 |
ກອງປະຊຸມຄັ້ງນີ້ ໄດ້ຜ່ານຮ່າງລາຍງານການເມືອງຂອງອົງຄະນະພັກກະຊວງ ຍທຂ, ຜ່ານຮ່າງແຜນພັດທະນາຂະແໜງການໂຍທາທິການ ແລະ ຂົນສົ່ງ ແລະ ຜ່ານຮ່າງ ບົດສຳຫຼວດການນຳພາລວມຂອງຄະນະບໍລິຫານງານພັກກະຊວງ ຍທຂ ສະໄໝທີ V, ພ້ອມນັ້ນຜູ້ແທນກອງປະຊຸມ ໄດ້ພ້ອມກັນປະກອບຄຳຄິດເຫັນໃສ່ສາມຮ່າງເອະສານ ອັນໃດທີເຮັດໄດ້ສຳເລັດ ແລະ ອັນໃດທີ່ຍັງຄ້າງຄາ ທີ່ຈະໄດ້ພ້ອມກັນແກ້ໄຂເຮັດໃຫ້ສຳເລັດໃນຕໍ່ໜ້າ.
ເພື່ອເປັນພື້ນຖານໃຫ້ແກ່ການທາບທາມຮອບທີ III ແລະ ກອງປະຊຸມໃຫຍ່ຜູ້ແທນຄັ້ງທີ VI ຂອງອົງຄະນະພັກກະຊວງ, ເພື່ອຮັບປະກັນໃຫ້ແກ່ການເລືອກເຟັ້ນເອົາບຸກຄະລາກອນເຂົ້າສະໝັກເປັນຄະນະບໍລິຫານງານພັກກະຊວງສະໄໝທີ VI, ດັ່ງນັ້ນ ສະຫາຍ ລັດຖະມົນຕີ ໄດ້ຮຽກຮ້ອງມາຍັງບັນດາສະຫາຍທີ່ເຂົ້າຮ່ວມກອງປະຊຸມໃຫ້ມີຄວາມຮັບຜິດຊອບທາງດ້ານການເມືອງສູງ ຕັດສິນໃຈເລືອກເຟັ້ນເອົາບຸກຄະລາກອນທີ່ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີຄວາມຮູ້ຄວາມສາມາດດ້ານວິຊາການໃດໜຶ່ງທີ່ແນ່ນອນ, ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ຖືກມອບໝາຍ, ເຄົາລົບນັບຖືຄໍາຄິດຄໍາເຫັນຂອງໝູ່ຄະນະ ແລະ ມະຫາຊົນ, ປະຕິບັດລະບອບແບບແຜນວິທີເຮັດວຽກແບບລວມສູນປະຊາທິປະໄຕຂອງພັກ, ຕົກລົງບັນຫາເປັນໝູ່ຄະນະ ປະຕິບັດລະບຽບການ ແລະ ກົດໝາຍຢ່າງເຂັ້ມງວດ. ຫຼີກເວັ້ນແນວຄິດອັກຄະຕິສ່ວນຕົວຕໍ່ກັນ ຊຶ່ງຈະນໍາພາໄປສູ່ການສ້າງຜົນເສຍຫາຍໃຫ້ແກ່ບຸກຄະລາກອນທີ່ມີຄວາມຮູ້-ຄວາມສາມາດ ເຮັດໃຫ້ຂາດໂອກາດເຂົ້າຮ່ວມເປັນຄະນະພັກກະຊວງ.
ຕອນທ້າຍ ກອງປະຊຸມກໍໄດ້ມີການປ່ອນບັດທາບທາມບຸກຄະລາກອນ ທີ່ຈະອອກສະ
ໜັກຮັບເລືອກຕັ້ງເຂົ້າໃນຄະນະບໍລິຫານງານພັກ ກະຊວງ ໂຍທາທິການ ແລະ ຂົນສົ່ງຮອບທີ III ສະໄໝທີ VI.
(ຂ່າວ-ພາບ: ຕຸໄລເພັດ )
ຄໍາເຫັນ