ແລະ ປະກອບພິທີທາງສາສະໜາ ຢູ່ຕາມວັດວອາຣາມແຕ່ລະແຫ່ງ ໂດຍມີ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ທ່ານ ສົມສະຫວາດ ເລັ່ງສະຫວັດ ອາດີດການນຳຂັ້ນສູງ, ມີການນໍາຈາກແຂວງ, ເມືອງ, ຕະຫຼອດຮອດມວນຊົນທັງພາຍໃນ ແລະ ຕ່າງປະເທດຮ່ວມຊົມ ຮ່ວມເຊຍຕາມແຄມຝັ່ງນ້ຳຄານ.
ຕອນເຊົ້າໄດ້ເຕົ້າໂຮມການນໍາພັກ-ລັດ ຊາວພຸດທະສາສະນິກະຊົນ, ແຂກທັງພາຍໃນ ແລະ ຕ່າງປະເທດ, ຕະຫຼອດຮອດປະຊາຊົນບັນດາເຜົ່າ ພ້ອມກັນໃສ່ບາດຖວາຍເຄື່ອງວັດຖຸທານ ແດ່ພະສົງ-ສາມະເນນ ແລະ ປະກອບພິທີທາງສາສະໜາ ຢູ່ຕາມວັດວອາຣາມແຕ່ລະແຫ່ງ. ຈາກນັ້ນ, ໄດ້ເຕົ້າໂຮມບັນດາເຮືອຊ່ວງທີ່ເຂົ້າຮ່ວມແຂ່ງຂັນ ຢູ່ເຂດຜາມໄຊ. ໂອກາດນີ້, ທ່ານ ວຽງທອງ ຫັດສະຈັນ ເຈົ້ານະຄອນ ຫຼວງພະບາງ ກ່າວເປີດພິທີວ່າ: ພໍຮອດມື້ແຮມ 14 ຄໍ່າເດືອນ 9 ທີ່ຊາວຫຼວງພະບາງ ເມືອງມໍລະດົກໂລກ ໄດ້ຈັດໃຫ້ມີບຸນຊ່ວງເຮືອປະເພນີ ໂອກາດບຸນຫໍ່ເຂົ້າປະດັບດິນ, ອັນເປັນປາງບຸນໜຶ່ງ ທີ່ໄດ້ສືບທອດກັນມາແຕ່ສັດຕະວັດທີ່ 19 ໂດຍແມ່ນເຈົ້າມັນທາຕຸຣາດ ກະສັດປົກຄອງອານາຈັກລາວລ້ານຊ້າງຫຼວງພະບາງ ເປັນຜູ້ລິເລີ່ມ ແລະ ໄດ້ຮັບການສືບທອດມາເຖີງປັດຈຸບັນ, ທັງເປັນການສະແດງເຖີງພາລະກຳລັງ ຄວາມສາມັກຄີ ແລະ ບົດຮຽນ-ປະສົບການລະຫວ່າງປະຊາຊົນບັນດາເຜົ່າ, ພ້ອມທັງເປັນການບູຊາພະຍານາກ 15 ຕະກູນ ທີ່ເປັນເຈົ້າປົກປັກຮັກສາຊາວຫຼວງພະບາງ ແລະ ປົກປັກຮັກສາບ້ານເມືອງ ໃຫ້ມີຄວາມຈະເລີນຮຸ່ງເຮືອງ ແລະ ຢູ່ເຢັນເປັນສຸກຕະຫລອດໄປ.
ທ່ານກ່າວຕື່ມວ່າ: ບຸນຊ່ວງເຮືອທີ່ນະຄອນ ຫຼວງພະບາງປີນີ້ ມີເຮືອຊ່ວງປະເພນີຈາກບ້ານຕ່າງໆພາຍໃນນະຄອນ ຫຼວງພະບາງ, ຕາງໜ້າຈາກເມືອງອ້ອມຂ້າງ, ພິເສດອົງການປົກຄອງແຂວງຫຼວງພະບາງ ໄດ້ເປີດກວ້າງໃຫ້ມີສີພາຍ ແລະ ເຮືອຊ່ວງຈາກຕ່າງແຂວງ ເຂົ້າຮ່ວມແຂ່ງຂັນ ລວມທັງໝົດ 25 ລໍາ.
(ຂ່າວ: ຫຼວງພະບາງ)
ຄໍາເຫັນ