ມີຄະນະປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ຫົວໜ້າ-ຮອງພະແນກການ, ຄະນະກໍາມະການ ປກຊ-ປກສ ຂັ້ນແຂວງ ແລະ 4 ເມືອງ ເຂົ້າຮ່ວມ.
ສະຫາຍ ພົນຈັດຕະວາ ທອງສີ ກຸນສະນະ ຄະນະປະຈໍາພັກແຂວງ, ຫົວໜ້າການທະຫານ ກອງບັນຊາການທະຫານແຂວງ, ຮອງປະທານ-ຜູ້ປະຈໍາການຄະນະກໍາມະການ ປກຊ-ປກສ ແຂວງ ໄດ້ລາຍງານວ່າ: ໃນ 6 ເດືອນຜ່ານມາ, ຄະນະກໍາມະການ ປກຊ-ປກສ ແຂວງ ໄດ້ເອົາໃຈໃສ່ນໍາພາ-ຊີ້ນໍາປັບປຸງການຈັດຕັ້ງສອງກໍາລັງປະກອບອາວຸດ (ປກຊ-ປກສ) ທຸກຂັ້ນໃຫ້ເຂັ້ມແຂງ ແລະ ທັນສະໄໝເທື່ອລະກ້າວ, ເອົາໃຈໃສ່ຄຸ້ມຄອງອາວຸດ-ກະສູນ ຍຸດໂທປະກອນ, ພາຫະນະເຕັກນິກ, ຈັດຕັ້ງຫັດແອບວິຊາສິນລະປະຍຸດ-ຍຸດທະວິທີ, ປະຕິບັດລະບອບປະຈໍາການ 3 ຂັ້ນ ກຽມພ້ອມສູ່ຮົບເປັນປົກກະຕິ ແລະ ກຽມພ້ອມຮັບມືກັບເຫດການທີ່ບໍ່ຄາດຄິດ ທີ່ອາດຈະເກີດຂຶ້ນຕະຫຼອດ 24 ຊົ່ວໂມງ, ຫັນພະນັກງານລົງກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ລຶບລ້າງຄວາຍທຸກຍາກ ຕາມທິດ 3 ສ້າງ ໃນນີ້, ສາມາດສ້າງບ້ານປ້ອງກັນຊາດເຂັ້ມແຂງໄດ້ 60 ບ້ານ 3.537 ຄອບຄົວ, ບ້ານປ້ອງກັນຄວາມສະຫງົບດີໄດ້ 36 ບ້ານ 4.854 ຄອບຄົວ, ກຸ່ມບ້ານສູ້ຮົບຕິດລຽນໄດ້ 5 ກຸ່ມບ້ານ, ບ້ານປ້ອມໝັ້ນໄດ້ 39 ບ້ານ. ນອກຈາກນີ້, ຍັງໄດ້ເອົາໃຈໃສ່ທ້ອນໂຮມອາວຸດ, ຂຶ້ນບັນຊີ-ເກັບກໍາຂໍ້ມູນຂ້າລາດສະການທະຫານ-ຕໍາຫຼວດເກົ່າໄດ້ 92 ຄົນ (ເສຍຊີວິດແລ້ວ 57 ຄົນ ແລະ ຍັງມີຊີວິດ 35 ຄົນ), ຂຶ້ນບັນຊີ-ເກັບກໍາຂໍ້ມູນປະຊາຊົນໄປອອກແຮງງານຢູ່ປະເທດໄທ 52 ຄົນ ແລະ ມີຄະດີເກີດຂຶ້ນທັງໝົດ 132 ເລື່ອງ ໃນນີ້, ຄະດີຢາເສບຕິດໄດ້ 34 ເລື່ອງ, ຄະດີອາຍາ 7 ເລື່ອງ, ຄະດີເສດຖະກິດ 6 ເລື່ອງ, ການຄ້າມະນຸດ 1 ເລື່ອງ, ອຸບັດເຫດ 70 ຄັ້ງ ແລະ ອັກຄີໄພເກີດຂຶ້ນ 14 ຄັ້ງ.
ສະຫາຍ ພົນຈັດຕະວາ ທອງສີ ກຸນສະນະ ໃຫ້ຮູ້ຕື່ມວ່າ: ໃນ 6 ເດືອນທ້າຍປີ 2024 ຄະນະກໍາມະການ ປກຊ-ປກສ ແຂວງ ຈະສືບຕໍ່ຫັນລົງພະນັກງານລົງກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ ວຽກງານ 3 ສ້າງ, ສ້າງບ້ານ-ກຸ່ມບ້ານພັດທະນາ ຕາມ 4 ເນື້ອໃນ 4 ຄາດໝາຍ, ສ້າງບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນ ແລະ ບ້ານປ້ອງກັນຊາດເຂັ້ມແຂງ-ປ້ອງກັນຄວາມສະຫງົບດີ ຕິດພັນກັບການແກ້ໄຂບັນຫາປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມໃຫ້ຫຼຸດໜ້ອຍຖອຍລົງ, ເອົາໃຈໃສ່ປະຕິບັດ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດ ແລະ 4 ແຜນງານໃຫຍ່ 41 ໂຄງການ ຂອງກະຊວງປ້ອງກັນຄວາມສະຫງົບວາງອອກໃຫ້ປະກົດຜົນເປັນຈິງ , ທັງນີ້ ກໍ່ເພື່ອຮັບປະກັນໃຫ້ແຂວງພວກເຮົາ ສືບຕໍ່ມີສະຖຽນລະພາບທາງດ້ານການເມືອງ, ເສດຖະກິດຂະຫຍາຍຕົວ, ປະຊາຊົນສາມັກຄີປອງດອງ, ສັງຄົມມີຄວາມສະຫງົບ-ຍຸຕິທໍາ ແລະ ສີວິໄລ.(ຂ່າວ-ພາບ: ສັນຍາ)
ສະຫາຍ ພົນຈັດຕະວາ ທອງສີ ກຸນສະນະ ຄະນະປະຈໍາພັກແຂວງ, ຫົວໜ້າການທະຫານ ກອງບັນຊາການທະຫານແຂວງ, ຮອງປະທານ-ຜູ້ປະຈໍາການຄະນະກໍາມະການ ປກຊ-ປກສ ແຂວງ ໄດ້ລາຍງານວ່າ: ໃນ 6 ເດືອນຜ່ານມາ, ຄະນະກໍາມະການ ປກຊ-ປກສ ແຂວງ ໄດ້ເອົາໃຈໃສ່ນໍາພາ-ຊີ້ນໍາປັບປຸງການຈັດຕັ້ງສອງກໍາລັງປະກອບອາວຸດ (ປກຊ-ປກສ) ທຸກຂັ້ນໃຫ້ເຂັ້ມແຂງ ແລະ ທັນສະໄໝເທື່ອລະກ້າວ, ເອົາໃຈໃສ່ຄຸ້ມຄອງອາວຸດ-ກະສູນ ຍຸດໂທປະກອນ, ພາຫະນະເຕັກນິກ, ຈັດຕັ້ງຫັດແອບວິຊາສິນລະປະຍຸດ-ຍຸດທະວິທີ, ປະຕິບັດລະບອບປະຈໍາການ 3 ຂັ້ນ ກຽມພ້ອມສູ່ຮົບເປັນປົກກະຕິ ແລະ ກຽມພ້ອມຮັບມືກັບເຫດການທີ່ບໍ່ຄາດຄິດ ທີ່ອາດຈະເກີດຂຶ້ນຕະຫຼອດ 24 ຊົ່ວໂມງ, ຫັນພະນັກງານລົງກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ລຶບລ້າງຄວາຍທຸກຍາກ ຕາມທິດ 3 ສ້າງ ໃນນີ້, ສາມາດສ້າງບ້ານປ້ອງກັນຊາດເຂັ້ມແຂງໄດ້ 60 ບ້ານ 3.537 ຄອບຄົວ, ບ້ານປ້ອງກັນຄວາມສະຫງົບດີໄດ້ 36 ບ້ານ 4.854 ຄອບຄົວ, ກຸ່ມບ້ານສູ້ຮົບຕິດລຽນໄດ້ 5 ກຸ່ມບ້ານ, ບ້ານປ້ອມໝັ້ນໄດ້ 39 ບ້ານ. ນອກຈາກນີ້, ຍັງໄດ້ເອົາໃຈໃສ່ທ້ອນໂຮມອາວຸດ, ຂຶ້ນບັນຊີ-ເກັບກໍາຂໍ້ມູນຂ້າລາດສະການທະຫານ-ຕໍາຫຼວດເກົ່າໄດ້ 92 ຄົນ (ເສຍຊີວິດແລ້ວ 57 ຄົນ ແລະ ຍັງມີຊີວິດ 35 ຄົນ), ຂຶ້ນບັນຊີ-ເກັບກໍາຂໍ້ມູນປະຊາຊົນໄປອອກແຮງງານຢູ່ປະເທດໄທ 52 ຄົນ ແລະ ມີຄະດີເກີດຂຶ້ນທັງໝົດ 132 ເລື່ອງ ໃນນີ້, ຄະດີຢາເສບຕິດໄດ້ 34 ເລື່ອງ, ຄະດີອາຍາ 7 ເລື່ອງ, ຄະດີເສດຖະກິດ 6 ເລື່ອງ, ການຄ້າມະນຸດ 1 ເລື່ອງ, ອຸບັດເຫດ 70 ຄັ້ງ ແລະ ອັກຄີໄພເກີດຂຶ້ນ 14 ຄັ້ງ.
ສະຫາຍ ພົນຈັດຕະວາ ທອງສີ ກຸນສະນະ ໃຫ້ຮູ້ຕື່ມວ່າ: ໃນ 6 ເດືອນທ້າຍປີ 2024 ຄະນະກໍາມະການ ປກຊ-ປກສ ແຂວງ ຈະສືບຕໍ່ຫັນລົງພະນັກງານລົງກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ ວຽກງານ 3 ສ້າງ, ສ້າງບ້ານ-ກຸ່ມບ້ານພັດທະນາ ຕາມ 4 ເນື້ອໃນ 4 ຄາດໝາຍ, ສ້າງບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນ ແລະ ບ້ານປ້ອງກັນຊາດເຂັ້ມແຂງ-ປ້ອງກັນຄວາມສະຫງົບດີ ຕິດພັນກັບການແກ້ໄຂບັນຫາປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມໃຫ້ຫຼຸດໜ້ອຍຖອຍລົງ, ເອົາໃຈໃສ່ປະຕິບັດ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດ ແລະ 4 ແຜນງານໃຫຍ່ 41 ໂຄງການ ຂອງກະຊວງປ້ອງກັນຄວາມສະຫງົບວາງອອກໃຫ້ປະກົດຜົນເປັນຈິງ , ທັງນີ້ ກໍ່ເພື່ອຮັບປະກັນໃຫ້ແຂວງພວກເຮົາ ສືບຕໍ່ມີສະຖຽນລະພາບທາງດ້ານການເມືອງ, ເສດຖະກິດຂະຫຍາຍຕົວ, ປະຊາຊົນສາມັກຄີປອງດອງ, ສັງຄົມມີຄວາມສະຫງົບ-ຍຸຕິທໍາ ແລະ ສີວິໄລ.(ຂ່າວ-ພາບ: ສັນຍາ)
ຄໍາເຫັນ