ງານບຸນອອກພັນສາ-ຊ່ວງເຮືອປະເພນີ ເປັນງານບຸນໜຶ່ງທີ່ມີຄວາມໝາຍ, ສຳຄັນຫຼາຍ ທັງເປັນບຸນປະເພນີ ນອນຢູ່ໃນຮີດ 12 ຄອງ 14 ປະເພນີລາວຈັດຂຶ້ນໃນທຸກໆປີ, ເມື່ອຮອດມື້ເພັງ 15 ຄໍ່າ ເດືອນ 11 ເປັນມື້ອອກພັນສາປະວໍລະນາ ມື້ຕໍ່ມາກໍມີບຸນຊ່ວງເຮືອປະເພນີຈັດຂຶ້ນຢູ່ແຕ່ລະເຂດແຂວງຕາມຄວາມເໝາະສົມຄວບຄູ່ກັນໄປໃນແຕ່ລະປີ.
ບຸນປະເພນີດັ່ງກ່າວ, ຍັງມີປະຫວັດຄວາມເປັນມາອັນຍາວນານ ຊຶ່ງການແຂ່ງຂັນຊ່ວງເຮືອໃນມື້ບຸນອອກພັນສາ ເປັນກິລາທາງໜ້ານ້ຳປະເພດໜຶ່ງຈັດຂຶ້ນເພື່ອສ້າງໂອກາດໃຫ້ປະຊາຊົນໄດ້ມາພົບປະເພື່ອນມິດສະຫາຍ, ຍາດຕິພີ່ນ້ອງທີ່ມາຈາກທົ່ວສາລະທິດ, ໄດ້ມາພັກຜ່ອນຢ່ອນໃຈ ພາຍຫຼັງທີ່ທຳການຜະລິດໃນລະດູຝົນຕະຫຼອດຫຼາຍເດືອນຜ່ານມາ, ທັງເປັນໂອກາດອັນດີໃຫ້ປະຊາຊົນລາວບັນດາເຜົ່າໄດ້ເຕົ້າໂຮມຄວາມສາມັກຄີຊຶ່ງກັນ ແລະ ກັນ.
ທີ່ມາ: ໜັງສືພິມພາສາຕ່າງປະເທດ
ຄໍາເຫັນ