ແລະອາສາສະໝັກຍີ່ປຸ່ນຊຶ່ງນໍາໂດຍທ່ານໂຄອິຊຸມິຊຶໂຕມຸ (KOIZUMI Tsutomu)ເອກອັກຄະຣາຊະທູດຍີ່ປຸ່ນປະຈໍາລາວ.
ໃນໂອກາດນີ້, ທ່ານນາຍົກລັດຖະມົນຕີໄດ້ກ່າວສະແດງຄວາມຍິນດີຕ້ອນຮັບທ່ານຮາຕາອິດະມິກິໂອະພ້ອມທັງຕີລາຄາສູງຕໍ່ການຊ່ວຍເຫຼືອແລະສະໜັບສະໜູນຂອງອົງການJICAເວົ້າສະເພາະ,ເວົ້າລວມກໍຄືຂອງລັດຖະບານແລະປະຊາຊົນຍີ່່ປຸນທີ່ໄດ້ປະກອບສ່ວນໃນການພັດທະນາເສດຖະກິດ-ສັງຄົມຂອງສປປລາວ ຕະຫຼອດໄລຍະທີ່ຜ່ານມາ; ໄດ້ສະເໜີອົງການJICA ສືບຕໍ່ໃຫ້ການຊ່ວຍເຫຼືອ ແລະສະໜັບສະໜູນສປປລາວພ້ອມທັງຊຸກຍູ້ການຈັດຕັ້ງປະຕິບັດໂຄງການຕ່າງໆທີ່ໄດ້ຮັບອະນຸມັດແລ້ວໃຫ້ສຳເລັດຕາມຄາດໝາຍທີ່ວາງໄວ້.ສໍາລັບປີ 2025 ຈະຄົບຮອບ 70 ປີແຫ່ງສາຍພົວພັນທາງການທູດລາວ-ຍີ່ປຸ່ນແລະຄົບຮອບ 60 ປີຂອງການຈັດສົ່ງອາສາສະໝັກຍີ່ປຸ່ນມາປະຕິບັດໜ້າທີ່ຢູ່ສປປລາວສະເໜີໃຫ້ທັງສອງຝ່າຍລາວແລະຍີ່ປຸ່ນສືບຕໍ່ປະສານງານແລະເຮັດວຽກຮ່ວມກັນເພື່ອໃຫ້ບັນດາກິດຈະກຳຕ່າງໆຕ້ອນຮັບວັນສຳຄັນດັ່ງກ່າວສຳເລັດຜົນຕາມຄາດໝາຍທີ່ວາງໄວ້.
ຫຼັງຈາກນັ້ນ,ທ່ານນາຍົກລັດຖະມົນຕີໄດ້ໃຫ້ກຽດຕ້ອນຄະນະອາສາສະໝັກຍີ່່ປຸ່ນໂດຍໄດ້ກ່າວສະແດງຄວາມຍິນດີຕ້ອນຮັບ, ຊົມເຊີຍແລະຕີລາຄາສູງຕໍ່ບັນດາອາສາສະໝັກທີ່ມາຊ່ວຍເຫຼືອເຮັດວຽກຢູ່ສປປລາວ ຊຶ່ງເປັນຜູ້ທີ່ມີຄວາມອົດທົນແລະເສຍສະຫຼະສູງ,ເຖິງແມ່ນປະຊາຊົນທັງສອງຊາດມີວິຖີການດຳລົງຊີວິດແລະຮີດຄອງປະເພນີແຕກຕ່າງກັນແຕ່ອາສາສະໝັກກໍເລືອກທີ່ມາເຮັດວຽກຢູ່ສປປລາວແລະຍັງສະໝັກໄປເຮັດວຽກຢູ່ທ້ອງຖິ່ນຊົນນະບົດຢູ່ເຂດຫ່າງໄກສອກຫຼີກຮ່ວມກັບພະນັກງານຂອງລາວຢ່າງບໍ່ຮູ້ອິດຮູ້ເມື່ອຍ;ໄດ້ສະແດງຄວາມຂອບໃຈຕໍ່ການຊ່ວຍເຫຼືອອັນລ້ຳຄ່າຂອງລັດຖະບານແລະປະຊາຊົນຍີ່ປຸ່ນໄລຍະຜ່ານມາ ຊຶ່ງໄດ້ປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມຂອງສປປລາວໃນແຕ່ລະໄລຍະ;ໄດ້ຕີລາຄາສູງຕໍ່ສາຍພົວພັນຮ່ວມມືສອງຝ່າຍລາວ-ຍີ່ປຸ່ນໃນໄລຍະຜ່ານມາ ຊຶ່ງໄດ້ສືບຕໍ່ຂະຫຍາຍຕົວຢ່າງຕໍ່ເນື່ອງ. ນອກຈາກນີ້,ທ່ານນາຍົກລັດຖະມົນຕີຍັງໄດ້ສະເໜີໃຫ້ຝ່າຍຍີ່ປຸ່ນສືບຕໍ່ສົ່ງອາສາສະໝັກຂອງຕົນມາປະຕິບັດໜ້າທີ່ຕາມຂະແໜງການທີ່ມີຄວາມຈຳເປັນເພື່ອມາຊ່ວຍຂະແໜງການທີ່ກ່ຽວຂ້ອງຂອງລາວ;ສະເໜີອາສາສະໝັກໃຫ້ຖ່າຍທອດຄວາມຮູ້ຄວາມສາມາດ ແລະເຕັກໂນໂລຊີໃຫ້ແກ່ວິຊາການລາວ ແລະຮ່ວມເຮັດວຽກກັບອົງການປົກຄອງທ້ອງຖິ່ນທີ່ຕົນສັງກັດຢູ່,ທັງຮຽນຮູ້ວັດທະນະທຳ ແລະຮີດຄອງປະເພນີອັນດີງາມຂອງຊຸມຊົນທ້ອງຖິ່ນເພື່ອເຮັດໃຫ້ສາຍພົວພັນມິດຕະພາບຮ່ວມກັນນັບມື້ນັບດີຂຶ້ນ,ພ້ອມກັນນັ້ນກໍນໍາເອົາຂໍ້ມູນແລະປະສົບການຂອງຕົນໄປເຜີຍແຜ່ໃຫ້ຄົນຍີ່ປຸ່ນ ໄດ້ຮູ້ສປປລາວຫຼາຍຂຶ້ນເພື່ອປະກອບສ່ວນເສີມສ້າງສາຍພົວພັນການຮ່ວມມື, ດຶງດູດນັກລົງທຶນມາລົງທຶນຢູ່ສປປລາວຫຼາຍຂຶ້ນແລະທັງເປັນການສົ່ງເສີມການທ່ອງທ່ຽວອີກດ້ວຍ.
ໃນໂອກາດດຽວກັນ,ທ່ານຮາຕາອິດະມິກິໂອະຮອງປະທານອາວຸໂສອົງການຮ່ວມມືສາກົນຍີ່ປຸ່ນແລະທ່ານເອກອັກຄະຣາຊະທູດຍີ່ປຸ່ນປະຈໍາລາວໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານນາຍົກລັດຖະມົນຕີແຫ່ງສປປລາວ, ພ້ອມທັງຕີລາຄາສູງຕໍ່ການພົວພັນຮ່ວມມືອັນດີງາມລະຫວ່າງຍີ່ປຸ່ນແລະລາວໃນໄລຍະຜ່ານມາ.
ອາສາສະໝັກຍີ່ປຸ່ນທີ່ມາປະຕິບັດໜ້າທີ່ຢູ່ລາວແມ່ນເລີ່ມແຕ່ປີ1965ເປັນຕົ້ນມາຊຶ່ງໃນເວລານັ້ນມີອາສາສະໝັກພຽງ5ຄົນແລະປະເທດລາວເປັນໜຶ່ງໃນ4ປະເທດທຳອິດທີ່ລັດຖະບານຍີ່ປຸ່ນໄດ້ສົ່ງອາສາສະໝັກຂອງຕົນມາປະຕິບັດວຽກງານແລະມາຮອດປັດຈຸບັນອາສາສະໝັກຍີ່ປຸ່ນທີ່ມາປະຕິບັດໜ້າທີ່ຢູ່ສປປລາວລວມທັງໝົດ 1.094 ຄົນ, ສະເພາະປີ2024ມີອາສາສະໝັກອາວຸໂສແລະອາສາສະໝັກໜຸ່ມທັງໝົດ 45 ຄົນໂດຍປະຈໍາຢູ່ຂະແໜງການຕ່າງໆເປັນຕົ້ນສຶກສາທິການແລະກິລາ, ສາທາລະນະສຸກ, ກະສິກຳ-ປ່າໄມ້, ພັດທະນາຊົນນະບົດແລະຂົງເຂດອື່ນໆ.
ຂ່າວແລະພາບ: ກົມປະຊາສຳພັນຫສນຍ
ຄໍາເຫັນ