ຕາມໂຕເລກສະຖິຕິຫຼ້າສຸດຂອງກົມໃຫຍ່ພາສີ ຫວຽດນາມ

ວົງເງິນການສົ່ງອອກຂົງເຂດຕໍ່າແຜ່ນຕັດຫຍິບ ຫວຽດນາມ ລື່ນກາຍ 4 ຕື້ໂດລາ

15:03 14/08/2024

ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ຕາມໂຕເລກສະຖິຕິຫຼ້າສຸດຂອງກົມໃຫຍ່ພາສີ ຫວຽດນາມ ໃຫ້ຮູ້ວ່າ, ວົງເງິນການສົ່ງອອກຂົງເຂດຕໍ່າແຜ່ນຕັດຫຍິບໃນເດືອນກໍລະກົດ ບັນລຸເກືອບ 4,3 ຕື້ໂດລາ,

ເພີ່ມຂຶ້ນຫຼາຍກວ່າ 12% ເມື່ອທຽບໃສ່ໄລຍະດຽວກັນຂອງປີ 2024. ນີ້ແມ່ນເດືອນທຳອິດໃນປີທີ່ວົງເງິນການສົ່ງອອກໃນຂົງເຂດຕໍ່າແຜ່ນຕັດຫຍິບລື່ນກາຍໂຕເລກ 4 ຕື້ໂດລາ ແລະ ກໍເປັນເດືອນທີ່ມີວົງເງິນສົ່ງອອກສູງທີ່ສຸດນັບແຕ່ເດືອນສິງຫາ ປີ 2022.

ຂ່າວລະບຸວ່າ: ຍອດວົງເງິນການສົ່ງອອກຂອງຂະແໜງຕໍ່າແຜ່ນຕັດຫຍິບ ໃນ 7 ເດືອນຕົ້ນປີ ບັນລຸເກືອບ 24 ຕື້ໂດລາ, ເພີ່ມຂຶ້ນເກືອບ 6% ເມື່ອທຽບໃສ່ໄລຍະດຽວກັນຂອງປີ 2023. ປັດຈຸບັນ ຫວຽດນາມ ສົ່ງອອກສິນຄ້າຕໍ່າແຜ່ນຕັດຫຍິບໄປຍັງ 113 ປະເທດ ແລະ ເຂດແຄ້ວນ, ໃນນັ້ນ, ຕະຫຼາດຕົ້ນຕໍຍັງແມ່ນ ອາເມຣິກາ, ສະຫະພາບເອີຣົບ (EU), ຍີ່ປຸ່ນ, ສ ເກົາຫຼີ ແລະ ຈີນ.

ນັບແຕ່ປັດຈຸບັນຈົນຮອດທ້າຍປີ ແມ່ນລະດູຈຸດສຸມໃນການຊື້ເຄື່ອງ. ບັນດາວິສາຫະກິດພວມພະຍາຍາມຍົກອອກຫຼາຍຜະລິດຕະພັນໃໝ່ກ່ຽວກັບວັດຖຸດິບ, ຮູບແບບເພື່ອຕອບສະໜອງບັນດາມາດຖານທີ່ເຂັ້ມງວດຂອງຄູ່ຮ່ວມມືເພື່ອບັນລຸການສົ່ງອອກຂອງຂະແໜງແມ່ນ 44 ຕື້ໂດລາ ໃນປີ 2024.

ຄໍາເຫັນ

ຂ່າວຕ່າງປະເທດ

ຄັງສຳຮອງນ້ຳມັນເຊື້ອໄຟຍຸດທະສາດຂອງອາເມຣິກາ ຫຼຸດລົງຕ່ຳກວ່າ 300 ລ້ານບາເຣວ

11/08/2026 12:59

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 10 ສິງຫາ ຜ່ານມາ, ລາຄານ້ຳມັນສາກົນໄດ້ເພີ່ມຂຶ້ນຢ່າງຈະແຈ້ງ. ນັບມາຮອດເວລາປິດຕະຫຼາດໃນມື້ດຽວກັນ, ລາຄານ້ຳມັນດິບທາດເບົາທີ່ສັ່ງຊື້ລ່ວງໜ້າ ຊຶ່ງຈະສົ່ງມອບໃນເດືອນກັນຍາ ໃນຕະຫຼາດຊື້-ຂາຍສິນຄ້ານິວຢອກ ໄດ້ເພີ່ມຂຶ້ນ 3.95 ໂດລາ ມາຢູ່ທີ່ 82.13 ໂດລາ, ເພີ່ມຂຶ້ນ 5.05%; ລາຄານ້ຳມັນດິບແບຣນລອນດອນທີ່ສັ່ງຊື້ລ່ວງໜ້າ ຊຶ່ງຈະສົ່ງມອບໃນເດືອນຕຸລາປີນີ້ໄດ້ເພີ່ມຂຶ້ນ 4.17 ໂດລາ ມາຢູ່ທີ່ 87.72 ໂດລາ, ເພີ່ມຂຶ້ນ 4.99%.

ໂກລົມບີ ປະກາດພາວະໄພພິບັດແຫ່ງຊາດ

11/08/2026 12:58

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 11 ສິງຫານີ້ວ່າ: ໃນວັນທີ 10 ສິງຫາ ຜ່ານມາ, ລັດຖະບານໂກລົມບີໄດ້ປະກາດເຂົ້າສູ່ “ພາວະໄພພິບັດແຫ່ງຊາດ” ເພື່ອຮັບມືກັບແຜ່ນດິນໄຫວລະດັບ 7.4 ຣິກເຕີ ທີ່ເກີດຂຶ້ນຢູ່ພາກຕາເວັນຕົກຂອງປະເທດໃນມື້ດຽວກັນ. ອີງຕາມຖະແຫຼງການຫຼ້າສຸດທີ່ລັດຖະບານໂກລົມບີເປີດເຜີຍໃນມື້ດຽວກັນໃຫ້ຮູ້ວ່າ: ແຜ່ນດິນໄຫວຄັ້ງນີ້ເຮັດໃຫ້ມີຜູ້ເສຍຊີວິດເຖິງ 132 ຄົນ, ບາດເຈັບ 570 ຄົນ ພ້ອມທັງເຮັດໃຫ້ 32 ຕົວເມືອງໃນທົ່ວປະເທດໄດ້ຮັບຜົນກະທົບຢ່າງໜັກໜ່ວງ.

ຫຼາຍປະເທດໄດ້ຮັບຜົນກະທົບຈາກສະພາບອາກາດຮຸນແຮງ

11/08/2026 12:56

ວິທະຍຸກະຈາຍສຽງຫວຽດນາມລາຍງານໃນວັນທີ 10 ສິງຫາ ຜ່ານມາວ່າ: ໃນຫຼາຍມື້ຜ່ານມາ, ບັນດາປະກົດການອາກາດຮຸນແຮງ ພວມເກີດຂຶ້ນຢູ່ຫຼາຍພາກພື້ນໃນທົ່ວໂລກ.

7 ເດືອນຕົ້ນປີ ການຄ້າຈີນ-ອາຊຽນ ຮັກສາຈັງຫວະການເຕີບໂຕ

11/08/2026 12:53

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 10 ສິງຫາ ຜ່ານມາວ່າ: ຫວ່າງມໍ່ໆມານີ້, ອົງການພາສີແຫ່ງຊາດຈີນເປີດເຜີຍໂຕເລກຂໍ້ມູນສະແດງໃຫ້ເຫັນວ່າ, 7 ເດືອນຕົ້ນປີນີ້, ການຄ້າລະຫວ່າງຈີນ-ອາຊຽນ ໄດ້ຮັກສາຈັງຫວະການເຕີບໂຕທີ່ແຂງແຮງ ໂດຍບັນລຸເຖິງ 5,140 ຕື້ຢວນ, ເພີ່ມຂຶ້ນ 20% ຊຶ່ງສູງກວ່າລະດັບການຄ້າໂດຍລວມຂອງຈີນໃນໄລຍະດຽວກັນ, ອາຊຽນສືບຕໍ່ຄອງຖານະເປັນຄູ່ການຄ້າໃຫຍ່ອັນດັບ 1 ຂອງຈີນ.

ການສົ່ງອອກເຄື່ອງຕ່ຳແຜ່ນຕັດຫຍິບ ຫວຽດນາມ ບັນລຸ 27 ຕື້ກວ່າໂດລາ

11/08/2026 11:52

ວິທະຍຸກະຈາຍສຽງຫວຽດນາມລາຍງານໃນວັນທີ 10 ສິງຫາ ຜ່ານມາວ່າ: ເຖິງວ່າຕ້ອງປະເຊີນໜ້າກັບການຜັນຜວນດ້ານເສດຖະກິດໂລກ ກໍຄືຮົ້ວກີດຂວາງດ້ານເຕັກນິກທີ່ເຄັ່ງຄັດຈາກບັນດາຕະຫຼາດບໍລິໂພກໃຫຍ່ກໍຕາມ, ໃນ 7 ເດືອນຕົ້ນປີ 2026 ການສົ່ງອອກ, ນຳເຂົ້າຂອງຂະແໜງຕ່ຳແຜ່ນຕັດຫຍິບ ຫວຽດນາມ ສືບຕໍ່ຮັບຮູ້ການເຕີບໂຕຢ່າງຕັ້ງໜ້າ.

“ໂອກາດຈາກຈີນ 2.0” ກ້າວສູ່ຍຸກໃໝ່

10/08/2026 15:34

ວິທະຍຸໂທລະພາບສູນກາງຈີນ (CMG) ລາຍງານວ່າ: ປັດຈຸບັນ, ຄໍາວ່າ “ນະວັດຕະກໍາຢ່າງເປັນຂະໜາດໃຫຍ່” ໄດ້ກາຍເປັນຈຸດສຸມຂອງການປະຕິຮູບອຸດສາຫະກໍາທົ່ວໂລກ. ວົງການພາຍນອກມີຄວາມເຫັນໂດຍທົ່ວໄປວ່າ: ໂດຍອີງໃສ່ຕະຫຼາດຂະໜາດໃຫຍ່ພິເສດ, ລະບົບອຸດສາຫະກໍາທີ່ສົມບູນຄົບຖ້ວນ ແລະ ລະບົບນິເວດດ້ານການຮ່ວມມືແບບເປີດກວ້າງ, ຈີນໄດ້ສະໜອງບົດຮຽນອັນລໍ້າຄ່າໃຫ້ແກ່ທົ່ວໂລກກ່ຽວກັບຫົວຂໍ້ຈຸດສຸມດັ່ງກ່າວ. ອີງຕາມການຈັດອັນດັບຫຼ້າສຸດທີ່ເປີດເຜີຍໂດຍ Nature Index ສະແດງໃຫ້ເຫັນວ່າ: ຈີນຄອງອັນດັບໜຶ່ງຂອງໂລກດ້ານການປະກອບສ່ວນຄົ້ນຄວ້າວິທະຍາສາດໃນປີ 2025.

EAEU ຊຸກຍູ້ການເຊື່ອມໂຍງດ້ານເສດຖະກິດ

10/08/2026 14:18

ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ສະພາລະຫວ່າງລັດຖະບານສະຫະພັນເສດຖະກິດອາຊີ - ເອີຣົບ (EAEU) ດຳເນີນກອງປະຊຸມເປີດກວ້າງ ທີ່ປະເທດກີກິດສະຖານ (Kyrgyzstan), ເພື່ອສຸມໃສ່ການເພີ່ມທະວີການຮ່ວມມືດ້ານອຸດສາຫະກຳ, ການຄ້ຳປະກັນດ້ານສະບຽງອາຫານ, ພັດທະນາການຄ້າເອເລັກໂຕຣນິກ, ຫັນການຂົນສົ່ງເປັນດີຈີຕອນ ແລະ ສ້າງຕະຫຼາດການເງິນລວມ. ບັນດາປະເທດໄດ້ກວດກາຄືນການປະຕິບັດຂໍ້ຕົກລົງການຄ້າລວມກັບຄູ່ຮ່ວມມື.

ດິນເຈື່ອນໃນແຂວງນາກາໂນ ເຮັດໃຫ້ນັກທ່ອງທ່ຽວ ປະມານ 390 ຄົນ ຕິດຄ້າງ

10/08/2026 14:00

ສຳນັກຂ່າວສານຊິນຮວາລາຍງານໃນວັນທີ 9 ສິງຫາ ຜ່ານມາວ່າ: ສຳນັກຂ່າວ Kyodo ຂອງຍີ່ປຸ່ນລາຍງານວ່າ, ດິນເຈື່ອນທີ່ເກີດຂຶ້ນໃນຄືນວັນທີ 8 ສິງຫາຜ່ານມາ ໃນແຂວງນາກາໂນ ພາກກາງຂອງປະເທດຍີ່ປຸ່ນ, ເຮັດໃຫ້ມີປະຊາຊົນປະມານ 390 ຄົນຕິດຄ້າງ.

ມີສວນໃນເຮືອນ ຫຼື ອາໄສໃກ້ສວນສາທາລະນະ ຊ່ວຍຫຼຸດການເປັນເບົາຫວານປະເພດ 2

10/08/2026 13:17

ສຳນັກຂ່າວສານຊິນຮວາລາຍງານຫວ່າງບໍ່ດົນມານີ້ວ່າ: ຜົນການສຶກສາຈາກມະຫາວິທະຍາໄລ Queensland ໃນອົສຕຣາລີ ພົບວ່າ: ຜູ້ທີ່ມີສວນຢູ່ເຮືອນມີຄວາມສ່ຽງເປັນພະຍາດເບົາຫວານປະເພດ 2 ໜ້ອຍກວ່າຄົນທີ່ບໍ່ມີເຖິງ 6.8%. ໃນຂະນະດຽວກັນ, ຜູ້ທີ່ອາໄສຢູ່ໃກ້ສວນສາທາລະນະຫຼາຍແຫ່ງມີຄວາມສ່ຽງເປັນພະຍາດເບົາຫວານປະເພດດຽວກັນໜ້ອຍກວ່າຄົນທີ່ບໍ່ໄດ້ຢູ່ໃກ້ເຖິງ 5.7% ຊຶ່ງເນັ້ນໃຫ້ເຫັນເຖິງຄວາມຈໍາເປັນທີ່ຈະຕ້ອງໃຫ້ຄວາມສໍາຄັນກັບພື້ນທີ່ສີຂຽວໃນການວາງແຜນຜັງຕົວເມືອງ.

7 ເດືອນຕົ້ນປີ ມູນຄ່າການນຳເຂົ້າ-ສົ່ງອອກສິນຄ້າຂອງຈີນ ເກີນ 30,000 ຕື້ຢວນ

10/08/2026 13:00

ວິທະຍຸໂທລະພາບສູນກາງຈີນ (CMG) ລາຍງານວ່າ: ຈາກຂໍ້ມູນທີ່ອົງການພາສີແຫ່ງຊາດຈີນ ປະກາດໃນວັນທີ 7 ສິງຫາ ຜ່ານມາ ໃຫ້ຮູ້ວ່າ: ໃນ 7 ເດືອນຕົ້ນປີນີ້, ມູນຄ່າການນຳເຂົ້າ-ສົ່ງອອກສິນຄ້າຂອງຈີນ ໄດ້ບັນລຸເກີນ 30,000 ຕື້ຢວນ ເປັນຄັ້ງທຳອິດໃນໄລຍະດຽວກັນຂອງປະຫວັດສາດ ຊຶ່ງສະແດງໃຫ້ເຫັນເຖິງທ່າອ່ຽງການເຕີບໂຕທີ່ດີຢ່າງຕໍ່ເນື່ອງ.

ເພີ່ມເຕີມ