ເຊັນສັນຍາສໍາປະທານໂຄງການປູກກາເຟ, ຖົ່ວລຽນ ແລະ ບູເບີຣີ ຢູ່ບ້ານໜອງ

13:05 17/07/2025

ວັນທີ 16 ກໍລະກົດຜ່ານມາ, ໄດ້ຈັດພິທີເຊັນສັນຍາສໍາປະທານໂຄງການປູກກາເຟ, ຖົ່ວລຽນ ແລະ ບູເບີຣີ ໃນເນື້ອທີ່ 50.4 ເຮັກຕາ ຢູ່ບ້ານໜອງ ເມືອງປາກຊ່ອງ ແຂວງຈຳປາສັກ ຂອງບໍລິສັດ ກະສິກຳ ລາວ - ຫວຽດ ຈຳກັດຜູ້ດຽວ, ຂຶ້ນຢູ່ໂຮງແຮມຈໍາປາສັກແກຣນ ໂດຍການເຂົ້າຮ່ວມຂອງ ທ່ານ ສົມບູນ ເຮືອງວົງສາ ຮອງເຈົ້າແຂວງຈໍາປາສັກ.

ເຊນສນຍາສາປະທານໂຄງການປກກາເຟ, ຖວລຽນ ແລະ ບເບຣ ຢບານໜອງ - image 1

ພະແນກແຜນການ ແລະ ການລົງທຶນແຂວງ ລົງນາມໂດຍ ທ່ານ ບຸນມີ ຄໍາພິທູນ ຮອງຫົວໜ້າພະແນກແຜນການ ແລະ ການລົງທຶນແຂວງ, ບໍລິສັດ ກະສິກຳ ລາວ-ຫວຽດ ຈຳກັດຜູ້ດຽວ ລົງນາມໂດຍທ່ານ ຫວໍ ວັນ ຫາຍ ຜູ້ອໍານວຍການໃຫຍ່ ບໍລິສັດ ກະສິກຳ ລາວ - ຫວຽດ ຈຳກັດຜູ້ດຽວ. ຝ່າຍອົງການປົກຄອງແຂວງ ລົງນາມເປັນພະຍານ ມີທ່ານ ຄໍາ ນີລາວົງ ວ່າການຫົວໜ້າພະແນກກະສິກໍາ ແລະ ປ່າໄມ້ແຂວງ, ທ່ານ ຄໍາຂອດ ໝື່ນຫຼວງ ປະທານຄະນະກໍາມະການປົກຄອງເມືອງປາກຊ່ອງ.

ໂຄງການປູກກາເຟ, ຖົ່ວລຽນ ແລະ ບຸເບີຣີ ໃນເນື້ອທີ່ 50,4 ເຮັກຕາ ຢູ່ບ້ານໜອງເມືອງປາກຊ່ອງ ຂອງບໍລິສັດ ກະສິກຳ ລາວ - ຫວຽດ ຈຳກັດຜູ້ດຽວ ໄດ້ເຊັນບົດບັນທຶກຄວາມເຂົ້າໃຈ ເພື່ອສຶກສາສໍາຫຼວດຄວາມເປັນໄປໄດ້ ຂອງໂຄງການ ໃນວັນທີ 7 ພຶດສະພາ 2025ຜ່ານມາ,

ຜູ້ລົງທຶນ, ບໍລິສັດ ກະສິກຳລາວ - ຫວຽດ ຈຳກັດຜູ້ດຽວ, ຮູບແບບການລົງທຶນ ຕ່າງປະເທດ 100% ຈາກ ສສ ຫວຽດນາມ, ທຶນຈົດບຽນທັງໝົດ 3 ລ້ານໂດລາສະຫະລັດ.

ການເຊັນສັນຍາຄັ້ງນີ້, ແມ່ນປະຕິບັດຕາມຂໍ້ຕົກລົງຂອງເຈົ້າແຂວງຈໍາປາສັກ ເລກທີເລກທີ 822/ຈຂ.ຈສ, ວັນທີ 14 ກໍລະກົດ 2025 ວ່າດ້ວຍການມອບສິດໃຫ້ພະແນກແຜນການ ແລະ ການລົງທຶນແຂວງ ຕາງໜ້າໃຫ້ອົງການປົກຄອງແຂວງ ເຊັນສັນຍາສຳປະທານ ໂຄງການປູກກາເຟ, ຖົ່ວລຽນ ແລະ ບູເບີຣີ ຢູ່ບ້ານໜອງ ເມືອງປາກຊ່ອງ ກັບ ບໍລິສັດ ກະສິກຳ ລາວ-ຫວຽດ ຈຳກັດຜູ້ດຽວ ເຊິ່ງຈະເລີ່ມຈັດຕັ້ງປະຕິບັດ ນັບແຕ່ມື້ເຊັນສັນຍາສໍາປະທານເປັນຕົ້ນໄປ.

(ຂ່າວ-ພາບ: ທູນທອງໃຈ)

ຄໍາເຫັນ

ຂ່າວວັດທະນະທຳ-ສັງຄົມ

ໂຄງການເຊື່ອມຕໍ່ສາຍສົ່ງໄຟຟ້າ 500 ກິໂລໂວນລາວ-ຈີນ ໄດ້ເຊື່ອມຕໍ່ກັນຢ່າງສົມບູນ

06/02/2026 10:19

ໃນວັນທີ 5 ກຸມພາ ຜ່ານມາ, ໂຄງການເຊື່ອມຕໍ່ສາຍສົ່ງໄຟຟ້າ 500 ກິໂລໂວນ ລາວ - ຈີນໄດ້ເຊື່ອມຕໍ່ກັນຢ່າງສົມບູນ ຊຶ່ງເປັນຂີດໝາຍເຖິງໂຄງການວິສະວະກຳສຳຄັນທີ່ໄດ້ລວມເຂົ້າໃນແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳລາວ-ຈີນ, ນີ້ໄດ້ຮັບຄວາມຄືບໜ້າອັນຕັດສິນຊີ້ຂາດ ແລະ ວາງພື້ນຖານທີ່ໜັກແໜ້ນສຳລັບການເລີ່ມການຜະລິດ ຢ່າງເຕັມທີ່ໃນເດືອນເມສາປີນີ້.

ເຜີຍແຜ່ ເອກະສານການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ຢູ່ກຸ່ມ ນາເຕີຍ

06/02/2026 08:59

ອະນຸກຳມະການໂຄສະນາປຸກລະດົມ ແລະ ຂະບວນການ ຄະນະກໍາມະການເລືອກຕັ້ງຂັ້ນເມືອງ ໄດ້ລົງເຜີຍແຜ່, ເຊື່ອມຊຶມ ເອກະສານການເລືອກຕັ້ງ ສະມາຊິກສະພາແຫ່ງຊາດ ສສຊ ຊຸດທີ X ແລະ ສະພາປະຊາຊົນແຂວງ (ສສຂ) ຊຸດທີ V ໃຫ້ອົງການປົກຄອງບ້ານ, ພໍ່ແມ່ປະຊາຊົນຢູ່ກຸ່ມບ້ານ ນາເຕີຍ ເມືອງຫຼວງນໍ້າທາ ແຂວງຫຼວງນໍ້າທາ ໃນວັນທີ 5 ກຸມພາ 2026, ໂດຍການເປັນປະທານຂອງທ່ານ ຄໍາພຸດໂພທິລາດ ກໍາມະການປະຈຳພັກເມືອງ ປະທານແນວລາວສ້າງຊາດເມືອງ ຫົວໜ້າອະນຸກຳມະການໂຄສະນາປຸກລະດົມ ແລະ ຂະບວນການ, ມີຄະນະຮັບຜິດຊອບຂັ້ນເມືອງ, ອົງການຈັດຕັ້ງບ້ານ ແລະ ພໍ່ແມ່ປະຊາຊົນ ເຂົ້າຮ່ວມ.

ສະຫວັນນະເຂດ ປະກາດການຍົກຍ້າຍການນຳຂັ້ນສູງໄປຮັບໜ້າທີ່ໃໝ່

05/02/2026 15:28

ພິທີປະກາດການຍົກຍ້າຍການນຳຂັ້ນສູງຂອງແຂວງສະຫວັນນະເຂດ ໄປຮັບໜ້າທີ່ໃໝ່ ໄດ້ຈັດຂຶ້ນ ໃນວັນທີ 4 ກຸມພາຜ່ານມາ ທີ່ຫ້ອງປະຊຸມຫ້ອງວ່າການແຂວງ ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກແຂວງສະຫວັນນະເຂດ.

ຜູ້ສະໝັກຮັບເລືອກຕັ້ງ ສສຊ ຊຸດທີ X ແລະ ສສຂ ຊຸດທີ v ປະຈຳເຂດເລືອກຕັ້ງທີ7 ແຂວງໄຊຍະບູລີລົງໂຄສະນາຫາສຽງຢູ່ບ້ານ ໂພນໄຊ

05/02/2026 15:26

ວັນທີ 5 ກຸມພາ 2026ນີ້, ຜູ້ຮັບສະໝັກເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 7 ແຂວງໄຊຍະບູລີຈໍານວນ 13 ທ່ານ ຍິງ 4 ທ່ານ ແລະ ຜູ້ຮັບສະໜັກເລືອກຕັ້ງ ສະມາຊີກສະພາປະຊາຊົນແຂວງ (ສສຂ) ປະຈຳເຂດເລືອກຕັ້ງເມືອງໄຊຍະບູລີ ຊຸດທີ v ຈຳນວນ 8 ທ່ານ ຍິງ 3 ທ່ານ ໄດ້ລົງໂຄສະນາຫາສຽງ ແລະ ສະເໜີໂຕຕໍ່ຜູ້ມີສິດເລືອກຕັ້ງຢູ່ບ້ານໂພນໄຊ ເມືອງໄຊຍະບູລີ ໂດຍການນໍາພາຂອງທ່ານ ເພັງນິລັນ ຄຳພັນເພັງ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ ໄຊຍະບູລີ ຜູ້ສະໝັກເລືອກຕັ້ງນໍ້າເບີ 1 ປະຈຳເຂດເລືອກຕັ້ງທີ 7 ແຂວງໄຊຍະບູລີ ພ້ອມຜູ້ຮັບສະໜັກ ສສຊ ແລະ ສະພາປະຊາຊົນປະຈຳເຂດເລືອກຕັ້ງເຂົ້າຮ່ວມ, ໂດຍການຕ້ອນຮັບຂອງທ່ານ ຈັນເພັງ ອູ່ທອງຄຳ ປະທານ ຄະນະກຳມະການປົກຄອງເມືອງໄຊຍະບູລີ ພ້ອມດ້ວຍ ປະຊາຊົນພາຍໃນບ້ານດັ່ງກ່າວຕ້ອນຮັບຢ່າງອົບອຸ່ນ.

ສານປະຊາຊົນເຂດ II ແຂວງຈຳປາສັກ ແຕ່ງຕັ້ງປະທານສານຄົນໃໝ່

05/02/2026 14:17

ວັນທີ 5 ກຸມພານີ້, ສານປະຊາຊົນເຂດ II ແຂວງຈຳປາສັກ ໄດ້ປະກາດແຕ່ງຕັ້ງປະທານສານຄົນໃໝ່; ໂດຍການເຂົ້າຮ່ວມຂອງ ທ່ານ ອານົງ ຍອຍສາຍຄຳ ຄະນະປະຈຳພັກ ຮອງປະທານສານປະຊາຊົນສູງສຸດ, ທ່ານ ພູວັງ ຈະເລີນລັດ ຮັກສາການສານປະຊາຊົນແຂວງຈຳປາສັກ, ມີຜູ້ພິພາກສາ ແລະ ຜູ້ຊ່ວຍ, ຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງໂຂງເຂົ້າຮ່ວມ.

ຄອສພ ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ

05/02/2026 13:43

ຄະນະໂຄສະນາອົບຮົມສູນກາງພັກ (ຄອສພ) ໄດ້ຈັດພິທີປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ແລະ ສະພາບການພົ້ນເດັ່ນຂອງພາກພື້ນ ແລະ ສາກົນໃນປັດຈຸບັນຂຶ້ນໃນວັນທີ 5 ກຸມພານີ້ ທີ່ ຄອສພ, ໂດຍໃຫ້ກຽດປາຖະກະຖາຂອງທ່ານ ພົນໂທ ສາຍໃຈ ກົມມະສິດ ຮອງລັດຖະມົນຕີ ຫົວໜ້າກົມໃຫຍ່ເສນາທິການກອງທັບ ກະຊວງປ້ອງກັນປະເທດ ໂດຍມີບັນດາຫົວໜ້າກົມ, ຮອງກົມ ພາຍໃນ ຄອສພ ແລະ ບັນດາພະນັກງານເຂົ້າຮ່ວມຮັບຟັງ.

1 ປີ ຜ່ານມາ ເມືອງໄຊຈຳພອນ ໄດ້ຮັບຫາງສຽງສັງຄົມ 15 ບັນຫາ

05/02/2026 13:05

ໃນວັນທີ 4 ກຸມພານີ້ ທີ່ສະໂມສອນເມືອງໄຊຈຳພອນ ແຂວງບໍລິຄຳໄຊ ໄດ້ຈັດກອງປະຊຸມຮັບສ່ອງແສງສະພາບແນວຄິດຫາງສຽງສັງຄົມ ໂດຍການເປັນປະທານຂອງທ່ານ ລາວປາວຊົ່ງ ນະວົງໄຊ ກຳມະ ການສູນກາງພັກ ຮອງເລຂາພັກ ຮອງຫົວໜ້າຄະນະໂຄສະນາອົບຮົມສູນກາງ, ມີ ທ່ານ ໄກສອນ ຈັນສີນາ ກຳມະການພັກແຂວງ ເລຂາຄະນະບໍລິຫານງານພັກເມືອງ, ທ່ານ ສີຫອມ ສອນມະນີ ຮອງຫົວໜ້າຄະນະໂຄສະນາອົບຮົມແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ວກປສ ເຜີຍແຜ່ເອກະສານກະກຽມການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V

05/02/2026 13:03

ວິທະຍາຄານການເມືອງປ້ອງກັນຄວາມສະຫງົບ (ວກປສ) ຈັດພິທີເຜີຍແຜ່ເອກະສານ 4 ສະບັບເພື່ອກະກຽມການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ໃນວັນທີ 5 ກຸມພານີ້ ໃຫ້ກຽດເຜີຍແຜ່ໂດຍທ່ານ ພົຈວ ສຸກນິລັນດອນ ກຸນລະວົງ ຫົວໜ້າອໍານວຍການ ວກປສ, ມີຄະນະອໍານວຍການພ້ອມດ້ວຍຄູ-ອາຈານ ແລະ ນັກສຶກສາເຂົ້າຮ່ວມ.

ກອງປະຊຸມລະດັບພາກພື້ນສ້າງຄວາມເຂັ້ມແຂງໃຫ້ສື່ມວນຊົນລາວໃນການລາຍງານຂ່າວສີຂຽວ

05/02/2026 13:01

ສະມາຄົມນັກຂ່າວແຫ່ງ ສປປ ລາວ ຮ່ວມກັບອົງການແຄຣນານາຊາດ ພາຍໃຕ້ໂຄງການສ້າງຄວາມເຂັ້ມແຂງໃຫ້ສື່ມວນຊົນລາວໂດຍການມີສ່ວນຮ່ວມຂອງອົງການຈັດຕັັ້ງມະຫາຊົນ ແລະ ອົງການຈັດຕັັ້ງທາງສັງຄົມ ເພື່ອການພັດທະນາສີຂຽວໃນລາວ (GAMCIL) ຈັດກອງປະຊຸມລະດັບພາກພື້ນປະຈໍາປີ 2026 ພາຍໃຕ້ຫົວຂໍ້ "ການລາຍງານຂ່າວບັນຫາສີຂຽວໃນຍຸກດີຈີຕອນ" ໃນວັນທີ 5 ກຸມພານີ້ ທີ່ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ສາຄອນ ພົມມະລາດ ກໍາມະການພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ທ່ານ ສະຫວັນຄອນ ຣາຊມຸນຕຣີ ປະທານສະມາຄົມນັກຂ່າວແຫ່ງ ສປປ ລາວ, ທ່ານ ນາງ ແກ້ວອຳພອນ ສຸວັນນະພູມ ຜູ້ອໍານວຍການອົງການແຄຣນານາຊາດປະຈໍາ ສປປ ລາວ ແລະ ທ່ານ ນາງ ເວີເລີ ສະເມັດ ຕາງໜ້າສະຫະພາບເອີຣົບປະຈໍາ ສປປ ລາວ ພ້ອມດ້ວຍວິທະຍາກອນຈາກ ສປປ ລາວ, ສສ ຫວຽດນາມ ແລະ ປະເທດໄທເຂົ້າຮ່ວມ.

ອະນຸກໍາມະການໂຄສະນາ ຂະບວນການ ລົງເຜີຍແຜ່ເອກະສານກະກຽມໃຫ້ແກ່ການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ໃຫ້ອໍານາດການປົກຄອງບ້ານຈໍານວນ 14 ບ້ານ ທົ່ວເມອງໄຊພູທອງ

05/02/2026 12:33

ໃນລະຫວ່າງວັນທີ 3-4 ມັງກອນນີ້, ອະນຸກໍາມະການໂຄສະນາ ປຸກລະດົມ ແລະ ຄະນະກໍາມະການເລືອກຕັ້ງຂັ້ນເມືອງໄຊພູທອງ ແຂວງສະຫວັນນະເຂດ ໄດ້ລົງເຄື່ອນໄຫວເຜີຍແຜ່ເຊື່ອມຊຶມ ແລະ ຜັນຂະຫຍາຍເອກະສານກ່ຽວກັບວຽກງານການເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະພາປະຊາຊົນແຂວງ (ສສຂ) ຊຸດທີ V ໃຫ້ແກ່ອຳນາດການປົກຄອງບ້ານ ແລະ ປະຊາຊົນ ຢູ່ 14 ບ້ານ ທົ່ວເມືອງໄຊພູທອງ ໂດຍໃຫ້ກຽດເຂົ້າຮ່ວມ ຂອງທ່ານ ວັນແສງ ແກ້ວບຸນພັນ ກໍາມະການພັກແຂວງ ເລຂາຄະນະບໍລິຫານງານພັກເມືອງໄຊພູທອງ, ມີບັນດາຄະນະກຳມະການໂຄສະນາປຸກລະດົມຂັ້ນເມືອງ, ການຈັດຕັ້ງບ້ານ, ພໍ່ແມ່ປະຊາຊົນ ພ້ອມດ້ວຍຜູ້ມີສິດເລືອກຕັ້ງ ອາຍຸ18 ປີຂຶ້ນໄປ ເຂົ້າຮ່ວມ.

ເພີ່ມເຕີມ