 |
ພ້ອມທັງນໍາພາພະນັກງານ, ນັກສຶກສາຊົມການສະແດງສິລະປະ-ວັນນະຄະດີຈາກກອງສິລະປະກອນວິທະຍາຄານການເມືອງ ແລະ ຊົມຟີມມູນເຊື້ອ 65 ປີຂອງກໍາລັງ ປກສ ໃຫ້ກຽດເຂົ້າຮ່ວມຊົມໂດຍທ່ານ ພັທ ຮ່ວງຫຸຍແທັງ ຮອງຫົວໜ້າອໍານວຍການວິທະຍາຄານການເມືອງ ປກສ ສສ ຫວຽດນາມ ທັງເປັນຄະນະຊ່ຽວຊານ ສສ ຫວຽດນາມປະຈໍາ ສປປ ລາວ.
ໂອກາດນີ້, ທ່ານ ພົຈວ ສຸກນິລັນດອນ ກຸນລະວົງ ໄດ້ເລົ່າຄືນມູນເຊື້ອການກໍາເນີດເຕີບໃຫຍ່ຂະຫຍາຍ ຕົວ ແລະ ຜົນງານໃນການປົກປັກຮັກສາ ແລະ ພັດທະນາປະເທດຊາດຂອງກໍາລັງ ປກສ ຕະຫຼອດໄລຍະ 65 ປີຜ່ານມາ, ໂດຍສະເພາະແມ່ນການປ້ອງກັນຄວາມສະຫງົບທາງດ້ານການເມືອງ ແລະ ສັງຄົມ ໃຫ້ມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບປອດໄພ. ຊຶ່ງບາງຕອນສຳຄັນທ່ານກ່າວວ່າ: ກໍາລັງ ປກສ ປະຊາຊົນ ໄດ້ຮັບການສ້າງຕັ້ງຂຶ້ນໃນວັນທີ 5 ເມສາ 1961 ແມ່ນກໍາລັງປະກອບອາວຸດປະຕິວັດອັນແຫຼມຄົມ ໂດຍແມ່ນພັກປະຊາຊົນປະຕິວັດລາວເປັນຜູ້ສ້າງຕັ້ງນໍາພາໂດຍກົງ, ເດັດຂາດ ແລະ ຮອບດ້ານ; ເປັນກໍາລັງທີ່ມາຈາກປະຊາ ຊົນ ໂດຍປະຊາຊົນ ແລະ ເພື່ອຮັບໃຊ້ສິດຜົນປະໂຫຍດຂອງປະຊາຊົນລາວບັນດາເຜົ່າ; ກໍາລັງ ປກສ ປະຊາຊົນ ໄດ້ກຳເນີດເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດ ຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະເທດຊາດ, ເວລາໃດກໍມີມູນເຊື້ອການຕໍ່ສູ້ອັນອົງອາດກ້າຫານ, ມີນໍ້າໃຈເສຍສະຫຼະເດັດດ່ຽວບໍ່ຍອມຈຳນົນ, ມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປຶກແຜ່ນແໜ້ນໜາ. ໄລຍະຜ່ານມາ, ກໍາລັງ ປກສ ໄດ້ເປັນກໍາລັງຫຼັກແຫຼ່ງໃນການແກ້ໄຂປະກົດການຫຍໍ້ທໍ້ຕ່າງໆໃນສັງຄົມ ແລະ ເຮັດໃຫ້ສັງຄົມມີຄວາມສະຫົງບປອດໄພມາໂດຍຕະຫຼອດ.
 |
ໃນພິທີ, ທ່ານ ພັອ ສຸລິເດດ ສັງຄະທິບ ຫົວໜ້າຫ້ອງການເມືອງ ວິທະຍາຄານການເມືອງ ປກສ ໄດ້ຜ່ານຂໍ້ຕົກລົງຂອງກະຊວງ ປກສ ແລະ ກົມໃຫຍ່ການເມືອງ ປກສ ວ່າດ້ວຍການປະກາດເລື່ອນຊັ້ນໃຫ້ນາຍ ແລະ ພົນຕໍາຫຼວດ ໃນວິທະຍາຄານການເມືອງຈໍານວນ 28 ສະຫາຍ ຍິງ 10 ສະຫາຍ. ພ້ອມທັງປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ຈໍານວນ 175 ສະຫາຍ ຍິງ 34 ສະຫາຍ. ນອກຈາກນີ້, ຕາງໜ້າຄະນະພັກ-ຄະນະອໍານວຍການ ໄດ້ມອບເງິນຊ່ວຍເຫຼືອນາຍ ແລະ ພົນຕໍາຫຼວດທີ່ໄດ້ຮັບຜົນກະທົບຈາກພາຍຸໝາກເຫັບຕົກ ແລະ ມອບກະຕ່າດອກໄມ້ໃຫ້ພະນັກງານບໍານານ ທີ່ມີຜົນງານດີເດັ່ນໃນໄລຍະຜ່ານມາ.
ຂ່າວ: ລັດດາວັນ ບຸດຕະວົງ
ຄໍາເຫັນ