 |
ກອງປະຊຸມຄັ້ງນີ້, ຈັດຂຶ້ນເພື່ອເປັນການແລກປ່ຽນວຽກງານວິຊາການ ແລະ ວຽກງານວິຊາສະເພາະຮ່ວມກັນ ລະຫວ່າງຊາວໜຸ່ມ 3 ພາກສ່ວນທັງເປັນການສ້າງຂະບວນການຂໍ່ານັບຮັບຕ້ອນ ແລະ ຊົມເຊີຍວັນສຳຄັນຂອງພັກ ຂອງຊາດ ກໍຄືຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ IX. ຜູ້ເຂົ້າຮ່ວມກອງປະຊຸມໄດ້ຮັບຟັງການນຳສະເໜີບົດ 5 ຫົວຂໍ້ ຈາກສະມາຊິກຊາວໜຸ່ມທັງ 3 ພາກສ່ວນ ຄື: ວຽກງານການທູດເສດຖະກິດຂອງ ສປປ ລາວ, ຄວາມຄືບໜ້າໃນການກະກຽມອອກຈາກສະຖານະພາບປະເທດດ້ອຍພັດທະນາ ແລະ ການຈັດຕັ້ງປະຕິບັດແຜນຍຸດທະສາດການຂ້າມຜ່ານ ເພື່ອອອກຈາກສະຖານະພາບປະເທດດ້ອຍພັດທະນາຂອງ ສປປ ລາວ, ວຽກງານຂະບວນການຊາວໜຸ່ມ, ຕ້ານກົນອຸບາຍຫັນປ່ຽນໂດຍສັນຕິໃນຖັນແຖວຊາວໜຸ່ມ ໃນຍຸກແຫ່ງຂໍ້ມູນຂ່າວສານ ແລະ ເຕັກໂນໂລຊີທີ່ຂະຫຍາຍຕົວສູງ ແລະ ສ້າງແນວຄິດຈິດຕະສາດຕ້ານປະກົດການຫຍໍ້ທໍ້ ໃນການນຳໃຊ້ສື່ສັງຄົມອອນລາຍ.
 |
ພາຍຫຼັງສຳເລັດກອງປະຊຸມ, ສະມາຊິກຊາວໜຸ່ມທັງ 3 ພາກສ່ວນ ໄດ້ສືບຕໍ່ເຂົ້າຮ່ວມແຂ່ງຂັນກິລາ ບານເຕະມິດຕະພາບ ຊາຍ-ຍິງ ແລະ ກິດຈະກຳຕ່າງໆ, ພ້ອມທັງໄດ້ຮ່ວມພາເຂົ້າສາມັກຄີ ເພື່ອເປັນການສ້າງ ຄວາມສາມັກຄີອັນດີ, ສ້າງສາຍພົວພັນຊຶ່ງກັນ ແລະ ກັນ ລະຫວ່າງຊາວໜຸ່ມ 3 ພາກສ່ວນໃນຕໍ່ໜ້າ.
 |
ຂ່າວ: ຂປລ
ຄໍາເຫັນ