ຂື້ນໃນ ວັນທີ 29 ຕຸລາຜ່ານມານີ້ ຢູ່ທີ່ສູນໄອຊີທີ ໂຮງຮຽນ ມສ ໄຊຍະບູລີ, ໂດຍໃຫ້ກຽດເຂົ້າຮ່ວມຂອງ ທ່ານ ຄໍາໄຊເລົາ ລືເຕຊາ ຫົວໜ້າພະແນກອຸດສາຫະກໍາ ແລະ ການຄ້າ ແຂວງໄຊຍະບູລີ, ທ່ານ ອະພິສິດ ແສງສຸລິວົງ ຫົວໜ້າກົມທະບຽນວິສາຫະກິດ ກະຊວງອຸດສາຫະກໍາ ແລະ ການຄ້າ, ມີວິທະຍາກອນ ແລະ ສໍາມະນາກອນ ຈາກພະແນກອຸດສາຫະກໍາ ແລະ ການຄ້າ ແຂວງບໍ່ແກ້ວ, ແຂວງໄຊຍະບູລີເຂົ້າຮ່ວມ.
ທ່ານ ອະພິສິດ ແສງສຸລິວົງ ໄດ້ໃຫ້ຮູ້ວ່າ: ວຽກງານທະບຽນວິສາຫະກິດ ແມ່ນວຽກງານໜຶ່ງທີ່ມີຄວາມສໍາຄັນໃນຂະແໜງເສດຖະກິດ ເພາະຂະແໜງດັ່ງກ່າວ ແມ່ນເຮັດໜ້າທີ່-ພາລະບົດບາດຄ້າຍກັບ ແພດໝໍປະສູດ, ໃຫ້ກໍາເນີດຊີວິດທຸລະກິດໃໝ່ເລື້ອຍໆການຖືພາມານຂອງທຸລະກິດເວົ້າໄດ້ວ່າຂະແໜງທະບຽນ ແມ່ນຂະແໜງແຈ້ງເກີດຂອງວິສາຫະກິດ ຈະເຕີບໃຫຍ່ຂະຫຍາຍຕົວ ກໍຕໍ່ເມື່ອຂະແໜງທະບຽນເຮັດໜ້າທີ່, ພາລະບົດບາດໃນການຊຸກຍູ້, ອໍານວຍຄວາມສະດວກ, ໃຫ້ຄໍາແນະນໍາ ແລະ ບໍລິການໃຫ້ແກ່ເຂົາເຈົ້າເຫຼົ່ານັ້ນໄດ້ແຈ້ງເກີດທຸລະກິດຂອງຕົນ ແລະ ອໍານວຍຄວບຄຸມໃຫ້ດໍາເນີນທຸລະກິດຖືກຕ້ອງຕາມລະບຽບການ ພ້ອມກັນນັ້ນ ຍັງເປັນການສ້າງ ແລະ ຂະຫຍາຍຖານລາຍຮັບງົບປະມານຂອງລັດຕື່ມອີກ.
ຊຸດອົບຮົມຄັ້ນີ້, ແມ່ນມີຄວາມສໍາຄັນຫຼາຍ ແລະ ຈະເປັນໃບໜ້າອັນໃໝ່ຂອງຂະແໜງອຸດສາຫະກໍາ ແລະ ການຄ້າ ກໍຄືລະບົບການແຈ້ງຂຶ້ນທະບຽນວິສາຫະກິດແບບທັນສະໄໝ, ລະບົບການແຈ້ງຂຶ້ນທະບຽນວິສາຫະກິດແບບເອເລັກໂຕຣນິກ ຖືວ່າເປັນສິ່ງໃໝ່ສໍາລັບເຈົ້າໜ້າທີ່ທຸກຄົນ ພ້ອມທັງເປັນການຍົກລະດັບວຽກງານອອກຕິດຕາມທະບຽນວິສາຫະກິດ ໄປສູ່ສະພາບການອັນໃໝ່, ເປັນການສ້າງຄວາມຮັບຮູ້ ເຂົ້າໃຈພາວະວິໄສ ຂອງຄວາມຈຳເປັນຕໍ່ກັບລະບົບດັ່ງກ່າວ ແລະ ພື້ນຖານເຕັກນິກ ໃນວົງແຄບ ຫຼື ເວົ້າວ່າການສ້າງຄູຝຶກແຕ່ຄັ້ງນີ້ ເປັນການມາຖ່າຍທອດຄວາມຮູ້ ດ້ານວິທະຍາສາດ-ວິທະຍາການ, ມາຮຽນຮູ້ ເຕັກນິກອັນໃໝ່ເຫຼົ່ານັ້ນ ເນື້ອໃນລາຍລະອຽດສູ່ວິຊາການໃນວົງກວ້າງ, ຢ່າງເລິກເຊິ່ງເຖິງຖອງ.
(ຂ່າວ: ມະໄລວັນ)
ຄໍາເຫັນ