ທ່ານ ຟ້າມມິງຈິງ ຮຽກຮ້ອງໃຫ້ເລັ່ງສ້າງບົດລາຍງານໂຄງການເສັ້ນທາງລົດໄຟ ລາວກາຍ - ຮ່າໂນ້ຍ - ຫາຍຟ່ອງ

ທ່ານ ຟ້າມມິງຈິງ ຮຽກຮ້ອງໃຫ້ເລັ່ງສ້າງບົດລາຍງານໂຄງການເສັ້ນທາງລົດໄຟ ລາວກາຍ - ຮ່າໂນ້ຍ - ຫາຍຟ່ອງ

13:08 09/09/2025

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 7 ກັນຍາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມກວດກາ, ສືບຕໍ່ຊຸກຍູ້ການຜັນຂະຫຍາຍໂຄງການເສັ້ນທາງລົດໄຟຄວາມໄວສູງສາຍເໜືອ - ໃຕ້ ແລະ ເສັ້ນທາງລົດໄຟ ລາວກາຍ - ຮ່າໂນ້ຍ - ຫາຍຟ່ອງ.

ທ່ານນາຍົກລັດຖະມົນຕີຫວຽດນາມ ໄດ້ມອບໝາຍໃຫ້ກະຊວງກະສິກຳ ແລະ ສິ່ງແວດລ້ອມ ເປັນເຈົ້າການຜັນຂະຫຍາຍບັນດາວຽກງານກ່ຽວຂ້ອງເຖິງທີ່ດິນ, ປ່າ, ສິ່ງແວດລ້ອມສຳລັບໂຄງການເສັ້ນທາງລົດໄຟ ລາວກາຍ - ຮ່າໂນ້ຍ - ຫາຍຟ່ອງ. ກະຊວງການຕ່າງປະເທດ, ກະຊວງກໍ່ສ້າງ ສົມທົບກັບຝ່າຍ ຈີນ ກະກຽມກອງປະຊຸມຄະນະກຳມະການຮ່ວມ ການຮ່ວມມືທາງລົດໄຟ ຫວຽດນາມ - ຈີນ, ການກະກຽມຕ້ອງມີຄວາມລະອຽດ, ພິເສດແມ່ນການເລືອກເອົາທີ່ປຶກສາ.

ທ່ານນາຍົກລັດຖະມົນຕີມອບໝາຍໃຫ້ ກະຊວງກໍ່ສ້າງ ຮີບເລັ່ງສ້າງບົດລາຍງານຄວາມສາມາດເປັນໄປໄດ້ ເພື່ອເລີ່ມລົງມືກໍ່ສ້າງໂຄງການເສັ້ນທາງລົດໄຟ ລາວກາຍ - ຮ່າໂນ້ຍ - ຫາຍຟ່ອງ ໃນວັນທີ 19 ທັນວາ 2025.

ຄໍາເຫັນ

ຂ່າວຕ່າງປະເທດ

ຟີລິບປິນ ອະນຸຍາດໃຫ້ເຊົ່າທີ່ດິນໄດ້ 99 ປີ

09/09/2025 13:19

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຟີລິບປິນ ອະນຸຍາດໃຫ້ນັກລົງທຶນຕ່າງປະເທດເຊົ່າທີ່ດິນໄດ້ເປັນເວລາ 99 ປີ, ເພື່ອຊຸກຍູ້ການລົງທຶນພາຍໃນປະເທດດ້ວຍສັນຍາເຊົ່າໄລຍະຍາວ.

ສິງກະໂປ ພົບຜູ້ຕ້ອງສົງໄສ ເກືອບ 50 ຄົນ ໃຊ້ຢາສູບຊອມບີ້

09/09/2025 13:17

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ກະຊວງສາທາລະນະສຸກຂອງສິງກະໂປ ລາຍງານວ່າ, ສະຖາບັນເບິ່ງແຍງສຸຂະພາບສາທາລະນະທົ່ວສິງກະໂປ ກວດພົບຜູ້ຕ້ອງສົງໄສສູບຢາສູບໄຟຟ້າທີ່ປະສົມສານ Etomidate ຊຶ່ງຖືກຂະໜານນາມວ່າ “ຢາສູບຊອມບີ້” ເກືອບ 50 ຄົນ ໃນໄລຍະ 6 ອາທິດ ຊຶ່ງເລີ່ມນັບຕັ້ງແຕ່ວັນທີ 9 ກໍລະກົດ ເປັນຕົ້ນມາ.

ສ ເກົາຫຼີ ຍົກເວັ້ນວີຊານັກທ່ອງທ່ຽວຈີນທີ່ເດີນທາງມາເປັນກຸ່ມ

09/09/2025 13:12

ຂ່າວຕ່າງປະເທດລາຍງານ ໃນວັນທີ 8 ກັນຍາ ຜ່ານມາວ່າ: ສ ເກົາຫຼີ ໄດ້ປະກາດໂຄງການຍົກເວັ້ນວີຊາຊົ່ວຄາວໃຫ້ນັກທ່ອງທ່ຽວຈີນທີ່ເດີນທາງມາເປັນກຸ່ມ, ເພື່ອແນໃສ່ຊຸກຍູ້ຂະແໜງການທ່ອງທ່ຽວຂອງປະເທດ. ຂະນະທີ່ນັກວິເຄາະຄາດວ່າການທ່ອງທ່ຽວຈະເພີ່ມຂຶ້ນໃນຕົ້ນເດືອນຕຸລາ ຈະມາເຖິງນີ້ ຍ້ອນຈີນມີວັນພັກຍາວເນື່ອງໃນວັນຊາດ.

ຈີນຢືນຢັນວ່າ SCO ແມ່ນການຮ່ວມມືທີ່ເປັນຮູບປະທຳ

08/09/2025 20:44

ກອງປະຊຸມຖະແຫຼງການກ່ຽວກັບຜົນກອງປະຊຸມສຸດຍອດ SCO ປີ 2025 ເຊິ່ງຈັດຂຶ້ນທີ່ ນະຄອນທຽນຈິນ ຫວ່າງມໍ່ໆມານີ້ ທີ່ຫ້ອງປະຊຸມຊຽນເຫີ່ ສະໂມສອນສາກົນປັກກິ່ງ ໃນວັນທີ 8 ກັນຍານີ້ ໂດຍການເປັນປະທານຂອງທ່ານ ຝ່ານ ຊ່ຽນຣົງ ( Fan Xianrong)

WB ແລະ ADB ຈ່າຍເງິນ 12 ຕື້ກວ່າໂດລາ ໃຫ້ໂຄງການສີຂຽວໃນອາຊຽນ

08/09/2025 12:34

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ທ່ານ ຟາດິລລາ ຟາດິລລາ ຮອງນາຍົກລັດຖະມົນຕີ ມາເລເຊຍ ໃຫ້ຮູ້ວ່າ: ທະນາຄານໂລກ (WB) ແລະ ທະນາຄານພັດທະນາອາຊີ (ADB) ຈະສະໜອງເງິນຈຳນວນ 12.5 ຕື້ໂດລາ ໃຫ້ແກ່ອາຊຽນ ເພື່ອຜັນຂະຫຍາຍບັນດາໂຄງການສີຂຽວໃນພາກພື້ນ.

ອາຫານທີ່ດີ ແລະ ສິນຄ້າທີ່ມີຄຸນນະພາບ ເຮັດໃຫ້ຍີ່ປຸ່ນກາຍເປັນຈຸດໝາຍທີ່ຄົນຢາກໄປທ່ຽວອີກ

08/09/2025 12:31

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ບໍລິສັດ Dentsu Inc., ບໍລິສັດໂຄສະນາຊັ້ນນໍາ ເປີດເຜີຍການສໍາຫຼວດລ້າສຸດວ່າ: ຍີ່ປຸ່ນ ໄດ້ຮັບເລືອກເປັນຈຸດໝາຍປາຍທາງທີ່ຜູ້ຄົນຕ້ອງການກັບໄປຢ້ຽມຢາມຫຼາຍທີ່ສຸດ ຊຶ່ງສ່ວນໜຶ່ງແມ່ນຍ້ອນອາຫານ ແລະ ສິນຄ້າທີ່ມີຄຸນນະພາບສູງຂອງປະເທດອາຊີ ແຫ່ງນີ້.

ຈີນ ວາງແຜນຈະສະກັດດາວເຄາະນ້ອຍ ເພື່ອທົດສອບແຜນປ້ອງກັນບໍ່ໃຫ້ດາວເຄາະນ້ອຍຕຳໃສ່ໂລກ

08/09/2025 11:58

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ກອງປະຊຸມເວທີປຶກສາຫາລືສາກົນທ່ຽນຕູ່ ກ່ຽວກັບການສຳຫຼວດອະວະກາດຊັ້ນເລິກ ຄັ້ງທີ 3 ໄດ້ຈັດຂຶ້ນຢູ່ນະຄອນເຫີຝຸຍ ເທດສະບານແຂວງອ່ານຮຸ່ຍ ຂອງຈີນ. ທ່ານ ອູເຫວີຍເຣີ໋ນ ບັນດິດສະພາບັນດິດວິສະວະກຳຈີນ ທັງເປັນຫົວໜ້າໃຫຍ່ນັກອອກແບບໂຄງການສຳຫຼວດດວງຈັນຂອງຈີນ ໄດ້ລາຍງານໃຫ້ຮູ້ວ່າ: ຈີນພວມວາງແຜນດຳເນີນພາລະກິດສາທິດທົດສອບການຍິງເພື່ອຫັນປ່ຽນທິດທາງໂຄຈອນຂອງດາວເຄາະນ້ອຍດ້ວຍແຮງເດີນເຄື່ອນ ເພື່ອທົດສອບຄວາມເປັນໄປໄດ້ຂອງແຜນການປ້ອງກັນໄພບໍ່ໃຫ້ດາວເຄາະນ້ອຍພຸ່ງຕຳໂລກ.

8 ເດືອນຕົ້ນປີ ທຶນ FDI ຂອງຫວຽດນາມ ບັນລຸ 15,4 ຕື້ໂດລາ

08/09/2025 11:56

ວິທະຍຸກະຈາຍສຽງຫວຽດນາມລາຍງານໃນທ້າຍອາທິດຜ່ານມາວ່າ: ຕາມບົດລາຍງານຂອງກົມສະຖິຕິ ກະຊວງການເງິນ ຫວຽດນາມ ທີ່ຫາກໍປະກາດຫວ່າງມໍ່ໆມາ, ໃນ 8 ເດືອນຕົ້ນປີ, ຫວຽດນາມ ສືບຕໍ່ດຶງດູດແຫຼ່ງເງິນລົງທຶນໂດຍກົງຈາກຕ່າງປະເທດ (FDI) ຢ່າງແຮງ ດ້ວຍຍອດຈຳນວນມູນຄ່າຈົດທະບຽນບັນລຸ 26.14 ຕື້ໂດລາ, ເພີ່ມຂຶ້ນ 27.3% ເມື່ອທຽບກັບໄລຍະດຽວກັນຂອງປີກາຍ.

ອົສຕຣາລີ ວາງແຜນຈຳກັດການເຂົ້າເຖິງເຕັກໂນໂລຊີທີ່ໃຊ້ໃນການລ່ວງລະເມີດ

05/09/2025 13:01

ຂ່າວຕ່າງປະເທດລາຍງານ ໃນວັນທີ 2 ກັນຍາ ຜ່ານມາວ່າ: ລັດຖະບານອົສຕຣາລີປະກາດວ່າຈະດໍາເນີນມາດຕະການຈໍາກັດການເຂົ້າເຖິງເຕັກໂນໂລຊີທີ່ນຳໄປສູ່ການລ່ວງລະເມີດ ຊຶ່ງລວມທັງເຄື່ອງມືປັນຍາປະດິດ (AI) ທີ່ສາມາດສ້າງຮູບພາບລາມົກອະນາຈານໄດ້.

ອິນໂດເນເຊຍ ຄາດວ່າການຜະລິດເຂົ້າຈະເພີ່ມຂຶ້ນເປັນ 33 ລ້ານໂຕນໃນປີນີ້

05/09/2025 12:55

ຂ່າວຕ່າງປະເທດລາຍງານ ວ່າ: ທ່ານ ອັນດີ ອຳຣານ ສຸໄລມານ ລັດຖະມົນຕີກະຊວງກະສິກຳຂອງອິນໂດເນເຊຍ ກ່າວໃນວັນທີ 3 ກັນຍາ ຜ່ານມາວ່າ, ທ່ານມີຄວາມຫວັງໃນແງ່ດີວ່າ ການຜະລິດເຂົ້າຂອງປະເທດຈະບັນລຸໄດ້ 33 ລ້ານໂຕນໃນປີນີ້ ຊຶ່ງຖືເປັນຂີດໝາຍສຳຄັນໃນການບັນລຸເປົ້າໝາຍການກຸ້ມຕົນເອງ. ໂດຍເພີ່ມຂຶ້ນຈາກປີຜ່ານມາ ຊຶ່ງຢູ່ໃນລະດັບ 30.62 ລ້ານໂຕນ.

ເພີ່ມເຕີມ