ເມືອງທ່າພະບາດ, ເປັນເມືອງໜຶ່ງທີ່ມີທ່າແຮງດ້ານການຜະລິດກະສິກຳ, ໃນໄລຍະຜ່ານມາການນຳເມືອງກໍຄືຂະແໜງກ່ຽວຂ້ອງໄດ້ເອົາໃຈໃສ່ສົ່ງເສີມປະຊາຊົນຫັນມາເອົາໃຈໃສ່ການປູກ-ການລ້ຽງຫຼາຍຂຶ້ນໂດຍສ້າງຕັ້ງເປັນກຸມການຜະລິດ, ການລ້ຽງສັດເປັນຟາມເພື່ອເປັນສິນຄ້າຂາຍພາຍໃນແລະສົ່ງອອກເພື່ອທົດແທນການນຳເຂົ້າເທື່ອລະກ້າວ.
ທ່ານວິລະພົນ ສຸລິນພູມີ ຫົວໜ້າຫ້ອງການກະສິກໍາແລະປ່າໄມ້ເມືອງທ່າພະບາດແຂວງບໍລິຄຳໄຊເປີດເຜີຍວ່າ: ເມືອງທ່າພະບາດໄດ້ຫັນເອົາການທໍາມາຫາກິນ ກໍຄື ການຜະລິດແບບເກົ່າກ້າວໄປສູ່ການຜະລິດແບບໃໝ່ ທີ່ເປັນຮູບປະທໍາຢ່າງຊັດເຈນ ໂດຍສະເພາະ ຫັນການຜະລິດສິນຄ້າເປັນກຸ່ມ-ເປັນຟາມ ເພື່ອທົດແທນການນໍາເຂົ້າແລະສົ່ງອອກ, ທົ່ວເມືອງມີພື້ນຖານການຜະລິດທີ່ແໜ້ນໜາ ເຊັ່ນ: ມີກຸ່ມຜະລິດຂອງເມືອງເຖິງ 23 ກຸ່ມ ຄື: ກຸ່ມຜະລິດແນວພັນເຂົ້າ 7ກຸ່ມ, ກຸ່ມຜະລິດເຂົ້າເປັນສິນຄ້າ 7ກຸ່ມ, ກຸ່ມປູກພືດຜັກ 7ກຸ່ມ, ບັນດາກຸ່ມເຫຼົ່ານີ້ ເນັ້ນໃສ່ການຜະລິດແບບຕ່ອງໂສ້ ໝາຍຄວາມວ່າ ກຸ່ມຜະລິດແນວພັນ ເມື່ອຜະລິດໄດ້ແລ້ວ ມາຂາຍໃຫ້ກຸ່ມຜະລິດເປັນສິນຄ້າ, ກຸ່ມຜະລິດເຂົ້າເປັນສິນຄ້າຜະລິດໄດ້ແລ້ວສົ່ງຂາຍໃຫ້ກຸ່ມໂຮງສີເຂົ້າຊຶ່ງບັນດາກຸ່ມເຫຼົ່ານີ້ ໄດ້ຈັດຕັ້ງປະຕິບັດມາໄດ້ 3ປີແລ້ວ.
ຄຽງຄູ່ກັບກຸ່ມການປູກຝັງແລ້ວ ຍັງມີກຸ່ມລ້ຽງສັດ ຄື: ກຸ່ມລ້ຽງງົວ, ກຸ່ມລ້ຽງໝູ(ຟາມ) ຜະລິດລູກໝູ ມີ 2ຟາມຊຶ່ງຟາມທີ່ສາມາດຜະລິດລູກໝູໄດ້ໃນປັດຈຸບັນມີແມ່ພັນໝູ 1.500 ແມ່, ສາມາດຜະລິດລູກໝູໄດ້ເກືອບ 10.000 ໂຕຜະລິດສົ່ງອອກໃນທ້າຍປີ 2023, ສ່ວນອີກຟາມໜຶ່ງຄາດວ່າຈະມີໝູແມ່ພັນປະມານ 1.200 ໂຕຖ້າສ້າງສຳເລັດແລະຜະລິດລູກໝູນ້ອຍເຕັມກຳລັງ ຈະເຮັດໃຫ້ເມືອງທ່າພະບາດສາມາດສະໜອງລູກໝູພຽງພໍຕາມຄວາມຕ້ອງການຂອງຕະຫຼາດ ແລະຈະບໍ່ຈຳເປັນຕ້ອງນຳເຂົ້າໝູອີກຕໍ່ໄປມີແຕ່ຈະສົ່ງອອກເປັນສິນຄ້າ; ນອກຈາກນີ້ ຍັງມີກຸ່ມຜະລິດລູກໝູ ໜອງໝາກຈັບຂອງກອງທັບຊຶ່ງຜະລິດເພື່ອຮັບໃຊ້ກົມ-ກອງ ແລະ ສ່ວນທີ່ເຫຼືອບໍລິໂພກ ກໍຂາຍໃຫ້ປະຊາຊົນ ທີ່ເປັນຜູ້ປະກອບການຟາມຂະໜາດນ້ອຍ (ແບບຄອບຄົວ).
ສະເພາະ ການປູກເຂົ້າ, ທົ່ວເມືອງເນື້ອທີ່ນາ3.500ກວ່າເຮັກຕາ, ໃນນັ້ນ ນາແຊງມີ 1.000ກວ່າເຮັກຕາ ສາມາດຜະລິດເຂົ້າກຸ້ມກິນ ແລະ ສົ່ງອອກຂາຍເປັນສິນຄ້າ, ສະເລ່ຍອັດຕາເຂົ້າກິນ 500ກິໂລ/ຄົນ/ປີ ທຽບໃສ່ແຜນການປະຕິບັດໄດ້ລື່ນແຜນ.
ທັງນີ້ ປະຊາຊົນເມືອງທ່າພະບາດໄດ້ຖືເອົາອາຊີບປູກຝັງ-ລ້ຽງສັດເປັນສ່ວນໃຫຍ່, ນອກນັ້ນ ແມ່ນຖືເອົາການຄ້າ-ຂາຍຈໍານວນໜຶ່ງ ເປັນຕົ້ນ ຢາງພາລາ ເນື້ອທີ່30.500ກວ່າເຮັກຕາ, ສາມາດຂີດຢາງໄດ້ ເນື້ອທີ່2.000ກວ່າເຮັກຕາ ສ້າງລາຍຮັບໃຫ້ແກ່ປະຊາຊົນປະມານ61ຕື້ກວ່າກີບຕໍ່ປີ, ມີໂຮງງານຜະລິດຢາງພາລາ ແບບເປັນກ້ອນ 2ໂຮງງານ. ນອກຈາກນັ້ນ ຍັງໄດ້ສຸມໃສ່ປູກພືດອຸດສາຫະກໍາອື່ນ ໄດ້ແກ່ ສີໃຄເຄື່ອງ, ພືດໃໝ່ ອາວາເວ(ເນື້ອທີ່150ກວ່າເຮັກຕາ).
(ຂ່າວ-ພາບ: ແສງຈັນ)
ທ່ານວິລະພົນ ສຸລິນພູມີ ຫົວໜ້າຫ້ອງການກະສິກໍາແລະປ່າໄມ້ເມືອງທ່າພະບາດແຂວງບໍລິຄຳໄຊເປີດເຜີຍວ່າ: ເມືອງທ່າພະບາດໄດ້ຫັນເອົາການທໍາມາຫາກິນ ກໍຄື ການຜະລິດແບບເກົ່າກ້າວໄປສູ່ການຜະລິດແບບໃໝ່ ທີ່ເປັນຮູບປະທໍາຢ່າງຊັດເຈນ ໂດຍສະເພາະ ຫັນການຜະລິດສິນຄ້າເປັນກຸ່ມ-ເປັນຟາມ ເພື່ອທົດແທນການນໍາເຂົ້າແລະສົ່ງອອກ, ທົ່ວເມືອງມີພື້ນຖານການຜະລິດທີ່ແໜ້ນໜາ ເຊັ່ນ: ມີກຸ່ມຜະລິດຂອງເມືອງເຖິງ 23 ກຸ່ມ ຄື: ກຸ່ມຜະລິດແນວພັນເຂົ້າ 7ກຸ່ມ, ກຸ່ມຜະລິດເຂົ້າເປັນສິນຄ້າ 7ກຸ່ມ, ກຸ່ມປູກພືດຜັກ 7ກຸ່ມ, ບັນດາກຸ່ມເຫຼົ່ານີ້ ເນັ້ນໃສ່ການຜະລິດແບບຕ່ອງໂສ້ ໝາຍຄວາມວ່າ ກຸ່ມຜະລິດແນວພັນ ເມື່ອຜະລິດໄດ້ແລ້ວ ມາຂາຍໃຫ້ກຸ່ມຜະລິດເປັນສິນຄ້າ, ກຸ່ມຜະລິດເຂົ້າເປັນສິນຄ້າຜະລິດໄດ້ແລ້ວສົ່ງຂາຍໃຫ້ກຸ່ມໂຮງສີເຂົ້າຊຶ່ງບັນດາກຸ່ມເຫຼົ່ານີ້ ໄດ້ຈັດຕັ້ງປະຕິບັດມາໄດ້ 3ປີແລ້ວ.
ຄຽງຄູ່ກັບກຸ່ມການປູກຝັງແລ້ວ ຍັງມີກຸ່ມລ້ຽງສັດ ຄື: ກຸ່ມລ້ຽງງົວ, ກຸ່ມລ້ຽງໝູ(ຟາມ) ຜະລິດລູກໝູ ມີ 2ຟາມຊຶ່ງຟາມທີ່ສາມາດຜະລິດລູກໝູໄດ້ໃນປັດຈຸບັນມີແມ່ພັນໝູ 1.500 ແມ່, ສາມາດຜະລິດລູກໝູໄດ້ເກືອບ 10.000 ໂຕຜະລິດສົ່ງອອກໃນທ້າຍປີ 2023, ສ່ວນອີກຟາມໜຶ່ງຄາດວ່າຈະມີໝູແມ່ພັນປະມານ 1.200 ໂຕຖ້າສ້າງສຳເລັດແລະຜະລິດລູກໝູນ້ອຍເຕັມກຳລັງ ຈະເຮັດໃຫ້ເມືອງທ່າພະບາດສາມາດສະໜອງລູກໝູພຽງພໍຕາມຄວາມຕ້ອງການຂອງຕະຫຼາດ ແລະຈະບໍ່ຈຳເປັນຕ້ອງນຳເຂົ້າໝູອີກຕໍ່ໄປມີແຕ່ຈະສົ່ງອອກເປັນສິນຄ້າ; ນອກຈາກນີ້ ຍັງມີກຸ່ມຜະລິດລູກໝູ ໜອງໝາກຈັບຂອງກອງທັບຊຶ່ງຜະລິດເພື່ອຮັບໃຊ້ກົມ-ກອງ ແລະ ສ່ວນທີ່ເຫຼືອບໍລິໂພກ ກໍຂາຍໃຫ້ປະຊາຊົນ ທີ່ເປັນຜູ້ປະກອບການຟາມຂະໜາດນ້ອຍ (ແບບຄອບຄົວ).
ສະເພາະ ການປູກເຂົ້າ, ທົ່ວເມືອງເນື້ອທີ່ນາ3.500ກວ່າເຮັກຕາ, ໃນນັ້ນ ນາແຊງມີ 1.000ກວ່າເຮັກຕາ ສາມາດຜະລິດເຂົ້າກຸ້ມກິນ ແລະ ສົ່ງອອກຂາຍເປັນສິນຄ້າ, ສະເລ່ຍອັດຕາເຂົ້າກິນ 500ກິໂລ/ຄົນ/ປີ ທຽບໃສ່ແຜນການປະຕິບັດໄດ້ລື່ນແຜນ.
ທັງນີ້ ປະຊາຊົນເມືອງທ່າພະບາດໄດ້ຖືເອົາອາຊີບປູກຝັງ-ລ້ຽງສັດເປັນສ່ວນໃຫຍ່, ນອກນັ້ນ ແມ່ນຖືເອົາການຄ້າ-ຂາຍຈໍານວນໜຶ່ງ ເປັນຕົ້ນ ຢາງພາລາ ເນື້ອທີ່30.500ກວ່າເຮັກຕາ, ສາມາດຂີດຢາງໄດ້ ເນື້ອທີ່2.000ກວ່າເຮັກຕາ ສ້າງລາຍຮັບໃຫ້ແກ່ປະຊາຊົນປະມານ61ຕື້ກວ່າກີບຕໍ່ປີ, ມີໂຮງງານຜະລິດຢາງພາລາ ແບບເປັນກ້ອນ 2ໂຮງງານ. ນອກຈາກນັ້ນ ຍັງໄດ້ສຸມໃສ່ປູກພືດອຸດສາຫະກໍາອື່ນ ໄດ້ແກ່ ສີໃຄເຄື່ອງ, ພືດໃໝ່ ອາວາເວ(ເນື້ອທີ່150ກວ່າເຮັກຕາ).
(ຂ່າວ-ພາບ: ແສງຈັນ)
ຄໍາເຫັນ