ທ່ານສີຈິ້ນຜິງສະຫຼອງຕ້ອນຮັບບຸນກຸດຈີນຮ່ວມກັບຜູ້ຕາງໜ້າບຸກຄົນທີ່ບໍ່ສັງກັດພັກຝ່າຍໃດ

ປະທານຄະນະກໍາມະການການທະຫານສູນກາງຈີນໄດ້ຮ່ວມກັບຜູ້ຮັບຜິດຊອບຂອງສູນກາງພັກຝ່າຍປະຊາທິປະໄຕຕ່າງໆ ແລະ ສະຫະພັນອຸດສາຫະກຳການຄ້າທົ່ວປະເທດກໍຄືຜູ້ຕາງໜ້າບຸກຄົນທີ່ບໍ່ສັງກັດພັກຝ່າຍໃດ ເພື່ອສະຫຼອງຕ້ອນຮັບບຸນກຸດຈີນທີ່ຈະມາເຖິງ. ໃນໂອກາດນີ້, ທ່ານ ສີຈິ້ນຜິງ ໄດ້ຕາງໜ້າສູນກາງພັກກອມມູນິດຈີນສະແດງຄວາມຢື້ຢາມຖາມຂ່າວຢ່າງຈິງໃຈ ແລະ ອວຍພອນໄຊອັນປະເສີດໃຫ້ແກ່ພັກຝ່າຍປະຊາທິປະໄຕຕ່າງໆ, ສະຫະພັນອຸດສາຫະກຳການຄ້າທົ່ວປະເທດ, ບຸກຄົນທີ່ບໍ່ສັງກັດພັກຝ່າຍໃດກໍຄືສະມາຊິກທັງຫຼາຍຂອງແນວໂຮມເອກະພາບ.

ທ່ານ ສີຈິ້ນຜິງ ໄດ້ສະເໜີຄວາມຫວັງ 3 ຂໍ້ຕໍ່ພັກຝ່າຍປະຊາທິປະໄຕຕ່າງໆ ແລະ ສະຫະພັນອຸດສາຫະກຳການຄ້າທົ່ວປະເທດກໍຄືບຸກຄົນທີ່ບໍ່ສັງກັດພັກຝ່າຍໃດຄື: 1. ຍົກສູງຫຼັກໝັ້ນດ້ານການເມືອງ, ຮັດແໜ້ນຄວາມສາມັກຄີພາຍໃນຕື່ມອີກ; 2. ກໍາແໜ້ນວຽກງານໃຈກາງ, ປະກອບຄໍາຄິດຄໍາເຫັນຢ່າງຕັ້ງໜ້າ; 3. ເພີ່ມທະວີການກໍ່ສ້າງອົງການຕົນໃຫ້ເຂັ້ມແຂງ ເພື່ອຍົກສູງຄວາມສາມາດການປະຕິບັດພາລະໜ້າທີ່.