 |
ກອງປະຊຸມໃນຄັ້ງນີ້, ເພື່ອທົບທວນຄືນ ແລະ ປະເມີນຄວາມຄືບໜ້າ ໂດຍລວມ ໃນການຈັດຕັ້ງປະຕິບັດໂຄງການ ແລະ ເພື່ອປຶກສາຫາລືກ່ຽວກັບບົດຮຽນ, ອຸປະສັກທີ່ຈໍາເປັນຕ້ອງມີການປັບປຸງ ແກ້ໄຂ ແນໃສ່ເຮັດໃຫ້ໂຄງການສາມາດຈັດຕັ້ງປະຕິບັດໄດ້ຮັບຜົນສຳເລັດ ເພື່ອທົບທວນການປະຕິບັດຕາມຂໍ້ກໍານົດທາງກົດໝາຍ, ການເງິນ, ສິ່ງແວດລ້ອມ ແລະ ສັງຄົມ; ເພື່ອກຳນົດບັນຫາທີ່ສຳຄັນ ແລະ ຕົກລົງເຫັນດີຮ່ວມກັນກ່ຽວກັບມາດຕະການໃນການແກ້ໄຂ ຊຶ່ງຕິດພັນກັບແຕ່ລະກະຊວງທີ່ກ່ຽວຂ້ອງ.
ໂຄງການຫຼຸດຜ່ອນຄວາມທຸກຍາກ ແລະ ການຂາດໂພຊະນາການ ໃນເຂດຊົນນະບົດ ໄລຍະ II ທີ່ຈັດຕັ້ງປະຕິບັດໂດຍ ກົມພັດທະນາຊົນນະບົດ ແລະ ຫຼຸດຜ່ອນຄວາມທຸກຍາກ ມີຈຸດປະສົງຫຼັກໃນການຍົກລະດັບຊີວິດການເປັນຢູ່, ປັບປຸງດ້ານສຸຂະພາບ ແລະ ໂພຊະນາການ ໂດຍຜ່ານ “ການໃຫ້ເງິນອຸດໜູນແບບມີເງື່ອນໄຂ” ໃຫ້ແກ່ຄອບຄົວທຸກຍາກ ໂດຍອີງໃສ່ດຳລັດ 348/ລບ ແລະ ຜົນການປະເມີນຄະແນນ Proxy Means Test (PMT) ແຕ່ 50% ລົງມາ ແນໃສ່ກຸ່ມເປົ້າໝາຍຫຼັກຄື: ແມ່ຍິງຖືພາ ແລະ ເດັກນ້ອຍລຸ່ມ 2 ປີ (ຫຼື ເດັກໃນໄລຍະ 1,000 ວັນທຳອິດຂອງຊີວິດ) ເພື່ອຊ່ວຍໃຫ້ເຂົາເຈົ້າສາມາດເຂົ້າເຖິງການບໍລິການດ້ານສຸຂະພາບ ແລະ ໂພຊະນາການທີ່ດີ.
(ແຫຼ່ງຂ່າວ: ຂ່າວສານກະສິກຳ)
ຄໍາເຫັນ