ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ເວທີປາໄສຮ່ວມມືໂລກ (WIF) ຄັ້ງທີ 8 ໄດ້ປິດລົງ ພາຍຫຼັງດຳເນີນມາເປັນເວລາ 4 ວັນຢູ່ ອາບູ ດາບິ ສະຫະລັດ ອາຣັບ ເອມມີເລດ (UAE). ເວທີປາໄສດັ່ງກ່າວ ຮຽກຮ້ອງໃຫ້ບັນດານັກລົງທຶນເປັນແກ່ນສານໃນການກຳນົດຄືນທິດທາງການພັດທະນາຂອງພື້ນຖານເສດຖະກິດໂລກ ແລະ ກຳແໜ້ນກາລະໂອກາດໃໝ່ ໂດຍວິວັດທະນາການຫັນປ່ຽນບັນດາຂະແໜງພະລັງງານ, ກະສິກຳ ແລະ ສາທາລະນະສຸກ. ເວທີປາໄສ ກໍປະກາດນະໂຍບາຍລົງທຶນ ໃໝ່ ຊຶ່ງລວມມີ: ການຢັ້ງຢືນ 50 ເຂດເສດຖະກິດພິເສດແບບຢ່າງ, ແນະນຳເວທີປາໄສຫຼາຍຝ່າຍກ່ຽວກັບການປະຕິຮູບບັນດາສັນຍາລົງທຶນສາກົນ ແລະ ການຮ່ວມມືກັບອົງການການທ່ອງທ່ຽວໂລກ ຂອງ ສປຊ ເພື່ອສ້າງຕັ້ງຫຼັກການແນະນຳລົງທຶນໃນຂົງເຂດທ່ອງທ່ຽວແບບຍືນຍົງ.
ໃນເວທີປາໄສ, ຄະນະຜູ້ແທນ ຫວຽດນາມ ນຳໂດຍ ທ່ານ ເຈິ່ນກວັກເຟືອງ ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ເປັນຫົວໜ້າຄະນະ ເຂົ້າຮ່ວມເວທີປາໄສ ແລະ ກ່າວຄຳເຫັນໃນວາລະປຶກສາຫາລືຕ່າງໆ. ຫວຽດນາມ ກໍໄດ້ເຂົ້າຮ່ວມການວາງສະແດງໂຄສະນາບ້ານລົງທຶນ ຢູ່ສູນວາງສະແດງແຫ່ງຊາດ ອາບູ ດາບິ.
ຄໍາເຫັນ