ຊາວໜຸ່ມແຂວງຈໍາປາສັກສຸມໃສ່ເຄື່ອນໄຫວວຽກງານມີຜົນສຳເລັດຫຼາຍດ້ານ

ຊາວໜຸ່ມແຂວງຈໍາປາສັກສຸມໃສ່ເຄື່ອນໄຫວວຽກງານມີຜົນສຳເລັດຫຼາຍດ້ານ
ໂດຍ: ວັນເພັງ
ໃນໄລຍະ 1 ປີຜ່ານມາພາຍໃຕ້ການຊີ້ນໍາ-ນໍາພາຢ່າງໃກ້ຊິດຂອງຄະນະປະຈໍາພັກແຂວງກໍຄືຄະນະພັກ-ອຳນາດການປົກຄອງແຕ່ລະຂັ້ນເຮັດໃຫ້ຄະນະຊາວໜຸ່ມປະຊາຊົນປະຕິວັດລາວແຂວງຈຳປາສັກໄດ້ສຸມໃສ່ເຄື່ອນໄຫວວຽກງານມີຜົນສຳເລັດຫຼາຍດ້ານ.
    ທ່ານ ໃຈສະຫວັນ ຈັນວັນຄຳ ຮອງເລຂາຊາວໜຸ່ມແຂວງຈຳປາສັກ ໄດ້ລາຍງານການຈັດຕັ້ງປະຕິບັດວຽກງານຂອງຄະນະຊາວໜຸ່ມປະຊາຊົນປະຕິວັດລາວຂອງແຂວງໄລຍະ 1 ປີຜ່ານມາ ແລະ ທິດທາງແຜນການໃນຕໍ່ໜ້າ ຕໍ່ກອງປະຊຸມພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມສູນກາງພັກ ແລະ 3 ອົງການຈັດຕັ້ງມະຫາຊົນແຂວງຈຳປາສັກເມື່ອບໍ່ດົນຜ່ານມາທີ່ຫ້ອງວ່າການແຂວງດັ່ງກ່າວວ່າ: ໃນໄລຍະ 1 ປີຜ່ານມາຄະນະຊາວໜຸ່ມປະຊາຊົນ ປະຕິວັດລາວແຂວງຈຳປາສັກ ໄດ້ສຸມໃສ່ເຄື່ອນໄຫວວຽກງານມີຜົນສຳເລັດຫຼາຍດ້ານເປັນຕົ້ນ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດເປັນບັນຫາກົກ ແລະ ຈັດຕັ້ງປະຕິບັດຢ່າງເປັນປົກກະຕິຕໍ່ເນື່ອງດ້ວຍການປະສານສົມທົບກັບຄະນະພັກ-ອໍານາດການປົກຄອງແຕ່ລະຂັ້ນ ຈັດຕັ້ງປາຖະກະຖາເລົ່າມູນເຊື້ອຂອງພັກ-ຂອງຊາດ, ຂອງທ່ານຜູ້ນຳ, ຂອງຊາວໜຸ່ມ ແລະ ເອກະສານສໍາຄັນຕ່າງໆຕິດພັນກັບການນໍາພາສະມາຊິກຊາວໜຸ່ມ ແລະ ອື່ນໆ. ໃນນັ້ນ, ວຽກງານປັບປຸງການຈັດຕັ້ງຊາວໜຸ່ມໄດ້ເອົາໃຈໃສ່ປັບປຸງກໍ່ສ້າງການຈັດຕັ້ງຢູ່ຂັ້ນຮາກຖານ, ໜ່ວຍໃຫ້ມີຄວາມໜັກແໜ້ນ-ເຂັ້ມແຂງ ຕິດພັນກັບການເກັບກໍາສະຖິຕິຊາວໜຸ່ມໃນເກນອາຍຸ, ສະມາຊິກຊາວໜຸ່ມ ພ້ອມທັງເປີດຮຽນສະໜັບສະໜູນໃຫ້ມະຫາຊົນກ້າວໜ້າ ແລະ ຂະຫຍາຍສະມາຊິກຊາວໜຸ່ມຢ່າງເປັນປົກກະຕິ-ຕໍ່ເນື່ອງ; ໄດ້ປະຕິບັດລະບອບປະຊຸມສ່ອງແສງລາຍງານ, ຈັດຕັ້ງດໍາເນີນຊີວິດການເມືອງພາຍໃນຈຸ-ໜ່ວຍ; ໄດ້ສົມທົບກັບຄະນະພັກ-ອຳນາດການປົກຄອງໃນການລົງປັບປຸງການຈັດຕັ້ງຊາວໜຸ່ມ ໂດຍສະເພາະຊາວໜຸ່ມຢູ່ຂັ້ນບ້ານໂດຍເລັງໃສ່ບ້ານຈຸດສຸມຂອງແຂວງ, ຂອງເມືອງເພື່ອສ້າງ ແລະ ຮັບຮອງເປັນບ້ານພັດທະນາ.ພ້ອມນັ້ນ,ໄດ້ລົງເຄື່ອນໄຫວເຜີຍແຜ່ລະບຽບກົດໝາຍຂອງຊາວໜຸ່ມ ແລະ ເອກະສານສຳຄັນຕ່າງໆ 294 ຄັ້ງ, ມີຜູ້ເຂົ້າຮ່ວມທັງໝົດ 42.336 ສະຫາຍຍິງ 20.286 ສະຫາຍ; ໄດ້ຊຸກຍູ້ນໍາພາກະກຽມເປີດກອງປະຊຸມໃຫຍ່ ຄະນະຊາວໜຸ່ມປະຊາຊົນ ປະຕິວັດລາວຂັ້ນເມືອງ-ນະຄອນ, ຊາວໜຸ່ມຮາກຖານ,ໜ່ວຍຊາວໜຸ່ມຮາກຖານພະແນກການ, ກົມກອງອ້ອມຂ້າງແຂວງ, ນະຄອນ-ເມືອງ ແລະ ຮາກຖານບ້ານທີ່ຄົບວາລະໄດ້ດຳເນີນກອງປະຊຸມໃຫຍ່ຂັ້ນຕົນ. ມາຮອດປັດຈຸບັນ ສະເພາະຢູ່ອ້ອມຂ້າງແຂວງລວມມີ 21 ຮາກຖານ, 39 ໜ່ວຍຮາກຖານ,ໄດ້ສຳເລັດກອງປະຊຸມໃຫຍ່ຜູ້ແທນຊາວໜຸ່ມເມືອງ 9 ເມືອງ, 1 ນະຄອນ100%. ປັດຈຸບັນທົ່ວແຂວງຈຳປາສັກມີຊາວໜຸ່ມໃນເກນອາຍຸ 15-35 ປີຈໍານວນ 90.939 ຄົນຍິງ 44.263ຄົນ. ໃນນັ້ນ, ເປັນສະມາຊິກຊາວໜຸ່ມປະຊາຊົນ ປະຕິວັດລາວ 48.971ສະຫາຍຍິງ 21.891ສະຫາຍກວມ 54% ຂອງຈໍານວນຊາວໜຸ່ມໃນເກນອາຍຸທົ່ວແຂວງ, ຂະຫຍາຍສະມາຊິກຊາວໜຸ່ມໃໝ່ຈຳນວນ 2.531 ສະຫາຍຍິງ 1.202 ສະຫາຍ,ອະນຸມັດພົ້ນກະສຽນຈໍານວນ629 ສະຫາຍຍິງ 284 ສະຫາຍ, ອອກໃບຍ້ອງຍໍໃຫ້ສະມາຊິກຊາວໜຸ່ມຜູ້ທີ່ມີຜົນງານດີເດັ່ນຈຳນວນ 1.963 ສະຫາຍ,ທົ່ວແຂວງມີພະນັກງານທີ່ເຮັດວຽກງານຊາວໜຸ່ມອາຊີບຈຳນວນ 110 ສະຫາຍຍິງ 44 ສະຫາຍ. ໃນນັ້ນ, ຢູ່ຂັ້ນແຂວງມີ 32 ສະຫາຍຍິງ 11 ສະຫາຍ,ຂັ້ນເມືອງ-ນະຄອນ78 ສະຫາຍຍິງ 33 ສະຫາຍ. ມີຄະນະບໍລິຫານງານຊາວໜຸ່ມແຂວງຊຸດທີ VIII ຈຳນວນ 35 ສະຫາຍຍິງ 5 ສະຫາຍ, ມີຄະນະບໍລິຫານງານຊາວໜຸ່ມ 1 ນະຄອນ, 9 ເມືອງ.ທົ່ວແຂວງລວມມີ 204 ຮາກຖານ, 1.039 ໜ່ວຍຮາກຖານ. ປັດຈຸບັນມີຄະນະບໍລິຫານງານຊາວໜຸ່ມແຂວງຖືກຍົກຍ້າຍບ່ອນປະຈໍາການ 3 ສະຫາຍ, ຍິງ 1 ສະຫາຍ. ພ້ອມນັ້ນ, ວຽກງານຂະບວນການຄະນະຊາວໜຸ່ມແຕ່ລະຂັ້ນໄດ້ເອົາໃຈໃສ່ສຶກສາອົບຮົມຊາວໜຸ່ມ-ເຍົາວະຊົນໃຫ້ຮັບຮູ້ເຊື່ອມຊຶມຕໍ່ແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານເຮັດໃຫ້ເຂົາເຈົ້າຮູ້ໄດ້ສິດ-ພັນທະຂອງຕົນ, ເປັນເຈົ້າການປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບໃນຂັ້ນຂະແໜງການ, ກົມກອງແລະຮາກຖານບ້ານ. ພ້ອມນັ້ນ, ຊາວໜຸ່ມຂົງເຂດກຳລັງປະກອບອາວຸດໄດ້ເອົາໃຈໃສ່ປະຕິບັດລະບອບປະຈຳການ, ເຮັດໜ້າທີ່ຕ້ານສະກັດກັ້ນປະກົດການຫຍໍ້ທໍ້ໃນສັງຄົມ, ສະກັດກັ້ນການເຄື່ອນໄຫວຂອງກຸ່ມຄົນບໍ່ດີ, ປ້ອງກັນເວນຍາມຕາມຊາຍແດນ, ກວດກາ, ປາບປາມຂະບວນການເຄື່ອນໄຫວທີ່ຜິດກົດໝາຍອັນໄດ້ເຮັດໃຫ້ສະພາບການມີຄວາມສະຫງົບ, ມີຄວາມເປັນລະບຽບຮຽບຮ້ອຍໂດຍພື້ນຖານ; ວຽກງານເຍົາວະຊົນ-ອະນຸຊົນທັນວາໄດ້ນໍາພາປັບປຸງການຈັດຕັ້ງ, ແບບແຜນນຳພາຂອງເຍົາວະຊົນ-ອະນຸຊົນທັນວາພ້ອມທັງນຳພາສ້າງຂະບວນການດ້ວຍການຈັດກິດຈະກຳຕ່າງໆທີ່ມີເນື້ອໃນສຶກສາອົບຮົມຄຸນສົມບັດສິນທຳປະຕິວັດ, ປະສານສົມທົບກັບຄະນະພັກ-ຄະນະອຳນວຍການໂຮງຮຽນສ້າງເງື່ອນໄຂອໍານວຍຄວາມສະດວກໃຫ້ເຍົາວະຊົນ-ອະນຸຊົນໄດ້ເຄື່ອນໄຫວຢ່າງເປັນປົກກະຕິ-ຕໍ່ເນື່ອງ; ວຽກງານສົ່ງເສີມວິຊາຊີບຊາວໜຸ່ມໄດ້ປະສານສົມທົບກັບຂະແໜງການ,ອົງການຈັດຕັ້ງທີ່ກ່ຽວຂ້ອງສ້າງເງື່ອນໄຂໃຫ້ຊາວໜຸ່ມໄດ້ເຂົ້າຮ່ວມຝຶກອົບຮົມວິຊາຊີບໃນສາຂາວິຊາຕ່າງໆເພື່ອຊ່ວຍໃຫ້ຊາວໜຸ່ມໄດ້ມີຄວາມຮູ້ພື້ນຖານດ້ານວິຊາຊີບກ້າວໄປເຖິງການມີອາຊີບ, ມີວຽກເຮັດງານທຳທີ່ໝັ້ນຄົງ.
    ທ່ານໃຈສະຫວັນຈັນວັນຄຳ ລາຍງານໃຫ້ຮູ້ຕື່ມອີກວ່າ: ສໍາລັບທິດທາງແຜນການເຄື່ອນໄຫວໃນຕໍ່ໜ້າຈະສືບຕໍ່ສຸມໃສ່ຢ່າງແຂງແຮງໃນການໂຄສະນາເຜີຍແຜ່ໃຫ້ຄວາມຮູ້ແກ່ຊາວໜຸ່ມ, ເຍົາວະຊົນ-ອະນຸຊົນໃຫ້ຮັບຮູ້ເຂົ້າໃຈເລິກເຊິ່ງຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມູນເຊື້ອອັນດີງາມຂອງຊາດ, ຂອງພັກ, ຂອງກອງທັບ ແລະ ຂອງຊາວໜຸ່ມຮຸ່ນກ່ອນດ້ວຍຮູບການຈັດຕັ້ງການປາຖະກະຖາເລົ່າມູນເຊື້ອ, ຈັດກິດຈະກໍາຖາມ-ຕອບວິທະຍາສາດ, ໂຄສະນາອົບຮົມຜ່ານສື່ມວນຊົນທັງພາຍໃນແຂວງ ແລະ ສູນກາງ ແລະ ຮູບການອື່ນໆ ຕິດພັນກັບການນໍາພາສະມາຊິກຊາວໜຸ່ມ. ພ້ອມສຸມໃສ່ຈັດຕັ້ງປະຕິບັດແຜນຍຸດທະສາດການພັດທະນາຊາວໜຸ່ມ-ເຍົາວະຊົນລາວປີ 2021-2030 ເພື່ອເປັນການປະກອບສ່ວນເຂົ້າໃນການແກ້ໄຂວາລະແຫ່ງຊາດ ແລະ ວາລະຂອງແຂວງ.

ຄໍາເຫັນ

ຂ່າວວັດທະນະທຳ-ສັງຄົມ

ທ່ານ ນາງ ສູນທອນ ໄຊຍະຈັກ ເຄື່ອນໄຫວເຮັດວຽກຢູ່ແຂວງໄຊສົມບູນ.

ທ່ານ ນາງ ສູນທອນ ໄຊຍະຈັກ ເຄື່ອນໄຫວເຮັດວຽກຢູ່ແຂວງໄຊສົມບູນ.

ທ່ານ ນາງ ສູນທອນ ໄຊຍະຈັກ ເລຂາທິການສູນກາງພັກ ຮອງປະທານສະພາແຫ່ງຊາດ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ແຂວງໄຊສົມບູນ, ຊຶ່ງໄດ້ເຂົ້າພົບປະ ທ່ານ ພອຍຄໍາ ຮຸ່ງບຸນຍວງ ເຈົ້າແຂວງໄຊສົມບູນ ໃນວັນທີ 8 ພຶດສະພານີ້ ທີ່ຫ້ອງຮັບຮອງຂອງຫ້ອງວ່າການແຂວງ ເພື່ອແຈ້ງຈຸດປະສົ່ງໃນການເຄື່ອນໄຫວເຮັດວຽກຢູ່ແຂວງໄຊສົມບູນ
ຫ້ອງວ່າການສຳນັກງານປະທານປະເທດສະຫຼຸບວຽກງານກວດກາ ປະຈຳປີ 2024

ຫ້ອງວ່າການສຳນັກງານປະທານປະເທດສະຫຼຸບວຽກງານກວດກາ ປະຈຳປີ 2024

ຫ້ອງວ່າການສຳນັກງານປະທານປະເທດ (ຫສປທ) ໄດ້ຈັດກອງປະຊຸມສະຫຼຸບວຽກງານກວດກາ ປະຈຳປີ 2024 ແລະ ວາງທິດທາງແຜນການ ປະຈຳປີ 2025 ຂຶ້ນໃນວັນທີ 9 ພຶດສະພານີ້ທີ່ ຫສປທ, ໂດຍການເປັນປະທານຮ່ວມຂອງ ສະຫາຍ ອິນທະປັນຍາ ຂຽວວົງພະຈັນ ຮອງເລຂາຄະນະບໍລິຫານງານພັກ ຫສປທ ຮອງຫົວໜ້າ ຫສປທ, ສະຫາຍ ດາວບົວລະພາ ບາວົງເພັດ ກຳມະການປະຈຳພັກ ຄະນະກວດກາສູນກາງພັກ-ອົງການກວດກາແຫ່ງລັດ ຮອງປະທານຄະນະກວດກາສູນກາງພັກ ຮອງຫົວໜ້າອົງການກວດກາແຫ່ງລັດ ຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ;
ເປີດສູນອະນຸລັກແຂ້ພື້ນເມືອງລາວ ພ້ອມ​ປ່ອຍ​ແຂ້ຄືນສູ່ທີ່ດິນບໍລິເວນນໍ້າເຊຈໍາພອນ

ເປີດສູນອະນຸລັກແຂ້ພື້ນເມືອງລາວ ພ້ອມ​ປ່ອຍ​ແຂ້ຄືນສູ່ທີ່ດິນບໍລິເວນນໍ້າເຊຈໍາພອນ

ພິທີ​ເປີດ​ສູນ​ອະນຸລັກແຂ້ພື້ນເມືອງລາວ ​ໄດ້​ຈັດ​ຂຶ້ນເມື່ອ​ບໍ່​ດົນ​ມາ​ນີ້ ​​ທີ່ບ້ານຕານ​ສຸມ ເມືອງຈຳພອນ ​ແຂວງສະ​ຫວັນ​ນະ​ເຂດ ໂດຍ​ມີ ທ່ານ ຄຳມອນ ທິລາວົງ ຮອງຫົວໜ້າພະແນກກະສິກຳ ແລະ ປ່າໄມ້ ແຂວງ​ສະ​ຫວັນ​ນະ​ເຂດ, ທ່ານ ຄໍາຕາ ສິນນະສອນ ຮອງ​​ເຈົ້າ​ເມືອງຈຳພອນ, ອົງການ​ອະນຸລັກ​ສັດປ່າ (WCS) ແລະ ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ. ໃນ​ພິທີ​ດັ່ງກ່າວ, ຍັງ​ໄດ້ມີການປ່ອຍ​ແຂ້​ນໍ້າຈືດພັນພື້ນເມືອງລາວ ຈໍານວນ 10 ໂຕ ກັບຄືນສູ່ທີ່ດິນ​ບໍລິເວນນໍ້າ ​ເຊ​ຈຳ​ພອນ ​ເພື່ອ​ເປັນການເພີ່ມຈໍານວນປະຊາກອນແຂ້ໃນທຳມະຊາດ.
ພະແນກຍຸຕິທໍາແຂວງ ຄໍາມ່ວນສະຫຼຸບການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍ

ພະແນກຍຸຕິທໍາແຂວງ ຄໍາມ່ວນສະຫຼຸບການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍ

ກອງປະຊຸມສະຫຼຸບການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍພາຍໃຕ້ຄໍາຂວັນ “ຮັກຊາດ ແລະ ພັດທະນາ” ປີ 2024 ແລະ ສືບຕໍ່ຂະຂວນການແຂ່ງຂັນ-ຍ້ອງຍໍ “ຮັກຊາດ ແລະ ພັດທະນາ” ປີ 2025 ໄດ້ຈັດຂຶ້ນໃນວັນທີ 08 ພຶດສະພານີ້, ໂດຍການເປັນປະທານຂອງທ່ານ ຄໍາສອນ ອ້ວນທະວີ ຄະນະປະຈໍາພັກແຂວງ ປະທານກວດກາພັກ-ລັດແຂວງ, ທ່ານ ນວນຕາ ແກ້ວນະວົງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ.
ການນໍາແຂວງຫຼວງພະບາງ ຊຸກຍູ້ການປູກກາເຟໃຕ້ຮົ່ມໄມ້ ຢູ່ບ້ານມົກວັດ

ການນໍາແຂວງຫຼວງພະບາງ ຊຸກຍູ້ການປູກກາເຟໃຕ້ຮົ່ມໄມ້ ຢູ່ບ້ານມົກວັດ

ເມື່ອບໍ່ດົນມານີ້, ທ່ານ ບຸນເຫຼືອ ສິນໄຊວໍຣະວົງ ຮອງເຈົ້າແຂວງຫຼວງພະບາງ ພ້ອມດ້ວຍຄະນະ ໄດ້ເຄື່ອນໄຫວຊຸກຍູ້ການປູກກາເຟໃຕ້ຮົ່ມໄມ້ ຂອງປະຊາຊົນຢູ່ບ້ານມົກວັດ ກຸ່ມພູສະໜາມ ເມືອງວຽງຄໍາ ແຂວງຫຼວງພະບາງ.
3 ເດືອນຕົ້ນປີ ນະຄອນໄກສອນພົມວິຫານ ເກັບລາຍຮັບໄດ້ແລ້ວເກືອບ 10 ຕື້ກີບ

3 ເດືອນຕົ້ນປີ ນະຄອນໄກສອນພົມວິຫານ ເກັບລາຍຮັບໄດ້ແລ້ວເກືອບ 10 ຕື້ກີບ

ຫ້ອງການ-ການເງິນນະຄອນໄກສອນພົມວິຫານ ແຂວງສະຫວັນນະເຂດ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານການເງິນ-ງົບປະມານ 3 ເດືອນຕົ້ນປີ ແລະ ວາງທິດທາງແຜນການ 9 ເດືອນທ້າຍປີ 2025 ທີ່ສະໂມສອນ ນະຄອນໄກສອນພົມວິຫານ ໃນວັນທີ 7 ພຶດສະພາຜ່ານມາ ໂດຍການເປັນປະທານຂອງທ່ານ ປະສົງສິນ ຈະເລີນສຸກ ເຈົ້ານະຄອນໄກສອນພົມວິຫານ.
ຜົ້ງສາລີ ລົງຊຸກຍູ້, ບັນດາຫົວໜ່ວຍຜູ້ປະກອບການທາງດ້ານທຸລະກິດການທ່ອງທ່ຽວ.

ຜົ້ງສາລີ ລົງຊຸກຍູ້, ບັນດາຫົວໜ່ວຍຜູ້ປະກອບການທາງດ້ານທຸລະກິດການທ່ອງທ່ຽວ.

ໃນວັນທີ 8 ພຶດສະພານີ້, ຂະແໜງທ່ອງທ່ຽວຂັ້ນແຂວງ, ເມືອງ ສົບທົບກັບ ຕຳຫຼວດທ່ອງທ່ຽວແຂວງຜົ້ງສາລີ ໄດ້ລົງຕິດຕາມກວດກາ, ຊຸກຍູ້, ບັນດາຫົວໜ່ວຍຜູ້ປະກອບການທາງດ້ານທຸລະກິດການທ່ອງທ່ຽວ ຢູ່ເມືອງບຸນເໜືອ ເທສະບານແຂວງ ຊຶ່ງນຳພາໂດຍທ່ານ ບຸນຈັນ ແກ້ວຈີນດາ ຫົວໜ້າຂະແໜງທ່ອງທ່ຽວ ພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ມີບັນດາທ່ານພາກສ່ວນທີ່ກ່ຽວຂ້ອງຈາກຂັ້ນແຂວງ, ຂັ້ນເມືອງ ເຂົ້າຮ່ວມ.
ຄໍາມ່ວນ ມອບລົດຈັກຈໍານວນ 11 ຄັນ ໃຫ້ສະຫະພັນແມ່ຍິງແຂວງ

ຄໍາມ່ວນ ມອບລົດຈັກຈໍານວນ 11 ຄັນ ໃຫ້ສະຫະພັນແມ່ຍິງແຂວງ

ພາຍຫຼັງສຳເລັດການເຂົ້າຮ່ວມກອງປະຊຸມໃຫຍ່ ຄັ້ງທີ XI ຂອງຜູ້ແທນແມ່ຍິງແຂວງຄຳມ່ວນ, ຕອນແລງວັນທີ 8 ພຶດສະພານີ້ ທີ່ຫ້ອງວ່າການແຂວງ ໄດ້ຈັດພິທີ ມອບ-ຮັບ ລົດຈັກ (Honda wave 110) ຈໍານວນ 11 ຄັນ, ມູນຄ່າ 380 ລ້ານກວ່າກີບ, ໃຫ້ສະຫະພັນແມ່ຍິງແຂວງ ແລະ ສະຫະພັນແມ່ຍິງ 10 ເມືອງ
ຄວທ ເຜີຍແຜ່ໂຄງການລາງວັນຮອນດາປະຈໍາປີ 2025

ຄວທ ເຜີຍແຜ່ໂຄງການລາງວັນຮອນດາປະຈໍາປີ 2025

ພາຍຫຼັງຈັດກອງປະຊຸມປະຖົມນິເທດໂຄງການລາງວັນຮອນດາ ສຳລັບນັກວິທະຍາສາດ ແລະ ວິສະ ວະກອນໜຸ່ມ (Y-E-S ຫຼື Young Engineer and Scientist’s Award) ຢູ່ ສປປ ລາວ ປະຈໍາປີ 2025 ທີ່ຄະນະວິສະວະກຳສາດ (ຄວສ) ແລະ ຄະນະຊັບພະຍາກອນນໍ້າ (ຄຊນ) ມະຫາວິທະຍາໄລແຫ່ງຊາດ (ມຊ). ດັ່ງນັ້ນ, ໃນວັນທີ 8 ພຶດສະພານີ້,
ກວດກາເນື້ອໃນຮອບດ້ານຮ່າງກົດໝາຍວ່າດ້ວຍປ້າຍ

ກວດກາເນື້ອໃນຮອບດ້ານຮ່າງກົດໝາຍວ່າດ້ວຍປ້າຍ

ວັນທີ 8 ພຶດສະພານີ້ ທີ່ສະພາແຫ່ງຊາດ (ສພຊ) ໄດ້ມີກອງປະຊຸມກວດກາເນື້ອໃນຮອບດ້ານຮ່າງກົດໝາຍວ່າດ້ວຍປ້າຍ (ສະບັບປັບປຸງ) ໂດຍການເປັນປະທານຂອງທ່ານ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ; ເຂົ້າຮ່ວມມີບັນດາທ່ານປະທານ ແລະ ຮອງປະທານກຳມາທິການທີ່ກ່ຽວຂ້ອງຂອງ ສພຊ, ຮອງລັດຖະມົນຕີກະຊວງຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ (ຖວທ), ຮອງລັດຖະມົນຕີກະຊວງຍຸຕິທໍາ, ຮອງຫົວໜ້າຫ້ອງວ່າການສໍານັກງານປະທານປະເທດ, ຄະນະທີ່ປຶກສາທາງດ້ານກົດໝາຍຂອງຄະນະປະຈໍາສະພາແຫ່ງຊາດ ແລະ ພາກສ່ວນທີ່ກ່ຽວຂ້ອງ.
ເພີ່ມເຕີມ