 |
ທ່ານ ສີໄຄ ລ້ຽງສະຫວັດ ຮອງຫົວໜ້າພະແນກການເງິນແຂວງ ລາຍງານວ່າ: ຕະຫຼອດໄລຍະ 1 ປີ ຜ່ານມາ ພະແນກການເງິນແຂວງເຊກອງ ໄດ້ເອົາໃຈໃສ່ຈັດຕັ້ງປະຕິບັດໜ້າທີ່ວຽກງານ ກໍຄືແຜນພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດ ປະຈຳປີ 2025 ແມ່ນເປັນປີມ້ວນທ້າຍຂອງແຜນ 5 ປີ ຄັ້ງທີ lX ຢູ່ແຂວງເຊກອງ ໂດຍອີງໃສວາລະແຫ່ງຊາດ ໄດ້ເປັນເຈົ້າການເພີ່ມທະວີການຈັດຕັ້ງປະຕິບັດວຽກງານດ້ວຍຄວາມຮັບຜິດຊອບສູງ ເຮັດໃຫ້ວຽກງານໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ ສະແດງອອກ ໃນປີ 2025 ສາມາດຈັດເກັບລາຍຮັບເຂົ້າງົບປະມານແຫ່ງລັດໄດ້ທັງໝົດ 1,213.53 ຕື້ກີບ, ເທົ່າກັບ 119.73% ຂອງແຜນດັດແກ້, ທຽບໃສ່ (GDP) ເທົ່າກັບ 36.07% ທຽບໃສ່ໄລຍະດຽວ ຂອງປີຜ່ານມາ ປີ 2024 (632.48 ຕື້ກີບ) ສາມາດຈັດເກັບລາຍຮັບໄດ້ເພີ່ມຂຶ້ນ 91.86% ເປັນເງິນ 581.05 ຕື້ກີບ. ໃນນັ້ນ, ລາຍຮັບພູດສູນກາງປະຕິບັດໄດ້ 132.41 ຕື້ກີບ ເທົ່າກັບ 138.94% ຂອງແຜນດັດແກ້, ທຽບໃສ່ໄລຍະດຽວ ຂອງປີຜ່ານມາ ປີ 2024 (127.03 ຕື້ກີບ) ເພີ່ມຂຶ້ນ 4,23% ເປັນເງິນ 5.38 ຕື້ກີບ; ລາຍຮັບພູດທ້ອງຖິ່ນປະຕິບັດໄດ້ 1,081.12 ຕື້ກີບ ເທົ່າກັບ 117.74% ຂອງແຜນດັດແກ້, ສົມທຽບໃສ່ໄລຍະດຽວຂອງປີຜ່ານມາ ປີ 2024 (505.45 ຕື້ກີບ) ເພີ່ມຂຶ້ນ 113.89% ເປັນເງິນ 575.67 ຕື້ກີບ. ໃນນັ້ນ, ລາຍຮັບສ່ວຍສາອາກອນປະຕິບັດໄດ້ 266.47 ຕື້ກີບ ເທົ່າກັບ 139.4% ຂອງແຜນດັດແກ້ ທຽບໃສ່ໄລຍະ ດຽວຂອງປີຜ່ານມາ ປີ 2024 (384.86 ຕື້ກີບ) ຫຼຸດລົງ 30.76% ເປັນເງິນ 118.21 ຕື້ກີບ, ລາຍຮັບຂະແໜງຄຸ້ມຄອງຊັບສິນແຫ່ງລັດປະຕິບັດໄດ້ 814.65 ຕື້ກີບ, ເທົ່າກັບ 112.04% ຂອງແຜນດັດແກ້, ສົມທຽບໃສ່ໄລຍະດຽວຂອງປີ ຜ່ານມາ ປີ 2024 (120.59 ຕື້ກີບ) ເພີ່ມຂຶ້ນ 575.55% ເປັນເງິນ 694.06 ຕື້ກີບ ພ້ອມນີ້ກໍມີລາຍຮັບຂອງບັນດາເມືອງ ຄືເມືອງລະມາມ ປະຕິບັດໄດ້ 12.07 ຕື້ກີບ ເທົ່າກັບ 123.34% ຂອງແຜນດັດແກ້ (ແຜນດັດແກ້ 9.78 ຕື້ກີບ). ລື່ນແຜນ 2.29 ຕື້ກີບ, ເມືອງທ່າແຕງ ປະຕິບັດໄດ້ 11.71 ຕື້ກີບ ເທົ່າກັບ 125.10% ຂອງແຜນດັດແກ້ (ແຜນດັດແກ້ 9.36 ຕື້ກີບ). ລື່ນແຜນ 2.35 ຕື້ກີບ, ເມືອງກະລຶມ ປະຕິບັດໄດ້ 15.08 ຕື້ກີບ ເທົ່າກັບ 133.67% ຂອງແຜນດັດແກ້ (ແຜນດັດແກ້ 11.28 ຕື້ ກີບ), ລື່ນແຜນ 3.8 ຕື້ກີບ ແລະ ເມືອງດາກຈຶງ ປະຕິບັດໄດ້ 27.18 ຕື້ກີບ ເທົ່າກັບ 120.30% ຂອງແຜນດັດແກ້ (ແຜນດັດແກ້ 22.59 ຕື້ ກີບ), ລື່ນແຜນ 4.59 ຕື້ກີບ. ຄຽງຄູ່ກັນນີ້, ການຈັດຕັ້ງປະຕິບັດຄຸ້ມຄອງດ້ານການຄຸມຄອງລາຍຈ່າຍ ສາມາດຈັດຕັ້ງປະຕິບັດລາຍຈ່າຍງົບປະມານແຫ່ງລັດ ທັງໝົດ 1,275.46 ຕື້ກີບ ເທົ່າກັບ 99.43% ຂອງແຜນດັດແກ້. ໃນນັ້ນ, ຄັງເງິນເບີກຈ່າຍຕົວຈິງ 1,238.47 ຕື້ກີບ, ທຽບໃສ່ແຜນປີເທົ່າກັບ 96.55%, ທຽບໃສ່ໄລຍະດຽວເພີ່ມຂຶ້ນ 190.36% ເປັນເງິນ 811.95 ຕື້ກີບ, ຍັງມີເອກະສານຄ້າງຈ່າຍຕາມການອະນຸມັດຂອງງົບປະມານແຫ່ງລັດ ແລະ ສືບຕໍ່ຈັດ ຕັ້ງປະຕິບັດລາຍຈ່າຍປີ 2026 ຈໍານວນ 36.99 ຕື້ກີບ. ນອກຈາກນັ້ນ, ຍັງມີຍອດເຫຼືອບັນຊີງົບປະມານຕ້ອງສົ່ງຄືນສູນກາງ ໃນຈຳນວນ 7.29 ຕື້ກີບ.
ທ່ານ ສີໄຄ ລ້ຽງສະຫວັດ ກ່າວຕື່ມອີກວ່າ: ເພື່ອສືບຕໍ່ຈັດຕັ້ງປະຕິບັດໜ້າທີ່ວຽກງານຢ່າງຕໍ່ເນື່ອງ ພະແນກການເງິນແຂວງຍັງໄດ້ວາງທິດທາງແຜນການສູ້ຊົນຈັດຕັ້ງປະຕິບັດາທີ່ວຽກງານໃນຕໍ່ໜ້າ ຄືປີ 2026 ຢ່າງລະອຽດ ໂດຍສູ້ຊົນເຮັດໃຫ້ເສດຖະກິດຂະຫຍາຍຕົວ ເພີ່ມຂຶ້ນ ໃນລະດັບ 6% ຂຶ້ນໄປ. ຂະແໜງກະສິກຳ ຂະຫຍາຍຕົວ ເພີ່ມຂຶ້ນໃນລະດັບ 6.4%, ກວມເອົາ 55%, ຂະແໜງອຸດສາຫະກຳ ຂະຫຍາຍຕົວ ເພີ່ມຂຶ້ນໃນລະດັບ 6.8%, ກວມເອົາ 28%, ຂະແໜງບໍລິການ ຂະຫຍາຍຕົວ ເພີ່ມຂຶ້ນໃນລະດັບ 4.9%, ກວມເອົາ 17% ຂອງ GDP ເຮັດໃຫ້ລາຍຮັບສະເລ່ຍຂອງປະຊາກອນ ບັນລຸ 25.17 ລ້ານກີບ ຫຼື 1,160 ໂດລາ, ສູ້ຊົນຈັດເກັບລາຍຮັບໃຫ້ໄດ້ 20% ຂອງລວມຍອດຜະລິດຕະພັນພາຍໃນ (GDP), ແຜນລາຍຮັບທັງໝົດ ປີ 2026 ເທົ່າກັບ 569.09 ຕື້ກີບ, ທຽບໃສ່ປີ 2025 ຫຼຸດລົງ 43.85%. ໃນນັ້ນ, ແຜນລາຍຮັບພູດສູນກາງມາປະຕິບັດຢູ່ທ້ອງຖິ່ນ 147.30 ຕື້ກີບ, ທຽບໃສ່ປີ 2025 ເພີ່ມຂຶ້ນ 54 56%, ແຜນລາຍຮັບພູດທ້ອງຖິ່ນ 421.79 ຕື້ກີບ, ທຽບໃສ່ປີ 2025 ຫຼຸດລົງ 54.06%, ແຜນລາຍຈ່າຍງົບປະມານປົກກະຕິ 695.67 ຕື້ກີບ, ທຽບໃສ່ປີ 2025 ຫຼຸດລົງ 45.53%, ແຜນຂາດດຸ່ນງົບປະມານ 273.88 ຕື້ກີບ, ທຽບໃສ່ປີ 2025 ຫຼຸດລົງ 24.86%.
. (ຂ່າວ: ອັດສະວິນ)
ຄໍາເຫັນ