ໃນກອງປະຊຸມ, ທ່ານ ພົງສະຫວັນ ສິດທະວົງ ໄດ້ກ່າວວ່າ: ກອງປະຊຸມຄັ້ງນີ້ ຜູ້ເຂົ້າຮ່ວມຈະໄດ້ພ້ອມກັນຄົ້ນຄວ້າປຶກສາຫາລື ບັນດາວຽກງານ ທີ່ສຳຄັນຂອງແຂວງຄື: ຮັບຟັງລາຍງານການສະຫຼຸບຕີລາຄາກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງໄຊຍະບູລີ ປະຈຳປີ 2024 ແລະ ທິດທາງແຜນການ ປີ 2025. ຮັບຟັງ ແລະ ປະກອບຄໍາເຫັນຕາມ 6 ຂົງເຂດວຽກງານຄື: ຂົງເຂດວຽກງານ ປກຊ-ປກສ ແລະ ວຽກງານຕ່າງປະເທດ; ຂົງເຂດເສດຖະກິດ; ຂົງເຂດວັດທະນະທໍາ-ສັງຄົມ; ຂົງເຂດວຽກງານບໍລິຫານລັດ ແລະ ຕຸລາການ; ຈາກນັ້ນ, ທ່ານ ເພັດພິໄຊ ສູນວິໄລ ຮອງເຈົ້າແຂວງ ໄດ້ຜ່ານບົດລາຍງານຫຍໍ້ກ່ຽວການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງ ປະຈຳປີ 2024 ແລະ ທິດທາງແຜນການປະຈຳປີ 2025 ຊຶ່ງທ່ານໄດ້ໃຫ້ຮູ່ວ່າ: ໜຶ່ງປີຜ່ານມາແມ່ນໄດ້ສຸມໃສ່ຈັດຕັ້ງປະຕິບັດບັນດາຄາດໝາຍສູ້ຊົນດ້ວຍຈິດໃຈບຸກທະລຸເຮັດໃຫ້ເສດຖະກິດຂອງແຂວງໄດ້ຂະຫຍາຍຕົວຢູ່ໃນລະດັບ 5.4%, ລວມຍອດຜະລິດຕະພັນພາຍໃນບັນລຸໄດ້ 23,868 ຕື້ກີບ ສະເລ່ຍໃສ່ຫົວຄົນ 56 ລ້ານກີບ, ສາມາດຈັດເກັບລາຍຮັບເຂົ້າງົບປະມານໄດ້ທັງໜົດ 2,347.38 ຕື້ກີບ, ເທົ່າກັບ112.19% ຂອງແຜນການປີ; ຄຸ້ມຄອງລາຍຈ່າຍໄດ້ທັງໝົດ 681.63 ຕື້ກີບ, ເທົ່າກັບ 95.72% ຂອງແຜນດັດແກ້, ໄດ້ລະດົມທຶນທົ່ວສັງຄົມເຂົ້າໃນການພັດທະນາໄດ້ທັງໝົດ 4,070.94 ຕື້ກີບ ເທົ່າກັບ95,65% ຂອງແຜນການປີ. ໃນນີ້: ການລົງທຶນຂອງລັດມູນຄ່າ 143.66 ຕື້ກີບ; ທຶນຊ່ວຍເຫຼືອທາງການເພື່ອການພັດທະນາ (ODA) ປະຕິບັດໄດ້ 45 ໂຄງການມູນຄ່າ 119.77 ຕື້ກີບ; ການລົງທຶນຂອງເອກະຊົນພາຍໃນ ແລະ ຕ່າງປະເທດໄດ້ທັງໝົດ 2,432.75 ຕື້ກີບ. ນອກນັ້ນ ຍັງໄດ້ຊຸກຍູ້ສົ່ງເສີມການຜະລິດກະສິກໍາ, ດ້ວຍການຫັນໄປສູ່ເຕັກນິກໃໝ່ທັນສະໄໝເທື່ອລະກ້າວ, ສາມາດຄ້ຳປະກັນທາງດ້ານສະບຽງອາຫານໄດ້ຢ່າງພຽງພໍ, ການຜະລິດສິນຄ້າກະສິກຳສົ່ງອອກມີປະລິມານເພີ່ມຂຶ້ນ, ຊຶ່ງສາມາດຜະລິດເຂົ້າໄດ້ທັງໝົດ 197,500 ໂຕນ, ເຂົ້ານາປີ 167,102 ໂຕນ, ເຂົ້າໄຮ່ 22,474 ໂຕນ ແລະ ເຂົ້ານາແຊງ 7,924 ໂຕນ, ຜະລິດພືດເປັນສິນຄ້າໄດ້ທັງໝົດ 3,286,898 ໂຕນ, ສະເພາະມັນຕົ້ນມີເນື້ອທີ 96,145 ກວ່າເຮັກຕາ, ເກັບກູ້ສໍາເລັດແລ້ວ 43,196 ກວ່າເຮັກຕາ ເທົ່າກັບ 44.93%; ອັນທີ່ພົ້ນເດັ່ນແມ່ນການປູກກາເຟຂອງປະຊາຊົນຢູ່ເມືອງໄຊສະຖານ ຊຶ່ງມີເນື້ອທີ່ທັງໝົດ 298 ເຮັກຕາ ກວມເອົາ 21 ບ້ານ ມີຈໍານວນ 980,000 ກວ່າຕົ້ນ,
(ຂ່າວ-ພາບ: ອຸ່ນເຮືອນ ໂພທິລັກ)
ຄໍາເຫັນ