ເຊັນຕາງໜ້າຂອງກະຊວງກະສິກໍາ ແລະ ສິ່ງແວດລ້ອມໂດຍ ກົມລ້ຽງສັດ ແລະ ການປະມົງ ແລະ ສະຖາບັນຄົ້ນຄວ້າກະສິກໍາ-ປ່າໄມ້ ແລະ ພັດທະນາຊົນນະບົດ ຮ່ວມກັບ ບໍລິສັດ ວິທະຍາສາດ ແລະ ເຕັກໂນໂລຊີ ກະສິກໍາ ຫົງຫຼົງ (ຫາງໂຈ) ຈໍາກັດ ໂດຍການເຊັນຮ່ວມເປັນສັກຂີພິຍານຂອງ ຫ້ອງການກະຊວງ ແລະ ກົມແຜນການ ແລະ ການຮ່ວມມື ກະຊວງກະສິກໍາ ແລະ ສິ່ງແວດລ້ອມ. ໃຫ້ກຽດຮ່ວມເປັນສັກຂີພິຍານໃນພິທີໂດຍ ທ່ານ ກິແກ້ວ ສິງນາວົງ ຮອງລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ, ບັນດາທ່ານຫົວໜ້າກົມ, ຮອງຫົວໜ້າຫ້ອງການ, ຮອງຫົວໜ້າກົມ, ບັນດາທ່ານໃນກຸ່ມບໍລິສັດ ຫົງຫຼົງ ຫາງໂຈ ເຂົ້າຮ່ວມ.
ການເຊັນບົດບັນທຶກຄວາມເຂົ້າໃຈເພື່ອສຶກສາຄວາມເປັນໄປໄດ້ໃນໂຄງການສ້າງພິພິທະພັນສັດນໍ້າ ໃນເນື້ອທີ່ປະມານ 38 ເຮັກຕາ ຕັ້ງຢູ່ສະຖານທີ່ສູນຄົ້ນຄວ້າການປະມົງ (LARReC) ນະຄອນຫຼວງວຽງຈັນ, ມີແຜນຈະລົງທຶນປະມານ 10 ລ້ານໂດລາ, ພາຍຫຼັງໂຄງການສໍາເລັດຈະເປັນສະຖານທີ່ແຫຼ່ງທ່ອງທ່ຽວ, ທັດສະນະສຶກສາຂອງນັກຮຽນ, ເປັນສູນຄົ້ນຄວ້າ, ຮຽນຮູ້, ອະນຸລັກສັດນໍ້າທີ່ໃກ້ຈະສູນພັນ ແລະ ຈະເປັນພິພິທະພັນສັດນໍ້າແຫ່ງທໍາອິດຂອງ ສປປ ລາວ. ໂຄງການດັ່ງກ່າວແມ່ນປະຕິບັດຕາມຂໍ້ລິເລີ່ມ ໜຶ່ງແລວທາງໜຶ່ງເສັ້ນທາງ ຂອງ ສປ ຈີນ ແລະ ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ.
(ແຫຼ່ງຂ່າວ: ຂ່າວສານກະສິກຳ)
ຄໍາເຫັນ