ໃນໄລຍະຜ່ານມາ, ແຂວງເຊກອງໄດ້ສຸມໃສ່ປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໂດຍສະເພາະແມ່ນບັນຫາທີ່ຍັງຄ້າງຄາ ແລະ ເປັນອຸປະສັກ ທີ່ນອນໃນ 5 ໜ້າວຽກໃຫຍ່ ຊຶ່ງນັບແຕ່ເດືອນມັງກອນ ຫາ ເດືອນເມສາ 2024 ການຜະລິດຂອງຂະແໜງກະສິກໍາ-ປ່າໄມ້, ຂະແໜງອຸດສາຫະກໍາ ແລະ ຂະແໜງການບໍລິການມີທ່າອ່ຽງດີຂຶ້ນເປັນກ້າວໆ.
ທ່ານ ຄໍາປະກອນ ອຸເທນທະປັນຍາ ຮອງຫົວໜ້າພະແນກແຜນການ ແລະ ການລົງທຶນແຂວງ ໃຫ້ຮູ້ວ່າ: ໃນ 4 ເດືອນຕົ້ນປີ 2024 ການນໍາເຂົ້າ ແລະ ສົ່ງອອກສິນຄ້າທັງໝົດ 59,6 ລ້ານກວ່າໂດລາ. ໃນນີ້, ການນໍາເຂົ້າ 5 ແສນກວ່າໂດລາ ທຽບໃສ່ແຜນປີເທົ່າກັບ 2,78% ແລະ ການສົ່ງອອກ 59 ລ້ານກວ່າໂດລາ ທຽບໃສ່ແຜນປີເທົ່າກັບ 23,11%; ເກັບລາຍຮັບເຂົ້າງົບປະມານໄດ້ 131,66 ຕື້ກີບ ທຽບໃສ່ແຜນປີເທົ່າກັບ 44,12%; ເກັບກູ້ຜະລິດເຂົ້ານາແຊງໄດ້ 3.170 ໂຕນ; ພືດສະບຽງອາຫານ 6.021 ໂຕນ; ພືດເປັນສິນຄ້າ 10.248 ໂຕນ; ສາມາດສະໜອງຊີ້ນ, ໄຂ່, ປາ ແລະ ສັດນໍ້າໄດ້ທັງໝົດ 1.093 ໂຕນ. ອັນພົ້ນເດັ່ນແມ່ນຊຸກຍູ້ການລ້ຽງສັດແບບເປັນຟາມໄດ້ 16 ຟາມ. ໃນນີ້, ຟາມລ້ຽງໝູ 3 ຟາມ ສາມາດຜະລິດຊີ້ນໝູຮັບໃຊ້ພາຍໃນແຂວງ 10.800 ໂຕ, ຈໍາໜ່າຍພາຍໃນ 600 ໂຕ,ຟາມສັດປີກ 3 ຟາມ ສາມາດຜະລິດໄຂ່ (ໄຂ່ໄກ່-ໄຂ່ເປັດໄດ້1.440.000 ໜ່ວຍ, ຈໍາໜ່າຍພາຍໃນແຂວງ 825.000 ໜ່ວຍ, ສົ່ງອອກຕ່າງແຂວງ 615.000 ໜ່ວຍ,ເກັບຄືນລົດລັດປະເພດລົດໃຫຍ່ໄດ້ 40 ຄັນ. ພ້ອມນີ້, ຍັງໄດ້ເອົາໃຈໃສ່ປັບປຸງຂັ້ນຕອນການຄົ້ນຄວ້າ, ການປະເມີນໂຄງການກ່ອນເຂົ້າແຜນ, ການຈັດຕັ້ງປະຕິບັດໂຄງການຫຼັງສະພາຮັບຮອງ, ການບໍລິການຜ່ານປະຕູດຽວໃຫ້ໂລ່ງລ່ຽນ, ວ່ອງໄວ ແລະ ໂປ່ງໃສ,ເອົາໃຈໃສ່ຕິດຕາມກວດກາບັນດາໂຄງການລົງທຶນຂອງລັດ, ເອກະຊົນພາຍໃນ ແລະ ຕ່າງປະເທດ, ທຶນຊ່ວຍເຫຼືອເພື່ອການພັດທະນາ,ການຈັດຕັ້ງປະຕິບັດລາຍຈ່າຍງົບປະມານແຫ່ງລັດ, ກວດກາຄືນການຊໍາລະສະສາງໂຄງການລົງທຶນຂອງລັດ,ການຊໍາລະສະສາງໜີ້ສິນຄ່າກະແສໄຟຟ້າ, ນໍ້າປະປາ, ໂທລະຄົມ ແລະ ອື່ນໆໃຫ້ຖືກຕ້ອງກັບການນໍາໃຊ້ຕົວຈິງ ແລະ ສອດຄ່ອງກັບລະບຽບກົດໝາຍ ເພື່ອຫຼີກລຽງບໍ່ໃຫ້ມີໜີ້ສິນເພີ່ມຂຶ້ນໃນແຕ່ລະປີ,ສືບຕໍ່ຄົ້ນຄວ້າສ້າງ ແລະ ປັບປຸງນິຕິກໍາລຸ່ມກົດໝາຍໃນຂົງເຂດເສດຖະກິດ, ວັດທະນະທໍາສັງຄົມ ແລະ ຂົງເຂດອື່ນໆໃຫ້ໄດ້ຕາມແຜນການທີ່ວາງໄວ້ ເພື່ອແນໃສ່ຍົກສູງປະສິດທິພາບການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍເທື່ອລະກ້າວ.
ທ່ານ ຄໍາປະກອນ ອຸເທນທະປັນຍາ ຮອງຫົວໜ້າພະແນກແຜນການ ແລະ ການລົງທຶນແຂວງ ໃຫ້ຮູ້ວ່າ: ໃນ 4 ເດືອນຕົ້ນປີ 2024 ການນໍາເຂົ້າ ແລະ ສົ່ງອອກສິນຄ້າທັງໝົດ 59,6 ລ້ານກວ່າໂດລາ. ໃນນີ້, ການນໍາເຂົ້າ 5 ແສນກວ່າໂດລາ ທຽບໃສ່ແຜນປີເທົ່າກັບ 2,78% ແລະ ການສົ່ງອອກ 59 ລ້ານກວ່າໂດລາ ທຽບໃສ່ແຜນປີເທົ່າກັບ 23,11%; ເກັບລາຍຮັບເຂົ້າງົບປະມານໄດ້ 131,66 ຕື້ກີບ ທຽບໃສ່ແຜນປີເທົ່າກັບ 44,12%; ເກັບກູ້ຜະລິດເຂົ້ານາແຊງໄດ້ 3.170 ໂຕນ; ພືດສະບຽງອາຫານ 6.021 ໂຕນ; ພືດເປັນສິນຄ້າ 10.248 ໂຕນ; ສາມາດສະໜອງຊີ້ນ, ໄຂ່, ປາ ແລະ ສັດນໍ້າໄດ້ທັງໝົດ 1.093 ໂຕນ. ອັນພົ້ນເດັ່ນແມ່ນຊຸກຍູ້ການລ້ຽງສັດແບບເປັນຟາມໄດ້ 16 ຟາມ. ໃນນີ້, ຟາມລ້ຽງໝູ 3 ຟາມ ສາມາດຜະລິດຊີ້ນໝູຮັບໃຊ້ພາຍໃນແຂວງ 10.800 ໂຕ, ຈໍາໜ່າຍພາຍໃນ 600 ໂຕ,ຟາມສັດປີກ 3 ຟາມ ສາມາດຜະລິດໄຂ່ (ໄຂ່ໄກ່-ໄຂ່ເປັດໄດ້1.440.000 ໜ່ວຍ, ຈໍາໜ່າຍພາຍໃນແຂວງ 825.000 ໜ່ວຍ, ສົ່ງອອກຕ່າງແຂວງ 615.000 ໜ່ວຍ,ເກັບຄືນລົດລັດປະເພດລົດໃຫຍ່ໄດ້ 40 ຄັນ. ພ້ອມນີ້, ຍັງໄດ້ເອົາໃຈໃສ່ປັບປຸງຂັ້ນຕອນການຄົ້ນຄວ້າ, ການປະເມີນໂຄງການກ່ອນເຂົ້າແຜນ, ການຈັດຕັ້ງປະຕິບັດໂຄງການຫຼັງສະພາຮັບຮອງ, ການບໍລິການຜ່ານປະຕູດຽວໃຫ້ໂລ່ງລ່ຽນ, ວ່ອງໄວ ແລະ ໂປ່ງໃສ,ເອົາໃຈໃສ່ຕິດຕາມກວດກາບັນດາໂຄງການລົງທຶນຂອງລັດ, ເອກະຊົນພາຍໃນ ແລະ ຕ່າງປະເທດ, ທຶນຊ່ວຍເຫຼືອເພື່ອການພັດທະນາ,ການຈັດຕັ້ງປະຕິບັດລາຍຈ່າຍງົບປະມານແຫ່ງລັດ, ກວດກາຄືນການຊໍາລະສະສາງໂຄງການລົງທຶນຂອງລັດ,ການຊໍາລະສະສາງໜີ້ສິນຄ່າກະແສໄຟຟ້າ, ນໍ້າປະປາ, ໂທລະຄົມ ແລະ ອື່ນໆໃຫ້ຖືກຕ້ອງກັບການນໍາໃຊ້ຕົວຈິງ ແລະ ສອດຄ່ອງກັບລະບຽບກົດໝາຍ ເພື່ອຫຼີກລຽງບໍ່ໃຫ້ມີໜີ້ສິນເພີ່ມຂຶ້ນໃນແຕ່ລະປີ,ສືບຕໍ່ຄົ້ນຄວ້າສ້າງ ແລະ ປັບປຸງນິຕິກໍາລຸ່ມກົດໝາຍໃນຂົງເຂດເສດຖະກິດ, ວັດທະນະທໍາສັງຄົມ ແລະ ຂົງເຂດອື່ນໆໃຫ້ໄດ້ຕາມແຜນການທີ່ວາງໄວ້ ເພື່ອແນໃສ່ຍົກສູງປະສິດທິພາບການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍເທື່ອລະກ້າວ.
ທ່ານ ຄໍາປະກອນ ອຸເທນທະປັນຍາ ຍັງໃຫ້ຮູ້ວ່າ: ເພື່ອສືບຕໍ່ປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນມີຜົນສໍາເລັດ,ແຂວງຕ້ອງສືບຕໍ່ຊຸກຍູ້ສົ່ງເສີມການຜະລິດເປັນສິນຄ້າ, ຍູ້ແຮງການສ້າງຖານການຜະລິດເພື່ອທົດແທນການນໍາເຂົ້າ ແລະ ເປັນສິນຄ້າສົ່ງອອກໃຫ້ເຂັ້ມແຂງ ໂດຍສະເພາະແມ່ນການຜະລິດກະສິກຳ (ປູກຝັງ-ລ້ຽງສັດ),ເອົາໃຈໃສ່ຕິດຕາມ, ກວດກາ ແລະ ຊຸກຍູ້ບັນດາໂຄງການລົງທຶນຂອງລັດ, ເອກະຊົນພາຍໃນ ແລະ ຕ່າງປະເທດໄດ້ອະນຸມັດໄປແລ້ວ ໃຫ້ໄດ້ເຄື່ອນໄຫວຈັດປະຕິບັດໂດຍໄວ,ສືບຕໍ່ປັບປຸງ-ສ້າງຄວາມເຂັ້ມແຂງ ແລະ ຫັນການຈັດເກັບລາຍຮັບ-ຄຸ້ມຄອງລາຍຈ່າຍງົບປະມານຂອງລັດໄປສູ່ລະບົບທັນສະໄໝ; ແກ້ໄຂບັນຫາໜີ້ສິນໂຄງການລົງທຶນຂອງລັດ, ຄຸ້ມຄອງການຊໍາລະສະສາງໜີ້ສິນຂອງຂະແໜງການຕ່າງໆ, ປະຕິບັດມາດຕະການປະຢັດ, ຕ້ານການຟຸມເຟືອຍ ແລະ ເອົາໃຈໃສ່ດຶງດູດການລົງທຶນ, ຍາດແຍ່ງທຶນຊ່ວຍເຫລືອທາງການເພື່ອການພັດທະນາ ຈາກປະເທດເພື່ອນມິດຍຸດທະສາດ, ອົງການຈັດຕັ້ງທາງສັງຄົມຕ່າງໆ ເພື່ອນໍາມາການພັດທະນາພື້ນຖານໂຄງລ່າງ-ເສດຖະກິດຂອງແຂວງໃຫ້ນັບມື້ດີຂຶ້ນ.
ຄໍາເຫັນ