແກ່ການພັດທະນາຊີວິດການເປັນຢູ່. ໂອກາດນີ້ທ່ານຮອງປະທານປະເທດຍັງໄດ້ສະແດງຄວາມຍ້ອງຍໍຊົມເຊີຍມາຍັງບໍລິສັດຊີໂນ - ອາກຣີໂປຕາສຈໍາກັດໃນນາມນັກລົງທຶນຕ່າງປະເທດທີ່ໄດ້ກໍານົດແຜນດໍາເນີນງານໂຄງການເພື່ອຊ່ວຍເຫຼືອພັດທະນາແລະປັບປຸງແກ້ໄຂຄວາມທຸກຍາກຂອງປະຊາຊົນບ້ານຊຽງແຫວນໃຫ້ມີຊີວິດດີຂຶ້ນແລະກາຍເປັນບ້ານພັດທະນາຕົວແບບໃນຕໍ່ໜ້າ, ທັງໄດ້ແນະນໍາໃຫ້ການຈັດຕັ້ງບ້ານເອົາໃຈໃສ່ໃຫ້ການສະໜັບສະໜູນແລະມີສ່ວນຮ່ວມກັບບໍລິສັດເຂົ້າໃນການພັດທະນາຊີວິດການເປັນຢູ່ກໍຄືການພັດທະນາບ້ານຊ່ອງຂອງຕົນເອງ.
ນອກນັ້ນ, ທ່ານຮອງປະທານປະເທດແລະຄະນະຍັງໄດ້ເຄື່ອນໄຫວເບິ່ງຜົນສໍາເລັດກິດຈະການກໍ່ສ້າງໂຮງຮຽນປະຖົມສົມບູນຂອງບ້ານກະບູດ-ຊຽງແຫວນທີ່ໄດ້ມີການມອບ-ຮັບແລະເປີດການນໍາໃຊ້ໃນປີຜ່ານມາ.
ຂ່າວ: ມິນີວັນ; ພາບ: ກອງຄໍາ
ຄໍາເຫັນ