ໂດຍ: ພູວັນ
ທາດໃຍຫີນ ແມ່ນແຮ່ທາດທຳມະຊາດທີ່ທົນທານຕໍ່ຄວາມຮ້ອນ ແລະ ໄຟທີ່ຖືກນໍາມາໃຊ້ໃນບາງຜະລິດ ຕະພັນ, ທາດໃຍຫີນທຸກຊະນິດເປັນອັນຕະລາຍຕໍ່ສຸຂະພາບ ສາມາດເຮັດໃຫ້ເກີດເປັນພະຍາດມະເຮັງ, ພະຍາດເຍື້ອຫຸ້ມປອດ ແລະ ພະຍາດອື່ນໆ. ທາດໃຍຫີນເປັນສາເຫດເຮັດໃຫ້ມີຜູ້ເສຍຊີວິດໃນທົ່ວໂລກປະມານ 255.000 ຄົນຕໍ່ປີ, ຫຼາຍໆປະເທດໄດ້ສັ່ງຫ້າມການນຳເຂົ້າ ແລະ ການຜະລິດວັດສະດຸທີ່ນໍາໃຊ້ທາດດັ່ງກ່າວ.
ຜະລິດຕະພັນທີ່ຜະລິດຈາກທາດໃຍຫີນຂາວ ທີ່ພົບເຫັນທົ່ວໄປຫຼາຍທີ່ສຸດໃນອາຊີແມ່ນແຜ່ນມຸງຫຼັງຄາຮູບແບບກະເບື້ອງຊີມັງທີ່ເປັນຮ່ອງ, ພົບເຫັນໃນຜ້າເບກລົດໃຫຍ່ ຫຼື ລົດຈັກ, ວັດສະດຸທີ່ໃຊ້ແຮງສຽດສີ ແລະ ຜະລິດຕະພັນກໍ່ສ້າງອື່ນໆ, ເສັ້ນໃຍຂອງທາດໄຍຫີນມີຂະໜາດນ້ອຍຫຼາຍ, ຖ້າຫາຍໃຈເອົາໃຍຫີນເຂົ້າໄປມັນຈະທຳລາຍປອດ, ໃນທົ່ວໂລກຄົນຈຳນວນຫຼາຍເສຍຊີວິດໃນແຕ່ລະປີຍ້ອນພະຍາດທີ່ເກີດຈາກໃຍຫີນເຊັ່ນ: ພະຍາດມະເຮັງປອດ, ພະຍາດທີ່ເກີດຈາກທາດໃຍຫີນໃຊ້ເວລາຫຼາຍປີຈຶ່ງເກີດອາການພະຍາດ ຫຼັງຈາກການສຳຜັດທາດໃຍຫີນ, ທາດໃຍຫີນທຸກຊະນິດເປັນສາເຫດເຮັດໃຫ້ເກີດພະຍາດມະເຮັງ ລວມທັງພະຍາດມະເຮັງເຍື້ອຫຸ້ມປອດ, ມະເຮັງປອດ, ມະເຮັງຫຼອດສຽງ ແລະ ມະເຮັງຮັງໄຂ່ ລວມໄປເຖິງພະຍາດທີ່ເກີດຈາກທາດໃຍຫີນອື່ນໆ(ພາວະເກີດພັງຜືດ ຫຼືຮອຍບາດແຜໃນປອດ) ແລະ ພະຍາດເຍື້ອຫຸ້ມປອດເຊັ່ນ: ການຈັບເປັນກ້ອນເຮັດໃຫ້ຂຸ້ນ ຫຼືໜາຂຶ້ນຫຼືພາວະມີນໍ້າໃນຊ່ອງເຍື້ອຫຸ້ມປອດ (ການຮົ່ວໄຫຼຂອງນໍ້າໃນປອດ), ອັນຕະລາຍທີ່ໄດ້ຮັບຈາກທາດໃຍຫີນ ກໍຄືໃນລະຫວ່າງການຜະລິດ, ໃນເວລາທີ່ກຳລັງມີການກໍ່ສ້າງ ຫຼືໃນເວລາທຸບມ້າງຕຶກອາຄານທີ່ນໍາໃຊ້ແຜ່ນມຸງທີ່ມີທາດໃຍຫີນ, ໃນເວລາທີ່ມັນມີການແຕກຫັກ, ຢູ່ພາຍໃນເຮືອນຂອງເຈົ້າໃນເວລາທີ່ທາດໃຍຫີນໄດ້ຖືກລົບກວນ, ທຸບ, ຖືກຕັດ, ເອົາກັບມາໃຊ້ອີກ ຫຼືມີອາຍຸໃຊ້ງານມາດົນນານຫຼາຍແລ້ວ ແລະ ມີການເປ່ເພ, ໃນເວລາທີ່ມັນໄດ້ຮັບຄວາມເສຍຫາຍຈາກສະພາບດິນຟ້າອາກາດ, ພະຍາດທີ່ເກີດຈາກທາດໃຍຫີນ ແລະ ໂຄວິດ-19ທັງສອງພະຍາດມີຜົນກະທົບຕໍ່ປອດ, ຖ້າຫາກເຈົ້າໄດ້ສຳຜັດກັບທາດໃຍຫີນເຈົ້າອາດຈະໄດ້ຮັບຜົນກະທົບຮ້າຍແຮງຫຼາຍຂຶ້ນຈາກພະຍາດປອດອື່ນໆ ມັນເປັນສິ່ງສຳຄັນຫຼາຍທີ່ຕ້ອງຫຼີກລ່ຽງການສຳຜັດກັບທາດໃຍຫີນ ເພື່ອປົກປ້ອງສຸຂະພາບຂອງເຈົ້າ ແລະ ປະຕິບັດຕາມຄຳແນະນຳຂອງກະຊວງສາທາລະນະສຸກກ່ຽວກັບໂຄວິດ-19.
ພະຍາດທີ່ເກີດຈາກທາດໃຍຫີນສາມາດຫຼີກລ່ຽງໄດ້ເຊັ່ນໃນບໍລິເວນທີ່ຢູ່ອາໃສ ຢ່າຊື້ຫຼືນໍາໃຊ້ຜະລິດຕະພັນທີ່ມີທາດໃຍຫີນ ເພາະມັນຍັງມີທາງເລືອກອື່ນຢູ່ສະເໝີ, ບໍ່ໃຫ້ແຕະຕ້ອງວັດສະດຸທີ່ມີທາດໃຍຫີນ ຫຼືນໍາເອົາມາໃຊ້ຄືນເພື່ອເຮັດສິ່ງອື່ນໆອີກ, ເວລາຈະປ່ຽນແຜ່ນມຸງຫຼັງຄາເກົ່າ ທີ່ເຮັດຈາກທາດໃຍຫີນຢູ່ເຮືອນຂອງເຈົ້າ ຖ້າເປັນໄປໄດ້ຄວນໃຫ້ຜູ້ຊ່ຽວຊານທີ່ຮູ້ວິທີການຮື້ຖອນທີ່ປອດໄພເປັນຜູ້ເອົາອອກໃຫ້ ເພື່ອຄວາມປອດໄພຂອງສຸຂະພາບ.
ທາດໃຍຫີນ ແມ່ນແຮ່ທາດທຳມະຊາດທີ່ທົນທານຕໍ່ຄວາມຮ້ອນ ແລະ ໄຟທີ່ຖືກນໍາມາໃຊ້ໃນບາງຜະລິດ ຕະພັນ, ທາດໃຍຫີນທຸກຊະນິດເປັນອັນຕະລາຍຕໍ່ສຸຂະພາບ ສາມາດເຮັດໃຫ້ເກີດເປັນພະຍາດມະເຮັງ, ພະຍາດເຍື້ອຫຸ້ມປອດ ແລະ ພະຍາດອື່ນໆ. ທາດໃຍຫີນເປັນສາເຫດເຮັດໃຫ້ມີຜູ້ເສຍຊີວິດໃນທົ່ວໂລກປະມານ 255.000 ຄົນຕໍ່ປີ, ຫຼາຍໆປະເທດໄດ້ສັ່ງຫ້າມການນຳເຂົ້າ ແລະ ການຜະລິດວັດສະດຸທີ່ນໍາໃຊ້ທາດດັ່ງກ່າວ.
ຜະລິດຕະພັນທີ່ຜະລິດຈາກທາດໃຍຫີນຂາວ ທີ່ພົບເຫັນທົ່ວໄປຫຼາຍທີ່ສຸດໃນອາຊີແມ່ນແຜ່ນມຸງຫຼັງຄາຮູບແບບກະເບື້ອງຊີມັງທີ່ເປັນຮ່ອງ, ພົບເຫັນໃນຜ້າເບກລົດໃຫຍ່ ຫຼື ລົດຈັກ, ວັດສະດຸທີ່ໃຊ້ແຮງສຽດສີ ແລະ ຜະລິດຕະພັນກໍ່ສ້າງອື່ນໆ, ເສັ້ນໃຍຂອງທາດໄຍຫີນມີຂະໜາດນ້ອຍຫຼາຍ, ຖ້າຫາຍໃຈເອົາໃຍຫີນເຂົ້າໄປມັນຈະທຳລາຍປອດ, ໃນທົ່ວໂລກຄົນຈຳນວນຫຼາຍເສຍຊີວິດໃນແຕ່ລະປີຍ້ອນພະຍາດທີ່ເກີດຈາກໃຍຫີນເຊັ່ນ: ພະຍາດມະເຮັງປອດ, ພະຍາດທີ່ເກີດຈາກທາດໃຍຫີນໃຊ້ເວລາຫຼາຍປີຈຶ່ງເກີດອາການພະຍາດ ຫຼັງຈາກການສຳຜັດທາດໃຍຫີນ, ທາດໃຍຫີນທຸກຊະນິດເປັນສາເຫດເຮັດໃຫ້ເກີດພະຍາດມະເຮັງ ລວມທັງພະຍາດມະເຮັງເຍື້ອຫຸ້ມປອດ, ມະເຮັງປອດ, ມະເຮັງຫຼອດສຽງ ແລະ ມະເຮັງຮັງໄຂ່ ລວມໄປເຖິງພະຍາດທີ່ເກີດຈາກທາດໃຍຫີນອື່ນໆ(ພາວະເກີດພັງຜືດ ຫຼືຮອຍບາດແຜໃນປອດ) ແລະ ພະຍາດເຍື້ອຫຸ້ມປອດເຊັ່ນ: ການຈັບເປັນກ້ອນເຮັດໃຫ້ຂຸ້ນ ຫຼືໜາຂຶ້ນຫຼືພາວະມີນໍ້າໃນຊ່ອງເຍື້ອຫຸ້ມປອດ (ການຮົ່ວໄຫຼຂອງນໍ້າໃນປອດ), ອັນຕະລາຍທີ່ໄດ້ຮັບຈາກທາດໃຍຫີນ ກໍຄືໃນລະຫວ່າງການຜະລິດ, ໃນເວລາທີ່ກຳລັງມີການກໍ່ສ້າງ ຫຼືໃນເວລາທຸບມ້າງຕຶກອາຄານທີ່ນໍາໃຊ້ແຜ່ນມຸງທີ່ມີທາດໃຍຫີນ, ໃນເວລາທີ່ມັນມີການແຕກຫັກ, ຢູ່ພາຍໃນເຮືອນຂອງເຈົ້າໃນເວລາທີ່ທາດໃຍຫີນໄດ້ຖືກລົບກວນ, ທຸບ, ຖືກຕັດ, ເອົາກັບມາໃຊ້ອີກ ຫຼືມີອາຍຸໃຊ້ງານມາດົນນານຫຼາຍແລ້ວ ແລະ ມີການເປ່ເພ, ໃນເວລາທີ່ມັນໄດ້ຮັບຄວາມເສຍຫາຍຈາກສະພາບດິນຟ້າອາກາດ, ພະຍາດທີ່ເກີດຈາກທາດໃຍຫີນ ແລະ ໂຄວິດ-19ທັງສອງພະຍາດມີຜົນກະທົບຕໍ່ປອດ, ຖ້າຫາກເຈົ້າໄດ້ສຳຜັດກັບທາດໃຍຫີນເຈົ້າອາດຈະໄດ້ຮັບຜົນກະທົບຮ້າຍແຮງຫຼາຍຂຶ້ນຈາກພະຍາດປອດອື່ນໆ ມັນເປັນສິ່ງສຳຄັນຫຼາຍທີ່ຕ້ອງຫຼີກລ່ຽງການສຳຜັດກັບທາດໃຍຫີນ ເພື່ອປົກປ້ອງສຸຂະພາບຂອງເຈົ້າ ແລະ ປະຕິບັດຕາມຄຳແນະນຳຂອງກະຊວງສາທາລະນະສຸກກ່ຽວກັບໂຄວິດ-19.
ພະຍາດທີ່ເກີດຈາກທາດໃຍຫີນສາມາດຫຼີກລ່ຽງໄດ້ເຊັ່ນໃນບໍລິເວນທີ່ຢູ່ອາໃສ ຢ່າຊື້ຫຼືນໍາໃຊ້ຜະລິດຕະພັນທີ່ມີທາດໃຍຫີນ ເພາະມັນຍັງມີທາງເລືອກອື່ນຢູ່ສະເໝີ, ບໍ່ໃຫ້ແຕະຕ້ອງວັດສະດຸທີ່ມີທາດໃຍຫີນ ຫຼືນໍາເອົາມາໃຊ້ຄືນເພື່ອເຮັດສິ່ງອື່ນໆອີກ, ເວລາຈະປ່ຽນແຜ່ນມຸງຫຼັງຄາເກົ່າ ທີ່ເຮັດຈາກທາດໃຍຫີນຢູ່ເຮືອນຂອງເຈົ້າ ຖ້າເປັນໄປໄດ້ຄວນໃຫ້ຜູ້ຊ່ຽວຊານທີ່ຮູ້ວິທີການຮື້ຖອນທີ່ປອດໄພເປັນຜູ້ເອົາອອກໃຫ້ ເພື່ອຄວາມປອດໄພຂອງສຸຂະພາບ.
ຄໍາເຫັນ