ພະແນກການອຸດສາຫະກຳແລະການຄ້າແຂວງເຊກອງໄດ້ເອົາໃຈໃສ່ຕິດຕາມກວດກາແລະຄຸ້ມຄອງນຳເຂົ້າສິນຄ້າສິນຄ້າ ທີ່ມີຜົນກະທົບຕໍ່ສິນຄ້າຜະລິດພາຍໃນໂດຍສະເພາະຊີ້ນ-ປາ, ໄຂ່, ເຂົ້າແລະພືດຜັກທີ່ສາມາດຜະລິດ ເພື່ອສະໜອງຢ່າງພຽງພໍກັບຄວາມຕ້ອງການຂອງສັງຄົມ.
ທ່ານ ດາວວີ ສວຍທະລັງສີ ຫົວໜ້າພະແນກອຸດສາຫະກໍາ ແລະ ການຄ້າ (ອຄ) ແຂວງເຊກອງໄດ້ຊີ້ແຈງຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ (ສພຂ) ເຊກອງ ຊຸດທີ II ໃນຕອນບ່າຍວັນທີ 3 ມັງກອນ 2024 ວ່າ:ໃນໄລຍະຜ່ານມາ ພະແນກອຸດສາຫະກໍາ ແລະ ການຄ້າແຂວງ ໄດ້ປະສານສົມທົບກັບ ພາກສ່ວນກ່ຽວຂ້ອງລົງເຄື່ອນໄຫວ ແລະ ສໍາຫລວດຄຸ້ມຄອງຕາມລາຍການບັນຊີສິນຄ້າຄຸ້ມຄອງໃນ 8 ໝວດ 23 ລາຍການ ແລະ ບັນຊີສິນຄ້າທົ່ວໄປໃນ 205 ລາຍການ. ໃນນີ້, ສິນຄ້າທີ່ສາມາດຜະລິດໄດ້ກຸ້ມຕົນເອງພາຍໃນແຂວງ ປະກອບມີຊີ້ນໝູຜະລິດໄດ້ 63.368 ໂຕນ/ປີ; ຊີ້ນງົວ 39.690 ໂຕນ/ປີ; ຊີ້ນຄວາຍ 25.242 ໂຕນ/ປີ; ສັດປີກ (ເປັດ-ໄກ່) 961.487 ໂຕນ/ປີ; ເຂົ້າເປືອກ 45.456 ໂຕນ/ປີ; ໄຂ່ໄກ່ 116.000 ແຕະ/ປີ ແລະ ພືດຜັກຜະລິດໄດ້ 7.614 ໂຕນ/ປີ ແລະ ສິນຄ້າທີ່ແຂວງບໍ່ສາມາດຜະລິດໄດ້-ບໍ່ກຸ້ມຕົນເອງ ຈຳເປັນຕ້ອງໄດ້ນໍາເຂົ້າ ປະກອບມີນໍ້າມັນເຊື້ອໄຟ-ອາຍແກັສ, ປະເພດປາ, ອາຫານທະເລ, ເຄື່ອງກໍ່ສ້າງ, ເຄື່ອງມືການຜະລິດກະສິກໍາ ແລະ ເຄື່ອງອຸປະໂພກ-ບໍລິໂພກຈໍານວນໜຶ່ງ.
ສ່ວນການຄຸ້ມຄອງການນໍາເຂົ້າສິນຄ້າ ທີ່ມີຜົນກະທົບຕໍ່ສິນຄ້າຜະລິດພາຍໃນ ຂະແໜງອຸດສາຫະກໍາ ແລະ ການຄ້າແຂວງ ໄດ້ເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດຄໍາສັ່ງແນະນໍາຂອງກະຊວງອຸດສາຫະກໍາ ແລະ ການຄ້າ ສະບັບເລກທີ 0395/ອຄ ກ່ຽວກັບການລົບລ້າງສິ່ງກີດຂວາງທີ່ເປັນອຸປະສັກຕໍ່ການຈໍລະຈອນສິນຄ້າ; ຄໍາສັ່ງຂອງນາຍົກລັດຖະມົນຕີ ສະບັບເລກທີ 12/ນຍ ວ່າດ້ວຍການອໍານວຍຄວາມສະດວກໃຫ້ແກ່ການນໍາເຂົ້າ-ສົ່ງອອກສິນຄ້າ, ການນໍາເຂົ້າຊົ່ວຄາວ, ການຜ່ານແດນ ແລະ ການເຄື່ອນຍ້າຍສິນຄ້າຢູ່ ສປປ ລາວ ໂດຍລວມເຫັນວ່າ ສິນຄ້າມີການເຄື່ອນໄຫວໄປຕາມຄວາມຕ້ອງການຂອງຕະຫລາດ ຊຶ່ງຂະແໜງອຸດສາຫະກໍາ ແລະ ການຄ້າແຂວງ ເຮັດໜ້າທີ່ໃນການຄຸ້ມຄອງດ້ານລາຄາ, ການປະຕິບັດລະບຽບກົດໝາຍກ່ຽວຂ້ອງ ແລະ ອໍານວຍຄວາມສະດວກໃຫ້ສິນຄ້າມີການຈໍລະຈອນໄປຢ່າງຄ່ອງຕົວ.
ຂ່າວ: ສັນຍາ-ພາບ: ບູ້ສຸວັນ
ທ່ານ ດາວວີ ສວຍທະລັງສີ ຫົວໜ້າພະແນກອຸດສາຫະກໍາ ແລະ ການຄ້າ (ອຄ) ແຂວງເຊກອງໄດ້ຊີ້ແຈງຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ (ສພຂ) ເຊກອງ ຊຸດທີ II ໃນຕອນບ່າຍວັນທີ 3 ມັງກອນ 2024 ວ່າ:ໃນໄລຍະຜ່ານມາ ພະແນກອຸດສາຫະກໍາ ແລະ ການຄ້າແຂວງ ໄດ້ປະສານສົມທົບກັບ ພາກສ່ວນກ່ຽວຂ້ອງລົງເຄື່ອນໄຫວ ແລະ ສໍາຫລວດຄຸ້ມຄອງຕາມລາຍການບັນຊີສິນຄ້າຄຸ້ມຄອງໃນ 8 ໝວດ 23 ລາຍການ ແລະ ບັນຊີສິນຄ້າທົ່ວໄປໃນ 205 ລາຍການ. ໃນນີ້, ສິນຄ້າທີ່ສາມາດຜະລິດໄດ້ກຸ້ມຕົນເອງພາຍໃນແຂວງ ປະກອບມີຊີ້ນໝູຜະລິດໄດ້ 63.368 ໂຕນ/ປີ; ຊີ້ນງົວ 39.690 ໂຕນ/ປີ; ຊີ້ນຄວາຍ 25.242 ໂຕນ/ປີ; ສັດປີກ (ເປັດ-ໄກ່) 961.487 ໂຕນ/ປີ; ເຂົ້າເປືອກ 45.456 ໂຕນ/ປີ; ໄຂ່ໄກ່ 116.000 ແຕະ/ປີ ແລະ ພືດຜັກຜະລິດໄດ້ 7.614 ໂຕນ/ປີ ແລະ ສິນຄ້າທີ່ແຂວງບໍ່ສາມາດຜະລິດໄດ້-ບໍ່ກຸ້ມຕົນເອງ ຈຳເປັນຕ້ອງໄດ້ນໍາເຂົ້າ ປະກອບມີນໍ້າມັນເຊື້ອໄຟ-ອາຍແກັສ, ປະເພດປາ, ອາຫານທະເລ, ເຄື່ອງກໍ່ສ້າງ, ເຄື່ອງມືການຜະລິດກະສິກໍາ ແລະ ເຄື່ອງອຸປະໂພກ-ບໍລິໂພກຈໍານວນໜຶ່ງ.
ສ່ວນການຄຸ້ມຄອງການນໍາເຂົ້າສິນຄ້າ ທີ່ມີຜົນກະທົບຕໍ່ສິນຄ້າຜະລິດພາຍໃນ ຂະແໜງອຸດສາຫະກໍາ ແລະ ການຄ້າແຂວງ ໄດ້ເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດຄໍາສັ່ງແນະນໍາຂອງກະຊວງອຸດສາຫະກໍາ ແລະ ການຄ້າ ສະບັບເລກທີ 0395/ອຄ ກ່ຽວກັບການລົບລ້າງສິ່ງກີດຂວາງທີ່ເປັນອຸປະສັກຕໍ່ການຈໍລະຈອນສິນຄ້າ; ຄໍາສັ່ງຂອງນາຍົກລັດຖະມົນຕີ ສະບັບເລກທີ 12/ນຍ ວ່າດ້ວຍການອໍານວຍຄວາມສະດວກໃຫ້ແກ່ການນໍາເຂົ້າ-ສົ່ງອອກສິນຄ້າ, ການນໍາເຂົ້າຊົ່ວຄາວ, ການຜ່ານແດນ ແລະ ການເຄື່ອນຍ້າຍສິນຄ້າຢູ່ ສປປ ລາວ ໂດຍລວມເຫັນວ່າ ສິນຄ້າມີການເຄື່ອນໄຫວໄປຕາມຄວາມຕ້ອງການຂອງຕະຫລາດ ຊຶ່ງຂະແໜງອຸດສາຫະກໍາ ແລະ ການຄ້າແຂວງ ເຮັດໜ້າທີ່ໃນການຄຸ້ມຄອງດ້ານລາຄາ, ການປະຕິບັດລະບຽບກົດໝາຍກ່ຽວຂ້ອງ ແລະ ອໍານວຍຄວາມສະດວກໃຫ້ສິນຄ້າມີການຈໍລະຈອນໄປຢ່າງຄ່ອງຕົວ.
ຂ່າວ: ສັນຍາ-ພາບ: ບູ້ສຸວັນ
ຄໍາເຫັນ