ເຊີນທຸກທ່ານຮ່ວມກອງບຸນໃຫ້ກັບເດັກນ້ອຍ

15:05 21/08/2025

ໜ່ວຍງານຊ່ວຍເຫຼືອແມ່ຍິງ ແລະ ເດັກນ້ອຍ ຂອງມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຈັດບຸນໃຫ້ເດັກນ້ອຍທີ່ເສຍຊີວິດຢູ່ໂຮງໝໍ ຈໍານວນ 36 ສົບ ໃນລະຫວ່າງ ວັນທີ 21, 22, 23 ສິງຫາ 2025 ນີ້ ທີ່ ວັດໂນນສະຫງ່າ ເມືອງໄຊເສດຖາ ນະຄອນຫຼວງວຽງຈັນ.

ທ່ານ ນາງ ສະນັນຍາ ວົງຄໍາສອນ ຫົວໜ້າໜ່ວຍງານຊ່ວຍເຫຼືອແມ່ຍິງ ແລະ ເດັກນ້ອຍ ຂອງມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ເມື່ອບໍ່ດົນມານີ້ວ່າ: 1 ປີ ຜ່ານມາ ໜ່ວຍງານໄດ້ຊ່ວຍເຫຼືອແມ່ຍິງ ແລະ ເດັກນ້ອຍ, ຜູ້ປະສົບໄພໃນທົ່ວປະເທດ ເປັນຈໍານວນຫຼາຍ ສະແດງອອກຄື: ຊ່ວຍເຫຼືອແມ່ເກີດລູກແຝດທີ່ຂາດເຂີນເງິນ, ຊ່ວຍເຫຼືອ 3 ຄອບຄົວລູກນ້ອຍ, ຊ່ວຍຊື້ອຸປະກອນການຮຽນເມືອງນາກາຍ ແຂວງຄໍາມ່ວນ, ຊ່ວຍໂຮງຮຽນບ້ານຫາດເຟືອງ ເມືອງນາກາຍ ແຂວງຄໍາມ່ວນ, ຊື້ລົດກູ້ໄພ, ຈ່າຍຄ່າໂຮງໝໍໃຫ້ກັບແອນ້ອຍ ບ້ານກາງ ເມືອງຫາດຊາຍຟອງ ນະຄອນຫຼວງວຽງຈັນ, ຈ່າຍຄ່າໂຮງໝໍໃຫ້ກັບແຝດຊາຍ ບ້ານຜາສັງ ເມືອງເຟືອງ ແຂວງວຽງຈັນ, ຊ່ວຍຄອບຄົວຖືກໄຟໄໝ້ ບ້ານງີ້ວ ເມືອງຊໍາເໜືອ ແຂວງຫົວພັນ, ຊ່ວຍຄອບຄົວເມືອງປາກລາຍ ແຂວງໄຊຍະບູລີ ແລະ ການໃຊ້ຈ່າຍການເດີນທາງອື່ນໆ ເປັນຈໍານວນເງິນ 190 ລ້ານກ່ວາກີບ ຊຶ່ງເຫັນວ່າ ປະຊາຊົນລາວຈຳນວນບໍ່ໜ້ອຍ ສະແດງຈຸດປະສົງຢາກປະກອບສ່ວນ ແລະ ໃຫ້ຄວາມສໍາຄັນໃນການຊ່ວຍເຫຼືອໃນແຕ່ລະກໍລະນີທີ່ເກີດຂຶ້ນດັ່ງກ່າວ ທີ່ໄດ້ຮັບຮູ້ຂໍ້ມູນຂ່າວສານ ຂໍການຊ່ວຍເຫຼືອຜ່ານສື່ສານອອນລາຍຢ່າງວ່ອງໄວ ແລະ ໄດ້ບອກຕໍ່ໆກັນທັນເວລາ, ໃນໄວໆນີ້ ທາງມູນນິທິໄດ້ຈັດພິທີເຮັດບຸນສົ່ງສະການຄັ້ງໃຫຍ່ເພື່ອເຮັດບຸນກຸສົນສົ່ງໃຫ້ແອນ້ອຍເກີດໃໝ່ ກໍຄື ເດັກນ້ອຍ ທີ່ເສຍຊີວິດຢູ່ໂຮງໝໍ (ຝາກໄວ້ໃນໂຮງເຢັນ) ຂອງໂຮງໝໍມະໂຫສົດ ແລະ ໂຮງໝໍມິດຕະພາບ (150ຕຽງ) ຈໍານວນ 36 ສົບ ທີ່ພໍ່, ແມ່ ບໍ່ສາມາດນໍາເອົາສົບດັ່ງກ່າວ (ບໍ່ມີເງິນ) ຈະຈັດສົ່ງສະການຈຶ່ງຝາກໄວ້ໃນໂຮງໝໍ.

ໂອກາດດັ່ງກ່າວ, ທ່ານ ນາງ ສະນັນຍາ ວົງຄໍາສອນ ກ່າວຕື່ມວ່າ: ລະຫວ່າງ ວັນທີ 21, 22, 23 ສິງຫານີ້ ທີ່ວັດໂນນສະຫງ່າ ເມືອງໄຊເສດຖາ ຈະໄດ້ເຮັດບຸນສົ່ງໃຫ້ຈໍານວນແອນ້ອຍທີ່ເສຍຊີວິດ, ຈຶ່ງຂໍເຊີນຊວນ ບັນດາທ່ານທັງຫຼາຍທີ່ມີຈິດໃຈເຫຼື້ອມໃສສັດທາ ຮ່ວມເຮັດບຸນ-ບໍລິຈາກ ເພື່ອສົ່ງເຖິງດວງວິນຍານ ຂອງຈໍານວນແອນ້ອຍເຫຼົ່ານັ້ນໃຫ້ໄປສູ່ສຸຄະຕິ.

(ຂ່າວ: ແສງຈັນ)

ຄໍາເຫັນ

ຂ່າວວັດທະນະທຳ-ສັງຄົມ

ຫຼາຍພາກສ່ວນສືບຕໍ່ອຸປະຖຳກອງປະຊຸມໃຫຍ່ແຂວງຊຽງຂວາງ

21/08/2025 16:03

ຫຼາຍພາກສ່ວນສືບຕໍ່ໃຫ້ການອຸປະຖຳກອງປະຊຸມໃຫຍ່ ຂອງອົງຄະນະພັກແຂວງຊຽງຂວາງ ສະ ໄໝທີ IX ຂຶ້ນ ໃນວັນທີ 21 ສິງຫານີ້ ທີ່ຫ້ອງວ່າການແຂວງ ໂດຍມີທ່ານ ໄຊທອງ ໄຊຍະວົງ ປະທານບໍລິສັດ ຈັນສຸດາ ສຳຫຼວດ-ອອກແບບ ແລະ ກໍ່ສ້າງຈຳກັດຜູ້ດຽວ ໄດ້ອຸປະຖຳເງິນ 50 ລ້ານກີບ ແລະ ນ້ຳດື່ມ 50 ແພັກ ມູນຄ່າ 3 ລ້ານກວ່າກີບ,

ສະຫະພັນແມ່ຍິງ 6 ແຂວງພາກໃຕ້ ທາບທາມບຸກຄະລາກອນ ເຂົ້າໃນຄະນະບໍລິຫານງານ ສູນກາງສະຫະພັນແມ່ຍິງລາວ

21/08/2025 16:01

ວັນທີ 20 ສິງຫານີ້, ທ່ານ ນາງ ສິລິກິດ ບຸບຜາ ຮອງປະທານຄະນະບໍລິຫານງານ ສູນກາງສະຫະພັນແມ່ຍິງລາວ ເປັນປະທານກອງປະຊຸມທາບທາມເນື້ອໃນ ແລະ ບຸກຄະລາກອນ ເຂົ້າໃສ່ກອງປະຊຸມໃຫຍ່ ຜູ້ແທນແມ່ຍິງລາວ ທົ່ວປະເທດ ສະໄໝທີ IX ຮອບທີ 2 ຂອງສະຫະພັນແມ່ຍິງ 6 ແຂວງພາກໃຕ້ ປະກອບມີ: :ແຂວງສະຫວັນນະເຂດ, ສາລະວັນ, ເຊກອງ, ຈໍາປາສັກ, ອັດຕະປື ແລະ ແຂວງຄໍາມ່ວນ ຊຶ່ງຈັດຂຶ້ນທີ່ ແຂວງສະຫວັນນະເຂດ.

ຄໍາມ່ວນ ປຶກສາຫາລື ການກະກຽມກອງປະຊຸມໃຫຍ່ຜູ້ແທນອົງຄະນະພັກແຂວງ ສະໄໝທີ XI

21/08/2025 15:10

ກອງປະຊຸມປຶກສາຫາລື, ແນະນຳ ກ່ຽວກັບການກະກຽມກອງປະຊຸມໃຫຍ່ ຜູ້ແທນອົງຄະນະພັກແຂວງຄໍາມ່ວນ ສະໄໝທີ XI ໄດ້ຈັດຂຶ້ນໃນວັນທີ 21 ສິງຫານີ້ ທີ່ເຮືອນຮັບແຂກ ເລກ 1 ແຂວງຄໍາມ່ວນ ໂດຍພາຍໃຕ້ການເປັນປະທານຂອງສະຫາຍ ວັນໄຊ ພອງສະຫວັນ ກຳມະການສູນກາງພັກ ເລຂາພັກແຂວງ ເຈົ້າແຂວງຄຳມ່ວນ.

ຈໍາປາສັກ ທາບທາມບຸກຄະລາກອນເຂົ້າໃນຄະນະບໍລິຫານງານພັກແຂວງ ສະໄໝທີ IX ຮອບທີ 2

21/08/2025 15:08

ແຂວງຈໍາປາສັກດໍາເນີນກອງປະຊຸມທາບທາມບຸກຄະລາກອນເຂົ້າໃນໂຄງປະກອບຄະນະບໍລິຫານງານພັກແຂວງ ສະໄໝທີ IX ຮອບທີ 2 ແລະ ທາບທາມຮ່າງລາຍງານການເມືອງ, ແຜນພັດທະນາເສດຖະກິດ - ສັງຄົມ, ບົດສໍາຫຼວດການນໍາພາລວມຂອງຄະນະບໍລິຫານງານພັກແຂວງ ໄດ້ຈັດຂຶ້ນໃນວັນທີ 21-22 ສິງຫານີ້ ຢູ່ສະໂມສອນແຂວງ ໂດຍການເປັນປະທານຂອງສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຈຳປາສັກ.

ກະຊວງ ຮສສ ປະກອບຄຳເຫັນຕໍ່ຮ່າງລາຍງານການເມືອງ ແລະ ທາບທາມບຸກຄະລາກອນຄະນະພັກກະຊວງ ສະໄໝທີ VII

21/08/2025 15:01

ກອງປະຊຸມປະກອບຄຳເຫັນຕໍ່ຮ່າງລາຍງານການເມືອງ ແລະ ທາບທາມບຸກຄະລາກອນຄະນະພັກກະຊວງ ສະໄໝທີ VII ຮອບທີ 3 ຂຶ້ນໃນວັນທີ 21 ສິງຫາ ນີ້ ທີ່ກະຊວງແຮງງານ ແລະ ສະຫວັດດີການສັງຄົມ (ຮສສ) ໂດຍການເປັນປະທານຂອງ ສະຫາຍ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ; ສະຫາຍ ວິສຸກ ພົມພິທັກ ຮອງຫົວໜ້າຄະນະຈັດຕັ້ງສູນກາງພັກ ມີບັນດາສະຫາຍກໍາມະການຄະນະພັກກະຊວງ, ຄະນະພັກຮາກຖານ ແລະ ຄະນະໜ່ວຍພັກເຂົ້າຮ່ວມ.

ທາບທາມບຸກຄະລາກອນ ສະໝັກເລືອກຕັ້ງຄະນະບໍລິຫານງານພັກຮອບທີ II ກະຊວງ ຍທຂ

21/08/2025 13:28

ກອງປະຊຸມທາບທາມບຸກຄະລາກອນທີ່ຈະອອກສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກ ກະຊວງໂຍທາທິການ ແລະ ຂົນສົ່ງ (ຍທຂ) ສະໄໝທີ VI ຮອບທີ II ໄດ້ຈັດຂຶ້ນໃນວັນທີ 21 ສິງຫາ ນີ້ ທີ່ນະຄອນຫຼວງວຽງຈັນ, ພາຍໃຕ້ການເປັນປະທານຂອງສະຫາຍ ເຫຼັກໄຫຼ ສີວິໄລ ກຳມະການສູນກາງພັກ ເລຂາຄະນະບໍລິຫານງານພັກ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ຊຶ່ງມີບັນດາສະຫາຍຄະນະປະຈຳພັກ, ກຳມະການພັກ, ຄະນະໜ່ວຍພັກ, ຜູ້ແທນສົມບູນ ແລະ ສຳຮອງເຂົ້າຮ່ວມ.

ຄະນະກວດກາສູນກາງພັກ ແລະ ອົງການກວດກາແຫ່ງລັດປະກາດການແຕ່ງຕັ້ງ ແລະ ສັບຊ້ອນພະນັກງານນຳພາ-ຄຸ້ມຄອງ

21/08/2025 13:16

ວັນທີ 20 ສິງຫາຜ່ານມານີ້, ຄະນະກວດກາສູນກາງພັກ ແລະ ອົງການກວດກາແຫ່ງລັດ ໄດ້ຈັດພິທີປະກາດການແຕ່ງຕັ້ງ ແລະ ສັບຊ້ອນພະນັກງານນຳພາ-ຄຸ້ມຄອງຂຶ້ນ ທີ່ສະໂມສອນຄະນະກວດກາສູນກາງພັກ ໃຫ້ກຽດເປັນປະທານ ໂດຍສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີສະຫາຍ ຄຳໄຫຼ ສີປະເສີດ ກຳມະການສູນກາງພັກ ບັນດາສະຫາຍທີ່ມາຈາກສູນກາງແນວລາວສ້າງຊາດ, ຫ້ອງວ່າການສູນກາງພັກ, ຄະນະໂຄສະນາອົບຮົມສູນກາງພັກ, ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ຄະນະພົວພັນຕ່າງປະເທດສູນກາງພັກ, ຄະນະຈັດຕັ້ງສູນກາງພັກ, ບັນດາສະຫາຍຄະນະປະຈຳພັກ, ຮອງປະທານຄະນະກວດກາສູນກາງພັກ ແລະ ອົງການກວດກາແຫ່ງລັດ, ເລຂາໜ່ວຍພັກ, ສະມາຊິພັກ-ພະນັກງານ ທົ່ວອົງການເຂົ້າຮ່ວມ.

ສະຫວັນນະເຂດ ເປີດໂຄງການກໍ່ສ້າງທາງ ວັດບ້ານນາແກ ຫາ ຂົວມິດຕະພາບ ລາວ-ໄທ II

21/08/2025 13:11

ພິທີເປີດໂຄງການກໍ່ສ້າງທາງເບຕົງເສີມເຫຼັກ ເສັ້ນທາງຫຼວງແຫ່ງຊາດ ເລກທີ 11 ອີ ເລີ່ມຈາກທາງເບຕົງແຈວັດບ້ານນາແກ ໄປຫາ ຫົວຂົວຫ້ວຍໝອງເດີ່ນ ຈຸດກ້ອງຂົວມິດຕະພາບລາວ-ໄທ ແຫ່ງທີ II (ສະຫວັນະເຂດ-ມຸກດາຫານ) ໄດ້ຈັດຂຶ້ນໃນຕອນເຊົ້າວັນທີ 20 ສິງຫານີ້, ໂດຍການໃຫ້ກຽດເຂົ້າຮ່ວມ ຂອງທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ, ມີຖືກເຊີນ ແລະ ແມ່ປະຊາຊົນບ້ານອ້ອມຂ້າງເຂົ້າຮ່ວມ.

ເຈົ້າແຂວງຈຳປາສັກ ສະແດງທັດສະນະຕໍ່ວັນຊາດຫວຽດນາມ ຄົບຮອບ 80 ປີ.

21/08/2025 13:10

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາພັກແຂວງ ເຈົ້າແຂວງຈຳປາສັກ ໄດ້ສະແດງທັດສະນະຕໍ່ວັນຊາດ ຫວຽດນາມ ຄົບຮອບ 80 ປີ ເນື່ອງໃນໂອກາດວັນຊາດ ສສ ຫວຽດນາມ ຄົບຮອບ 80 ປີ (2/9/1945-2/9/2025) ທີ່ຈະໜູນວຽນມາໃນມໍ່ໆນີ້. ຊຶ່ງທ່ານໄດ້ຕີລາ 3 ບັນຫາໃຫ່ຍ ຄື:

ກອງພັນໃຫຍ່ 202 ຈັດພິທີປາຖະກະຖາ 4 ວັນປະຫວັດສາດ

21/08/2025 13:09

ໃນວັນທີ 20 ສິງຫານີ້ ທີ່ສະໂມສອນ ກອງພັນໃຫຍ່ 202 ກອງພົນທີ 2 ໄດ້ຈັດຕັ້ງພິທີ ປາຖະກະ 4 ວັນປະຫວັດສາດ ຄື: ວັນສ້າງຕັ້ງ ອາຊຽນ ຄົບຮອບ 58 ປີ, ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ວັນສ້າງຕັ້ງ ລັດຖະທຳມະນູນ ຄົບຮອບ 34 ປີ ແລະ ວັນຍຶດອຳນາດ ຂອງ ສປປ ລາວ ຄົບ 80 ປີ ແລະ 50 ປີ ໂດຍພາຍໃຕ້ການເປັນປະທານຂອງສະຫາຍ ພັນໂທ ອູ່ທອງ ມະໂນລາດ ຄະນະປະຈຳພັກ ຮອງຫົວໜ້າການເມືອງ ກອງພັນໃຫຍ່ 202 ແລະ ສະຫາຍ ພັນໂທ ຄຳໄບ ວິໄລພອນ ຮອງຫົວໜ້າພະແນກການເມືອງ ກອງພັນໃຫຍ່ 202.

ເພີ່ມເຕີມ