ຂ່າວລະບຸວ່າ: ໂດຍຕາງໜ້າໃຫ້ການນຳພັກ, ລັດ ປະດັບນາມມະຍົດນັກວິລະຊົນແຮງງານໃຫ້ແກ່ສານປະຊາຊົນສູງສຸດ, ທ່ານ ໂຕເລິມ ເລຂາທິການໃຫຍ່ພັກກອມມູນິດ ຫວຽດນາມ ເນັ້ນໜັກວ່າ, ປະເທດຊາດພວມກ້າວເຂົ້າສູ່ໄລຍະພັດທະນາໃໝ່, ດ້ວຍຄວາມຄາດຫວັງບືນຕົວຂຶ້ນຢ່າງແຮງ, ວັດທະນະຖາວອນ, ຄວາມຜາສຸກ. ສະນັ້ນ, ບົດບາດ, ຄວາມຮັບຜິດຊອບຂອງຂະແໜງສານປະຊາຊົນໃນໄລຍະຈະມາເຖິງແມ່ນໃຫຍ່ຫຼວງທີ່ສຸດ.

ທ່ານ ໂຕເລິມ ເນັ້ນໜັກວ່າ: ສຸມໃສ່ຍົກສູງຄຸນນະພາບ, ປະສິດທິຜົນການພິພາກສາຂອງສານທຸກຂັ້ນ. ນີ້ແມ່ນໜ້າທີ່ຈຸດສຸມຂອງຂະແໜງສານ, ກໍແມ່ນໜ້າທີ່ຈຸດສຸມຂອງການປະຕິຮູບຕຸລາການ. ໃນການເຄື່ອນໄຫວພິພາກສາຕ້ອງຖືເອົາໝາກຜົນການປົກປ້ອງຄວາມຍຸຕິທຳ, ຄວາມສະເໝີພາບ, ການປົກປ້ອງສິດທິມະນຸດ, ສິດທິຂອງພົນລະເມືອງ, ຜົນປະໂຫຍດຂອງລັດ, ສິດ ແລະ ຜົນປະໂຫຍດອັນຊອບທຳຂອງອົງການ, ສ່ວນບຸກຄົນເປັນໄມ້ວັດແທກ. ຂະແໜງສານປະຊາຊົນ ຕ້ອງສູ້ຊົນຢ່າງບໍ່ຢຸດຢັ້ງ ເພື່ອທຸກຄຳຕັດສິນລ້ວນແຕ່ເຄັ່ງຄັດດ້ານກົດໝາຍ, ແຕ່ກໍເຕັມໄປດ້ວຍລັກສະນະວັດທະນະທຳມະນຸດ.