ມີເນື້ອທີ່ແຜນການປູກເຂົ້ານາປີ 16,000 ເຮັກຕາ, ຄາດຄະເນຜົນຜະລິດ 60,000 ໂຕນ. ໃນນີ້, ແຜນການປູກເຂົ້າເພື່ອເປັນສະບຽງອາຫານ 11,144 ເຮັກຕາ, ຄາດຄະເນຜົນຜະລິດ 41,790 ໂຕນ. ແຜນການປູກເຂົ້າເພື່ອເປັນສິນຄ້າ 4,875 ເຮັກຕາ, ຄາດຄະເນຜົນຜະລິດ 18,210 ໂຕນ, ຄາດຄະເນສະມັດຕະພາບ 3.75 ໂຕນ/ເຮັກຕາ.
ຜ່ານການປະຕິບັດຕົວຈິງໄດ້ 16,000 ເຮັກຕາ, ເນື້ອທີ່ຖືກນໍ້າຖ້ວມເສຍຫາຍ 280 ເຮັກຕາ, ເນື້ອທີ່ເກັບກ່ຽວເຫຼືອຕົວຈິງ 15,720 ເຮັກຕາ, ສະມັດຕະພາບ 3.77 ໂຕນ/ເຮັກຕາ, ຜົນຜະລິດ 59,264 ໂຕນ. ໃນນັ້ນ, ຜະລິດເປັນສະບຽງອາຫານ 11,004 ເຮັກຕາ ເທົ່າກັບ 41,485 ໂຕນ, ຜະລິດເປັນສິນຄ້າ 4,716 ເຮັກຕາ ເທົ່າກັບ 17,779 ໂຕນ. ຊາວນາໄດ້ເລີ້ມລົງມືເກັບກ່ຽວນັບແຕ່ວັນທີ 7 ຕຸລາ 2024 ມາຮອດປັດຈຸບັນປະຕິບັດການເກັບກ່ຽວໄດ້ 40% .
ສໍາລັບການປູກພືດລະດູຝົນທົ່ວເມືອງມີເນື້ອທີ່ແຜນການ 716 ເຮັກຕາ, ຄາດຄະເນຜົນຜະລິດ 5,384 ໂຕນ, ຄາດຄະເນສະມັດຕະພາບ 7,52 ໂຕນ/ເຮັກຕາ, ຜະລິດເປັນສະບຽງອາຫານ 300 ເຮັກຕາ, ຜົນຜະລິດ 2,247 ໂຕນ. ຜະລິດເປັນສິນຄ້າ 416 ເຮັກຕາ, ຜົນຜະລິດ 3,137 ໂຕນ. ການຜະລິດພືດພາຍໃນເມືອງແມ່ນເລີ້ມລົງມືປູກແຕ່ວັນທີ 10 ພຶດສະພາ 2024 .
ມາຮອດປັດຈຸບັນນີ້, ເນື້ອທີ່ການປູກພືດ 702 ເຮັກຕາ, ເນື້ອທີ່ປະຕິບັດໄດ້ຕົວຈິງ 702 ເຮັກຕາ. ໃນນັ້ນ ຖືກນໍ້າຖ້ວມເສຍຫາຍ 197.09 ເຮັກຕາ, ເນື້ອທີ່ເຫຼືອຕົວຈິງ 505 ເຮັກຕາ, ສະມັດຕະພາບ 7.54 ໂຕນ/ເຮັກຕາ, ຜົນຜະລິດໄດ້ 3,808 ໂຕນ. ໃນນັ້ນ ຜະລິດເປັນສະບຽງອາຫານ 233 ເຮັກຕາ, ຜົນຜະລິດເທົ່າກັບ 1,757 ໂຕນ, ຜະລິດເປັນສິນຄ້າ 272 ເຮັກຕາ ຜົນຜະລິດເທົ່າກັບ 2,051 ໂຕນ.
(ຂ່າວ: ແດງສະຫວັດ ແສນພານິດ, ພາບ: ນັກຂ່າວເມືອງໜອງບົກ)
ຄໍາເຫັນ