ແລະ ສະຫວັດດີການສັງຄົມແຂວງ ໂດຍການເປັນປະທານຂອງທ່ານ ຕົ່ງມົວ ຊົວໂກ້ຮອງເຈົ້າແຂວງໄຊສົມບູນປະທານຄະນະກຳມະການຄຸ້ມຄອງໄພພິບັດຂັ້ນແຂວງ, ມີທ່ານ ວັນຄຳເກັ່ງ ຢ່າຊົງກົວ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ພ້ອມດ້ວຍຄະນະກຳມະການຄຸ້ມຄອງໄພພິບັດ ຂັ້ນແຂວງ ແລະ ເມືອງ ເຂົ້າຮ່ວມ.
ທ່ານ ຕົ່ງມົວ ຊົວໂກ້ ໄດ້ເນັ້ນໜັກໃຫ້ຄະນະກຳມະການຈົ່ງສຸມທຸກສະຕິປັນຍາຂອງຕົນເຂົ້າໃນການປະກອບຄໍາຄິດຄໍາເຫັນຢ່າງກົງໄປກົງມາ ພ້ອມທັງຕີລາຄາຄືນຜົນການຈັດຕັ້ງປະຕິບັດວຽກງານ ໃນໄລຍະຜ່ານມາ ໂດຍສະເພາະແມ່ນບັນດາຈຸດອ່ອນ ແລະ ຂໍ້ຄົງຄ້າງຕ່າງໆ ເພື່ອພ້ອມກັນຄົ້ນຄວ້າວາງທິດທາງແຜນການໃນຕໍ່ໜ້າ ໃຫ້ໄດ້ຮັບຜົນດີຂຶ້ນກວ່າເກົ່າ. ຈາກນັ້ນ, ທ່ານ ຂັນໄຊ ນາມມີໄຊ ຮອງຫົວໜ້າຂະແໜງສັງຄົມສົງເຄາະ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ຕົກລົງ ສະບັບເລກທີ 1143/ຈຂ.ຊບ, ວ່າດ້ວຍກອງທຶນສັງຄົມສົງເຄາະປະຈໍາປີ 2024 ພ້ອມທັງຜ່ານບົດສະຫຼຸບການຈັດຕັ້ງປະຕິບັດວຽກງານຄຸ້ມຄອງໄພພິບັດ ປະຈໍາປີ 2024 ແລະ ທິດທາງແຜນການປີ 2025. ໃນໄລຍະຜ່ານມາ, ຄະນະກຳມະການຄຸ້ມຄອງໄພພິບັດຂັ້ນແຂວງ ໄດ້ເອົາໃຈໃສ່ຈັດຕັ້ງປະຕິບັດວຽກງານປ້ອງກັນ, ແກ້ໄຂສຸກເສີນ ແລະ ຟື້ນຟູຫຼັງໄພພິບັດ ໂດຍໄດ້ອອກແຈ້ງການກ່ຽວກັບການເຝົ້າລະວັງອຸທົບກະໄພຕ່າງໆ, ຕ້ານ ແລະ ສະກັດກັ້ນໄຟລາມປ່າປີ 2024 ສະບັບເລກທີ 03/ຄພຄ, ລົງວັນທີ 19/3/2024 ເພື່ອແຈ້ງໄຫ້ຄະນະກຳມະການຄຸ້ມຄອງໄພພິບັດຂັ້ນເມືອງເຝົ້າລະວັງໄພພິບັດທີ່ອາດຈະເກີດຂຶ້ນຕາມລະດູການ, ໄດ້ແຈ້ງເຕືອນສະພາບອາກາດ ແລະ ຝົນຕົກໜັກໃນແຕ່ລະໄລຍະໃຫ້ເມືອງໄດ້ຮັບຮູ້ ເພື່ອຟ້າວລະວັງ, ໄດ້ຈັດຝຶກຊ້ອມທີມງານຂັບຂີ່ເຮືອກູ້ໄພສຸກເສີນ ແລະ ທີມແພດຮັບມືສຸກເສີນໃຫ້ຄະນະກຳມະການຂັ້ນແຂວງ, ລົງຊຸກຍູ້ບັນດາເມືອງເປັນເຈົ້າການໃນການວາງແຜນສະກັດກັ້ນຕ້ານໄຟລາມປ່າ ແລະ ມີຄວາມກຽມພ້ອມຮັບມືກັບໄພທຳມະຊາດທີ່ອາດຈະເກີດຂຶ້ນ. ຊຶ່ງໃນໄລຍະ 1 ປີຜ່ານມາ ໄດ້ເກີດອັກຄີໄພໄຟໄໝ້ເຮືອນປະຊາຊົນຢູ່ເມືອງອະນຸວົງ, ເມືອງທ່າໂທມ, ເມືອງລ້ອງຊານ ຈໍານວນ 4 ຄັ້ງ ລວມມູນຄ່າຄວາມເສຍຫາຍທັງໝົດ 224 ລ້ານກວ່າກີບ, ເກີດເຫດການລົມພາຍຸພັດເຮືອນປະຊາຊົນ, ໂຮງຮຽນ 2 ແຫ່ງ ແລະ 1 ຫ້ອງການບ້ານ ຢູ່ເມືອງອະນຸວົງ, ເມືອງທ່າໂທມ, ເມືອງຮົ່ມ, ເມືອງລ້ອງແຈ້ງ ແລະ ເມືອງລ້ອງຊານ ຈໍານວນ 6 ຄັ້ງ ມູນຄ່າຄວາມເສຍຫາຍທັງໝົດ 1,186 ລ້ານກ່ວາກີບ, ຜົນກະທົບຈາກໄພພິບັດທຳມະຊາດນ້ຳປ່າໄຫຼສຸ ໂຄງການຊົນລະປະທານ ຈຳນວນ 9 ແຫ່ງ ຢູ່ເມືອງອະນຸວົງ, ເມືອງທ່າໂທມ, ເມືອງລ້ອງແຈ້ງ ລວມມູນຄ່າຜົນເສຍຫາຍ 22 ຕື້ກວ່າກີບ. ໃນປີ 2024 ໄດ້ໃຫ້ການຊ່ວຍເຫຼືອປະຊາຊົນທີ່ຖືກຜົນກະທົບຈາກໄພທຳມະຊາດ. ໃນນັ້ນ, ຊ່ວຍເຫຼືອເປັນເຂົ້າສານ, ເຄື່ອງອຸປະໂພກ-ບໍລິໂພກ ແລະ ເງິນສົດ ເພື່ອບັນເທົາທຸກສຸກເສີນໄຫ້ແກ່ຄອບຄົວທີ່ໄດ້ຮັບຜົນກະທົບຈາກໄພແຫ້ງແລ້ງ, ຜົນກະທົບຈາກອັກຄີໄພໄໝ້ເຮືອນ ແລະ ພາຍຸລົມພັດ ຈຳນວນ 68 ຄອບຄົວ ລວມມູນຄ່າທັງໝົດ 368 ລ້ານກວ່າກີບ. ຈາກນັ້ນ, ຄະນະກຳມະການຂັ້ນແຂວງ ແລະ ເມືອງ ໄດ້ພ້ອມກັນປະກອບຄໍາຄິດຄໍາເຫັນໃສ່ຮ່າງບົດສະຫຼຸບ ເປັນຕົ້ນແມ່ນຕໍ່ກັບບັນຫາຄວາມຫຍຸ້ງຍາກຕ່າງໆ ໃນການຈັດຕັ້ງປະຕິບັດວຽກງານ, ການປະສານງານກັບພາກສ່ວນທີ່ກຽວຂ້ອງ, ການສ້າງ ແລະ ນໍາໃຊ້ກອງທຶນ ຫຼື ງົບປະມານ ເພື່ອຕອບໂຕ້ໄພພິບັດທັນການ, ກະກຽມຄວາມພ້ອມໃນການຮັບມື ແລະ ການລະດົມທຶນຈາກພາກສ່ວນຕ່າງໆ. ທັງນີ້ກໍເພື່ອຮັບປະກັນໃຫ້ວຽກງານປ້ອງກັນ, ຄວບຄຸມ ແລະ ການຟື້ນຟູຫຼັງໄພພິບັດ ກໍຄືມາດຕະການຈັດຕັ້ງປະຕິບັດວຽກງານຄຸ້ມຄອງໄພພິບັດ ໃນໄລຍະປີ 2025 ນີ້ ໃຫ້ມີຄວາມເຂັ້ມແຂງ, ຮັດກຸມ ແລະ ມີປະສິດທິພາບ ແລະ ທັນກັບເຫດການ.
(ພາບ-ຂ່າວ: ຟອງ ນໍ່ນິນທາ)
ຄໍາເຫັນ