 |
ໂດຍມີຄະນະຜູ້ແທນຈາກພາກລັດ, ການນໍາລະດັບທ້ອງຖິ່ນ, ເຈົ້ານະຄອນ, ສະພາອຸດສະຫະກໍາການຄ້າ, ນັກທຸລະກິດໝຸ່ມ ແລະ ສື່ມວນຊົນ ຈາກ 10 ປະເທດອາຊຽນ ແລະ 5 ປະເທດໃນພາກພື້ນອາຊີ-ປາຊີຟິກ ຄື: ອົສຕຣາລີ, ຈີນ, ຍີ່ປຸນ, ສ ເກົາຫຼີ ແລະ ນູແວນເຊລັງ. ສໍາລັບຄະນະຜູ້ແທນຝ່າຍລາວທີ່ເຂົ້າຮ່ວມກອງປະຊຸມ ມີເຈົ້າແຂວງອັດຕະປື ພ້ອມດ້ວຍຄະນະ, ການນໍານະຄອນໄກສອນ ແຂວງສະຫວັນນະເຂດ, ຕາງໜ້າກະຊວງການຄ້າ, ທູດການຄ້າ ປະຈໍາປັກກິ່ງ, ສະພາອຸດສາຫະກໍາການຄ້າ ລາວ, ນັກທຸລະກິດໜຸ່ມ ແລະ ອື່ນໆ ມີຈໍານວນຜູ້ແທນເຂົ້າຮ່ວມທັງໝົດ 300 ກວ່າຄົນ.
ກອງປະຊຸມສົນທະນາດັ່ງກ່າວໄດ້ຍົກໃຫ້ເຫັນການຜະລິດພາຫະນະພະລັງງານໃໝ່ ແລະ ອຸດສາຫະກຳແສງອາທິດຂັ້ນສູງ, ພ້ອມສະແດງໃຫ້ເຫັນເຖິງຄວາມຕັ້ງໃຈທີ່ເພີ່ມຂຶ້ນຂອງປະເທດທີ່ເຂົ້າຮ່ວມໃນການປ່ຽນແປງດ້ານການຂົນສົ່ງ ແລະ ສົ່ງເສີມການພັດທະນາແບບຍືນຍົງ. ກອງປະຊຸມຄັ້ງນີ້ເປັນສ່ວນໜຶ່ງທີ່ສຳຄັນລະຫວ່າງ RCEP ແລະ ອົງການປົກຄອງທ້ອງຖິ່ນ ແລະ ເມືອງພີ່ເມືອງນ້ອງ (ຫວງຊານ) ເມືອງພີ່ນ້ອງ (ໝາຍເຖິງວ່າໃນ 10 ປະເທດອາຊຽນ ແມ່ນໄດ້ເຊັນສັນຍາເປັນເມືອງຮ່ວມມື ຊ່ວຍເຫຼືອຊຶ່ງກັນ ແລະ ກັນ ກັບ ເມືອງ ຫວງຊານ) ພາຍໃຕ້ກອບ RCEP ຊຶ່ງມີໂຄງການຮ່ວມມືຫຼາຍໂຄງການໄດ້ ເຊັນສັນຍາໃນໄລຍະຍາວ ແລະ ໄດ້ຮັບການຈັດຕັງປະຕິບັດໃນປະເທດອາຊຽນ ຊຶ່ງສະທ້ອນໃຫ້ເຫັນເຖິງຄວາມມຸ່ງໝັ້ນຮ່ວມກັນດ້ານຄວາມຍືນຍົງ ແລະ ການຮ່ວມມືໃນພາກພື້ນທີ່ເລິກເຊິ່ງຍິ່ງຂຶ້ນ.
ກອງປະຊຸມສົນທະນາໄດ້ຍົກໃຫ້ເຫັນສະພາບອຸດສາຫະກຳພາຫະນະໄຟຟ້າກໍາລັງປະເຊີນກັບຄວາມບໍ່ແນ່ນອນທີ່ເພີ່ມຂຶ້ນ, ໃນສະພາບແວດລ້ອມດັ່ງກ່າວສ້າງໃຫ້ມີຂໍ້ຕົກລົງການຄ້າເສລີທີ່ໃຫຍ່ທີ່ສຸດໃນໂລກ ໃນດ້ານຈໍານວນປະຊາກອນ ແລະ ມູນຄ່າການຄ້າ, RCEP ກຳລັງກາຍເປັນທ່າແຮງຕໍ່ຄວາມສະຖຽນລະພາບ, ນຳຄວາມແນ່ນອນມາສູ່ເສດຖະກິດໂລກ. ພາຍໃຕ້ກອບ RCEP, ການຮ່ວມມືດ້ານພາຫະນະພະລັງງານໃໝ່ລະຫວ່າງປະເທດສະມາຊິກກຳລັງມີການຂະຫຍາຍຕົວຢ່າງເຂັ້ມແຂງ. ຕົວຢ່າງ ໃນເດືອນພຶດສະພາ, ບໍລິສັດ PT SGMW Motor Indonesia (Wuling) ໄດ້ສະເຫຼີມສະຫຼອງການຜະລິດພາຫະນະໄຟຟ້າຄັນທີ 3 ລ້ານຂອງໂລກ ແລະ ໄດ້ຜະລິດພາຫະນະແລ້ວ 40,000 ຄັນ ທີ່ໂຮງງານໃນຊີກາຣາງ ຕາເວັນຕົກຈາວາ. ສ່ວນບໍລິສັດ Geely ກໍບັນລຸຈຸດໝາຍສຳຄັນດ້ວຍການຜະລິດທົດລອງຮູບແບບ EX5 ທີ່ໂຮງງານໃນ Purwakarta ອິນໂດເນເຊຍ ຊຶ່ງຄາດວ່າຈະເລີ່ມຜະລິດຢ່າງເປັນທາງການໃນໄຕມາດທີ 3 ຂອງປີນີ້. ໃນຂະນະດຽວກັນ, ພາຫະນະໄຟຟ້າຍີ້ຫຍໍ້ດັງຂອງຈີນ BYD ໄດ້ເລີ່ມກໍ່ສ້າງໂຮງງານຜະລິດພາຫະນະຜູ້ໂດຍສານໃນເຂດເສດຖະກິດພິເສດ ແຂວງສີຫານຸ ຂອງກຳປູເຈຍ. ໂຮງງານນີ້ມີກຳລັງຜະລິດຕາມແຜນປະຈຳປີ 10,000 ຄັນ ແລະ ຄາດວ່າຈະເລີ່ມຜະລິດໃນປີນີ້.
 |
ຜູ້ແທນກອງປະຊຸມໄດ້ສົນທະນາເຖິງການປ່ຽນແປງທີ່ຊັດເຈນໃນການຮ່ວມມືດ້ານພາຫະນະພະລັງງານໃໝ່ລະຫວ່າງປະເທດສະມາຊິກ RCEP - ຈາກການສົ່ງອອກພາຫະນະໃນໄລຍະເລີ່ມຕົ້ນໄປສູ່ການປະສານງານທ້ອງຖິ່ນທີ່ເລິກເຊິ່ງຂຶ້ນ. ການປ່ຽນແປງນີ້ໄດ້ຖືກສະແດງອອກຜ່ານການສ້າງຕັ້ງສູນກາງການຜະລິດພາກພື້ນ ແລະ ການພັດທະນາຫຼັກຊັບທີ່ຄົບວົງຈອນ, ລວມທັງວັດຖຸດິບແບດເຕີຣີ ແລະ ຊິ້ນສ່ວນສຳຄັນ. ຕົວຢ່າງ, ໂຮງງານຂອງ SAIC-GM-Wuling Automobile ໃນອິນໂດເນເຊຍ ໄດ້ນຳໃຊ້ລະບົບທີ່ຄົບວົງຈອນທີ່ປະກອບມີທັງການຜະລິດລົດ ແລະ ການສະໜອງອະນຸພາກສ່ວນເພື່ອສະໜັບສະໜູນການຍົກລະດັບອຸດສາຫະກຳລົດຂອງປະເທດນີ້. ຜູ້ຜະລິດແບດເຕີຣີຊັ້ນນຳຂອງຈີນ ເຊັ່ນ: China Aviation Lithium Battery (CALB), Gotion High-Tech ແລະ SVOLT Energy Technology ກໍໄດ້ຂະຫຍາຍການດຳເນີນທຸລະກິດໄປຍັງປະເທດສະມາຊິກ RCEP, ສ້າງໂຮງງານໃນປະເທດໄທ, ຫວຽດນາມ ແລະ ປະເທດອື່ນໆ. ບາງບໍລິສັດໄດ້ເລີ່ມຜະລິດຕາມທ້ອງຖິ່ນແລ້ວ ຊຶ່ງເຮັດໃຫ້ລະບົບນິເວດຂອງພາຫະນະໄຟຟ້າໃນພາກພື້ນເຕີບໂຕຢ່າງໄວວາ.
"ອາຊຽນເປັນພາກພື້ນທີ່ມີຊີວິດຊີວາ ແລະ ມີພະລັງງານ, ມີຄວາມຕ້ອງການດ້ານການຂົນສົ່ງທີ່ຫຼາກຫຼາຍ, ມີຄວາມຮັບຮູ້ດ້ານການປົກປັກຮັກສາສິ່ງແວດລ້ອມທີ່ເພີ່ມຂຶ້ນ ແລະ ມີປະຊາກອນທີ່ມີອາຍຸຍັງນ້ອຍທີ່ມັກຮັບເອົາການປ່ຽນແປງ," Edmund Araga, ປະທານສະມາຄົມພາຫະນະໄຟຟ້າຂອງຟີລິບປິນ ກ່າວວ່າ: ໃນຊຸມປີມໍ່ໆມານີ້, ປະເທດສະມາຊິກ RCEP ໄດ້ກຳນົດເປົ້າໝາຍເພື່ອຫຼຸດການປ່ອຍອາຍກາກບອນ. ກຳປູເຈຍມີເປົ້າ ໝາຍບັນລຸການປ່ອຍອາຍພິດສຸດທິໃຫ້ເປັນສູນພາຍໃນປີ 2050 ແລະ ເພີ່ມສ່ວນຮ່ວມຂອງພະລັງງານທົດແທນໃຫ້ໄດ້ 70% ພາຍໃນປີ 2030. ສ່ວນໄທກໍມີແຜນທີ່ຈະເຮັດໃຫ້ພາຫະນະໄຟຟ້າຄິດໄລ່ເປັນ 30% ຂອງການຜະລິດລົດພາຍໃນປີ 2030 ແລະ ບັນລຸການປ່ອຍອາຍພິດສຸດທິເປັນສູນ ພາຍໃນປີ 2050. ດ້ວຍຄວາມຮ່ວມມືກັນ, ພວກເຮົາເປັນຕົວແທນຂອງຫຼາຍກວ່າ 2.3 ພັນລ້ານຄົນ ແລະ ປະມານ 30% ຂອງ GDP ໂລກ. ນັ້ນບໍ່ພຽງແຕ່ເປັນມິຕິທາງເສດຖະກິດ - ມັນເປັນຄວາມຮັບຜິດຊອບທາງສັງຄົມ.
ທ່ານ ໂພຄິນ ພະລາກຸນ ອະດີດປະທານລັດຖະສະພາໄທ ແລະ ປະທານສະມາຄົມວັດທະນະທຳ ແລະ ເສດຖະກິດໄທ-ຈີນ ກ່າວເຖິງປະເທດສະມາຊິກ RCEP. "RCEP ໄດ້ສ້າງກົນໄກການຮ່ວມມືແບບຍາວນານໃຫ້ພວກເຮົາ", ທ່ານ Dennis Chuah ປະທານສະມາຄົມພາຫະນະໄຟຟ້າມາເລເຊຍ ໄດ້ຊີ້ໃຫ້ເຫັນວ່າ ການພັດທະນາ ແລະ ການນຳໃຊ້ແບດເຕີຣີຄືນໃໝ່ຄາດວ່າຈະກາຍເປັນຂົງເຂດສຳຄັນຂອງການຮ່ວມມືແບບຍາວນານລະຫວ່າງມາເລເຊຍ, ຈີນ ແລະ ປະເທດສະມາຊິກ RCEP ອື່ນໆ.
ໃນກອງປະຊຸມຄັ້ງນີ້ ໄດ້ມີການເຊັນຂໍ້ຕົກລົງການຮ່ວມມືກັນ ທັງໝົດ 27 ສະບັບ ກ່ຽວກັບການຮ່ວມມືດ້ານການຄ້າ, ເຕັກໂນໂລຊີ ແລະ ການສ້າງເມືອງພີ່-ເມືອງນ້ອງໃຫ້ຍືນຍົງ.
ຄໍາເຫັນ