 |
ສິ່ງທີ່ໜ້າສົນໃຈ ແລະ ເປັນນິມິດໝາຍອັນດີໃນງານຄັ້ງນີ້, ແມ່ນໄດ້ຮັບກຽດເຂົ້າຮ່ວມຈາກຄະນະຜູ້ແທນ ສຳນັກງານພານິດ ຈາກຈັງຫວັດອຸບົນຣາຊະທານີ ແລະ ຈັງຫວັດສີສະເກດ, ລາຊະອານາຈັກໄທ. ຈຸດປະສົງຫຼັກຂອງການເດີນທາງມາຮ່ວມງານຂອງຄະນະຜູ້ແທນຈາກປະເທດໄທ ແມ່ນເພື່ອສຶກສາຄວາມເປັນໄປໄດ້ໃນການຮ່ວມມືດ້ານການຄ້າລະຫວ່າງປະເທດ ພ້ອມທັງຊອກຫາຊ່ອງທາງໃນການນຳເອົາສິນຄ້າພາຍໃນແຂວງອັດຕະປື ກ້າວເຂົ້າສູ່ຕະຫຼາດປະເທດເພື່ອນບ້ານ.
 |
ການຈັດງານວາງສະແດງສິນຄ້າ ພ້ອມທັງການພົບປະແລກປ່ຽນກັບຄະນະຜູ້ແທນຈາກປະເທດເພື່ອນບ້ານໃນຄັ້ງນີ້, ຖືເປັນບາດກ້າວສຳຄັນໃນການສົ່ງເສີມເສດຖະກິດ-ການຄ້າຂອງແຂວງອັດຕະປື ທັງເປັນການເປີດໂອກາດໃຫ້ຜູ້ປະກອບການລາວ ໄດ້ຍົກລະດັບມາດຕະຖານສິນຄ້າ ແລະ ຂະຫຍາຍເຄືອຂ່າຍທຸລະກິດຂອງຕົນອອກສູ່ສາກົນໃນອະນາຄົດ.
(ຂ່າວ-ພາບ: ຫັດສະດີ)
ຄໍາເຫັນ