ຊີວະປະຫວັດຫຍໍ້ ຂອງ ທ່ານ ປີເຕີ ຊີຢາໂຕ ລັດຖະມົນຕີກະຊວງການຕ່າງປະເທດ ແລະ ການຄ້າຮົງກາຣີ

ຄະນະບໍລິຫານງານພັກ ກະຊວງປ້ອງກັນປະເທດ ຈັດກອງປະຊຸມສະຫຼຸບວຽກງານນຳພາຮອບດ້ານປະຈຳປີ 2025 ແລະ ວາງທິດທາງແຜນການປີ 2026 ຂຶ້ນໃນວັນທີ 3 ກຸມພານີ້ ໂດຍການເປັນປະທານຂອງສະຫາຍ ພົນເອກ ຄຳລຽງ ອຸທະໄກສອນ ກໍາມະການກົມການເມືອງສູນກາງພັກ ເລຂາຄະນະພັກກະຊວງ ລັດຖະມົນຕີກະຊວງປ້ອງກັນປະເທດ, ມີຮອງເລຂາຄະນະພັກ, ກຳມະການຄະນະປະຈຳພັກ, ກຳມະການຄະນະພັກກະຊວງປ້ອງກັນປະເທດ, ຄະນະພັກ-ຄະນະບັນຊາກ່ຽວຂ້ອງເຂົ້າຮ່ວມ.

ໃນໂອກາດທ່ານ ຄໍາຜອຍ ວັນນະສານ ກໍາມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະຜູ້ແທນປະທານແນວລາວສ້າງຊາດ 10 ແຂວງ ທີ່ມີຊາຍແດນຕິດຈອດກັບ ສສ ຫວຽດນາມ, ຫ້ອງການ ສນຊ ແລະ ບັນດາກົມອ້ອມຂ້າງ ໄດ້ເດີນທາງໄປຢ້ຽມຢາມ ແລະ ເຂົ້າຮ່ວມກອງປະຊຸມສາກົນເສີມສ້າງຊາຍແດນລາວ-ຫວຽດນາມ ພາຍໃຕ້ຫົວຂໍ້: “ສັນຕິພາບ ມິດຕະພາບ ແລະ ການຮ່ວມມືກັນພັດທະນາ” ເມື່ອບໍ່ດົນມາน๊.

ກົມໃຫຍ່ການເມືອງກະຊວງປ້ອງກັນຄວາມສະຫງົບ (ປກສ) ເຜີຍແຜ່ 4 ເອກະສານ ເພື່ອກະກຽມໃຫ້ບັ້ນເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ດຳເນີນໄປຕາມລະບຽບ ແລະ ຂັ້ນຕອນ, ຍົກສູງລະດັບຄວາມຕື່ນຕົວທາງດ້ານການເມືອງໃຫ້ສະມາຊິກພັກ, ພະນັກງານທົ່ວກົມໃຫຍ່ການເມືອງ ປກສ ຜູ້ມີສິດເລືອກຕັ້ງມີຄວາມສະໝັກໃຈໄປໃຊ້ສິດ ໃນວັນເລືອກຕັ້ງໃຫ້ຄົບຖ້ວນຕາມລະບຽບ.

ອົງການປົກຄອງເມືອງສາລະວັນ ແຂວງສາລະວັນ ແລະ ຊາວບ້ານນາທານກ້ວຍ ໄດ້ເລີ່ມລົງມືດໍາເນີນການກໍ່ສ້າງທາງເບຕົງເສີມເຫຼັກ ເສັ້ນທາງເຂົ້າບ້ານ. ເລີ່ມຈາກຈຸດທີ່ມີຄວາມເປ່ເພ, ຫຍຸ້ງຍາກ ໂດຍການມີສ່ວນຮ່ວມຂອງຊຸມຊົນ ແລະ ທຸກພາກສ່ວນໃນສັງຄົມ ເພື່ອຟື້ນຟູ, ປັບປຸງ ແລະ ແກ້ໄຂເສັ້ນທາງເຂົ້າບ້ານ ໃຫ້ສາມາດສັນຈອນໄປມາ, ສະດວກຂຶ້ນ ແລະ ສະອາດສວຍງາມ. ບ້ານນາທານກ້ວຍ ຫ່າງຈາກເທດສະບານເມືອງສາລະວັນ 13 ກິໂລແມັດ, ມີພົນລະເມືອງທັງໝົດ 749 ຄົນ, ມີ 121 ຫຼັງຄາເຮືອນ, ມີ 177 ຄອບຄົວ, ປະຊາຊົນສ່ວນຫຼາຍ ແມ່ນເຮັດນາປູກເຂົ້າ, ຖືເອົາການລ້ຽງສັດ ແລະ ປູກພືດກະສິກຳເປັນອາຊີບສໍາຮອງ. ສໍາລັບເສັ້ນທາງເຂົ້າບ້ານ ຍາວ 2.5 ກິໂລແມັດ ເລີ່ມຈາກທາງເລກ 20.

ພັກ-ລັດຖະບານ ຖືວຽກງານກະສິກໍາ ເປັນວຽກງານທີ່ສໍາຄັນ ຄໍ້າປະກັນສະບຽງອາຫານພາຍໃນ ແລະ ສົ່ງອອກ ສ້າງລາຍຮັບສູ່ຄອບຄົວຢ່າງໝັ້ນຄົງ ເພື່ອເປັນການຫຼຸດພົ້ນຈາກຄວາມທຸກຍາກ.

ໃນວັນທີ 2 ກຸມພາ ຜ່ານມານີ້, ທ່ານ ລາວປາວຊົ່ງ ນະວົງໄຊ ກຳມະການສູນກາງພັກ ຮອງເລ ຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ໄດ້ຢ້ຽມຢາມ ແລະ ເຮັດວຽກຮ່ວມກັບ ຄະນະໂຄສະນາອົບຮົມແຂວງບໍລິຄຳໄຊ, ໂດຍ ທ່ານ ວັນໄຊ ເງຍຈັນທະສອນ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງບໍລິຄຳໄຊ ພ້ອມດ້ວຍຄະນະພັກ, ຄະນະນຳ, ສະມາຊິກພັກ ແລະ ພະນັກງານໃຫ້ການຕ້ອນຮັບ ທີ່ສຳນັກງານໂຄສະນາອົບຮົມແຂວງບໍລິຄຳໄຊ.

ໃນຕອນເຊົ້າວັນທີ 3 ກຸມພານີ້ ທີ່ ນະຄອນຫຼວງວຽງຈັນ, ຄະນະໂຄສະນາອົບຮົມສູນກາງພັກ(ຄອສພ) ໄດ້ຈັດພິທີປະກາດການຈັດຕັ້ງຂັ້ນຮອງຫົວໜ້າຄະນະໂຄສະນາອົບຮົມສູນກາງພັກ ໂດຍການເປັນປະທານຂອງ ສະຫາຍ ຄໍາພັນ ເຜີຍຍະວົງ ກໍາມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ, ມີຄະນະປະຈໍາພັກ, ຮອງຫົວໜ້າ ຄອສພ, ຜູ້ຕາງໜ້າຄະນະຈັດຕັ້ງສູນກາງພັກ, ບັນດາຄະນະ ຫົວໜ້າກົມ-ທຽບເທົ່າກົມ, ພ້ອມດ້ວຍຄະນະນໍາທີ່ຂຶ້ນກັບ ຄອສພ ເຂົ້າຮ່ວມຢ່າງພ້ອມພຽງ.

ໃນອາທິດແລ້ວນີ້, ຜູ້ຂຽນ ໄດ້ເຂົ້າມາເຮັດວຽກ ທີ່ທະນາຄານແຫ່ງ ສປປລາວ (ທຫລ) ກໍພໍດີພົບກັບທ່ານ ເພັດສະຖາພອນ ແກ້ວວົງວິຈິດ ຫົວໜ້າກົມບໍລິການທະນາຄານ ຂອງ ທຫລ ໂດຍລົມຫຼາຍບັນຫາ ທີ່່ຕິດພັນກັບສະພາບມະຫາພາກເງິນຕາ ໂດຍທ່ານຊີ້ວ່າ: ມາຮອດປັດຈຸບັນ ສາມາດ ເວົ້າໄດ້ວ່າ: ສະພາບຄວາມຫຍຸ້ງຍາກທາງດ້ານເສດຖະກິດ, ການເງິນ-ເງິນຕາ ຂອງລາວ ໄດ້ມີທ່າກ້າວ ທີ່ຕັ້ງໜ້າຫຼາຍດ້ານ ແລະ ກ້າວເຂົ້າສູ່ສະພາບປົກກະຕິ ພາຍຫຼັງທີ່ລັດຖະບານກໍຄື ທຫລ ໄດ້ຈັດຕັ້ງປະຕິບັດຫຼາຍມາດຕະການ ທີ່ເປັນລະບົບຄົບຊຸດ ໂດຍສະເພາະການດຳເນີນນະໂຍບາຍເງິນຕາຢ່າງຮັດກຸມ ເພື່ອຄວບຄຸມປະລິມານເງິນ, ການຄຸ້ມຄອງອັດຕາແລກປ່ຽນ, ການປັບປຸງວຽກງານຄຸ້ມຄອງເງິນຕາຕ່າງປະເທດ ໂດຍສະເພາະການຄຸ້ມຄອງລາຍຮັບການສົ່ງອອກ (ຂໍ້ຕົກລົງ ເລກທີ 333/ທຫລ) ແມ່ນມີປະສິດທິຜົນ ແລະ ໄດ້ເຮັດໃຫ້ດຸນບັນຊີກະແສລາຍວັນ ໃນດຸນການຊໍາລະກັບຕ່າງປະເທດດີຂຶ້ນ, ສ້າງສະພາບຄ່ອງ ແລະ ຄວາມສົມດຸນທາງດ້ານເງິນຕາຫຼາຍຂຶ້ນ ແລະ ສ້າງພື້ນຖານຄັງສໍາຮອງເງິນຕາຕ່າງປະເທດ, ການສ້າງຕະຫຼາດເງິນຕາຕ່າງປະເທດ ເປັນລວມສູນ (LFX) ໄດ້ຫັນການແລກປ່ຽນເງິນຕາເຂົ້າສູ່ລະບົບດິຂຶ້ນ. ນັບແຕ່ທ້າຍປີ 2024 ເປັນຕົ້ນມາ ເຫັນວ່າ: ຕົວຊີ້ວັດທາງດ້ານສະພາບເງິນຕາ ມີທ່າທີ່ຕັ້ງໜ້າຫຼາຍດ້ານ ສະແດງອອກຄື: ອັດຕາເງິນເຟີ້ຫຼຸດລົງຢ່າງຕໍໍ່ເນື່ອງຈາກລະດັບສງຸສຸດ 2 ຕົວເລກໃນປີ 2023-24 ມາເປັນ 1 ຕົວເລກໃນປີ 2025, ສະເລ່ຍໃນປີ 2023 ແມ່ນ 31.23% ແລະ 23,13% ໃນປີ 2024, ມາເປັນສະເລ່ຍ 7.7% ໃນປີ 2025 ແລະ ໃນເດືອນມັງກອນ 2026 ຢູ່ໃນລະດັບ 5.1%.

ໃນວັນທີ 2 ກຸມພານີ້, ທ່ານ ໄຊຊະນະ ໂຄດພູທອນ ເລຂາພັກແຂວງຄໍາມ່ວນ ພ້ອມດ້ວຍການນໍາແຂວງ ໄດ້ເຄື່ອນໄຫວມອບເຄື່ອງຊ່ວຍເຫຼືອ ຄອບຄົວທີ່ຖືກຜົນກະທົບອັກຄີໄພ (ໄຟໄໝ້ເຮືອນ) ຢູ່ບ້ານມະຫາໄຊ ເມືອງມະຫາໄຊ ແລະ ບ້ານໂພນນາດີ, ບ້ານນາກະທິງ ເມືອງໄຊບົວທອງ, ເພື່ອສະແດງເຖິງຄວາມເປັນຫ່ວງເປັນໃຍຂອງການນໍາຂັ້ນແຂວງ ແລະ ເພື່ອຊ່ວຍເຫຼືອບັນເທົາທຸກໃນເບື້ອງຕົ້ນຕໍ່ການດຳລົງຊີວິດການເປັນຢູ່ຂອງບັນດາຄອບຄົວທີ່ຖືກອັກຄີໄພໃນຄັ້ງນີ້, ຊຶ່ງເຄື່ອງທີ່ນຳມາມອບ ປະກອບມີ ເງິນສົດ 25,000,000 ກີບ/ຄອບຄົວ ພ້ອມທັງເຂົ້າສານ ອາຫານແຫ້ງ ແລະ ເຄື່ອງໃຊ້ໃນຄົວເຮືອນ ລວມມູນຄ່າ 36,680,000 ກີບ/ຄອບຄົວ.

ໃນວັນທີ 2 ກຸມພານີ້, ທ່ານ ຄໍາພາ ໄຊຍະແສງ ກໍາມະການພັກແຂວງຫົວໜ້າຄະນະໂຄສະນາອົບຮົມແຂວງເຊກອງກໍາມະການ ຄະນະກໍາມະການເລືອກຕັ້ງຂັ້ນແຂວງ ພ້ອມຄະນະ ໄດ້ລົງຕິດຕາມ, ຊຸກຍູ້ການກະກຽມຄວາມພ້ອມດ້ານຕ່າງໆ ໃຫ້ແກ່ການເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ຢູ່ເຂດເລືອກຕັ້ງ ເມືອງກະລຶມ.