ໂດຍ: ວັນໄຊ ຕະວິນຍານ
ທາດແທ້ ຂອງກອງທັບປະຊາຊົນລາວ ໂດຍແມ່ນພັກປະຊາຊົນປະຕິວັດ ລາວເປັນຜູ້ຈັດຕັ້ງ, ນໍາພາບັນຊາ ແລະ ສຶກສາອົບຮົມ, ດັ່ງນັ້ນ ກອງທັບປະຊາຊົນລາວ ຈຶ່ງແມ່ນກອງທັບທີ່ຢຶດໝັ້ນ ລັດທິມາກ-ເລນິນ, ແມ່ນກອງທັບ ຂອງປະຊາຊົນທີ່ມີຄວາມຈົງຮັກພັກດີ, ມີຄວາມຊື່ສັດບໍລິສຸດ, ມີລະບຽບວິໃນທີ່ເຂັ້ມງວດ ແລະ ເປັນເຄື່ອງມືອັນແຫຼມຄົມ ຂອງພັກ,ທາດແທ້ປະຕິວັດກອງທັບປະຊາຊົນລາວ ນັບແຕ່ມື້ສ້າງຕັ້ງຂຶ້ນມາໄດ້ກາຍເປັນກໍາລັງ ຫຼັກແຫຼ່ງໃນຂະບວນການຕໍ່ສູ້ປະຕິວັດ ຂອງປະຊາຊົນລາວບັນດາເຜົ່າ, ຕ້ານຈັກກະພັດຜູ້ຮຸກຮານ ແລະ ໂຄ່ນລົ້ມລະບອບສັກດີນາປະຕິການສ້າງຕັ້ງລະບອບໃໝ່ຂຶ້ນແທນ ແລະ ສືບຕໍ່ປົກປັກຮັກສາ, ສ້າງສາພັດທະນາປະເທດຊາດໄວ້ໃຫ້ໝັ້ນຄົງ ແລະ ວັດທະນະຖາວອນ ແລະ ທາດແທ້ປະຊາຊົນກອງທັບປະຊາຊົນລາວ ແມ່ນກໍາເນີດມາຈາກປະຊາຊົນ, ໂດຍປະຊາຊົນ, ຕໍ່ສູ້ເພື່ອຄວາມສົມບູນພູນສຸກ ຂອງປະຊາຊົນລາວບັນດາເຜົ່າ.
ມູນເຊື້ອອັນສະຫງ່າງາມ ຂອງກອງທັບປະຊາຊົນລາວມີມູນເຊື້ອຄວາມຈົງຮັກພັກດີ ຕໍ່ພັກ, ຕໍ່ປະຊາຊົນ, ຕໍ່ອຸດົມການສັງຄົມນິຍົມ: ຍາມໃດກໍມີຄວາມຈົງຮັກພັກດີ, ຄວາມບໍລິສຸດຜຸດຜ່ອງ, ຄວາມເດັດດ່ຽວໜຽວແໜ້ນ, ມີລະບຽບ ແບບແຜນທີ່ເຂັ້ມງວດ, ມີຄວາມອົງອາດກ້າຫານ, ມີນໍ້າໃຈເສຍສະຫຼະອັນສູງສົ່ງ ເພື່ອຊາດ, ເພື່ອປະຊາຊົນຢ່າງແທ້ຈິງ,ມີມູນເຊື້ອ ນ້ໍາໃຈຕໍ່ສູ້ພິລະອາດຫານ, ກ້າແກ່ນ, ໜຽວແໜ້ນ ແລະ ມີໄຫວພິບ.
ກອງທັບເຮົາໄດ້ສືບທອດມູນເຊື້ອພິລະອາດຫານ ຂອງວິລະບູລຸດຂອງຊາດ, ມີຄວາມອົງອາດກ້າຫານ ບໍ່ຫວັ່ນໄຫວຄອນແຄນຕໍ່ຄວາມຫຍຸ້ງຍາກ ແລະ ອຸປະສັກຕ່າງໆ, “1 ຄົນລົ້ມລົງ, ມີຫຼາຍໆຄົນລຸກຂຶ້ນ”, ຍິ່ງສູ້ຮົບກໍຍິ່ງເຕີບໃຫຍ່ເຂັ້ມແຂງ ຍິ່ງຕີກໍຍິ່ງໄດ້ຮັບໄຊຊະນະ, ຜ່ານພຶດຕິກໍາແຫ່ງການຕໍ່ສູ້ ຍືດເຍື້ອຍາວນານນັ້ນ ໄດ້ເກີດມີນັກຮົບດີເດັ່ນ, ນັກຮົບແຂ່ງຂັນ ແລະ ວິລະຊົນ ນັບທັງກໍາລັງຫຼວງ, ກໍາລັງທ້ອງຖິ່ນ, ກອງຫຼອນ ໃນນີ້ຍັງມີກໍາລັງເພດຍິງຮ່ວມນໍາເປັນຈໍານວນຫຼວງຫຼາຍ.
ມູນເຊື້ອ ນໍ້າໃຈດຸໝັ່ນຂະຫຍັນພຽນ, ອອກແຮງງານເພີ່ມພູນຜະລິດຜົນ ແລະ ປະຢັດມັດທະຍັດ: ກອງທັບເຮົາຍາມໃດກໍໄດ້ສືບຕໍ່ຮັກສາມູນເຊື້ອອັນດີງາມໃນການອອກແຮງງານເພີ່ມພູນຜະລິດຜົນ, ສ້າງພະລາທິການກັບທີ່, ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ, ປັບປຸງຊີວິດການເປັນຢູ່ ຂອງພະນັກງານ ຮັກຮົບນັບມື້ດີຂຶ້ນ.
ມູນເຊື້ອ ຢຶດໝັ້ນການພົວພັນ, ສາມັກຄີແບບກາຍອິນຊີອັນແໜ້ນແຟ້ນ ກັບປະຊາຊົນບັນດາເຜົ່າ: ກອງທັບເຮົາ ເວລາໃດກໍຖືວ່າຄວາມສາມັກຄີ ລະຫວ່າງ ກອງທັບກັບປະຊາຊົນບັນດາເຜົ່ານັ້ນຄື “ປາ ກັບນໍ້າ” ເປັນປັດໄຈພື້ນຖານສໍາຄັນກວ່າໝູ່ໃນພາລະກິດຕໍ່ສູ້ ຂອງກອງທັບເຮົາ ໂດຍອີງໃສ່ປະຊາຊົນຢ່າງໜັກແໜ້ນ ເພື່ອຕໍ່ສູ້ປົກປ້ອງປະເທດຊາດ ກໍຄືຫມາກຜົນ ຂອງການປະຕິວັດໄວ້ໃຫ້ຫມັ້ນຄົງ.
ມູນເຊື້ອ ພົວພັນຮ່ວມມືພາຍໃນ ແລະ ສາກົນຢ່າງກົມກຽມບົນພື້ນຖານຕ່າງຝ່າຍຕ່າງມີຜົນປະໂຫຍດ: ໄດ້ສາມັກຄີ ກັບກອງທັບປະເທດສັງຄົມນິຍົມອ້າຍນ້ອງ ແລະ ບັນດາປະເທດເພື່ອນມິດທີ່ກ້າວໜ້າ ໃນໂລກ, ໂດຍສະເພາະແມ່ນຄວາມສາມັກຄີຮ່ວມສໍາພັນສູ້ຮົບແບບພິເສດ ກັບກອງທັບປະຊາຊົນຫວຽດນາມ ອ້າຍນ້ອງ ແລະ ສາມັກຄີຮ່ວມມືຮອບດ້ານ ກັບກອງທັບປົດປ່ອຍປະຊາຊົນຈີນ.
ກອງທັບປະຊາຊົນລາວ ເວລາໃດກໍຮັກສາມູນເຊື້ອອັນດີງາມ, ພາຍໃນມີປະຊາທິປະໄຕ ແລະ ມີ ລະບຽບວິໄນເຂັ້ມງວດ.
ກອງທັບປະຊາຊົນລາວ ຍາມໃດກໍຖືເອົາປະຊາຊົນເປັນກົກ, ເປັນບໍ່ເກີດ, ເປັນເຫງົ້າພະລັງແຮງ ແລະ ເປັນບ່ອນອີງອັນແໜ້ນແກ່ນ ຂອງຕົນ, ການເພີ່ມທະວີກ້ອນກໍາລັງສາມັກຄີອັນແໜ້ນແກ່ນ ຂອງປະຊາຊົນ ບັນດາເຜົ່າ, ຄວາມເປັນເອກະພາບໃນລະດັບສູງທາງດ້ານການເມືອງ - ແນວຄິດ ລະຫວ່າງ ປະຊາຊົນ ກັບ ກອງທັບ, ຄວາມໄວ້ເນື້ອເຊື່ອໃຈ, ຄວາມຮັກຫອມຕອມຕູ້ມ ແລະ ການປະກອບສ່ວນຊ່ວຍເຫຼືອຢ່າງຈິງໃຈ ຂອງປະຊາຊົນລາວບັນດາເຜົ່າ ຕໍ່ກອງທັບ ນັ້ນເປັນກໍາລັງແຮງຊະນະເລີດ ຂອງກອງທັບປະຕິວັດ.
ທາດແທ້ ຂອງກອງທັບປະຊາຊົນລາວ ໂດຍແມ່ນພັກປະຊາຊົນປະຕິວັດ ລາວເປັນຜູ້ຈັດຕັ້ງ, ນໍາພາບັນຊາ ແລະ ສຶກສາອົບຮົມ, ດັ່ງນັ້ນ ກອງທັບປະຊາຊົນລາວ ຈຶ່ງແມ່ນກອງທັບທີ່ຢຶດໝັ້ນ ລັດທິມາກ-ເລນິນ, ແມ່ນກອງທັບ ຂອງປະຊາຊົນທີ່ມີຄວາມຈົງຮັກພັກດີ, ມີຄວາມຊື່ສັດບໍລິສຸດ, ມີລະບຽບວິໃນທີ່ເຂັ້ມງວດ ແລະ ເປັນເຄື່ອງມືອັນແຫຼມຄົມ ຂອງພັກ,ທາດແທ້ປະຕິວັດກອງທັບປະຊາຊົນລາວ ນັບແຕ່ມື້ສ້າງຕັ້ງຂຶ້ນມາໄດ້ກາຍເປັນກໍາລັງ ຫຼັກແຫຼ່ງໃນຂະບວນການຕໍ່ສູ້ປະຕິວັດ ຂອງປະຊາຊົນລາວບັນດາເຜົ່າ, ຕ້ານຈັກກະພັດຜູ້ຮຸກຮານ ແລະ ໂຄ່ນລົ້ມລະບອບສັກດີນາປະຕິການສ້າງຕັ້ງລະບອບໃໝ່ຂຶ້ນແທນ ແລະ ສືບຕໍ່ປົກປັກຮັກສາ, ສ້າງສາພັດທະນາປະເທດຊາດໄວ້ໃຫ້ໝັ້ນຄົງ ແລະ ວັດທະນະຖາວອນ ແລະ ທາດແທ້ປະຊາຊົນກອງທັບປະຊາຊົນລາວ ແມ່ນກໍາເນີດມາຈາກປະຊາຊົນ, ໂດຍປະຊາຊົນ, ຕໍ່ສູ້ເພື່ອຄວາມສົມບູນພູນສຸກ ຂອງປະຊາຊົນລາວບັນດາເຜົ່າ.
ມູນເຊື້ອອັນສະຫງ່າງາມ ຂອງກອງທັບປະຊາຊົນລາວມີມູນເຊື້ອຄວາມຈົງຮັກພັກດີ ຕໍ່ພັກ, ຕໍ່ປະຊາຊົນ, ຕໍ່ອຸດົມການສັງຄົມນິຍົມ: ຍາມໃດກໍມີຄວາມຈົງຮັກພັກດີ, ຄວາມບໍລິສຸດຜຸດຜ່ອງ, ຄວາມເດັດດ່ຽວໜຽວແໜ້ນ, ມີລະບຽບ ແບບແຜນທີ່ເຂັ້ມງວດ, ມີຄວາມອົງອາດກ້າຫານ, ມີນໍ້າໃຈເສຍສະຫຼະອັນສູງສົ່ງ ເພື່ອຊາດ, ເພື່ອປະຊາຊົນຢ່າງແທ້ຈິງ,ມີມູນເຊື້ອ ນ້ໍາໃຈຕໍ່ສູ້ພິລະອາດຫານ, ກ້າແກ່ນ, ໜຽວແໜ້ນ ແລະ ມີໄຫວພິບ.
ກອງທັບເຮົາໄດ້ສືບທອດມູນເຊື້ອພິລະອາດຫານ ຂອງວິລະບູລຸດຂອງຊາດ, ມີຄວາມອົງອາດກ້າຫານ ບໍ່ຫວັ່ນໄຫວຄອນແຄນຕໍ່ຄວາມຫຍຸ້ງຍາກ ແລະ ອຸປະສັກຕ່າງໆ, “1 ຄົນລົ້ມລົງ, ມີຫຼາຍໆຄົນລຸກຂຶ້ນ”, ຍິ່ງສູ້ຮົບກໍຍິ່ງເຕີບໃຫຍ່ເຂັ້ມແຂງ ຍິ່ງຕີກໍຍິ່ງໄດ້ຮັບໄຊຊະນະ, ຜ່ານພຶດຕິກໍາແຫ່ງການຕໍ່ສູ້ ຍືດເຍື້ອຍາວນານນັ້ນ ໄດ້ເກີດມີນັກຮົບດີເດັ່ນ, ນັກຮົບແຂ່ງຂັນ ແລະ ວິລະຊົນ ນັບທັງກໍາລັງຫຼວງ, ກໍາລັງທ້ອງຖິ່ນ, ກອງຫຼອນ ໃນນີ້ຍັງມີກໍາລັງເພດຍິງຮ່ວມນໍາເປັນຈໍານວນຫຼວງຫຼາຍ.
ມູນເຊື້ອ ນໍ້າໃຈດຸໝັ່ນຂະຫຍັນພຽນ, ອອກແຮງງານເພີ່ມພູນຜະລິດຜົນ ແລະ ປະຢັດມັດທະຍັດ: ກອງທັບເຮົາຍາມໃດກໍໄດ້ສືບຕໍ່ຮັກສາມູນເຊື້ອອັນດີງາມໃນການອອກແຮງງານເພີ່ມພູນຜະລິດຜົນ, ສ້າງພະລາທິການກັບທີ່, ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ, ປັບປຸງຊີວິດການເປັນຢູ່ ຂອງພະນັກງານ ຮັກຮົບນັບມື້ດີຂຶ້ນ.
ມູນເຊື້ອ ຢຶດໝັ້ນການພົວພັນ, ສາມັກຄີແບບກາຍອິນຊີອັນແໜ້ນແຟ້ນ ກັບປະຊາຊົນບັນດາເຜົ່າ: ກອງທັບເຮົາ ເວລາໃດກໍຖືວ່າຄວາມສາມັກຄີ ລະຫວ່າງ ກອງທັບກັບປະຊາຊົນບັນດາເຜົ່ານັ້ນຄື “ປາ ກັບນໍ້າ” ເປັນປັດໄຈພື້ນຖານສໍາຄັນກວ່າໝູ່ໃນພາລະກິດຕໍ່ສູ້ ຂອງກອງທັບເຮົາ ໂດຍອີງໃສ່ປະຊາຊົນຢ່າງໜັກແໜ້ນ ເພື່ອຕໍ່ສູ້ປົກປ້ອງປະເທດຊາດ ກໍຄືຫມາກຜົນ ຂອງການປະຕິວັດໄວ້ໃຫ້ຫມັ້ນຄົງ.
ມູນເຊື້ອ ພົວພັນຮ່ວມມືພາຍໃນ ແລະ ສາກົນຢ່າງກົມກຽມບົນພື້ນຖານຕ່າງຝ່າຍຕ່າງມີຜົນປະໂຫຍດ: ໄດ້ສາມັກຄີ ກັບກອງທັບປະເທດສັງຄົມນິຍົມອ້າຍນ້ອງ ແລະ ບັນດາປະເທດເພື່ອນມິດທີ່ກ້າວໜ້າ ໃນໂລກ, ໂດຍສະເພາະແມ່ນຄວາມສາມັກຄີຮ່ວມສໍາພັນສູ້ຮົບແບບພິເສດ ກັບກອງທັບປະຊາຊົນຫວຽດນາມ ອ້າຍນ້ອງ ແລະ ສາມັກຄີຮ່ວມມືຮອບດ້ານ ກັບກອງທັບປົດປ່ອຍປະຊາຊົນຈີນ.
ກອງທັບປະຊາຊົນລາວ ເວລາໃດກໍຮັກສາມູນເຊື້ອອັນດີງາມ, ພາຍໃນມີປະຊາທິປະໄຕ ແລະ ມີ ລະບຽບວິໄນເຂັ້ມງວດ.
ກອງທັບປະຊາຊົນລາວ ຍາມໃດກໍຖືເອົາປະຊາຊົນເປັນກົກ, ເປັນບໍ່ເກີດ, ເປັນເຫງົ້າພະລັງແຮງ ແລະ ເປັນບ່ອນອີງອັນແໜ້ນແກ່ນ ຂອງຕົນ, ການເພີ່ມທະວີກ້ອນກໍາລັງສາມັກຄີອັນແໜ້ນແກ່ນ ຂອງປະຊາຊົນ ບັນດາເຜົ່າ, ຄວາມເປັນເອກະພາບໃນລະດັບສູງທາງດ້ານການເມືອງ - ແນວຄິດ ລະຫວ່າງ ປະຊາຊົນ ກັບ ກອງທັບ, ຄວາມໄວ້ເນື້ອເຊື່ອໃຈ, ຄວາມຮັກຫອມຕອມຕູ້ມ ແລະ ການປະກອບສ່ວນຊ່ວຍເຫຼືອຢ່າງຈິງໃຈ ຂອງປະຊາຊົນລາວບັນດາເຜົ່າ ຕໍ່ກອງທັບ ນັ້ນເປັນກໍາລັງແຮງຊະນະເລີດ ຂອງກອງທັບປະຕິວັດ.
ຄໍາເຫັນ