ໃຫ້ການຕ້ອນຮັບການເຂົ້າຮ່ວມຂະບວນການປູກຕົ້ນໄມ້ຄັ້ງນີ້, ມີພົນໂທຄໍາກິ່ງຜູຍຫຼ້າມະນີວົງຄະນະປະຈຳພັກກະຊວງຮອງລັດຖະມົນຕີກະຊວງປ້ອງກັນຄວາມສະຫງົບ, ມີທ່ານຮອງລັດຖະມົນຕີ, ຄະນະປະຈຳພັກກະຊວງ, ຄະນະພັກ-ຄະນະບັນຊາກົມກອງທີ່ຂຶ້ນກັບກະຊວງປ້ອງກັນຄວາມສະຫງົບແລະນາຍຕໍາຫຼວດຊຶ່ງໃນພິທີ, ພົນໂທ ຄໍາກິ່ງ ຜຸຍຫຼ້າມະນີວົງ ກໍໄດ້ລາຍງານການກະກຽມຄວາມພ້ອມແລະກ່າວເປີດພິທີປູກຕົ້ນໄມ້ໃນຄັ້ງນີ້ວ່າ:
ເນື່ອງໃນໂອກາດວັນເດັກນ້ອຍສາກົນແລະປູກຕົ້ນໄມ້ແຫ່ງຊາດທີ່ໝູນວຽນມາອີກວາລະໜຶ່ງ, ມື້ນີ້ກະຊວງ ປກສໄດ້ສ້າງຂະບວນການປູກຕົ້ນໄມ້ຂຶ້ນຢ່າງເປັນທາງການເພື່ອເປັນການປົກປັກຮັກສາຊັບພະຍາກອນປ່າໄມ້ ໃຫ້ມີຄວາມຍືນຍົງແລະອຸດົມສົມບູນ, ຂຽວງາມແລະສາມາດນໍາໃຊ້ໄດ້ຍາວນານເປັນການເພີ່ມເນື້ອທີ່ປົກຫຸ້ມຂອງປ່າໄມ້ໃຫ້ກວມຫຼາຍກວ່າ70%ຕາມຄາດໝາຍທີ່ແຜນພັດທະນາເສດຖະກິດ-ສັງຄົມ5ປີຄັ້ງທີIX ໄດ້ກຳນົດໄວ້ໃຫ້ປະກົດຜົນເປັນຈິງເວົ້າລວມ, ເວົ້າສະເພາະແມ່ນເພີ່ມເນື້ອທີ່ປົກຫຸ້ມສີຂຽວກວມອັດຕາໃຫ້ສູງຂຶ້ນ, ສ້າງລະບົບນິເວດແລະສະພາບແວດລ້ອມທຳມະຊາດໃຫ້ມີຄວາມຊຸ່ມຊື່ນ, ອຸດົມສົມບູນ, ຂຽວສົດງົດງາມ, ຊ່ວຍຕ້ານແລະຫຼຸດຜ່ອນຜົນກະທົບຈາກໄພພິບັດທຳມະຊາດ; ພ້ອມກັນນັ້ນ,ກໍເປັນການປູກຈິດສໍານຶກໃຫ້ນາຍແລະພົນຕຳຫຼວດກໍຄືສັງຄົມເຫັນໄດ້ຄວາມໝາຍ, ຄວາມສໍາຄັນແລະພ້ອມກັນຖະນຸຖະໜອມສິ່ງແວດລ້ອມໃຫ້ມີຄວາມສວຍສົດງົດງາມ, ຮັກສາໄດ້ລະບົບນິເວດວິທະຍາໃຫ້ມີຄວາມສົມດຸນ, ໂດຍເນັ້ນໃສ່ການຢູ່ຮ່ວມກັບທຳມະຊາດຢ່າງກົມກຽວແລະຍືນຍົງ.
ການສ້າງຂະບວນການປູກຕົ້ນໄມ້ ແມ່ນເປັນກິດຈະກຳປົກກະຕິຂອງຊາດລາວເຮົາເວົ້າລວມ, ເວົ້າສະເພາະກໍແມ່ນກະຊວງປ້ອງກັນຄວາມສະຫງົບພວກເຮົາໄດ້ຈັດຕັ້ງປະຕິບັດຜ່ານມາໃນທຸກໆປີ ຊຶ່ງປີນີ້ນອກຈາກແນໃສ່ສະເຫຼີມສະຫຼອງວັນເດັກນ້ອຍສາກົນຄົບຮອບ101ປີ, ວັນປູກຕົ້ນໄມ້ແຫ່ງຊາດຄົບຮອບ45ປີ, ກໍຍັງເປັນການສ້າງຂະບວນເພື່ອຂໍ່ານັບຮັບຕ້ອນກອງປະຊຸມໃຫຍ່ອົງຄະນະພັກກະຊວງປ້ອງກັນຄວາມສະຫງົບຄັ້ງທີ6ຊຶ່ງຈະໄດ້ຈັດຂຶ້ນໃນມໍ່ໆນີ້.ຕົ້ນໄມ້ທີ່ນໍາມາປູກໃນຄັ້ງນີ້, ມີຕົ້ນໄມ້ອຸດສາຫະກໍາປະເພດໄມ້ດູ່;ໃນນີ້,ທ່ານຮອງປະທານປະເທດ, ບັນດາທ່ານໃນຄະນະຮອງລັດຖະມົນຕີກະຊວງ ປກສ ປູກທ່ານລະ1 ຕົ້ນແລະບັນດາກົມກອງອ້ອມຂ້າງກະຊວງພາກສ່ວນລະ1ຕົ້ນ; ໃນວັນດຽວກັນນີ້,ບັນດາກົມກອງທີ່ຂຶ້ນກັບກະຊວງ ປກສກໍໄດ້ສ້າງຂະບວນການປູກຕົ້ນເນື່ອງໃນໂອກາດຂໍ່ານັບຮັບຕ້ອນແລະສະເຫຼີມສະຫຼອງວັນເດັກນ້ອຍສາກົນແລະປູກຕົ້ນໄມ້ແຫ່ງຊາດປະຈໍາປີ2025 ຈໍານວນຫຼາຍກົມແລະຈໍານວນຫຼາຍຮ້ອຍຕົ້ນ.
ພາຍຫຼັງສໍາເລັດການປູກຕົ້ນໄມ້ແລ້ວ,ທ່ານນາງປານີຢາທໍ່ຕູ້ແລະທ່ານຮອງລັດຖະມົນຕີກະຊວງປກສພ້ອມຄະນະໄດ້ຢ້ຽມຊົມຫ້ອງຮຽນ, ຫ້ອງການ, ຫ້ອງປະຊຸມຂອງສູນຮັບຕ້ອນແລະຝຶກອົບຮົມວິຊາສະເພາະກົມໃຫຍ່ການເມືອງປ້ອງກັນຄວາມສະຕື່ມອີກ.
(ຂ່າວ: ສຸກສະຫວັນ, ຂໍ້ມູນ-ພາບ: ເຕັນ)
ຄໍາເຫັນ