ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄປໃຊ້ສິດປ່ອນບັດເລືອກຕັ້ງສສຊຊຸດທີ X ແລະ ສສຂຊຸດທີ V

ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄປໃຊ້ສິດປ່ອນບັດເລືອກຕັ້ງສສຊຊຸດທີ X ແລະ ສສຂຊຸດທີ V

13:32 22/02/2026

ໃນວັນທີ 22 ກຸມພານີ້,ເປັນວັນເລືອກຕັ້ງເອົາສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ(ສສຂ) ຊຸດທີ V ຊຶ່ງບັນຍາກາດເຕັມໄປດ້ວຍຄວາມຟົດຟື້ນ ໂດຍມີການນຳພັກ-ລັດ,ຕະຫຼອດຮອດປະຊາຊົນຜູ້ມີສິດເລືອກຕັ້ງ ໄດ້ຫຼັ່ງໄຫຼໄປໃຊ້ສິດຢ່າງຫຼວງຫຼາຍ,ເລີ່ມແຕ່ເປີດຫີບປ່ອນບັດເລືອກຕັ້ງຕາມໜ່ວຍເລືອກຕັ້ງຕ່າງໆ.

ທານ ໄຊສມພອນ ພມວຫານ ປະທານສະພາແຫງຊາດ ໄປໃຊສດປອນບດເລອກຕງສສຊຊດທ X ແລະ ສສຂຊດທ V - image 1

ສຳລັບໜ່ວຍປ່ອນບັດເລືອກຕັ້ງທີ 23 ບ້ານສີບຸນເຮືອງເມືອງຈັນທະບູລີ ນະຄອນຫຼວງວຽງຈັນ,ທ່ານ ໄຊສົມພອນ ພົມວິຫານປະທານສະພາແຫ່ງຊາດກໍໄດ້ໄປໃຊ້ສິດຂອງຕົນເອງແລະ ພ້ອມດ້ວຍມວນຊົນຜູ້ທີ່ມີສິດນັບແຕ່ອາຍຸ 18ປີຂຶ້ນໄປກໍໄດ້ໄປໃຊ້ສິດບ່ອນບັດເລືອກເອົາສະມາຊິກສະພາແຫ່ງຊາດ ຊຸດທີ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ(ສສຂ) ຊຸດທີ V.

ສໍາລັບເມືອງຈັນທະບູລີ ຜູ້ມີສິດປ່ອນບັດເລືອກຕັ້ງ ແລະ ມີໜ່ວຍປ່ອນບັດເລືອກຕັ້ງທັງໝົດ 55 ໜ່ວຍເລືອກຕັ້ງ, ມີພົນລະເມືອງ 52,527 ຄົນ ຈໍານວນຜູ້ມີສິດປ່ອນບັດເລືອກຕັ້ງ (ຕາມສໍາມະໂນຄົວ) ມີ 43,484ຄົນ ຜູ້ສາມາດປ່ອນບັດຢູ່ໃນບ້ານຂອງຕົນ (ຕາມສໍາມະໂນຄົວ )40,782 ຄົນ, ຜູ້ມີສິດປ່ອນບັດເລືອກຕັ້ງຢູ່ທ້ອງຖິ່ນອື່ນ (ຕາມສຳມະໂນຄົວ 2,192 ຄົນແລະ ຜູ້ໄປເຮັດວຽກຢູ່ຕ່າງປະເທດ (ຕາມສໍາມະໂນຄົວ) 510 ຄົນ, ຜູ້ມີສິດຈາກທ້ອງຖິ່ນອື່ນ 2,107 ຄົນ ແລະ ສະເພາະບ້ານສີບຸນເຮືອງ ມີພົນລະເມືອງທັງໝົດ 1,954 ຄົນ, ມີ 2 ໜ່ວຍເລືອກຕັ້ງຄື:ໜ່ວຍເລືອກຕັ້ງ 23 ສະຖານທີ່ວັດສີບຸນເຮືອງ ຈໍານວນຜູ້ມີສິດປ່ອນບັດເລືອກຕັ້ງ ມີ 722 ຄົນ ແລະ ໜ່ວຍປ່ອນບັດເລືອກຕັ້ງ 22 ສະຖານທີ່ ຫ້ອງການບ້ານສີບຸນເຮືອງ ຈໍານວນຜູ້ມີສິດປ່ອນບັດເລືອກຕັ້ງມີ 564 ຄົນ.

ທານ ໄຊສມພອນ ພມວຫານ ປະທານສະພາແຫງຊາດ ໄປໃຊສດປອນບດເລອກຕງສສຊຊດທ X ແລະ ສສຂຊດທ V - image 2

ການປ່ອນບັດເລືອກຕັ້ງເອົາສະມາຊິກສະພາແຫ່ງຊາດ(ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ)ຊຸດທີ V,ເປັນເຫດການທີ່ມີຄວາມໝາຍສຳຄັນທີ່ສຸດໃນຊີວິດການເມືອງຂອງປະຊາຊົນລາວບັນດາເຜົ່າທົ່ວທັງຊາດລວມທັງພົນລະເມືອງລາວທີ່ດຳລົງຊີວິດ ແລະ ປະຕິບັດໜ້າທີ່ວຽກງານຢູ່ຕ່າງປະເທດ ຊຶ່ງເປັນຂີດໝາຍສຳຄັນຍິ່ງອີກຄັ້ງໜຶ່ງໃນການເສີມຂະຫຍາຍ ແລະ ປະຕິບັດສິດ ປະຊາທິປະໄຕຂອງປະຊາຊົນລາວບັນດາເຜົ່າໃນຖານະເປັນເຈົ້າຂອງອຳນາດລັດຂອງສາທາລະນະລັດ ປະຊາທິປະໄຕ ປະຊາຊົນລາວ.

(ຂ່າວ-ພາບ: ບຸນອູ້ມ)

ຄໍາເຫັນ

ຂ່າວວັດທະນະທຳ-ສັງຄົມ

ພິທີປ່ອນບັດເລືອກຕັ້ງ ສສຊ ຊຸດທີ X ແລະ ສສ ນວ ຊຸດທີ V ຈຸດ ບ້ານໂນນສະຫວັນ

22/02/2026 13:41

ພິທີປ່ອນບັດເລືອກຕັ້ງສະມາຊິກສະພາແຫ່ງຊາດ(ສສຊ)ຊຸດທີ X ແລະ ສະມາຊິກສະພາປະຊາຊົນນະຄອນຫຼວງວຽງຈັນ(ສສ ນວ) ຊຸດທີ V ຈຸດ ບ້ານໂນນສະຫວັນເມືອງໄຊເສດຖານະຄອນຫຼວງວຽງຈັນ, ໜ່ວຍປ່ອນບັດທີ 59 ໃນຕອນເຊົ້າ ວັນທີ 22 ກຸມພານີ້

ທ່ານນາງ ສີໃສ ລືເດດມູນສອນປ່ອນບັດເລືອກຕັ້ງຢູ່ບ້ານພະຂາວ

22/02/2026 13:29

ວັນທີ 22 ກຸມພານີ້,ເປັນວັນເລືອກຕັ້ງສະມາຊິກສະພາແຫ່ງຊາດ(ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ(ສສຂ) ຊຸດທີ V, ທ່ານນາງ ສີໃສ ລືເດດມູນສອນ ກຳມະການກົມການເມືອງສູນກາງພັກຄະນະເລຂາທິການສູນກາງພັກຫົວໜ້າຄະນະຈັດຕັ້ງສູນກາງພັກພ້ອມດ້ວຍຜູ້ມີສິດເລືອກຕັ້ງໄດ້ໄປໃຊ້ສິດປ່ອນບັດເລືອກຕັ້ງເອົາ ສສຊ-ສສຂ ຢູ່ບ້ານພະຂາວ ເມືອງໄຊທານີ ນະຄອນຫຼວງວຽງຈັນ (ນວ) ຊຶ່ງບັນຍາກາດເຕັມໄປດ້ວຍຄວາມຟົດຟື້ນ ໂດຍມີປະຊາຊົນຫຼັ່ງໄຫຼໄປໃຊ້ສິດເລືອກຕັ້ງເອົາຜູ້ແທນປະຊາຊົນຢ່າງຫຼວງຫຼາຍ.

ພ້ອມກັນໄປໃຊ້ສິດເລືອກຕັ້ງ ສສຊ ແລະ ສສຂ ຢ່າງມີປະຊາທິປະໄຕ

20/02/2026 10:42

ໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນ ລາວທັງຊາດ ພວມເອກອ້າງທະນົງໃຈ ແລະ ອອກແຮງຜັນຂະຫຍາຍຜົນສໍາເລັດອັນຈົບງາມຂອງ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ນັ້ນ, ວັນທີ 22 ກຸມພາ 2026 ນີ້ ປະຊາຊົນລາວບັນດາເຜົ່າຜູ້ມີສິດເລືອກຕັ້ງທົ່ວປະເທດ ລວມທັງຜູ້ດຳລົງຊີວິດ ແລະ ປະຕິບັດໜ້າທີ່, ວຽກງານຢູ່ຕ່າງປະເທດ ຈໍານວນທັງໝົດ 4,764,384 ຄົນ ຍິງ 2,384,104 ຄົນ ໄດ້ພ້ອມກັນໄປໃຊ້ສິດປ່ອນບັດເລືອກຕັ້ງເອົາສະມາຊິກສະພາແຫ່ງຊາດ ຊຸດທີ X ຈໍານວນ 175 ທ່ານ ໃນນັ້ນ ຈໍານວນຜູ້ສະໝັກຮັບເລືອກຕັ້ງທັງໝົດ ຈຳນວນ 243 ທ່ານ ແລະ ເລືອກເອົາສະມາຊິກສະພາປະຊາຊົນຂັ້ນແຂວງ ຊຸດທີ V ຈໍານວນ 745 ທ່ານ ໃນນັ້ນ ຈໍານວນຜູ້ອອກສະໝັກຮັບເລືອກຕັ້ງ ຈໍານວນທັງໝົດ 1,041 ທ່ານ ເພື່ອເປັນຕົວແທນໃຫ້ແກ່ ສິດ ແລະ ຜົນປະໂຫຍດຂອງປະຊາຊົນລາວ 50 ຊົນເຜົ່າຢູ່ສະພາແຫ່ງຊາດ ທີ່ເປັນອົງການສູງສຸດ ແຫ່ງອໍານາດລັດ ແລະ ສະພາປະຊາຊົນຂັ້ນແຂວງໃນແຕ່ລະທ້ອງຖິ່ນ ດ້ວຍບັນຍາກາດອັນເບີກບານມ່ວນຊື່ນ, ຫ້າວຫັນ, ຟົດຟືນ, ເປັນຂະບວນການແຂງແຮງ ແລະ ສາມັກຄີເປັນປຶກແຜ່ນ ໃນທົ່ວປະເທດ.

ລົງຕິດຕາມວຽກງານກຽມການເລືອກຕັ້ງເມືອງສະໜາມໄຊ

20/02/2026 10:10

ວັນທີ 19 ກຸມພານີ້ ທີ່ຫ້ອງການປົກຄອງເມືອງສະໜາມໄຊ ແຂວງອັດຕະປື, ໄດ້ມີກອງປະຊຸມລາຍງານກ່ຽວກັບຜົນສໍາເລັດຂອງການເຄື່ອນໄຫວວຽກງານກະກຽມ ແລະ ດໍາເນີນການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V, ໂດຍການເປັນປະທານ ຂອງທ່ານ ຈັນທະວົງ ແສນອາມາດມົນຕີ ຮອງປະທານກໍາມາທິການຕ່າງປະເທດ ກໍາມະການອະນຸກໍາມະການເລຂານຸການຄະນະກໍາມະການເລືອກຕັ້ງລະດັບຊາດ.

2025 ສ່ວຍສາອາກອນແຂວງສາລະວັນຈັດເກັບລາຍຮັບໄດ້ 223.31 ຕື້ກີບ ລື່ນແຜນ 24,05%

20/02/2026 09:11

ໃນປີ 2025 ສ່ວຍສາອາກອນ ປະຈຳແຂວງສາລະວັນ ສາມາດເກັບລາຍຮັບໄດ້ທັງໝົດ 233.31 ຕື້ກີບເທົ່າກັບ 124.05%, ລື່ນແຜນການ 24,05% ທຽບໃສ່ໄລຍະດຽວກັນ ຂອງປີຜ່ານມາ ເພີ່ມຂຶ້ນ 45%.ໃນນັ້ນ, ຂັ້ນແຂວງ ຈັດເກັບໄດ້ 154.95 ຕື້ກີບເທົ່າກັບ 127.72% ແລະ ຂັ້ນເມືອງຈັດເກັບໄດ້ 78.36 ຕື້ກີບ ເທົ່າກັບ 117.38% ຂອງແຜນການປີ.

ກະຊວງຍຸຕິທຳ ປະກາດພະນັກງານອອກພັກການ-ຮັບອຸດໜູນບຳນານ

19/02/2026 14:18

ພິທີປະກາດພະນັກງານນຳພາ-ຄຸ້ມຄອງ ຂອງກະຊວງຍຸຕິທຳ ອອກພັກການ-ຮັບອຸດໜູນບຳນານ ໄດ້ຈັດຂຶ້ນໃນວັນທີ 19 ກຸມພານີ້ ທີ່ກະຊວງຍຸຕິທຳ ໂດຍການເປັນປະທານຂອງ ທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທຳ, ມີຜູ້ຕາງໜ້າຈາກຄະນະຈັດຕັ້ງສູນກາງພັກ, ບັນດາທ່ານຮອງລັດຖະມົນຕີ, ຫົວໜ້າກົມ, ຮອງກົມ ພ້ອມດ້ວຍພະນັກງານວິຊາການເຂົ້າຮ່ວມ.

ຢາກໃຫ້ຊ່ວຍເຫຼືອແມ່ຍິງ ແລະ ເດັກນ້ອຍມີຊີວິດການເປັນຢູ່ທີ່ດີຂຶ້ນ

19/02/2026 13:27

ທ່ານ ນາງ ພຸດດາວັນ ໄຊອານິນ ປະຊາຊົນຢູ່ບ້ານຈໍາປາວ ເມືອງສາມັກຄີໄຊ ແຂວງອັດຕະປືໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ໃນວັນທີ 18 ກຸມພານີ້ ທີ່ບ້ານຮົ່ມ ເມືອງສາມັກຄີໄຊ ແຂວງອັດຕະປື ວ່າ: ຂ້າພະເຈົ້າຮູ້ສຶກພາກພູມໃຈຫຼາຍ ທີ່ຈະໄດ້ປ່ອນບັດເລືອກຕັ້ງ ເອົາສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ໃນວັນທີ 22 ກຸມພາ 2026 ທີ່ຈະມາເຖິງນີ້. ຄວາມຄາດຫວັງນໍາ ສສຊ ແລະ ສສຂ ຄັ້ງນີ້ ແມ່ນຢາກໃຫ້ ຊ່ວຍເລື່ອງສິດສະເໝີພາບ ລະຫວ່າງຍິງ-ຊາຍ ໃຫ້ຫຼາຍຂຶ້ນ, ຊ່ວຍເຫຼືອແມ່ຍິງ ແລະ ເດັກນ້ອຍ ເວົ້າລວມ, ເວົ້າສະເພາະ ຊ່ວຍເຫຼືອເດັກນ້ອຍຜູ້ຍິງໃຫ້ໄດ້ຮັບການສຶກສາທີ່ດີ, ເຂົ້າເຖິງດ້ານສາທາລະນະສຸກ, ພັດທະນາຊີວິດການເປັນຢູ່ທີ່ດີຂຶ້ນ, ພັດທະນາເສັ້ນທາງເພື່ອການໄປ-ມາຫາສູ່ກັນສະດວກສະບາຍ ໂດຍລວມແລ້ວ ຢາກໃຫ້ ສສຊ ແລະ ສສຂ ຊຸດນີ້ ພັດທະນາເສດຖະກິດ-ສັງຄົມໃຫ້ໄປໃນທາງທີ່ດີຂຶ້ນຫຍັບເຂົ້າໃກ້ສາກົນໃຫ້ຫຼາຍຂຶ້ນ.

ມອບ-ຮັບໃບຢັ້ງຢືນໜ່ວຍພັກປອດໃສເຂັ້ມແຂງ, ໜັກແໜ້ນ ແລະ ຍ້ອງຍໍຜົນງານປະຈໍາປີ 2025

19/02/2026 13:26

ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດພິທິມອບ-ຮັບໃບຢັ້ງຢືນໜ່ວຍພັກປອດໃສເຂັ້ມແຂງ, ໜັກແໜ້ນ ແລະ ຍ້ອງຍໍຜົນງານ ຂອງອົງຄະນະພັກກະຊວງ ຮສສ ປະຈໍາປີ 2025 ຂຶ້ນໃນວັນທີ 19 ກຸມພານີ້ ທີ່ກະຊວງດັ່ງກ່າວ ໂດຍການເປັນປະທານ ແລະ ໃຫ້ກຽດມອບໃບຢັ້ງຢືນໃນຄັ້ງນີ້ຂອງສະຫາຍນາງ ແກ້ວ ຈັນທະວີໄຊ ຮອງເລຂາຄະນະພັກ ຮອງລັດຖະມົນຕີກະຊວງ ຮສສ, ສະຫາຍ ພົງໄຊສັກ ອິນຖາລາດ ຄະນະປະຈໍາພັກ ຮອງລັດຖະມົນຕີ ກະຊວງ ຮສສ, ມີບັນດາກໍາມະການຄະນະພັກກະຊວງ, ຄະນະພັກຮາກຖານ ແລະ ບັນດາໜ່ວຍພັກ, ພ້ອມດ້ວຍພະນັກງານ-ສະມາຊິກພັກ ເຂົ້າຮ່ວມ.

ຈົ່ງພ້ອມກັນເປັນເຈົ້າການໃນບັ້ນເລືອກຕັ້ງ ສສຊ ແລະ ສສຂ

19/02/2026 13:22

ໃນວັນທີ 22 ມີນາ 2026 ທີ່ຈະມາເຖິງນີ້ ຊຶ່ງເປັນເຫດການປະຫວັດສາດທີ່ມີຄວາມໝາຍສຳຄັນທີ່ສຸດໃນຊີວິດການເມືອງຂອງປະຊາຊົນລາວບັນດາເຜົ່າທົ່ວທັງຊາດ ລວມທັງພົນລະເມືອງລາວທີ່ດຳລົງຊີວິດ ແລະ ປະຕິບັດໜ້າທີ່ວຽກງານ ຢູ່ຕ່າງປະເທດ ຊຶ່ງເປັນຂີດໝາຍສຳຄັນຍິ່ງອີກຄັ້ງໜຶ່ງໃນການເສີມຂະຫຍາຍ ແລະ ປະຕິບັດສິດ ປະຊາທິປະໄຕຂອງປະຊາຊົນລາວບັນດາເຜົ່າໃນຖານະເປັນເຈົ້າຂອງອຳນາດລັດ ຂອງ ສາທາລະນະລັດ ປະຊາທິ ປະໄຕ ປະຊາຊົນລາວ

ທ່ານ ຈັນທະວົງ ແສນອາມາດມົນຕີ ຕິດຕາມວຽກງານຮອບດ້ານ ການເລືອກຕັ້ງຢູ່ແຂວງອັດຕະປື

19/02/2026 13:14

ທ່ານ ຈັນທະວົງ ແສນອາມາດມົນຕີ ຮອງປະທານກໍາມາທິການຕ່າງປະເທດ ສະພາແຫ່ງຊາດ ກໍາມະການອະນຸກໍາມະການເລຂານຸການ ຂອງຄະນະກໍາມະການເລືອກຕັ້ງລະດັບຊາດ ພ້ອມດ້ວຍຄະນະ ລົງເຄື່ອນໄຫວ ຕິດຕາມ, ກວດກາ ວຽກງານຮອບດ້ານ ບັນຍາກາດການເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາຂັ້ນແຂວງ (ສສຂ) ຊຸດທີV, ໃນວັນທີ 18 ກຸມພານີ້ ທີ່ບ້ານຮົ່ມ ເມືອງສາມັກຄີໄຊ ແຂວງອັດຕະປື.

ເພີ່ມເຕີມ