 |
ທ່ານ ດວນ ແກ້ວພະລິຈັນ ໃຫ້ສໍາພາດວ່າ: ບໍລິສັດສະຕາໂທລະຄົມ ສາຂາແຂວງເຊກອງ ໄດ້ຈັດຂະບວນລົດແຫ່ ເພື່ອເປັນການເປີດບໍລິການໃໝ່ ຂອງຢູນີເທວ ຂົນສົ່ງດ່ວນ, ນີ້ແມ່ນບາດກ້າວສຳຄັນຂອງ Unitel Logistics ໃນການນຳສົ່ງບໍລິການ ຮັບ-ສົ່ງຮອດໜ້າບ້ານ (Door to Door) ເຂົ້າເຖິງທຸກພື້ນທີ່ ດ້ວຍລົດຕຸກຕຸກ ໄຟຟ້າ ທີ່ທັນສະໄໝ, ຊ່ວຍໃຫ້ລູກຄ້າ ປອດໄພຫຼາຍຂຶ້ນ, ປະຢັດເວລາ ແລະ ປະຢັດຄ່າໃຊ້ຈ່າຍ, ຊຶ່ງຂົນສົ່ງດ່ວນຂອງພວກເຮົາເປັນຂົນສົ່ງໜຶ່ງທີ່ຫາກໍເປີດຢ່າງເປັນທາງການໃນທ້າຍປີ 2025.
ສໍາລັບການຈັດຂະບວນລົດແຫ່ໃນມື້ນີ້, ກໍເພື່ອເປັນການສ້າງຂະບວນການໃຫ້ພໍ່ແມ່ປະຊາຊົນ ໃນທົ່ວແຂວງເຊກອງ ໄດ້ຮັບຮູ້ກ່ຽວກັບຜະລິດຕະພັນໃໝ່ ຂອງຢູນີເທວ ຊຶ່ງເປັນຂົນສົ່ງທີ່ວ່ອງໄວ ທັນໃຈ, ຊຶ່ງມີ 900 ກວ່າຕົວແທນໃນທົ່ວປະເທດ, ສໍາລັບສາຂາແຂວງເຊກອງ ມີ 12 ຕົວແທນ, ມີ 4 ສູນການຕະຫຼາດຢູ່ 4 ເມືອງ. ໃນນັ້ນ, ເມືອງລະມາມ ມີ 6 ຕົວແທນຄື: ຕົວແທນບ້ານໂນນມີໄຊ, ວັດຫຼວງ, ເພຍໃໝ່, ໃໝ່ຫົວເມືອງ, ໂພນຄໍາ ແລະ ບ້ານໂພນ, ເມືອງທ່າແຕງ ມີ 4 ຕົວແທນຄື: ບ້ານທ່າແຕງເໜືອ, ຫ້ວຍຊາຍ, ກະປື ແລະ ບ້ານຈຸນລາ, ເມືອງດາກຈຶງ ມີ 2 ຕົວແທນຄື: ບ້ານໂນນສະຫວັນ ແລະ ບ້ານຊຽງຫຼວງ.
ທ່ານ ດວນ ແກ້ວພະລິຈັນ ໄດ້ເຊີນຊວນພໍ່ແມ່ປະຊາຊົນຊາວແຂວງເຊກອງ ໃຫ້ມາເປີດໃຈ ທົດລອງນໍາໃຊ້ບໍລິການ ຢູນີເທວ ໂລຈິສຕິກ, ພ້ອມກັບໂປຣໂມຊັນສຸດພິເສດເຊັ່ນ: ຄ່າຝາກເຄື່ອງລາຄາເລີ່ມຕົ້ນພຽງ 6,000 ກີບຕໍ່ບິນ, ເກັບເງິນປາຍທາງ COD ຟຣີ, ບໍລິການຮັບ-ສົ່ງຮອດໜ້າບ້ານ, ບໍ່ກັງວົນນ້ຳມັນແພງ, ຟຣີຄ່າທໍານຽມ ຮັບເງິນ COD ເຂົ້າຢູມັນນີ ( U-Money ), ຮັບສ່ວນຫຼຸດ 2.000 ກີບທຸກບິນ (ເລີ່ມແຕ່ມື້ນີ້ ຮອດວັນທີ 31 ມີນາ 2026 ນີ້), ມີການຄຸ້ມຄອງເປັນລະບົບ ເຄພີໄອ ໃນການສົ່ງເຄື່ອງໃຫ້ວ່ອງໄວ ຖືກຕ້ອງກັບເວລາທີ່ກໍານົດໄວ້, ມີຟັງຊັ່ນ ຊອກຫາຈຸດບໍລິການ, ຟັງຊັ່ນ ຕິດຕາມການຂົນສົ່ງແບບ Realtime ໃຫ້ທັນກັບເວລາຕົວຈິງ ແລະ ລະບົບກວດສອບພັດສະດຸຜ່ານແອັບ ເນັ້ນຂົນສົ່ງວ່ອງໄວ ທັນໃຈ ປະຢັດທັງເງິນ ແລະ ເວລາຂອງພໍ່ແມ່ປະຊາຊົນ.
(ຂ່າວ:ພຸດທະສອນ)
ຄໍາເຫັນ