ເນື້ອທີ່ແຜນການປູກເຂົ້າເພື່ອເປັນສະບຽງອາຫານ 61,317 ເຮັກຕາ, ຄາດຄະເນຜົນຜະລິດ 226,555 ໂຕນ, ເນື້ອທີ່ແຜນການປູກເຂົ້າເພື່ອເປັນສິນຄ້າ 29,955 ເຮັກຕາ, ຄາດຄະເນຜົນຜະລິດ 115,255 ໂຕນ.
ຜ່ານການຈັດຕັ້ງປະຕິບັດເນື້ອທີ່ນາລວມທັງໝົດໄດ້ 89,897 ເຮັກຕາ. ໃນນີ້, ນາຫວ່ານ 22,455 ເຮັກຕາ, ນາດໍາ 67,442 ເຮັກຕາ, ເນື້ອທີ່ເສຍຫາຍ 2,424 ເຮັກຕາ, ເນື້ອທີ່ຍັງເຫຼືອ 87,473 ເຮັກຕາ. ໃນນີ້, ເນື້ອທີ່ແຜນການປູກເຂົ້າເພື່ອເປັນສະບຽງອາຫານປະຕິບັດໄດ້ຕົວຈິງ 60,542 ເຮັກຕາ, ເນື້ອທີ່ເສຍຫາຍ 1,643 ເຮັກຕາ, ເນື້ອທີ່ຍັງເຫຼືອ 58,899 ເຮັກຕາ; ເນື້ອທີ່ແຜນການປູກເຂົ້າເພື່ອເປັນສິນຄ້າປະຕິບັດໄດ້ຕົວຈິງ 29,355 ເຮັກຕາ, ເນື້ອທີ່ເສຍຫາຍ 781 ເຮັກຕາ, ເນື້ອທີ່ຍັງເຫຼືອ 28,574 ເຮັກຕາ .
ມາຮອດປັດຈຸບັນ ການເກັບກ່ຽວເຂົ້ານາລວມ (ນາຫວ່ານ + ນາດໍາ) ປະຕິບັດໄດ້ 34,926 ເຮັກຕາ ເທົ່າກັບ 39.93%. ໃນນີ້, ເຂົ້າເພື່ອເປັນສະບຽງອາຫານເກັບກ່ຽວໄດ້ 22,330 ເຮັກຕາ ເທົ່າກັບ 37.91%; ເຂົ້າເພື່ອເປັນສິນຄ້າເກັບກ່ຽວໄດ້ 12,596 ເຮັກຕາ ເທົ່າກັບ 44.08%.
ພ້ອມກັນນັ້ນຊາວກະສິກອນໃນຈໍານວນ 2 ເມືອງຂອງແຂວງຄໍາມ່ວນຄື: ເມືອງນາກາຍ ແລະ ເມືອງບົວລະພາໄດ້ປູກເຂົ້າເນີນສູງສໍາເລັດໃນເນື້ອທີ່ 308 ເຮັກຕາ. ໃນນັ້ນ ເມືອງບົວລະພາ 130 ເຮັກຕາ ແລະ ເມືອງນາກາຍ 178 ເຮັກຕາ.
(ຂ່າວ-ພາບ: ແດງສະຫວັດ ແສນພານິດ).
ຄໍາເຫັນ