 |
ທ່ານ ບຸນທະວີ ນະຄອນສິດ ຮອງປະທານຄະນະກໍາມະການປົກຄອງແຂວງເຊກອງ ລາຍງານໃຫ້ຮູ້ເມື່ອບໍ່ດົນນີ້ວ່າ: ໃນປີ 2025 ທົ່ວແຂວງເຊກອງ ມີເນື້ອທີ່ປູກພືດເປັນສິນຄ້າ ເປັນຕົ້ນ: ກາເຟ, ໝາກແໜ່ງ, ສາລີ, ມັນຕົ້ນ, ກ້ວຍ, ໂສມ, ຜັກກາດຫໍ່, ໝາກນັດ, ຜັກກະລໍ່າປີ, ພືດຜັກລວມ ແລະໄມ້ກິນໝາກທັງໝົດ 28,173 ເຮັກຕາ. ໃນນີ້, ເນື້ອທີ່ເສຍຫາຍ 5 ເຮັກຕາ ແລະເນື້ອທີ່ເກັບກ່ຽວ 28,167 ເຮັກຕາ, ຜົນຜະລິດ 312,767 ໂຕນ ທຽບໃສ່ແຜນການເທົ່າກັບ 170.4% (ແຜນ 183,552 ໂຕນ). ໃນນີ້, ມັນຕົ້ນທາດແປ້ງ 2 ແສນກວ່າໂຕນ, ກາເຟ 34 ພັນກວ່າໂຕນ, ຜັກກະລໍ່າປີ 24 ພັນກວ່າໂຕນ, ໄມ້ໃຫ້ໝາກ 16 ພັນກວ່າໂຕນ, ຜັກກາດຫໍ່ 8 ພັນກວ່າໂຕນ, ກ້ວຍ 7 ພັນກວ່າໂຕນ, ໝາກນັດ 2 ພັນກວ່າໂຕນ, ພືດຜັກລວມ 836 ໂຕນ, ໂສມ 413 ໂຕນ ແລະສາລີ 220 ໂຕນ.
 |
ທ່ານ ບຸນທະວີ ນະຄອນສິດ ໃຫ້ຮູ້ຕື່ມວ່າ: ນອກຈາກຈະສົ່ງເສີມການປູກພືດເປັນສິນຄ້າແລ້ວ, ແຂວງກໍຍັງໄດ້ຊຸກຍູ້ສົ່ງເສີມການລ້ຽງສັດໃນຮູບແບບຕ່າງໆ ຕາມທ່າແຮງຂອງແຕ່ລະທ້ອງຖິ່ນ ເພື່ອໃຫ້ສັດແຕ່ລະປະເພດຂະຫຍາຍຕົວ ໃນລະດັບ 1-2%. ປັດຈຸບັນ, ທົ່ວແຂວງມີຟາມລ້ຽງສັດ 18 ຟາມ ແລະມີສັດລ້ຽງທັງໝົດ 1,251,231 ໂຕ. ໃນນີ້, ຄວາຍ 26,436 ໂຕ; ງົວ 46,537 ໂຕ; ໝູ 70,135 ໂຕ;ແບ້ 22,971 ໂຕ ແລະສັດປີກ 1,085,152 ໂຕ.
 |
(ພາບ-ຂ່າວ: ສັນຍາ)
ຄໍາເຫັນ