, ຂຶ້ນໃນລະຫວ່າງວັນທີ21-22ມັງກອນນີ້ທີ່ເມືອງໄຊແຂວງອຸດົມໄຊ; ໂດຍການເປັນປະທານຂອງທ່ານຄໍາລາວັນຈັນທະລາວັນປະທານອົງການກາແດງແຫ່ງຊາດລາວ, ໃຫ້ກຽດເຂົ້າຮ່ວມໂດຍທ່ານນາງໂລມະນີແກ້ວທະຍົງຜູ້ຕາງໜ້າຈາກສະຫະພັນກາແດງແລະຊີກວົງເດືອນແດງສາກົນ (IFRC) ປະຈຳບາງກອກປະເທດໄທ, ທ່ານນາງບີນີຕ້າໂປເດວຜູ້ຕາງໜ້າຈາກອົງການກາແດງສະວິດປະຈຳສປປ ລາວ, ຜູ້ຕາງໜ້າຈາກກົມຈັດຕັ້ງສາກົນກະຊວງການຕ່າງປະເທດ, ມີບັນດາຫົວໜ້າ-ຮອງຫົວໜ້າອົງການກາແດງແຂວງວຽງຈັນ, ໄຊຍະບູລີ, ອຸດົມໄຊ, ຫຼວງນໍ້າທາ, ບໍ່ແກ້ວ, ຫົວພັນ, ຊຽງຂວາງແລະຜົ້ງສາລີ, ບັນດາຮອງຫົວໜ້າຫ້ອງການແລະພາກສ່ວນກ່ຽວຂ້ອງເຂົ້າຮ່ວມທັງໝົດ44ທ່ານຍິງ14ທ່ານ.
ກອງປະຊຸມຖອດຖອນບົດຮຽນໂຄງການກອງທຶນສຸກເສີນຕອບໂຕ້ໄພພິບັດເພື່ອຟື້ນຟູຈາກພາຍຸໄຕ້ຝຸ່ນແລະນ້ຳຖ້ວມ, ໃນການຈັດຕັ້ງປະຕິບັດໂຄງແຈກຢາຍເງິນສົດໃຫ້ຄອບຄົວຜູ້ປະສົບໄພພິບັດທີ່ໄດ້ຮັບຜົນກະທົບໃນ8ແຂວງ: ໂດຍສະເພາະແຂວງຫຼວງນໍ້າທາ, ໄຊຍະບູລີ, ຫົວພັນ, ອຸດົມໄຊ, ຊຽງຂວາງ, ບໍ່ແກ້ວ, ຜົ້ງສາລີແລະແຂວງວຽງຈັນພ້ອມທັງເປັນການທົບທວນຄືນ, ຮວບຮວມບົດຮຽນທີ່ສຳຄັນແລະບົດຮຽນທີ່ຖອດຖອນໄດ້ຈາກການຈັດຕັ້ງປະຕິບັດໃນໄລຍະຜ່ານມາ; ເພື່ອຮວບຮວມບົດຮຽນທີ່ສຳຄັນເພື່ອນຳເອົາບົດຮຽນທີ່ພົ້ນເດັ່ນໄປໝູນໃຊ້ໃນການຕອບໂຕ້ໄພພິບັດໃນອະນາຄົດໃຫ້ໄດ້ດີຍິ່ງຂຶ້ນ; ເພື່ອກຳນົດແລະຕົກລົງເຫັນດີເປັນເອກະພາບຕໍ່ກົນໄກການຕິດຕາມປະເດັນສຳຄັນຂອງກອງປະຊຸມຖອດຖອນບົດ ຮຽນແລະສິ່ງທີ່ຈະນຳໄປຈັດຕັ້ງປະຕິບັດໃນຕໍ່ໜ້າພ້ອມນີ້ໃນກອງປະຊຸມຍັງໄດ້ພ້ອມກັນປະກອບຄຳເຫັນຢ່າງກົງໄປກົງມາເພື່ອສັງລວມບັນດາບົດຮຽນແລະສິ່ງທ້າທາຍຕະຫຼອດໄລຍະການຈັດຕັ້ງປະຕິບັດໂຄງການດັ່ງກ່າວໃນການຊ່ວຍເຫຼືອດ້ວຍຮູບແບບເງິນສົດແບບບໍ່ມີເງື່ອນໄຂຢູ່ໃນ8ແຂວງ, 16ເມືອງລວມມູນຄ່າທັງໝົດ8,336,400,000ກີບ. ໂດຍໄດ້ຮັບງົບປະມານສະໜັບສະໜູນຈາກໂຄງການກອງທຶນສຸກເສີນຕອບໂຕ້ໄພພິບັດDREF.
ໃນໂອກາດດຽວກັນນີ້, ທ່ານປະທານອົງການກາແດງແຫ່ງຊາດລາວກໍໄດ້ສະແດງຄວາມຂອບໃຈມາຍັງສະຫະພັນກາແດງແລະຊີກວົງເດືອນແດງສາກົນ (IFRC, ກາແດງສະວິດSRC ຜູ້ໃຫ້ການສະໜັບສະໜູນດ້ານງົບປະມານເກັບກຳຂໍ້ມູນ, ແຈກຢາຍເງິນສົດແບບບໍ່ມີເງື່ອນໄຂໃຫ້ແກ່ຜູ້ທີ່ໄດ້ຮັບຜົນກະທົບຢູ່8ແຂວງຄັ້ງນີ້: ສະແດງຄວາມຂອບໃຈມາຍັງຄະນະກໍາມະການຄຸ້ມຄອງໄພພິບັດຂັ້ນແຂວງ, ບັນດາອົງການກາແດງແຂວງທີ່ໃຫ້ກຽດເຂົ້າຮ່ວມກອງປະຊຸມຄັ້ງນີ້, ຂອບໃຈທີມງານຈາກອົງການກາແດງແຫ່ງຊາດລາວ, ອົງການກາແດງແຂວງ8ແຂວງເປັນຜູ້ຮັບຜິດຊອບໃນການຈັດຕັ້ງປະຕິບັດກິດຈະກຳແຈກຢາຍເງິນສົດໃນຄັ້ງນີ້ຈົນສຳເລັດ.
(ຂ່າວ-ພາບ: ທິດດາວັນກຸລະວົງສາ)
ຄໍາເຫັນ