ວ່າດ້ວຍການຂຶ້ນບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດໃນຂອບເຂດທົ່ວປະເທດ ທີ່ຈັດຂຶ້ນໃນວັນທີ 8 ສິງຫາຜ່ານມາໂດຍມີທ່ານ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ, ມີຮອງລັດຖະມົນຕີ-ອົງການທຽບເທົ່າ, ບັນດາແຂກຖືກເຊີນ,ປກສ ນະຄອນຫຼວງວຽງຈັນ, ປກສ ແຂວງໃນຂອບເຂດທົ່ວປະເທດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານຮອງນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຄະນະຮັບຜິດຊອບແຕ່ລະຂະແໜງການທີ່ກ່ຽວຂ້ອງ ທີ່ໄດ້ມີຄວາມເອົາໃຈໃສ່ສູງໃນການຈັດຕັ້ງປະຕິບັດວຽກງານຂຶ້ນບັນຊີ, ເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດທີ່ມີຜົນສໍາເລັດຫຼາຍດ້ານ ພ້ອມທັງເນັ້ນໜັກໃຫ້ບັນດາກະຊວງ-ອົງການທຽບເທົ່າ, ຫ້ອງວ່າການກະຊວງ, ກົມໃຫຍ່, ກົມ-ກອງອ້ອມຂ້າງກະຊວງ, ກອງບັນຊາການ ປກສ ນະຄອນຫຼວງ ແລະ ບັນດາ ປກສ ແຂວງໃນຂອບເຂດທົ່ວປະເທດ ສືບຕໍ່ເພີ່ມທະວີເຄື່ອນໄຫວຈັດຕັ້ງປະຕິບັດຂຶ້ນບັນຊີຄຸ້ມຄອງ, ເກັບກູ້ອາວຸດເສິກ ແລະ ວັດຖຸລະເບີດ ເປັນຕົ້ນມອບໃຫ້ຄະນະກຳມະການທີ່ຮັບຜິດຊອບວຽກງານດັ່ງກ່າວຢູ່ໃນຂະແໜງການຂອງຕົນ ໄດ້ຮັບການຈັດຕັ້ງປະຕິບັດໃຫ້ມີປະສິດທິຜົນດັ່ງນີ້:
1. ຄະນະກຳມະການຂຶ້ນບັນຊີຄຸ້ມຄອງ, ເກັບກູ້ອາວຸດເສິກ ແລະ ວັດຖຸລະເບີດຢູ່ຂະແໜງການຕ່າງໆ ນັບທັງຂັ້ນສູນກາງ ແລະ ທ້ອງຖິ່ນ ຕ້ອງກວດກາຄືນກົງຈັກການຈັດຕັ້ງຂັ້ນຂອງຕົນໃຫ້ຮັບປະກັນໃນການເຄື່ອນໄຫວເຮັດໜ້າທີ່ວຽກງານຕາມພາລະບົດບາດ.
2. ໃຫ້ຍູ້ແຮງໃນການຄຸ້ມຄອງ ແລະ ການຖອນອາວຸດເສິກຂອງພະນັກງານຜູ້ທີ່ກະສຽນອາຍຸ, ໄດ້ຮັບອຸດໜູນບໍານານ ແມ່ນມອບໃຫ້ບັນດາກົມກອງ, ກອງບັນຊາການເປັນເຈົ້າການໃນການຖອນ ແລະ ເກັບກູ້ຄືນຕາມລະບຽບຫຼັກການ.
3. ມອບໃຫ້ບັນດາກົມວິຊາສະເພາະ, ກອງບັນຊາການ ປກສ ນະຄອນຫຼວງວຽງຈັນ ແລະ ປກສ ແຂວງໃນຂອບເຂດທົ່ວປະເທດປະຕິບັດຕາມພາລະບົດບາດ, ສິດ, ໜ້າທີ່, ເປັນເຈົ້າການສັງລວມບັນຊີອາວຸດກັບພາກສ່ວນທີ່ເຫັນວ່າບໍ່ມີຄວາມຈໍາເປັນນໍາໃຊ້ ແລະ ອາວຸດທີ່ໄດ້ມາຈາກການດໍາເນີນຄະດີເພື່ອຖອນ, ເກັບກູ້ຕາມລະບຽບຫຼັກການ ແລະ ດຳເນີນໃຫ້ສຳເລັດໂດຍໄວ.
4. ເພີ່ມທະວີການປະສານສົມທົບກັບພາກສ່ວນອື່ນໆທີ່ກ່ຽວຂ້ອງ ໂຄສະນາເຜີຍແຜ່ໃຫ້ທົ່ວສັງຄົມ, ເຫັນໄດ້ຄວາມອັນຕະລາຍຂອງອາວຸດ ແນໃສ່ສະກັດກັ້ນ ແລະ ແກ້ໄຂບັນຫາອາວຸດໃຫ້ໄດ້ເພື່ອຫຼຸດຜ່ອນຄວາມສ່ຽງຈາກການຊື້ຂາຍມີໄວ້ໃນຄອບຄອງອາວຸດເສິກ ແລະ ທາດລະເບີດ.
5. ຄົ້ນຄວ້າສະໜອງງົບປະມານຮັບໃຊ້ວຽກງານການຂຶ້ນບັນຊີຄຸ້ມຄອງ, ເກັບກູ້ອາວຸດເສິກ ແລະ ທາດລະເບີດໃຫ້ມີຄວາມຮັບປະກັນ, ຄະນະກຳມະການຂຶ້ນບັນຊີຄຸ້ມຄອງ, ເກັບກູ້ອາວຸດເສິກ ແລະ ວັດຖຸລະເບີດແຕ່ລະຂະແໜງການ ນັບທັງຂັ້ນສູນກາງ ແລະ ທ້ອງຖິ່ນໃຫ້ຄົ້ນຄວ້າ ແລະ ຕອບສະໜອງງົບປະມານທີ່ຈໍາເປັນຮັບໃຊ້ການເຄື່ອນໄຫວວຽກງານໃນຂົງເຂດຂອງຕົນໃຫ້ມີຄວາມເໝາະສົມ ແລະ ທັນເວລາ ເພື່ອເຮັດໃຫ້ການເຄື່ອນໄຫວວຽກງານຂຶ້ນບັນຊີຄຸ້ມຄອງ, ເກັບກູ້ອາວຸດເສິກ ແລະ ວັດຖຸລະເບີດຢູ່ໃນຂົງເຂດຄວາມຮັບຜິດຊອບຂັ້ນຂອງຕົນໃຫ້ມີປະສິດທິຜົນ ແລະ ບັນລຸໄດ້ບັນດາຄາດໝາຍທີ່ໄດ້ກໍານົດໃນແຜນການ.
ຂ່າວ-ພາບ: ຮອ ສີລິພອນ
ຄໍາເຫັນ