ສຳລັບຄ່າໂດຍສານລະຫວ່າງປະເທດໄປຫວຽດນາມ ລວມທັງເສັ້ນທາງບິນວຽງຈັນ ຫາ ນະຄອນໂຮ່ຈິມິນ ແລະ ຮ່າໂນ້ຍ ສສຫວຽດນາມ ຕັ້ງແຕ່ວັນທີ 7 ກຸມພາ 2025, ຜູ້ໂດຍສານຈະໄດ້ຮັບສ່ວນຫຼຸດ 50% ສໍາລັບປີ້ຊັ້ນປະຢັດ (ເປັນໄປຕາມຂໍ້ກໍານົດ ແລະ ເງື່ອນໄຂ, ບໍ່ລວມພາສີ ແລະ ຄ່າທຳນຽມ) ຊຶ່ງມີໃຫ້ບໍລິການທຸກໆວັນສຸກສຳລັບການເດີນທາງລະຫວ່າງວັນທີ 10 ກຸມພາ ຫາ 31 ມີນາ 2025 (ຂຶ້ນກັບຈຳນວນທີ່ນັ່ງຫວ່າງ) ຈອງໄດ້ຜ່ານ www.vietjetair.com ຫຼື ແອັບມືຖື Vietjet Air.
ຫວຽດນາມເປັນປະເທດທີ່ມີທຳມະຊາດງົດງາມ, ວັດທະນະທໍາທີ່ຫຼາກຫຼາຍ ແລະທິວທັດເມືອງທີ່ສົດໃສ ເຮັດໃຫ້ເປັນຈຸດໝາຍປາຍທາງທີ່ໜ້າຕື່ນເຕັ້ນສໍາລັບນັກທ່ອງທ່ຽວຕ່າງປະເທດທີ່ຫາບ່ອນພັກຜ່ອນທີ່ໜ້າປະທັບໃຈ. ຕັ້ງແຕ່ແຄມຝັ່ງທະເລທີ່ສວຍງາມຂອງ ດານັງ, ຍາຈາງ ຫຼື ຝູ໋ກວກ ຈົນເຖິງເຂດມໍລະດົກໂລກຂອງ UNESCO ເຊັ່ນ: ອ່າວ ຮ່າລອງ, ນິງບິ່ງ, ໂຮ້ຍອານ ແລະ ເຫວ້, ສະເໜ່ຂອງນະຄອນຫຼວງຮ່າໂນ້ຍ ແລະ ຖະໜົນຫົນທາງທີ່ຄຶກຄັກຂອງນະຄອນໂຮ່ຈິມິນ ປະເທດຫວຽດນາມ ທີ່ຕອບສະໜອງຄວາມຕ້ອງການຂອງນັກທ່ອງທ່ຽວທຸກປະເພດ ບໍ່ວ່າທ່ານກຳລັງຊອກຫາການພັກຜ່ອນ, ການປະຈົນໄພ ຫຼື ການຮັບປະທານອາຫານດີເລີດ.
ນັກທ່ອງທ່ຽວຈາກລາວສາມາດເດີນທາງໄປນະຄອນໂຮ່ຈິມິນ ແລະ ນະຄອນຫຼວງຮ່າໂນ້ຍ ຊຶ່ງແມ່ນສອງນະຄອນໃຫຍ່ທີ່ສຸດຂອງຫວຽດນາມ ດ້ວຍຖ້ຽວບິນໂດຍຕົງປະຈໍາວັນຂອງ Vietjet. ຈາກນັ້ນ, ຈຶ່ງສຳຫຼວດຈຸດໝາຍປາຍທາງຫຼາກຫຼາຍແຫ່ງທົ່ວຫວຽດນາມ ດ້ວຍເຄືອຂ່າຍການບິນພາຍໃນປະເທດທີ່ກວ້າງຂວາງ. Vietjetພູມໃຈໃນການສະເໜີຄ່າໂດຍສານທີ່ປະຢັດ ແລະ ມີຄວາມມຸ່ງໝັ້ນສັນຍາດ້ານຄວາມປອດໄພ ພ້ອມທັງການບໍລິການທີ່ດີເລີດ ເພື່ອສຳຜັດປະສົບການການເດີນທາງສູງສຸດ.
ນອກຈາກນີ້, Vietjetຍັງໄດ້ເປີດນຳໃຊ້ເສັ້ນທາງການບິນໂດຍຕົງໃໝ່ 4 ເສັ້ນທາງ ລະຫວ່າງຮ່າໂນ້ຍ ແລະ ນະຄອນໂຮ່ຈິມິນ ໄປຍັງປັກກິ່ງ ແລະ ກວາງໂຈ່ວ ຊຶ່ງເລີ່ມຕັ້ງແຕ່ວັນທີ 30 ມີນາ 2025 ເປັນຕົ້ນໄປ, ສາມາດຈອງປີ້ໄດ້ຜ່ານທຸກຊ່ອງທາງການຂາຍໃນລາຄາໂປຣໂມຊັນ. ເສັ້ນທາງໃໝ່ໄດ້ເສີມຂະຫຍາຍການບໍລິການຖ້ຽວບິນຫວຽດນາມ - ຈີນ ທີ່ຂະຫຍາຍຕົວຂອງ Vietjetເຮັດໃຫ້ນັກທ່ອງທ່ຽວຈາກທົ່ວໂລກທີ່ຢາກໄປທ່ອງທ່ຽວຈີນມີຄວາມສະດວກສະບາຍຂຶ້ນແລະປະຢັດຂຶ້ນ. ການເພີ່ມຖ້ຽວບິນໃໝ່ນີ້ຈະເພີ່ມຖ້ຽວບິນໄປກັບປະຈຳອາທິດ 24 ຖ້ຽວ ຕໍ່ອາທິດໃນເຄືອຂ່າຍຖ້ຽວບິນທີ່ເພີ່ມຂຶ້ນລະຫວ່າງຫວຽດນາມ ແລະ ຈີນ. ສິ່ງນີ້ຈະເພີ່ມທະວີການເຄື່ອນໄຫວຂອງສາຍການບິນທົ່ວໂລກຂອງ Vietjetແລະແມ່ນສາຍການບິນຫວຽດນາມທຳອິດທີ່ບິນໄປສະໜາມບິນສາກົນປັກກິ່ງ ຊຶ່ງເປັນສູນກາງການບິນທີ່ທັນສະໄໝ ແລະ ເປັນປະຕູສາກົນທີ່ສຳຄັນຂອງນະຄອນຫຼວງຂອງຈີນ.
Vietjetຍັງມີເຮືອບິນ Airbus ລຸ້ນໃໝ່ທີ່ປະຢັດນ້ຳມັນ ແລະໄດ້ຮັບການຍົກຍ້ອງໃຫ້ເປັນທີ 1 ສາຍການບິນທີ່ປອດໄພທີ່ສຸດໃນໂລກໃນປີ 2025 ໂດຍ AirlineRatingsຊຶ່ງເປັນບໍລິສັດຊັ້ນນໍາດ້ານຄວາມປອດໄພຂອງສາຍການບິນ ແລະ ຜະລິດຕະພັນສາຍການບິນຊັ້ນນຳ ຊຶ່ງຈະໄດ້ຄະແນນຄວາມປອດໄພລະດັບ 7 ດາວ. ດັ່ງນັ້ນ, ນັກທ່ອງທ່ຽວສາມາດຮູ້ສຶກສະບາຍໃຈຕະຫຼອດການເດີນທາງ.
ສາຍການບິນ VietJet ບໍ່ພຽງແຕ່ໄດ້ປະຕິວັດອຸດສາຫະກຳການບິນຢູ່ຫວຽດນາມເທົ່ານັ້ນ ແຕ່ຍັງແມ່ນສາຍການບິນບຸກເບີກໃນທົ່ວພາກພື້ນ ແລະ ທົ່ວໂລກ ໂດຍເນັ້ນໃສ່ຄວາມສາມາດໃນການບໍລິຫານຈັດການຕົ້ນທຶນ ການດຳເນີນງານມີປະສິດທິພາບ ການນຳໃຊ້ເຕັກໂນໂລຊີໃໝ່ຫຼ້າສຸດມາປະຍຸກໃຊ້ໃນທຸກກິດຈະກຳ ແລະ ເປັນຜູ້ນຳທີ່ທັນກະແສສັງຄົມ VietJet ສະເໜີໂອກາດການບິນດ້ວຍຄ່າໂດຍສານທີ່ປະຢັດ ພ້ອມທັງການບໍລິການທີ່ຫຼາກຫຼາຍເພື່ອຕອບສະໜອງຄວາມຕ້ອງການຂອງລູກຄ້າ.
VietJet ແມ່ນສະມາຊິກຂອງສະມາຄົມການຂົນສົ່ງທາງອາກາດສາກົນ ພ້ອມໃບຢັ້ງຢືນການກວດສອບຄວາມປອດໄພດ້ານການດຳເນີນງານຂອງສະມາຄົມການຂົນສົ່ງທາງອາກາດສາກົນ ໃນຖານະເປັນບໍລິສັດການບິນເອກະຊົນໃຫຍ່ທີ່ສຸດຂອງຫວຽດນາມ ສາຍການບິນດັ່ງກ່າວໄດ້ຮັບການຈັດອັນດັບຄວາມປອດໄພສູງສຸດລະດັບ 7 ດາວຈາກເວັບໄຊຈັດອັນກັບຄວາມປອດໄພ ແລະ ຜະລິດຕະພັນອັນດຽວຂອງໂລກໃນເວັບໄຊ airlineratings.com ແລະ ຖືກຈັດໃຫ້ເປັນໜຶ່ງໃນ 50 ສາຍການບິນທີ່ດີທີ່ສຸດໃນໂລກ ໃນດ້ານການເງິນ ແລະ ການດຳເນີນງານ ໂດຍວາລະສານ Air finance Journal ຫຼາຍປີຕິດຕໍ່ກັນ ສາຍການບິນດັ່ງກ່າວຍັງໄດ້ຮັບຊື່ເປັນຜູ້ໃຫ້ບໍລິການທີ່ມີລາຄາຖືກທີ່ດີທີ່ສຸດໂດຍອົງການຈັດຕັ້ງທີ່ມີຊື່ສຽງເຊັ່ນ: Skytrax, CAPA, Airline Ratings ແລະ ອື່ນໆ.
ຂ່າວ: ຕຸໄລ
ຄໍາເຫັນ