ກອງປະຊຸມສະຫຼູບວຽກງານຄຸ້ມຄອງຊັບສິນແຫ່ງລັດ ປະຈຳປີ 2023 ໄດ້ຈັດຂຶ້ນໃນວັນທີ 18 ມີນານີ້ ທີ່ແຂວງດັ່ງກ່າວ ໂດຍມີທ່ານ ຫົງໄທ ຄຳວົງສາ ຮອງຫົວໜ້າພະແນກການເງິນແຂວງ, ທ່ານ ລັດຕະນະ ດວງດາລາ ຫົວໜ້າຂະແໜງຄຸ້ມຄອງຊັບສິນແຫ່ງລັດ ພະແນກການເງິນແຂວງ, ມີບັນດາຂະ ແໜງການອ້ອມຂ້າງເຂົ້າຮ່ວມ.
ທ່ານ ແກ້ວນະຄອນ ໄຊສິດທິເດດ ຮອງຫົວໜ້າຂະແໜງຄຸ້ມຄອງຊັບສິນແຫ່ງລັດ ໄດ້ລາຍງານການເຄື່ອນໄຫວວຽກງານປະຈຳປີ 2023 ຜ່ານມາວ່າ: ຂະແໜງຄຸ້ມຄອງຊັບສິນແຫ່ງລັດ ແມ່ນເຮັດໜ້າທີ່ໃນການຄຸ້ມຄອງຊັບສິນຂອງລັດ ແລະ ວິສາຫະກິດຕາມຂອບເຂດທີ່ໄດ້ຮັບການມອບໝາຍ ແລະ ກຳນົດໄວ້, ເປັນໃຈກາງໃນການຄຸ້ມຄອງ, ຊຸກຍູ້ ແລະ ສ້າງຖານຂໍ້ມູນເພື່ອຄິດໄລ່ ແລະ ຈັດເກັບລາຍຮັບຈາກຊັບສິນຂອງລັດ ເຂົ້າງົບປະມານຜ່ານລະບົບ TaxRis ຂອງສ່ວຍສາອາກອນ, ຕິດຕາມ ແລະ ກວດກາການຄຸ້ມຄອງນໍາໃຊ້ຊັບສິນຂອງລັດໃຫ້ເກີດປະໂຫຍດສູງສຸດ, ຮັບປະກັນໃຫ້ມີລັກສະນະໝັ້ນຄົງ, ຍາວນານ ແລະ ຖືກຕ້ອງ, ສອດຄ່ອງຕາມກົດໝາຍ, ລະບຽບການ. ສຳລັບການປະຕິບັດແຜນຕົວເລກລາຍຮັບ ຕາມແຜນການປີ 2023 ວຽກງານຄຸ້ມຄອງຊັບສິນແຫ່ງລັດ ຈໍານວນ 211,42 ຕື້ກີບ ສາມາດຈັດຕັ້ງປະຕິບັດໄດ້ທັງໝົດ 662,63 ຕື້ກີບ ເທົ່າກັບ 313,42% ຂອງແຜນປີ, ວຽກງານຄຸ້ມຄອງລັດວິສາຫະກິດ ແຜນ ການປີ 300 ລ້ານກີບ ຈັດຕັ້ງປະຕິບັດໄດ້ 172,59 ລ້ານກີບ ເທົ່າກັບ 57,53% ຂອງແຜນການປີ, ການເຊົ່າ-ສຳປະທານທີ່ດິນ ແລະ ກິດຈະການຂອງລັດ ມີທັງໝົດ 135 ສັນຍາ ລວມມີມູນຄ່າ 1,16 ລ້ານໂດລາສະຫະລັດ. ໃນນັ້ນ, ຂັ້ນສູນກາງອະນຸຍາດ 37 ສັນຍາ ລວມມີມູນຄ່າ 981.716 ໂດລາສະຫະລັດ, ຂັ້ນແຂວງອະນຸຍາດ 98 ສັນຍາ ມີມູນຄ່າ 185.723 ໂດລາສະຫະລັດ ປະກອບມີປະເພດແຮ່ເຫຼັກແບບທົດລອງ 9 ສັນຍາ, ຂຸດຄົ້ນ ແລະ ຈຳໜ່າຍແຮ່-ຊາຍ 15 ສັນຍາ, ດ້ານກະສິກໍາ 29 ສັນຍາ ແລະ ໂຮງງານອຸດສາຫະກຳ, ຂຸດຄົ້ນ, ຜະລິດ, ປຸງແຕ່ງ ແລະ ອື່ນໆ 82 ສັນຍາ. ການຂຶ້ນບັນຊີ ແລະ ເກັບກຳຂໍ້ມູນສະຖິຕິລົດຂອງລັດ ລວມມີທັງໝົດ 1.741 ຄັນ. ໃນນັ້ນ, ປະເພດລົດໃຫຍ່ 678 ຄັນ ແລະ ລົດຈັກ 1.063 ຄັນ. ຕິດກາໝາຍ ສະຕິກເກີ QR Code ສຳເລັດແລ້ວ 1.006 ຄັນ ໃນນັ້ນມີປະເພດລົດໃຫຍ່ 386 ຄັນ ແລະ ລົດຈັກ 620 ຄັນ.
ສໍາລັບແຜນການໃນປີ 2024 ຕົວເລກແຜນການຈັດເກັບລາຍຮັບລວມທັງໝົດ 369,43 ຕື້ກີບ. ໃນນັ້ນ ລາຍຮັບວຽກງານຄຸ້ມຄອງຊັບສິນຂອງລັດ 369,13 ຕື້ກີບ ແລະ ລາຍຮັບຈາກລັດວິສາຫະກິດ 300 ລ້ານກີບ.
(ຂ່າວ-ພາບ: ກອງຄໍາ)
ຄໍາເຫັນ