ວ່າດ້ວຍການຮ່ວມມືເພື່ອສຶກສາ, ອອກແບບ ແລະ ພັດທະນາລະບົບທັນສະໄໝ ນໍາໃຊ້ເຂົ້າໃນການບໍລິຫານວຽກງານ ຫ້ອງວ່າການສຳນັກງານນາຍົກລັດຖະມົນຕີແລະ ວຽກລັດຖະບານລະຫວ່າງ ຫ້ອງວ່າການສໍານັກງານນາຍົກລັດຖະມົນຕີ ແລະ ບໍລິສັດ ເອໄອດີຊີ ເທັກ ຈໍາກັດຜູ້ດຽວໂດຍການໃຫ້ກຽດເຂົ້າຮ່ວມຂອງທ່ານ ກິແກ້ວ ໄຂຄຳພິທູນຮອງນາຍົກລັດຖະມົນຕີ;ທ່ານ ບົວຄົງ ນາມມະວົງລັດຖະມົນຕີຫົວໜ້າ ຫສນຍ, ບັນດາທ່ານຮອງລັດຖະມົນຕີ, ຮອງຫົວໜ້າ ຫສນຍ ພ້ອມດ້ວຍຜູ້ຕາງໜ້າບັນດາກົມ ພາຍໃນ ຫສນຍ ແລະ ພະນັກງານບໍລິສັດທີ່ກ່ຽວຂ້ອງ.
ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານ ແລະ ຈັດຕັ້ງປະຕິບັດນະໂຍບາຍຂອງລັດຖະບານ ກ່ຽວກັບການຫັນເປັນດີຈີຕອນ ໂດຍສະເພາະແມ່ນການເພີ່ມປະສິດທິພາບ ແລະ ປະສິດທິຜົນ ໃນການບໍລິຫານວຽກງານ ຂອງ ຫສນຍ ໃຫ້ສູງຂຶ້ນ ຕາມທິດຫັນເປັນທັນສະໄໝ, ມີຄວາມວ່ອງໄວ, ທັນສະພາບການ, ປອດໄພ,ໂປ່ງໃສ, ກວດສອບໄດ້ ແລະ ສອດຄ່ອງກັບສະພາບການພັດທະນາປັດຈຸບັນ, ຫສນຍ ຈະໄດ້ຮ່ວມກັບບໍລິສັດ ເອໄອດີຊີ ເທັກ ຈໍາກັດຜູ້ດຽວ ເພື່ອສຶກສາ, ສຳຫຼວດ, ອອກແບບ Softwareທີ່ທັນສະໄໝ ເຂົ້າໃນການຈັດຕັ້ງປະຕິບັດວຽກງານຂອງຕົນ ເປັນຕົ້ນການຄຸ້ມຄອງ ແລະ ຕິດຕາມ ການຈໍລະຈອນເອກະສານ;ການອະນຸມັດເອກະສານແບບອອນລາຍ;ການເກັບມ້ຽນເອກະສານແບບລວມສູນ;ກໍານົດຕົວຊີ້ວັດ ຕອບກັບເອກະສານ ເພື່ອຕິດຕາມ ແລະ ປະເມີນແບບທັນທີ;ລະບົບແຈ້ງເຕືອນຜູ້ໃຊ້;ການນໍາຂໍ້ມູນທີ່ໄດ້ຈາກເອກະສານມາວິເຄາະ ແລະ ສະແດງຜົນ;ການຈັດການດ້ານຄວາມປອດໄພຂອງລະບົບ; ການສ້າງຖານຂໍ້ມູນຂອງ ຫສນຍ ທີ່ຕິດພັນກັບວຽກງານອົງການປົກຄອງທ້ອງຖິ່ນ; ລະບົບໂປຣແກຣມຄຸ້ມຄອງພະນັກງານ-ລັດຖະກອນ, ຄຸ້ມຄອງຊັບສິນຂອງລັດພາຍໃນ ຫສນຍ ແລະ ອື່ນໆ.
ການລົງນາມເຊັນບົດບັນທຶກຄັ້ງນີ້, ຕາງໜ້າໃຫ້ຫ້ອງວ່າການສຳນັກງານນາຍົກລັດຖະມົນຕີ ແມ່ນທ່ານ ສົມກຽດ ພະສີຮອງລັດຖະມົນຕີຮອງຫົວໜ້າ ຫສນຍ ແລະທ່ານ ພຶດສະພາ ພູມມະສັກປະທານບໍລິສັດເອໄອດີຊີເທັກ ຈຳກັດຜູ້ດຽວ.
ຂ່າວ-ພາບ: ກົມປະຊາສຳພັນ ຫສນຍ.
ຄໍາເຫັນ