 |
ໃນການປັກດຳ ແມ່ນສາມາດປະຕິບັດສໍາເລັດແລ້ວ 60% ຂອງເນື້ອທີ່ແຜນການ, ທົ່ວເມືອງມີແຜນທັງໝົດ 4,563 ກວ່າເຮັກຕາ, ສິ່ງທີ່ພົ້ນເດັ່ນໃນລະດູການຜະລິດປີນີ້ ແມ່ນຊາວກະສິກອນເມືອງໝື່ນ ໄດ້ມີການຫັນປ່ຽນວິທີການເຮັດນາແບບດັ້ງເດີມ ມາຮຽນຮູ້ ແລະ ນຳໃຊ້ເຕັກນິກໃໝ່ເຂົ້າໃນການເພາະປູກຫຼາຍຂຶ້ນ ເພື່ອຫຼຸດຜ່ອນຕົ້ນທຶນ, ປະຢັດແຮງງານ ແລະ ຮັບມືກັບສະພາບການປ່ຽນແປງຂອງດິນຟ້າອາກາດ, ເຕັກນິກທີ່ນໍາມາໃຊ້ໃນປີນີ້ ປະກອບມີ: ເຕັກນິກນາຢອດ (ຢອດເມັດພັນ/ຢອດແຫ້ງ) ຊ່ວຍປະຢັດເມັດພັນ, ຫຼຸດຜ່ອນຂັ້ນຕອນການຫຼົກກ້າ-ດຳນາ, ໂດຍສະເພາະໃນເຂດທີ່ແຫ້ງແລ້ງ ທີ່ນ້ຳຊົນລະປະທານ ຫຼື ນ້ຳຝົນຍັງບໍ່ພຽງພໍ, ເຕັກນິກການຢອດແຫ້ງຊ່ວຍໃຫ້ຊາວກະສິກອນເລີ່ມປູກໄດ້ທັນລະດູການ ໂດຍບໍ່ຕ້ອງລໍຖ້ານ້ຳຂັງ, ປັດຈຸບັນ ການປັກດຳແມ່ນສຳເລັດໄປແລ້ວປະຕິບັດໄດ້ 60%, ເຕັກນິກນາຫວ່ານໄດ້ 100%, ເປັນວິທີທີ່ສະດວກ ວ່ອງໄວ, ເໝາະສົມກັບເນື້ອທີ່ນາຂະໜາດໃຫຍ່, ການນຳໃຊ້ເຕັກນິກການປູກເຂົ້າແບບໃໝ່ ບໍ່ພຽງແຕ່ຊ່ວຍໃຫ້ຊາວກະສິກອນປະຢັດເວລາ ແລະ ແຮງງານເທົ່ານັ້ນ ແຕ່ຍັງເປັນການເພີ່ມໂອກາດໃນການສ້າງຜົນຜະລິດໃຫ້ໄດ້ມາດຕະຖານ, ປະລິມານທີ່ສູງຂຶ້ນ, ພ້ອມນັ້ນທາງພາກສ່ວນກ່ຽວຂ້ອງ ກໍໄດ້ລົງຕິດຕາມ ແລະ ໃຫ້ຄຳແນະນຳແກ່ປະຊາຊົນຢ່າງໃກ້ຊິດ ເພື່ອຮັບປະກັນໃຫ້ການປັກດຳເຂົ້ານາປີໃນເນື້ອທີ່ທີ່ເຫຼືອ ໃຫ້ສາມາດສຳເລັດຕາມຄາດໝາຍທີ່ວາງໄວ້, ນອກຈາກການປູກເຂົ້າແລ້ວ ຊາວກະສິກອນເມືອງໝື່ນ ຍັງໄດ້ປູກພືດເປັນສີ້ນຄ້າສົ່ງອອກໃນເນື້ອທີ່ 8,168 ເຮັກຕາ, ເປັນຕົ້ນແມ່ນ ປູກມັນຕົ້ນ 6,000 ເຮັກຕາ, ປູກສາລີແຂງ 580 ເຮັກຕາ ແລະ ປຸກໝາກເດືອຍ 350 ເຮັກຕາ ພ້ອມທັງພຶດຜັກອື່ນໆອີກເພຶ່ອເປັນສີນຄ້າສົ່ງອອກ.
ພາບ,ຂ່າວ ນາງ ວັນນາ
ຄໍາເຫັນ