ຊາວໜຸ່ມແຂວງຫຼວງພະບາງ ຮັບຟັງການເຜີຍແຜ່ເອກະສານສຳຄັນ

15:46 26/03/2026

ກອງປະຊຸມເຜີຍບັນດາເອກະສານປິ່ນອ້ອມ ກ່ຽວກັບວຽກງານຊາວໜຸ່ມ ຢູ່ແຂວງຫຼວງພະບາງ ໄດ້ຈັດຂຶ້ນໃນເມື່ອບໍ່ດົນຜ່ານມານີ້ ຢູ່ສະໂມສອນກອງບັນຊາການທະຫານແຂວງ. ໂດຍເປັນປະທານຂອງ ທ່ານ ທອງລີ ສີສຸລິດ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ມີທ່ານ ໄພວັນ ຈັນທະສຸກ ເລຂາຄະນະບໍລິຫານງານຊາວໜຸ່ມແຂວງ, ມີໜ່ວຍຊາວໜຸ່ມພະແນກການ, ກົມກອງ, ກອງບັນຊາການ ແລະ ສະມາຊິກຊາວໜຸ່ມພາຍໃນແຂວງ ເຂົ້າຮ່ວມ.

ຊາວໜມແຂວງຫວງພະບາງ ຮບຟງການເຜຍແຜເອກະສານສຳຄນ - image 1

ເອກະສານທີ່ເຜີຍແຜ່ຄັ້ງນີ້, ປະກອບມີ ມະຕີິກອງກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ IX, ແຜນພັດທະນາຊາວໜຸ່ມ, ເຍົາວະຊົນ 5 ປີ ຄັ້ງທີ III (ແຕ່ 2026-2030) ແລະ ວິໄສທັດຮອດປີ 2040, ລວມມີ 10 ແຜນວຽກໃຫຍ່, 66 ວຽກຈຸດສຸມ, ແຜນດໍາເນີນງານ 5 ປີ ຂອງຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ ສະໄໝທີ IX, ມະຕິຕົກລົງ ວ່າດ້ວຍການແບ່ງໜ້າທີ່ຮັບຜິດຊອບ ຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະໄໝທີ IX ແລະ ຂໍ້ຕົກລົງ ວ່າດ້ວຍລະບອບ, ແບບແຜນວິທີເຮັດວຽກ ຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະໄໝທີ IX, ຊຶ່ງລ້ວນແຕ່ກໍານົດຢູ່ໃນທິດທາງ ແຜນການຂອງບົດລາຍງານການເມືອງ ກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ IX ແລະ ເປັໜໜ້າທີ່ຂອງຄະນະຊາວໜຸ່ມປະຊາຊົນປະຕິວັດລາວ ແຕ່ລະຂັ້ນ ນໍາໄປຈັດຕັ້ງຜັນຂະຫຍາຍໃຫ້ຕິດພັນກັບທຸກໜ້າທີ່ວຽກງານ, ທຸກຂະແໜງການ ເພື່ອເປັນການຊຸກຍູ້, ຍູ້ແຮງດ້ານການເມືອງແນວຄິດ ແລະ ພ້ອມກັນພັດທະນາເສດຖະກິດ-ສັງຄົມ ໃຫ້ຈະເລີນຂຶ້ນເທື່ອລະກ້າວ.

(ຂ່າວ: ຊາວໜຸ່ມແຂວງ)

ຄໍາເຫັນ

ຂ່າວວັດທະນະທຳ-ສັງຄົມ

ເຂື່ອນໄຟຟ້ານ້ຳກົງ 1 ຈັດກິດຈະກຳເປີດກວ້າງໃຫ້ມວນຊົນເຂົ້າຢ້ຽມຊົມ ພາຍໃຕ້ຫົວຂໍ້: “”ຫ້ອງຮຽນສີຂຽວ ແມ່ນ້ຳຂອງ-ແມ່ນ້ຳລ້າງຊ້າງ ຂໍ່ານັບຊົມເຊີຍບຸນຄຸນແມ່”

13/05/2026 09:17

ເພື່ອເພີ່ມທະວີການພົວພັນແລກປ່ຽນກັບຊຸມຊົນອ້ອມຂ້າງ ແລະ ສ້າງຈິດສຳນຶກໃຫ້ແກ່ປະຊາຊົນທ້ອງຖິ່ນກ່ຽວກັບໂຄງການພະລັງງານສະອາດ, ເຂື່ອນໄຟຟ້ານ້ຳກົງ 1 ໄດ້ຈັດກິດຈະກຳເປີດກວ້າງໃຫ້ມວນຊົນເຂົ້າຢ້ຽມຊົມ ພາຍໃຕ້ຫົວຂໍ້: “ນ້ຳກົງມີນັດຮ່ວມລະນຶກຄວາມຮັກ ແລະ ຄວາມກະຕັນຍູຕໍ່ແມ່” ໃນໂອກາດວັນແມ່ທີ່ກຳລັງຈະມາເຖິງ. ໃນກິດຈະກຳຄັ້ງນີ້, ມີຄະນະຄູອາຈານ, ນັກຮຽນ ແລະ ຕົວແທນຜູ້ເປັນແມ່ຈາກບ້ານວຽງໄຊ, ເມືອງພູວົງເຂົ້າມາທັດສະນະສຶກສາ ແລະ ຮ່ວມກິດຈະກຳກັບພະນັກງານປະຈຳເຂື່ອນຢ່າງເບີກບານມ່ວນຊື່ນ.

ມອບອຸປະກອນຮັບໃຊ້ຫ້ອງການໃຫ້ 53 ຕາແສງ ທົ່ວແຂວງຫົວພັນ

11/05/2026 13:40

ໃນວັນທີ 11 ພຶດສະພານີ້, ຢູ່ທີ່ຫໍສະພາ ແຂວງຫົວພັນ, ບໍລິສັດ PSL Group Lak, ບໍລິສັດ ກຸ່ມບຸນທະວີຊັບ ຈຳກັດ ແລະ ບໍລິສັດ ແສງທອງກໍ່ສ້າງເຄຫາສະຖານ ຂົວທາງ ແລະ ຊົນລະປະທານ ໄດ້ມອບເຄື່ອງອຸປະກອນຮັບໃຊ້ຫ້ອງການ ໃຫ້ແກ່ 53 ຕາແສງ ທົ່ວແຂວງຫົວພັນ ໂດຍການກ່າວມອບຂອງທ່ານ ອັງຄານສະດາ ມ່ວງຄຳ ຮອງປະທານບໍລິສັດ PSL Group ແລະ ຕາງໜ້າກ່າວຮັບຂອງທ່ານ ພອນສຸກ ອິນທະວົງ ປະທານປົກຄອງແຂວງ.

ມອບ-ຮັບ ໂຄງການຕິດຕັ້ງໄຟຟ້າເຂົ້າປ້ອມຫ້ວຍອີ່ຮຸມ ກອງຮ້ອຍທະຫານຊາຍແດນ 158

08/05/2026 08:55

ໃນວັນທີ 7 ພຶດສະພານີ້, ຢູ່ທີ່ກອງຮ້ອຍທະຫານຊາຍແດນ 158 ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີມອບ-ຮັບ ໂຄງການຕິດຕັ້ງໄຟຟ້າເຂົ້າປ້ອມຫ້ວຍອີ່ຮຸມ, ໃຫ້ກຽດເຂົ້າຮ່ວມ ແລະ ກ່າວມອບໂດຍສະຫາຍ ເພັງນິລັນ ຄຳພັນເພັງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ. ກ່າວຮັບໂດຍສະຫາຍ ພັນຕີ ວົງໄຊ ເຮືອງລິດ ຫົວໜ້າການເມືອງ ກອງຮ້ອຍທະຫານຊາຍແດນ 158, ມີສະຫາຍ ຄຳປຸ່ນ ນວນສະບັບ ກໍາມະການພັກແຂວງ ເລຂາຄະນະບໍລິຫານງານພັກເມືອງແກ່ນທ້າວ ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ເມືອງ, ພ້ອມດ້ວຍຄະນະຕິດຕາມຈາກແຂວງ, ເມືອງ ແລະ ພະນັກງານ-ນັກຮົບເຂົ້າຮ່ວມ.

ຄໍາມ່ວນ ປະກາດສ້າງຕັ້ງ 5 ຕາແສງ ທີ່ຂຶ້ນກັບເມືອງທ່າແຂກ

08/05/2026 08:49

ພິທີປະກາດສ້າງຕັ້ງ 5 ຕາແສງຂອງເມືອງທ່າແຂກ ແຂວງຄໍາມ່ວນ ຈັດຂຶ້ນໃນວັນທີ 7 ພຶດສະພານີ້, ໃຫ້ກຽດເຂົ້າຮ່ວມມີ ທ່ານ ສົມໃຈ ພານີຈັນ ຮອງເລຂາຄະນະບໍລິຫານງານພັກແຂວງ ຜູ້ຊີ້ນໍາວຽກງານການເມືອງແນວຄິດ-ວຽກພັກພະນັກງານ, ທ່ານ ຄໍາໜັ້ນ ສໍປະເສີດ ເລຂາຄະນະບໍລິຫານງານພັກເມືອງທ່າແຂກ, ພ້ອມດ້ວຍບັນດາການນໍາແຂວງ, ເມືອງ, ເລຂາພັກບ້ານ ແລະ ແຂກຖືກເຊີນເຂົ້າຮ່ວມ.

ກຽມສ້າງທາງເບຕົງເສີມເຫຼັກ ແລະ ປ້ອງກັນຕາຝັ່ງເຈື່ອນທົ່ວນະຄອນຫຼວງວຽງຈັນ

07/05/2026 19:42

ພິທີເຊັນສັນຍາ ໂຄງການກໍ່ສ້າງ ເສັ້ນທາງເບຕົງເສີມເຫຼັກ ແລະ ໂຄງການກໍ່ສ້າງປ້ອງກັນຕາຝັ່ງເຈື່ອນ ແຄມນ້ຳຂອງ ໄດ້ຈັດຂຶ້ນຢ່າງເປັນທາງການໃນວັນທີ 7 ພຶດສະພາ 2026 ທີ່ໂຮງແຮມ ສຸພັດຕາ ວຽງຈັນ.

ໂຄງການປັບປຸງເສັ້ນທາງເທດສະບານເມືອງຊໍາເໜືອ ປັດຈຸບັນມີຄວາມຄືບໜ້າ 8.56%

07/05/2026 13:16

ທ່ານ ດາວອນ ວົງລໍຄໍາ ຫົວໜ້າພະແນກໂຍທາທິການ ແລະ ຂົນສົ່ງ (ຍທຂ) ແຂວງຫົວພັນ ໄດ້ໃຫ້ສໍາພາດກ່ຽວກັບການປັບປຸງພັດທະນາເສັ້ນທາງພາຍໃນເທດສະບານເມືອງຊໍາເໜືອ ແຂວງຫົວພັນ ໃນໂອກາດທີ່ໄດ້ເຂົ້າຮ່ວມກອງປະຊຸມວຽກງານ ຍທຂ ທົ່ວປະເທດ ປີ 2025-2026 ແລະ ຜັນຂະຫຍາຍແຜນພັດທະນາຂະແໜງ ຍທຂ ໄລຍະ 5 ປີ (2026-2030) ຊຶ່ງໄດ້ຈັດຂຶ້ນໃນລະຫວ່າງວັນທີ 5-6 ພຶດສະພາ ນີ້

ຝຶກອົບຮົມການສົ່ງຕໍ່ກໍລະນີໃຫ້ມີຄວາມປອດໄພແກ່ຜູ້ຈ້າງງານ

07/05/2026 11:14

ວັນທີ 6 ພຶດສະພາຜ່ານມາ ທີ່ສະໂມສອນໃຫຍ່ເມືອງນໍ້າບາກ ແຂວງຫຼວງພະບາງ, ໄດ້ຈັດຝຶກອົບຮົມ ແລະ ເຜີຍແຜ່ນິຕິກຳ ເພື່ອປົກປ້ອງການໃຊ້ແຮງງານເດັກ, ການສົ່ງຕໍ່ກໍລະນີ ໃຫ້ມີຄວາມປອດໄພແກ່ຜູ້ຈ້າງງານ ຫົວໜ່ວຍທຸລະກິດເອກະຊົນ ແລະ ຜູ້ສະໜອງກະສິກຳຂັ້ນທ້ອງຖິ່ນ ຢູ່ເມືອງນ້ຳບາກ, ໂດຍເປັນປະທານ ຂອງ ທ່ານ ອາຄົມ ສັນຕິສຸກ ຮອງປະທານຄະນະກຳມະການປົກຄອງເມືອງນ້ຳບາກ, ມີຜູ້ຕາງໜ້າພະແນກການຂັ້ນແຂວງ, ຫ້ອງການທີ່ກ້ຽວຂ້ອງ, ພະນັກງານ ໂຄງການປົກປ້ອງເດັກ ເພື່ອປ້ອງກັນການໃຊ້ແຮງງານເດັກ ປະຈໍາແຂວງຫຼວງພະບາງ ແລະ ຫົວໜ່ວຍ ທຸລະກິດ ເອກະຊົນ, ຜູ້ສະໜອງກະສິກຳຂັ້ນທ້ອງຖິ່ນ ເຂົ້າຮ່ວມ.

ສ່ວຍສາອາກອນແຂວງເຊກອງ ຈະສູ້ຊົນເກັບລາຍຮັບໃຫ້ໄດ້ 257.81 ຕື້ກີບ

07/05/2026 11:13

ທ່ານ ສົມບູນ ພັນຈັນ ວ່າການຫົວໜ້າສ່ວຍສາອາກອນປະຈໍາແຂວງເຊກອງ ລາຍງານໃຫ້ຮູ້ໃນວັນທີ 6 ພຶດສະພານີ້ວ່າ: ໃນໄລຍະຜ່ານມາ, ສ່ວຍສາອາກອນປະຈໍາແຂວງເຊກອງ ໄດ້ເອົາໃຈໃສ່ປະຕິບັດພາລະບົດບາດເກັບກໍາຂໍ້ມູນດ້ານລາຍຮັບ, ຂຶ້ນແຜນຄາດຄະເນລາຍຮັບ ແລະ ຊຸກຍູ້ໃຫ້ຫົວໜ່ວຍທຸລະກິດປະຕິບັດພັນທະເຂົ້າງົບປະມານແຫ່ງລັດ, ຊຶ່ງເຮັດໃຫ້ໃນໄລຍະ 4 ເດືອນຕົ້ນປີ 2026 ສາມາດຍາດໄດ້ຜົນສໍາເລັດຫຼາຍດ້ານທີ່ພົ້ນເດັ່ນ ເປັນຕົ້ນແມ່ນ: ການເກັບລາຍຮັບເຂົ້າງົບປະມານ ສາມາດປະຕິບັດໄດ້ 76.69 ຕື້ກີບ, ທຽບໃສ່ແຜນເທົ່າກັບ 29.75% (ແຜນ 257.81 ຕື້ກີບ) ແລະ ທຽບໃສ່ໄລຍະດຽວປີຜ່ານມາເທົ່າກັບ 135.02%. ການຄຸ້ມຄອງຫົວໜ່ວຍວິສາຫະກິດ ທົ່ວແຂວງມີທັງໝົດ 1,418 ຫົວໜ່ວຍ.

ເມືອງໄຊພູທອງ ປະກາດສ້າງຕັ້ງຕາແສງໂພນທາດ ເປັນຕາແສງທຳອິດຂອງເມືອງ

07/05/2026 11:12

ໃນວັນທີ 5 ພຶດສະພາຜ່ານມາ, ເມືອງໄຊພູທອງ ແຂວງສະຫວັນນະເຂດ ໄດ້ຈັດພິທີປະກາດສ້າງຕັ້ງຕາແສງໂພນທາດ ຊຶ່ງເປັນຕາແສງທຳອິດຂອງເມືອງ ແລະ ເປັນຕາແສງທີ 2 ຂອງແຂວງສະຫວັນນະເຂດ ຈາກທັງໝົດ 67 ຕາແສງ, ໂດຍໃຫ້ກຽດເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ປະທານສະພາປະຊາຊົນແຂວງ, ມີທ່ານ ນາງ ດາວວອນ ໄຊສຸລຽນ ຮອງເລຂາພັກແຂວງ ປະທານຄະນະກຳມະການປົກຄອງແຂວງ, ມີການນຳຈາກພະແນກການຕ່າງໆ, ປະທານຄະນະກຳມະການປົກຄອງເມືອງ 13 ເມືອງ ແລະ 1 ນະຄອນ ພ້ອມດ້ວຍປະຊາຊົນເຂົ້າຮ່ວມ

ການນຳເມືອງໂຂງ ມອບເງິນ 15 ລ້ານກີບ ສົມທົບທຶນກໍ່ສ້າງທາງເບຕົງ ເຂົ້າບ້ານຫາດຊາຍຄູນ

07/05/2026 11:09

ໃນວັນທີ 6 ພຶດສະພານີ້, ຄະນະພັກ-ອຳນາດການປົກຄອງເມືອງໂຂງ ແຂວງຈຳປາສັກ ໄດ້ນຳເອົາເງິນ 15.000.000 ກີບ ໄປມອບສົມທົບທຶນເຂົ້າໃນການກໍ່ສ້າງເສັ້ນທາງເບຕົງເສີມເຫຼັກ ຢູ່ບ້ານຫາດຊາຍຄູນ ເພື່ອຊຸກຍູ້ການພັດທະນາພື້ນຖານໂຄງລ່າງໃຫ້ມີຄວາມເຂັ້ມແຂງ, ໂດຍການເຂົ້າຮ່ວມ ແລະ ມອບຂອງ ທ່ານ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງ, ທ່ານ ຈັນທະນົງສິນ ຈັນທະພິມ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ພ້ອມດ້ວຍບັນດາທ່ານກຳມະການພັກເມືອງ; ຕາງໜ້າຮັບເງິນໂດຍ ທ່ານ ວັນນາ ອ່ອນຄຳໄພ ນາຍບ້ານຫາດຊາຍຄູນ ພ້ອມດ້ວຍຄະນະຈັດຕັ້ງບ້ານ.

ເພີ່ມເຕີມ