ທ່ານ ສອນທະນູ ທຳມະວົງ ຖືກແຕ່ງຕັ້ງຮັກສາການເຈົ້າແຂວງ ບໍລິຄຳໄຊ

ໃນວັນທີ 17 ພະຈິກຜ່ານມາ, ສູນຝຶກອົບຮົມ ກອງພົນທີ 3 ໄດ້ສໍາເລັດການອົບຮົມ - ຫັດແອບຍິງເປົ້າໝາຍດ້ວຍລູກປືນແທ້, ໂດຍການເປັນປະທານຂອງ ສະຫາຍ ພັນເອກ ຄໍາສອນ ໄຊສົງຄາມ ຮອງເລຂາຄະນະພັກ ຫົວໜ້າການທະຫານ ສູນຝຶກອົບຮົມ, ສະຫາຍ ພັນໂທ ສີພົນ ແສງຄໍາ ເລຂາຄະນະພັກຫົວໜ້າການເມືອງ.

ໃນຕອນເເລງ ວັນທີ 14 ພະຈິກ ຜ່່ນມາທີ່ຫໍປະຊຸມເເຫ່ງຊາດ ນະຄອນຫຼວງວຽງຈັນ ກຸ່ມບໍລິສັດ ລາວ ໂທລະຄົມ ໄດ້ຂຶ້ນຮັບລາງວັນນັກທຸລະກິດຊັ້ນນໍາດີເດັ່ນ 2024 ຄົບຮອບ 35 ປີ ຂອງ ສະພາການຄ້າ ເເລະ ອຸດສາຫະກຳເເຫ່ງຊາດລາວ ໃຫ້ກຽດມອບລາງວັນໂດຍ ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ເເລະ ການຄ້າ ເເລະ ຕາງໜ້າຮັບລາງວັນໂດຍ ທ່ານ ອາລຸນນະເດດ ບານຈິດ ຮອງຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ຂະເເໜງຈັດຕັ້ງ-ບໍລິຫານ, ທ່ານ ທ່ອນເເກ້ວ ສີຫາວົງ ຜູ້ອຳນວຍການ ບໍລິສັດ ທີພລັດດີຈີຕອນ ຈຳກັດຜູ້ດຽວ.

ໃນໂອກາດ ຄົບຮອບ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນ . ທ່ານ ນາງ ຈັນເພັດ ຄຳຟອງ ຫົວໜ້າກົມວັນນະຄະດີ ແລະ ພິມຈຳໜ່າຍ, ກະຊວງວັດທະນະທໍາ ແລະ ການທ່ອງທ່ຽວ (ວທ) ໄດ້ສະແດງທັດສະນະຕໍ່ວັນດັ່ງກ່າວວ່າ: ວັນຊາດ ທີ 2 ທັນວາ ເປັນວັນທີ່ມີຄວາມໝາຍຄວາມສຳຄັນຍິ່ງໃຫຍ່ທາງປະຫວັດສາດ ແລະ ຍຸກສະໄໝຂອງຊາດລາວ, ເປັນຂີດໝາຍສິ້ນສຸດຂອງລະບອບລາຊາທິປະໄຕທີ່ລ້າສະໄໝ ແລະ ແອກປົກຄອງຂອງພວກລ່າເມືອງຂຶ້ນແບບເກົ່າ ແລະ ແບບໃໝ່ຢູ່ປະເທດເຮົາ ແລະ ສະຖາປະນາສາທາ ລະນະລັດ ປະຊາທິປະໄຕ ປະຊາຊົນລາວ, ຊຶ່ງເປັນລະບອບປະຊາທິປະໄຕ ປະຊາຊົນ ຄັ້ງທຳອິດ ໃນປະຫວັດສາດຫຼາຍພັນປີຂອງຊາດລາວ. ຊຶ່ງແມ່ນໝາກຜົນ ແລະ ໄຊຊະນະຂອງຂະບວນການຕໍ່ສູ້ທີ່ຍືດເຍື້ອຍາວນານ ຂອງປະຊາຊົນ ລາວບັນດາເຜົ່າ ພາຍໃຕ້ການນຳພາທີ່ສະຫຼາດສ່ອງໃສ ແລະ ແຫຼມຄົມ ຂອງພັກປະຊາຊົນ ປະຕິວັດລາວ (ປປ ລາວ), ຕະຫຼອດ ໄລຍະກວ່າເຄິ່ງສະຕະວັດ, ຊຶ່ງບໍ່ເປັນພຽງແຕ່ຂີດໝາຍປະຫວັດສາດເປັນຈຸດປ່ຽນແປງຂອງຊາດລາວ, ແຕ່ຍັງເປັນການປະກອບສ່ວນອັນສຳຄັນ ໃຫ້ແກ່ພາລະກິດປະຕິວັດປົດປ່ອຍຊາດຂອງບັນດາປະເທດອິນດູຈີນ, ພ້ອມທັງສົ່ງຜົນກະທົບຢ່າງເລິກເຊິ່ງ ຕໍ່ໂຄງການການເມືອງ ສັງຄົມຢູ່ໃນພາກພື້ນອາຊີຕາເວັນອອກສ່ຽງໃຕ້ ແລະ ໃນໂລກ.

ສາງນໍ້າມັນເຊື້ອໄຟເລກ 9 ກອງທັບ ແມ່ນສາງຍຸດທະສາດຂອງກະຊວງປ້ອງກັນປະເທດ ພາຍໃຕ້ການ ຊີ້ນໍາ-ນໍາພາໂດຍກົງຮອບດ້ານຂອງຄະນະພັກອົງການກົມໃຫຍ່ພະລາທິການ ແລະ ກົມນໍ້າມັນເຊື້ອໄຟ ເປັນເສນາທິການໃຫ້ກົມນໍ້າມັນເຊື້ອໄຟກົມໃຫຍ່ພະລາທິການກອງທັບ ມີໜ້າທີ່ຄຸ້ມຄອງປົກປັກຮັກສາທາງດ້ານຈຳນວນ ແລະ ຄຸນນະພາບຂອງນໍ້າມັນເຊື້ອໄຟ, ຮັບ ແລະ ເບີກຈ່າຍນໍ້າມັນເຊື້ອໄຟໃຫ້ກຳລັງຫຼວງ ແລະ ກຳລັງທ້ອງຖິ່ນທີ່ເຄື່ອນໄຫວ ກຽມພ້ອມສູ້ຮົບ ແລະ ຝຶກແອບຮໍ່າຮຽນ, ການຈ່າຍນໍ້າມັນ ແມ່ນຈ່າຍຕາມຄໍາສັ່ງ, ຕາມບົງສັ່ງຈ່າຍຂອງກົມນໍ້າມັນເຊື້ອໄຟ ກົມໃຫຍ່ພະລາທິການກອງທັບ ຈ່າຍຖືກຊະນິດ, ຄົບຖ້ວນ ແລະ ທັນເວລາ.

ໃນຕອນບ່າຍວັນທີ 18 ພະຈິກນີ້, ເມືອງໄຊຍະບູລີໄດ້ເຊັນສັນຍາໂຄງການກໍ່ສ້າງສ້ອມແປງຊົນລະປະທານນ້ຳຕວນເບີ2, ເບີ3 ບ້ານຫ້ວຍຊໍາອໍ້ ແລະ ຊົນລະປະທານຫ້ວຍແສນຄໍາ ບ້ານຫ້ວຍແສນຄຳ ເມືອງໄຊຍະບູລີ ແຂວງໄຊຍະບູລີ ລະຫວ່າງຫ້ອງການກະສິກຳ ແລະ ສີ່ງແວດລ້ອມເມືອງ ກັບບໍລິສັດ ເຊັ່ງທະວີຊັບຈຳກັດຜູ້ດຽວຂຶ້ນ ທີ່ຫ້ອງປະຊຸມຫ້ອງການກະສິກຳ ແລະ ສິ່ງແວດລ້ອມເມືອງ ໂດຍການໃຫ້ກຽດເຂົ້າຮ່ວມຂອງທ່ານ ສົມຈິດ ຮັງເຊັງຊົວ ຄະນະປະຈຳພັກເມືອງ ຮອງປະທານຄະນະກຳມະການປົກຄອງເມືອງ, ມີພາກສ່ວນກ່ຽວຂ້ອງເຂົ້າຮ່ວມ.

ມະຫາວິທະຍາໄລແຫ່ງຊາດ(ມຊ)ຮ່ວມກັບມະຫາວິທະຍາໄລອື່ນໆພາຍໃນປະເທດ ແລະ ຕ່າງປະເທດ ເຊັ່ນ: ມະຫາວິທະຍາໄລຢຸນນານ, ມະຫາວິທະຍາໄລ ເຊ່ຍເມີນ ສປ ຈີນ ແລະ ມະຫາວິທະຍາໄລ Manchester ປະເທດອັງກິດ. ໄດ້ຈັດກອງປະຊຸມຄົ້ນຄວ້າວິທະຍາສາດສັງຄົມ ແລະ ຖະແຫຼ່ງບົດລາຍງານສອງສະບັບ ຂຶ້ນເມື່ອບໍ່ດົນມານີ້ທີ ມຊພາຍໃຕ້ການເປັນປະທານຮ່ວມຂອງ ທ່ານ Wang Jiang ຜູ້ອໍານວຍການບໍລິສັດ CWE ສາຂາປະຈໍາ ສປປ ລາວ,ທ່ານ ພູໄຊ ວົງພະຈັນ ຕາງໜ້າບໍລິສັດ CWE ສາຂາປະຈໍາ ສປປ ລາວທ່ານ Yang Fang ຈາກຄະນະພົວພັນສາກົນ/ສະຖາບັນຄົ້ນຄວ້ານານຢາງມະຫາວິທະຍາໄລ ເຊ່ຍເມີນ ສປ ຈີນ,ຊຶ່ງມີນັກວິຊາການ ແລະ ຜູ້ຊ່ຽວຊານຈາກມະຫາວິທະຍາໄລຊັ້ນນໍາຈາກປະເທດຈີນ, ອັງກິດ, ອົສຕຣາລີ, ອິນເດຍ, ລາວ ແລະ ປະເທດອື່ນໆໄດ້ເຂົ້າຮ່ວມ.

ໃນວັນທີ 18 ພະຈິກນີ້ ຢູ່ທີ່ສະໂມສອນເມືອງນາກາຍ ແຂວງຄໍາມ່ວນໄດ້ຈັດພິທີປະກາດການຈັດຕັ້ງປະທານ,ຮອງປະທານຄະນະກໍາມະການປົກຄອງເມືອງຂຶ້ນ ໂດຍການເຂົ້າຮ່ວມຂອງທ່ານ ສົມໃຈ ພານີຈັນ ຮອງເລຂາພັກແຂວງຫົວໜ້າຄະນະຈັດຕັ້ງແຂວງ, ມີທ່ານ ນາງ ບົວກາ ແກ້ວມະນີ ກໍາມະການພັກແຂວງເລຂາພັກເມືອງ ເຈົ້າເມືອງນາກາຍ,ມີແຂກຮັບເຊີນຈາກຄະນະຈັດຕັ້ງແຂວງ, ເມືອງເຂົ້າຮ່ວມ.

ເນື່ອງໃນໂອກາດທີ່ ສະຫາຍ ສົມສະຫວາດ ເລັ່ງສະຫວັດອະດິດກຳມະການກົມການເມືອງສູນກາງພັກອະດິດຮອງນາຍົກລັດຖະມົນຕີ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງໄຊສົມບູນ ໃນວັນທີ 18 ພະຈິກ 2025ນີ້, ສະຫາຍ ພ້ອມດ້ວຍຄະນະ ໄດ້ຂຶ້ນໄປຢ້ຽມຢາມ (ພິຊິດ) ຈອມພູ້ເບ້ຍ ເພື່ອສຳຜັດກັບບັນຍາກາດ ແລະ ທິວທັດທໍາມະຊາດອັນສວຍສົດງົດງາມຂອງຈອມພູເບ້ຍ. ຊຶ່ງນໍາພາຂະບວນໂດຍສະຫາຍ ພອຍຄຳ ຮຸ່ງບຸນຍວງ ເລຂາພັກແຂວງ ພ້ອມດ້ວຍຄະນະພັກ-ຄະນະນຳຂອງ ແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມຢ່າງເປັນຂະບວນການຟົດຟື້ນ.

ໃນວັນທີ 17 ພະຈິກນີ້ ທີ່ຫ້ອງປະຊຸມສະໂມສອນແຂວງສາລະວັນ, ທ່ານ ບົວຄົງນາມມະວົງ ກຳມະການສູນກາງພັກ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໄດ້ພົບປະໂອລົມພະນັກງານການນຳ, ພະນັກງານລັດຖະກອນຫ້ອງວ່າການແຂວງ. ໂດຍມີ ທ່ານ ຈັນເພັງ ສາຍທຳມະວົງ ກຳມະການພັກແຂວງ ຫົວໜ້າຫ້ອງວ່າການແຂວງສາລະວັນ ພ້ອມດ້ວຍຄະນະ ແລະ ພະນັກງານລັດຖະກອນພາຍໃນຫ້ອງວ່າການແຂວງເຂົ້າຮ່ວມ.

ໃນລະຫວ່າງວັນທີ12-17 ພະຈິກ 2025, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ, ປະທານຄະນະອະນຸກໍາມະການເຕັກນິກຊາຍແດນຮ່ວມ ລາວ-ກໍາປູເຈຍ ພ້ອມດ້ວຍຄະນະ,ເຊິ່ງປະກອບດ້ວຍຕາງຫນ້າຈາກພາກສ່ວນກ່ຽວຂ້ອງຂອງສູນກາງ ແລະ ທ້ອງຖິ່ນ ໄດ້ລົງເຄື່ອນໄຫວວຽກງານຊາຍ​ແດນຢູ່ແຂວງອັດຕະປື ແລະ ແຂວງຈໍາປາສັກ.